ߌߛߑߕߊ߲ߓߎߟ ߞߊ߬ߝߏ߬ߙߋ߲߬ߕߌ߮ ߋߞߑߙߍߡ ߌߡߊߡߐߜ߭ߟߎ߫ ߡߍ߲ ߦߋ߫ ߞߐߘߏ߲ߓߊ߯ ߘߌ߫ ߞߊ߲ߕߌ߯ ߙߋߛߍߔ ߕߊߦߌߔ ߍߙߑߘߏߜ߭ߊ߲߫ ߠߊ߫߸ ߏ߬ ߖߊ߲ߞߌ߲߫ ߘߊ߫ ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߞߊ߬ߙߌ߬ߝߐ ߕߟߋ߬ ߁߆߸ ߞߊ߬ ߛߊ߲߬ ߞߋߟߋ߲߫ ߣߌ߫ ߞߊߙߏ߫ ߛߋߦߌ߲߫ ߥߛߎ߫ ߟߴߊ߬ ߞߎ߲߬߸ ߞߏ߫ ߊ߬ ߓߘߊ߫ ߛߊ߬ߙߌ߬ߦߊ߬ߟߐ߲߬ߠߊ ߘߏ߫ ߣߊ߬ߣߌ߲߫ ߞߊ߬ ߓߊ߲߫ ߞߵߊ߬ ߡߊߛߌߟߊ߲߫. ߞߕߌ߫ ߕߍ߮ ߣߌ߲߬ ߞߍߣߍ߲߫ ߢߣߊߕߊߟߌ߫ ߢߊߞߘߐߟߊ ߟߋ߬ ߘߐ߫ ߕߙߎߞߌ߫ ߞߣߐ߫ ߕߋ߲߬.
ߊ߬ ߡߌ߬ߣߊ߬ ߘߊ߫ ߂߀߂߅ ߕߙߊߓߊ ߕߟߋ߬ ߁߉ ߟߋ߬ ߡߊ߬߸ ߊ߬ ߣߴߊ߬ ߞߏߟߊߘߍߢߐ߲߯ ߛߌߦߊߡߊ߲߫ ߠߋ߬ ߡߌ߬ߘߊ߬ ߢߐ߲߮ ߝߍ߬ ߞߋߟߋ߲ߘߌ߫، ߊ߬ߟߎ߫ ߞߵߊ߬ ߦߌ߬ߘߊ߫ ߕߎ߬ߡߊ ߏ߬ ߟߊ߫ ߞߏ߫ ߓߌ߬ߟߊ߬ ߞߍߣߴߊ߬ ߞߐ߫ ߦߙߎ߬ߞߎ߬ߦߙߎ߬ߞߎ߬ ߞߏ ߟߋ߬ ߘߐ߫߸ ߓߊ߬ߙߵߊ߬ ߞߊ߲߫ ߞߏ߫ ߕߎ߬ߢߊ߫ ߞߌ߬ߛߍ߬ ߞߋߟߋ߲ ߕߴߏ߬ ߘߐ߫، ߋߞߑߙߍߡ ߊߡߊߡߐߜ߭ߟߎ߫ ߟߊߘߏ߲߬ ߘߊ߫ ߥߛߎ ߟߊ߫ ߞߊ߬ߦߌ߯ ߕߙߊߓߊ ߕߋ߬ߟߋ߫ ߂߅ ߟߋ߬ ߡߊ߬ ߛߟߌߝ߭ߙߌ߫ ߥߛߎ ߟߊ߫߸ ߊ߬ ߟߊ߫ ߞߕߌ ߞߍ߫ ߘߊ߫ ߦߋ߲߬ ߡߍ߲ ߘߐ߫، ߞߕߌ ߓߌ߬ߟߴߊ߬ ߞߐ߫߸ ߏ߬ ߕߊ߬ ߘߴߊ߬ ߟߊ߫ ߓߋߟߋ߲ߠߊ߫ ߞߍߣߍ߲ ߘߏ߫ ߟߋ߬ ߡߊ߬ ߓߌ߲ߠߊߥߎߟߋ߲ ߕߋ߬ߟߋ߫ ߂߀ ߡߊ߬، ߊ߬ ߞߎߡߊ ߘߐ߫ ߦߋ߲߬߸ ߊ߬ ߞߊ߬ ߌߛߑߕߊ߲ߓߎߟ ߝߘߏ߬ߓߊ߬ ߞߕߌߞߊ߲ߘߊ ߟߋ߬ ߡߊߝߌ߲߬߸ ߊߞߌ߲߫ ߜ߭ߎߙߑߟߍߞ߸ ߞߏ߫ ߏ߬ ߓߘߊ߫ <<ߢߊߢߌߣߌ߲ߠߌ߲ ߘߏ߫ ߟߎ߫ ߛߌ߰ ߛߋ߲߬ߠߊ߫߸ ߞߎ߲߬ ߕߍ߫ ߡߍ߲ ߠߎ߬ ߟߊ߫߸ ߖߎ߬ ߕߴߊ߬ߟߎ߬ ߟߊ߫ ߝߏ߫ ߓߘߍ߬ߓߘߍ߬ߟߌ߬ ߞߏ ߦߋ߲߬ ߕߋ߲߬ ߘߐߙߐ߲߫.>> ߞߵߊ߬ ߟߊߥߌ߬ߟߌ߫ ߖߡߊ߬ߣߊ ߝߊ߲߬ߞߊߛߌ߬ߣߊ ߟߎ߫ ߛߍ߱ ߡߊ߬.
