ߌߛߊ߫ ߡߏߦߌ߫ ߕߎߡߊ ߦߋ߫ ߢߊ߰ߢߊ߯ ߟߋ߬ ߘߌ߫߸ ߡߍ߲ ߦߋ߫ ߞߍ߫ ߟߊ߫ ߘߎߢߊ߫ ߖߡߊ߬ߣߊ߬ ߛߌߦߊߡߊ߲߫ ߞߣߐ߫، ߌߛߊ߫ ߘߌ߯ߣߊ ߘߏ߲߬ߞߏ ߟߎ߫ ߖߍ߬ߘߍ ߞߋߟߋ߲߫ ߕߴߊ߬ ߞߍ߫ ߟߊ߫ ߏ߬ ߞߐ߫ ߘߋ߬߸ ߘߌ߯ߣߊ߫ ߘߏ߲ߞߏ߫ ߛߌߦߊߡߊ߲߫ ߦߋ߫ ߘߏ߲߬ ߠߴߊ߬ ߘߐ߫ ߊ߬ߟߎ߫ ߝߍ߬، ߒ߬ߓߊ߬߸ ߖߡߊ߬ߣߊ߬ ߛߌߦߊߡߊ߲߫ ߠߋ߬ ߝߣߊ߫ ߓߍ߫߸ ߡߍ߲ ߠߎ߬ ߕߍ߫ ߢߊ߰ߢߊ߮ ߣߌ߲߬ ߞߍ߫ ߟߊ߫ ߤߊ߲߫، ߊ߲ ߧߴߊ߬ ߝߍ߬ ߞߵߏ߬ ߟߎ߫ ߟߋ߬ ߦߌ߬ߘߴߊߟߎ߫ ߟߊ߫ ߥߟߊ߬ߟߋ߲ ߣߌ߲߬ ߞߣߐ߫.
߁߭ ߺ ߕߙߎߞߌ߫ ߞߣߐ߫߸ ߡߏߦߌ߫ ߕߎߡߊ (ߣߏߍߟ) ߕߍ߫ ߘߌ߯ߣߊ߫ ߢߊ߯ߢߊ߯ ߘߊ߲ߞߎ߲ߣߍ߲߫ ߘߌ߫ ߦߋ߲߬، ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߊ߬ߟߎ߬ ߟߊ߫ ߞߎ߲ߝߊ߲ߓߐ߫ ߦߙߐ ߘߏ߫ ߟߎ߫ ߦߋ߫ ߛߍߥߊ ߕߐ߰ߡߊ߬ߛߙߋ ߟߊ߲ߞߣߍߡߊ߫ ߟߊ߫߸ ߓߊ߬ߙߌ߬ ߕߙߎߞߌ߫ ߡߌ߬ߙߌ߲߬ߘߌ ߝߊ߲߬ߓߊ ߕߴߊ߬ ߞߍ߫ ߟߊ߫ ߟߊ߲߬ߘߊ߬ ߕߏߟߏ߲߫ ߘߌ߫ ߡߎ߰ߡߍ߫، ߏ߬ ߞߎ߲߭ ߕߍ߫ ߘߏ߫ ߜߘߍ߫ ߘߌ߫߸ ߊ߬ߟߎ߬ ߟߊ߫ ߖߡߊ߬ߣߊ ߡߌ߬ߙߌ߲߬ߘߌ ߝߊ߲߬ߓߊ ߦߋ߫ ߛߌ߬ߟߊ߬ߡߊ (ߖߘߍ߬ߞߟߏ߬ߓߊ߮) ߟߎ߫ ߟߋ߬ ߘߌ߫߸ ߊ߬ߟߎ߫ ߘߏ߲߬ ߦߋ߫ ߖߘߍ߬ߞߟߏ߬ߦߊ߬ ߢߊ߯ߢߊ߮ ߟߎ߫ ߟߋ߬ ߞߍ߫ ߟߊ߫߸ ߏ߬ ߟߋ ߦߴߊ߬ߟߎ߬ ߓߟߏ߫ ߓߊ߫ ߘߐ߫، ߦߏ߫ ߛߎ߲ߞߊߙߏ߫ ߛߊߟߌ ߣߌ߫ ߘߐ߲߬ߞߌ߲߬ ߛߊߟߌ ߣߴߏ߬ ߢߐ߲߱ ߠߎ߬.
