ߛߌߟߊ߫ ߞߊ߲߫ ߓߌߟߊߒߘߐߖߎ߮ ߟߋ߬ ߞߍߣߍ߲߫ ߞߊ߲ߞߊ߲߫ ߞߣߐ߫ ߓߌ߬ ߓߌߟߏ߲ ߢߌ߲߬ ߡߊ߬ ߂߀߂߆ ߣߍߣߍߓߊ ߕߟߋ߬ ߅߸ ߓߐ߬ߙߑߘߏ ߍߛ.ߏ.ߍߛ ߞߌ߲߬ߘߊ ߟߊ߫߸ ߞߊ߬ ߡߐ߰ ߞߋߟߋ߲߫ ߓߐ߬ߣߐ߫ ߊ߬ ߣߌ ߘߐ߫، ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍ߫ ߘߊ߫ ߞߊ߲ߞߊ߲߫ ߛߌߟߓߊ߫ ߞߎߘߊ߫ ߟߊߣߍ߲ ߠߋ߬ ߞߊ߲߬ ߞߙߎ߬ߛߊ߬ ߛߌߟߊߞߎ߲ ߠߊ߫߸ ߞߵߊ߬ ߛߐ߬ߘߐ߲߬ ߘߎ߰ߞߎߟߎ߲ ߘߏ߫ ߓߕߐߟߊ ߦߋ߫ ߞߌ߬ߢߍ߬ߙߐ߫߸ ߏ߬ ߣߊ߬ ߘߴߊ߬ ߛߌ߰ ߔߏߔߏ ߘߏ߫ ߞߎ߲߬، ߛߙߋ ߟߎ߬ ߟߊ߫ ߝߐߟߌ߫ ߘߐ߫ ߜߍ ߘߐ߫ ߦߋ߲߬߸ ߡߐ߰ ߞߋߟߋ߲߫ ߠߋ߬ ߓߣߐ߬ ߘߴߊ߬ ߣߌ ߘߐ߫ ߦߙߐ ߏ߬ ߘߐ߫ ߦߋ߲߬߸ ߞߊ߬ ߡߐ߰ ߛߌߦߊߡߊ߲߫ ߖߐߞߌ߫.

ߝߊ߰ߓߊ߰ߕߐ ߣߌ߲߬ ߕߐ߯ ߟߋ߬ ߞߏ߫ ߏߖߌߛߑߕߍ߲ ߛߜ߭ߎߟߎ߫߸ ߊ߬ ߓߊ߯ߙߘߊ ߦߋ߫ ߓߐ߰ߟߐ ߟߋ߬ ߘߌ߫߸ ߡߍ߲ ߛߌ߲߬ߞߛߊߓߌ ߦߋ߫ ߛߊ߲߭ ߡߎ߬ߥߊ߲߬ ߣߌ߫ ߞߐ߫ ߘߐ߫߸ ߡߛߏ߬ ߞߋߟߋ߲߫ ߣߌ߫ ߘߋ߲߫ ߞߋߟߋ߲߫ ߕߌ߮ ߟߋ߬ ߕߘߍ߬߸ ߡߍ߲ ߛߊ߬ ߘߊ߫ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߦߙߐ ߘߐ߫ ߦߋ߲߬.

