ߖߌ߬ߣߍ߫ ߓߌ߬ߛߊ߬ߥߏ߫ ߞߣߐ߫߸ ߝߊ߲߬ߞߊߛߌ߬ߣߊ ߘߏߡߌ߲ߜ߭ߏߛ ߛߌߡߏߛ ߔߋߙߋߙߊ߫ ߦߋ߫ ߥߛߎ ߟߋ߬ ߟߊ߫ ߝߟߐ߫߸ ߞߵߊ߬ ߕߎ߬ߙߎ ߞߍ߫ ߞߕߌ ߘߏ߫ ߟߎ߫ ߘߌ߫߸ ߡߍ߲ ߠߎ߬ ߦߴߊ߬ ߞߎ߲߭ߞߊ߲߬ ߞߊ߬ߣߌ߲߬، ߏ߬ ߞߕߌ ߡߍ߲ ߠߎ߬ ߦߴߊ߬ ߣߐ߭ߝߍ߬ ߞߊ߬ߦߌ߯ ߊ߬ ߦߋ߫ ߞߏߕߌ߯ ߢߍߡߐ߮ ߣߌ߫ ߥߛߊ߬ߓߏߟߏ߲ ߢߍߡߐ߯ߦߊ ߟߊ߫ ߕߎ߬ߡߊ ߡߍ߲߸ ߘߏߡߌ߲ߜ߭ߏߛ ߛߌߡߏߛ ߔߋߙߋߙߊ߫ ߟߊ߫ ߟߊ߬ߝߛߊ߬ߟߌ߬ ߞߙߎ ߦߴߊ߬ ߦߌ߬ߘߊ߬ ߟߊ߫.
ߞߏ߫ ߗߋߛߓߍ ߡߍ߲ ߠߊߕߊ߯ ߘߊ߫ ߛߘߋߦߊߥߏ ߡߊ߬߸ ߊ߬ ߗߋߛߓߍ ߣߐ߰ߡߊ߲߬ ߓߊ ߺ ߟߋ߬، ߗߋߛߓߍ ߣߌ߲߬ ߞߣߐ߫߸ ߘߐ߬ߕߊߡߌ߲ ߞߎ߲߬ߠߊ߬ߛߌ߮ ߟߎ߬ ߞߵߊ߬ ߟߊߛߋ߫ ߟߋ߬߸ ߞߏ߫ ߗߍ߭ ߣߌ߲߬ ߕߍߣߊ߬ ߟߊߓߌ߬ߟߊ߬ ߟߊ߫ ߝߟߐ߫߸ ߊ߬ ߞߍߣߍ߲߫ ߞߐ ߞߊ߬ ߞߊߙߏ߫ ߞߋߟߋ߲߫ ߣߌ߫ ߞߐ߫ ߞߍ߫ ߥߛߎ ߟߊ߫ ߞߊ߯ߦߌ߫ ߞߊ߬ߝߏ߬ ߖߊߛߏ߲ ߞߍ߫ ߘߊ߫ ߖߌ߬ߣߍ߫ ߓߌ߬ߛߊ߬ߥߏ߫.
ߡߊ߬ߡߎߘߎ߬ ߓߊ߬ߓߊ ߊ߲ߓߊߟߏ߫ ߦߋ߫ ߝߊ߲߬ߞߊߛߌ߬ߣߊ ߣߌ߲߬ ߠߊ߫ ߟߊ߬ߝߛߊ߬ߟߌ߬ ߞߙߎ ߛߌ߲߬ߝߏ߲ ߘߏ߫ ߟߋ߬ ߘߌ߫߸ ߊ߬ߟߋ ߞߵߊ߬ ߦߌ߬ߘߊ߬ ߞߏ߫ ߗߋߛߓߍ ߡߍ߲ ߘߌ߫ ߘߊ߫ ߛߘߋߦߊߥߏ ߡߊ߬߸ ߛߓߍ߫ ߣߌ߲߬ ߕߍ߫ ߛߊ߬ߙߌ߬ߦߊ ߞߊ߲߬، ߝߣߊ߫ ߞߕߌ߫ ߛߓߍ ߡߍ߲ ߠߎ߬ ߦߋ߫ ߘߏߡߌ߲ߜ߭ߏߛ ߛߌߡߏߛ ߔߋߙߋߙߊ߫ ߣߐ߭ߝߍ߬ ߕߋ߲߬߸ ߣߌ߲߬ ߛߌ߫ ߟߋ߬ ߕߍ߫ ߛߊ߬ߙߌ߬ߦߊ ߛߌߟߊ ߞߊ߲߬، ߣߴߏ߬ ߕߍ߫.
ߣߌ߫ ߛߊ߬ߙߌߦߊ ߛߌߟߊ ߟߋ߬ ߕߘߍ߬ ߦߋ߫߸ ߛߓߍ߫ ߜߘߍ߫ ߟߎ߫ ߟߋ߬ ߝߣߊ߫ ߕߘߍ߬ ߞߊ߫ ߞߊ߲߫ ߞߊ߬ ߟߴߊ߬ ߞߊ߲߬، ߡߍ߲ ߠߎ߬ ߦߋ߫ ߞߐߡߊߓߌ߲ߓߌ߲߫ ߛߓߍ ߘߌ߫߸ ߓߊ߬ߙߌ߫߸ ߣߴߏ߬ ߛߌ߫ ߟߋ߬ ߡߊ߫ ߛߋ߫ ߞߊ߫ ߞߍ߫ ߛߊ߫߸ ߏ߬ ߘߴߊ߬ ߦߌ߬ߘߊ߬ ߞߏ߫ ߣߝߊ߬ ߛߌ߫ ߟߋ߬ ߕߍ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߛߓߍ ߣߌ߲߬ ߠߊ߫ ߛߊ߬ߙߌ߬ߦߊ ߛߌߟߊ ߞߊ߲߬.