ߝߘߏ߬ߓߊ߬ ߞߏߕߌ߯ߘߊ ߞߊ߬ ߛߊ߲߬ ߥߐߙߐ߲ߝߌ߬ߟߊ߬ ߣߌ߫ ߞߊߙߏ߫ ߣߊ߯ߣߌ߲߫ ߠߋ߬ ߞߎߡߊ ߝߐ߫ ߞߐߘߏ߲ߓߊ߮ ߣߌ߲߬ ߝߍ߬߸ ߞߊ߬ ߓߊ߲߫߸ ߞߏ߫ ߞߊ߬ ߓߘߍ߬ߓߘߌ߬ߟߌ߬ ߓߊ߯ߙߊ ߓߍ߯ ߟߊߕߐ߲߫ ߊ߬ ߡߊ߬، ߓߊ߬ߙߌ߬߸ ߞߕߌߘߊ ߟߊߓߊ߲߫ ߘߊ߫ ߘߏ߬ߣߌ߲߬ ߞߋߟߋ߲߫ ߠߋ߬ ߕߊ߭ ߡߵߊ߬ ߝߐ߫ ߞߊ߲ ߠߎ߬ ߘߐ߫߸ ߏ߬ ߟߋ ߣߊ߬ߣߌ߲߬ߠߌ߲ ߣߌ߫ ߡߊ߬ߛߌ߬ߟߊ߲߬ߠߌ߲ ߘߌ߫، ߓߊ߬ߙߌ߬ ߊ߬ ߝߐ ߡߍ߲ ߞߍ߫ ߘߊ߫ ߞߏ߫ ߊ߬ ߞߵߊ߬ ߝߐ߫ ߞߏ߫ ߊ߬ ߘߌ߫ ߞߏ߫ ߞߍ߫ ߞߕߌߞߊ߲ߘߊ ߟߊ߫ ߜߍ ߘߐ߫ ߥߛߊߞߙߊ߫߸ ߏ߬ ߞߏߡߊ߫ ߕߊ߬ ߓߊ߫ ߘߐ߫ ߞߕߌߘߊ ߓߟߏ߫.
߂߀߂߂ ߟߊ߫߸ ߌߡߊߡߐߜ߭ߟߎ߫ ߕߎ߲߬ ߓߘߊ߫ ߞߕߌ߫߸ ߊ߬ ߞߊ߲߬ ߛߊ߲߭ ߝߌ߬ߟߊ߬ ߣߌ߫ ߞߊߙߏ߫ ߥߐ߯ߙߐ߫ ߟߋ߬ ߞߍ߫ ߥߛߎ ߟߊ߫ ߏ߬ ߘߐ߫، ߏ߬ ߝߣߊ߫ ߘߐ߫߸ ߞߊ߬ߝߏ߬ߙߋ߲߬ ߢߣߊߕߊߟߌ ߡߍ߲ ߞߍ߫ ߘߊ߫ ߌߛߑߕߊ߲ߓߎߟ ߂߀߁߉ ߟߊ߫߸ ߊ߬ ߞߊ߬ ߢߣߊߕߊߟߌ ߛߌ߲߬ߝߏ߲߬ߧߊ߬ߓߊ߮ ߟߎ߬ ߡߊߓߎ߬ߙߎ߲߬ߓߌ߫ ߞߵߊ߬ߟߎ߬ ߘߐ߯ߦߊ߫، ߏ߬ ߞߍ߸ ߊ߬ߟߎ߫ ߞߵߊ߬ ߡߌ߬ߘߊ߫ ߞߵߊ߬ ߟߊߘߏ߲߬ ߥߛߎ ߟߊ߫.
ߥߊߣߌ߲ ߡߍ߲ ߓߊ߯ ߞߍ߫ ߍߙߑߘߏߜ߭ߊ߲߫ ߛߋ߲߭ ߘߐ߫ ߦߋ߲߬߸ ߡߐ߰ ߘߴߊ߬ ߝߐ߫ ߞߏ߫ ߗߍ߬ ߞߋߟߋ߲ ߢߌ߲߬ ߠߋ߬، ߊ߬ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞ߫ߏ ߊ߬ ߡߊ߫ ߛߐ߲߬ ߞߕߌ߫ ߕߍ߮ ߣߌ߲߬ ߡߊ߬߸ ߞߏ߫ ߝߏ߫ ߞߵߊ߬ ߡߊߛߊ߬ߦߌ߲߫ ߠߋ߬، ߊ߬ ߟߊߡߌߣߌ߲ ߡߐ߱ ߟߎ߬ ߞߊ߲߫ ߞߏ߫ ߊ߬ ߟߊ߫ ߞߕߌ ߣߌ߲߬ ߠߊߥߟߌ߬ߣߴߊ߬ ߡߊߣߐ߮ ߟߋ߬ ߡߊ߬ ߘߐߙߐ߲߲߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