ߞߊ߬ ߓߍ߲߬ ߓߌ߬ߟߊ߬ߒ߬ߘߐ߬ߖߎ߮ ߕߊ߬ߡߌ߲߬ ߢߊ ߡߊ߬߸ ߝߊ߲ߕߊ߬ ߞߙߎ߬ߡߊ߫ ߕߘߍ߬ ߞߣߍ ߞߊ߲߬ ߦߋ߲߬߸ ߏ߬ ߦߋ߫ ߖߎ߬ߟߊ ߟߋ߬ ߘߌ߫ ߛߌߟߘߊ ߟߊ߫ ߦߋ߲߬، ߏ߬ ߞߵߊ߬ ߦߌ߬ߘߊ߬ ߞߏ߫: <<ߊ߲ ߛߌ߰ߣߍ߲ ߕߏߣߍ߲߫ ߦߊ߲߬ ߠߋ߬؛ ߓߊ߸ ߒ ߧߋ߫ ߝߋ߬ߙߋ ߟߋ߬ ߞߍ߫ ߟߊ߫ ߦߊ߲߬، ߒ ߕߏ߫ ߘߊ߫ ߝߋ߬ߙߋ ߟߋ߬ ߟߊ߫߸ ߒ ߞߊ߬ ߞߐ߲߬ߛߏ ߘߏ߫ ߦߋ߫ ߣߊ߭ ߟߊ߫߸ ߊ߬ ߦߋ߫ ߝߐ߫ ߟߊ߫ ߡߍ߲ ߡߊ߬߸ ߞߏ߫ ߕߙߏߥߊߖ߭ߍߡ ߔߏߦߌߛߐ߲، ߏ߬ ߣߌ߫ ߔߏߔߏߕߌ߮ ߟߋ߬ ߛߋߣߍ߲߫ ߢߐ߲߯ ߡߊ߬߸ ߞߵߊ߬ ߕߘߍ߬ ߔߏߔߏߕߌ߮ ߦߋ߫ ߛߌߟߊ߫ ߘߐߕߍ߯ ߓߟߏ ߡߊ߬߸ ߏ߬ ߞߵߊ߬ ߕߘߍ߬ ߞߐ߲߬ߛߏ߬ߕߌ߮ ߝߣߊ߫ ߦߋ߫ ߣߊ߭ ߞߊ߲߬، ߒ ߡߴߊ߬ ߟߐ߲߫ ߣߌ߫ ߞߐ߲߬ߛߏ߬ߕߌ߮ ߕߎ߲߬ ߦߋ߫ ߕߐ߲ߓߟߏߡߊ ߡߍ߲߬ ߠߎ߬ ߟߋ߬ ߡߟߊ ߟߊ߫ ߓߊ߬߸ ߊ߬ ߕߏ߫ ߘߴߏ߬ ߟߎ ߟߋ߬ ߡߊߕߊ߲߬ߞߊ߬ ߟߊ߫߸ ߊ߬ ߣߘߊ߬ ߛߋ߫ ߔߏߔߏߕߌ߮ ߡߊ߬߸ ߊ߬ ߛߋ߫ ߘߴߏ߬ ߡߊ߬ ߢߊ߫ ߡߍ߲ ߡߊ߬߸ ߏ߬ ߝߊ߰ ߘߴߊ߬ ߣߐ߭ ߘߐ߫ ߦߋ߲߬ ߠߋ߬ ߌߞߘߐ߫، ߡߐ߰ ߛߌߦߊߡߊ߲߫ ߡߊߘߌߡߌ߲߫ ߘߊ߫߸ ߞߊ߬ ߞߐ߲߬ߛߏ ߖߌ߰ ߝߏߟߏ߲ ߞߣߐ߫.>> ߊ߬ ߞߵߏ߬ ߦߌ߬ߘߊ߬.

