ߣߍߣߍ ߓߘߊ߫ ߘߏ߲߬ ߝߊ߬ߙߊ߲߬ߛߌ߬ ߞߎߓߋߘߊ ߞߣߐ߫߸ ߞߊ߬ ߡߐ߰ ߗߡߍ߬ ߦߙߌߞߊ ߓߌ߬ߟߊ߫ ߜߟߍ߬ߦߊ ߞߣߐ߫߸ ߘߋ߲ߓߦߊ߫ ߛߌߦߊߡߊ߲߫ ߠߋ߬ ߣߌ߫ ߡߐ߰ ߞߎ߲߬ߞߋߟߋ߲ ߛߌߦߊߡߊ߲߫ ߠߋ߬ ߓߘߊ߫ ߘߛߍ߫ ߛߎ߬ߣߐ߰ ߟߊ߫ ߕߋ߲߬ ߔߊ߬ߙߌ߬ ߞߣߐ߫߸ ߞߵߊ߬ ߛߊߓߎ ߞߍ߫ ߝߎ߲ߕߊߣߌ߲ ߘߌ߫߸ ߔߊ߬ߙߌ߫ ߡߙߊ߬ߓߟߏ߬ ߣߊ߯ߣߌ߲ ߞߣߐ߫߸ ߣߌ߲߬ ߝߊ߲߬ߞߊ ߞߊ߫ ߓߏ߲߬ ߠߋ߬ ߞߏߖߎ߰.

ߘߋ߲ߣߍ߲ ߠߎ߬ ߣߴߊ߬ߟߎ߬ ߡߏߦߌߓߊ߮ ߟߎ߬ ߦߴߊ߬ߟߎ߬ ߦߴߊ߬ ߞߊ߲߬ ߞߵߊ߬ߟߎ߫ ߖߘߍ߬ ߟߊߕߊ߲߬ߞߊ߫ ߣߍߣߍ ߡߊ߲߬ߕߙߐ ߡߊ߬߸ ߕߎ߬ߡߊ߬ߣߍ߲߬ ߞߘߐ߫߸ ߊߣߊߘߏߟߌ߫ ߖߋ߬ߕߌ߰ߘߊ ߞߊ߬ ߟߊ߬ߞߙߐ߬ߛߌ߬ߟߌ ߡߍ߲ ߠߎ߬ ߞߍ߫ ߘߎ߱ ߞߊ߲߬߸ ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߛߌߟߊ߫ ߝߍߟߊ ߟߎ߬ ߓߍ߯ ߟߊߡߌߣߌ߲ߣߍ߲ ߠߋ߬ ߣߍߣߍߞߓߊ ߟߊ߫߸ ߡߐ߰ ߡߍ߲߬ ߠߎ߫ ߟߋ߬ ߘߛߍߣߍ߲߫ ߛߏ߫ ߞߣߐߟߊ ߡߊߛߐ߬ߘߐ߲߬ ߠߊ߫߸ ߊ߬ߟߎ߫ ߞߏ߬ߣߌ߲ ߦߋ߫ ߘߍ߬ߡߍ߲ ߠߋ߬ ߢߌߣߌ߲ ߠߊ߫߸ ߞߊ߬ ߘߍ߬ߡߍ߲߬ ߞߍ߫ ߊ߬ߟߎ߫ ߞߊ߲߬ ߓߊ߯ߙߘߊ߫ ߞߏ ߟߎ߬ ߟߊ߫.