ߌߞߏߡߌ߲߬ ߘߎ߰ߞߎߟߎ߲ ߡߍ߲ ߣߐ߬ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߟߊ߫߸ ߏ߬ ߦߋ߫ ߡߊ߬ߘߏ߬ߣߌ߲߬ߠߌ߲߬ ߘߎ߯ߞߎߟߎ߲ ߠߋ߬ ߘߌ߫، ߊ߲ ߕߊ߯ ߘߊ߫ ߛߋ߫ ߕߐ߰ߕߐ߰ߟߌ߬ߟߊ ߟߎ߬ ߟߊ߫ ߞߎ߲߭ ߝߍ߬߸ ߟߊ߱ߖߌ߬ ߡߊ߬ߡߊ߬ߘߌ߫ ߛߙߋ߬ߝߎ ߡߍ߲ ߦߋ߫ ߖߓߞߝ ߞߎ߲߬ߠߊ߫߸ ߏ߬ ߞߵߊ߲ ߠߊ߫ ߢߌ߬ߣߌ߲߬ߞߊ߬ߟߌ ߖߋ߬ߓߌ߬߸ ߞߵߊ߬ ߦߌ߬ߘߊ߬ ߞߏ߫ ߛߌߞߊ߫ ߕߴߊ߬ ߘߐ߫߸ ߡߐ߰ ߞߋߟߋ߲߫ ߠߋ߬ ߛߊ߬ ߘߊ߫، ߊ߬ ߞߵߊ߬ ߝߐ߫߫ ߊ߲ ߧߋ߫ ߞߏ߫: <<ߡߍ߲ ߡߊߘߌߡߌ߲ߣߍ߲߫ ߣߴߊ߬ ߕߘߍ߬ ߔߏߔߏ ߞߊ߲߬߸ ߊߟߊ߫ ߞߵߊ߬ ߞߍ߫߸ ߊ߬ ߕߏ߫ ߘߊ߫ ߛߊ߬ߦߊ ߡߊ߬، ߒ ߛߋ߫ ߘߊ߫ ߦߋ߲߬߸ ߊ߬ߟߎ߫ ߞߵߏ߬ ߢߊߝߐ߫ ߒ ߧߋ߫، ߞߏ߬ߣߌ߲߬ ߡߐ߰ ߞߋߟߋ߲߫ ߠߋ߬، ߞߐ߲߬ߛߏ ߞߣߐߟߊ ߘߐ߫ ߛߊ߫߸ ߡߐ߰ ߛߊ߬ߓߊ߫ ߟߋ߬ ߝߣߊ߫ ߡߊߘߌߡߌ߲߫ ߘߊ߫ ߏ߬ ߘߐ߫، ߒߠߋ ߕߎ߲߬ ߕߍ߫ ߞߣߍ ߞߊ߲߬߸ ߞߏ߬ߣߌ߲߬ ߡߍ߲ ߠߎ߬ ߕߘߍ߬ ߞߣߍ ߞߊ߲߬߸ ߞߏ߫ ߕߐ߲ߓߟߏߡߊ ߟߎ߫ ߟߐ߬ߣߍ߲߫ ߕߘߍ߬ ߦߙߐ ߘߏ߫ ߘߐ߫߸ ߏ߬ ߟߎ߬ ߦߴߊ߬ ߝߍ߬ ߞߊ߲ߡߋߙߋ߲ ߦߴߌ ߟߐ߬߸ ߡߐ߲ߓߟߌ ߝߣߊ߫ ߣߊ߬ߕߐ߬ߟߊ ߕߘߍ߬، ߊ߬ߟߎ߬ ߞߍߣߍ߲߫ ߢߐ߲߮ ߘߐ߫ ߦߙߐ ߏ߬ ߟߋ ߘߐ߫߸ ߔߏߔߏ߫ ߕߌ߮ ߢߣߊ߫߸ ߊ߬ߟߋ ߞߊߟߌߡߊ߲߫ ߞߐ߲߬ߛߏ߬ߕߌ߮ ߘߌ߫، (...) ߞߏ߫ ߊ߬ ߕߊ߬ߡߌ߲߬ ߘߊ߫ ߌߞߘߐ߫ ߞߵߌ ߓߌ߬ߟߊ߬ ߛߌߟߊ ߘߐ߫߸ ߘߐ ߏ߬ ߝߣߊ߫ ߣߊ߬ ߘߴߊ߬ߟߋ ߜߊ߬ߛߌ߬.>>

ߓߌ߬ߟߊ߬ߒ߬ߘߐ߬ߖߎ߮ ߢߌ߲߬ ߘߐ߫߸ ߖߐߞߌߓߊ߯ߕߐ ߟߎ߬ ߣߌ߫ ߛߎ߭ ߕߊ߬ ߘߊ߫ ߞߊ߬ ߥߴߊ߬ߟߎ߬ ߘߌ߫ ߘߊ߲ߘߊߛߏߓߊ ߟߋ߬ ߟߊ߫، ߊ߲ ߕߊ߯ ߘߴߊ߲ ߢߊ ߟߊ߫ ߦߋ߲߬ ߞߊ߲߬߸ ߛߴߊ߲ ߘߌ߫ ߟߌ߬ߤߟߊ߫ ߛߐ߬ߘߐ߲߬߸ ߊ߬ߟߎ߬ ߘߌ߫ ߡߍ߲ ߢߊߝߐ߫ ߊ߲ ߧߋ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߊ߲߬، ߞߏ߬ߣߌ߲߬߸ ߊ߬ߟߎ߬ ߡߊ߫ ߛߋ߫ ߛߌߟߊ߫ ߘߌ߫ ߟߴߊ߲ ߡߊ߬ ߢߊ߫ ߛߌ߫ ߡߊ߬߸ ߊ߲ ߠߊ߫ ߡߊ߬ߝߟߍ߬ߟߌ ߓߍ߯ ߞߐߝߍ߬߸ ߛߴߊ߲ ߘߌ߫ ߞߏ ߢߊߘߐߜߍ ߟߐ߲߫߸ ߊ߬ ߡߊ߫ ߓߍ߲߬.

ߏ߬ ߘߐ߫߸ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߛߓߊߓߎ ߦߋ߫ ߡߍ߲ ߘߌ߫߸ ߏ߬ ߡߊ߫ ߟߐ߲߫ ߊ߲ ߓߟߏ߫، ߓߏ߬ߙߌ߬ߝߋ߲ ߠߎ߫ ߞߏ߬ߣߌ߲ ߕߊ߬ ߘߊ߫ ߞߊ߬ ߥߴߊ߬ߟߎ߬ ߘߌ߫ ߛߌߟߊ ߕߐ߲ߓߟߏߡߊ ߟߎ߫ ߘߌ߲߬ߞߌߙߊ ߘߐ߫.