߂߲ ߺ ߌ ߘߏ߲߬ ߓߊ߯ ߣߋߔߊߟ ߕߊ߬߸ ߣߏߍߟ ߕߴߏ߬ ߟߎ߬ ߟߊ߫ ߛߊ߲߭ ߢߊ߰ߢߊ߰ ߞߍߕߊ ߟߎ߬ ߛߙߍߘߍ ߘߐ߫ ߡߎ߰ߡߍ߫، ߊ߬ ߖߍ߬ߘߍ߸ ߂߀߁߆ ߟߊ߫߸ ߣߋߔߊߟ ߞߎ߲߬ߠߊ߬ߛߌ߮ ߞߊ߬ ߟߊ߬ߕߍ߰ߦߊ ߘߏ߫ ߟߊߥߊ߲߬ߞߊ߲߬߸ ߊ߬ ߝߐ߫ ߘߊ߫ ߡߍ߲ ߞߣߐ߫ ߞߏ߫ ߘߌ߯ߣߊ߫ ߢߊ߯ߢߊ߯ ߓߊ߬߸ ߞߎߡߊߕߍ߫ ߣߏߍߟ ߡߊ߬߸ ߞߏ߫ ߊ߬ ߝߏߦߌ߬ ߕߍ߫ ߞߍ߫ ߟߊ߫ ߝߌ߬ߘߊ߬ ߟߊߥߊ߲߬ߞߊ߲߬ߣߍ߲߬ ߘߌ߫ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߡߎ߬ߕߎ߲߫ ߡߎ߰ߡߍ߫، ߏ߬ ߘߏ߲߬ ߞߎ߲߭ ߡߊ߫ ߞߍ߫ ߞߎ߲߬ߠߊ߬ߛߌ߮ ߓߟߏ߫ ߘߏ߫ ߜߘߍ߫ ߘߌ߫߸ ߞߏ߫ ߝߏ߫ ߞߊ߬ ߞߎߛߍߦߊ ߞߎ߬ߙߎ߲߬ߘߎ ߟߋ߬ ߟߊߓߊ߬ߕߏ߬߸ ߞߊ߬ ߓߊ߲߫ ߞߵߊ߬ߟߎ߬ ߟߊ߫ ߖߡߊ߬ߣߊ ߓߊ߬ߕߏ߬ߘߊ ߟߎ߬ ߡߊߓߏ߲߬ߧߊ߬.
߃߲ ߺ ߣߴߌ ߘߏ߲߬ ߛߋ߫ ߘߊ߫ ߗ߭ߊߔߐ߲߫߸ ߕߟߋ߬ߖߌ߰ߟߊ߫ ߟߐ߲ߠߌ߲ߦߊ ߟߎ߬ ߝߏ߲߬ߝߏ߲߬ߠߊ ߥߊ߬ߙߊ ߣߴߊ߬ ߕߊ߫ ߦߋ߲߬ ߠߎ߬ ߘߐ߫߸ ߏ߬ ߟߎ߬ ߕߍ߫ ߡߏߦߌ߫ ߕߎߡߊ ߝߌ߬ߘߊ ߞߍ߫ ߟߊ߫ ߥߊߛߏ߫ ߘߐ߫ ߞߏ߫ ߘߌ߫ ߦߋ߲߬ ߡߎ߰ߡߍ߫߸ ߦߏ߫ ߖߡߊ߬ߣߊ ߕߐ߭ ߟߎ߬ ߦߴߊ߬ ߟߊߥߊ߲߬ߞߊ߲߬ ߠߊ߫ ߢߊ ߡߍ߲ ߡߊ߬، ߊ߬ ߖߍ߬ߘߍ ߦߋ߫ ߗ߭ߊߔߐ߲ߞߊ ߝߊ߲߬ߓߊ ߦߟߌ ߘߐ߫ ߟߋ߬߸ ߞߏ߫ ߣߏߍߟ ߝߌ߬ߘߊ ߦߋ߫ ߖߊ߬ߥߏ߬ߞߍ߬ߟߊ ߟߎ߬ ߟߐ߲ߠߌ߲ߦߊ߫ ߢߊ߯ߢߊ߮ ߟߋ߬ ߘߌ߫߸ ߓߊ߬ߙߌ߬ ߘߌ߯ߣߊ߫ ߝߌߘߊ߫ ߕߍ߫ ߝߋߎ߫، ߏ߬ ߟߋ ߘߐ߫߸ ߊ߬ߟߋ߬ ߣߏߍߟ ߕߏߟߏ߲ ߦߋ߫ ߞߍ߫ ߟߴߊ߬ߟߎ߬ ߟߊ߫ ߞߐߓߌߘߊ ߟߎ߫ ߟߋ߬ ߟߊ߫ ߞߊ߬ ߛߌߦߊߦߊ߫߸ ߓߊ߬ߙߵߊ߬ ߕߍ߫ ߡߌ߬ߙߌ߲߬ߘߌ ߓߟߏ߫ ߓߊ߫ ߘߐ߫߸ ߓߊߏ߬ ߊ߬ߟߎ߬ ߟߊ߫ ߟߐ߲ߠߌ߲ߦߊ߫ ߕߍ߫.
߄߲ ߺ ߞߐ߰ߘߎ߮ ߞߏ߯ߙߋ߫ ߞߣߐ߫߸ ߊ߬ߟߎ߬ ߟߊ߫ ߓߘߍ߬ߓߘߍ߬ߟߌ ߕߊ߯ߛߋ߲ ߦߴߊ߬ߟߎ߫ ߓߊ߬ߟߌ߬ ߟߊ߫ ߟߋ߬ ߡߏߦߌ߫ ߕߎߡߊ ߢߊ߰ߢߊ߮ ߞߍ߫ ߟߊ߫، ߓߊߏ߬߸ ߝߘߏ߬ߓߊ߬ߦߊ ߡߙߌߘߐ ߟߋ߬ ߊ߬ߟߎ߬ ߟߊ߫ ߡߙߊ߬ߞߊ߲ ߞߐߞߟߏ ߘߌ߫، ߏ߬ ߟߋ ߘߐ߫߸ ߣߏߍߟ ߞߋߟߋ߲߫ ߕߍ߫ ߘߋ߬߸ ߘߌ߯ߣߊ ߓߊ߬ߕߏ߬ ߘߐ߬ߞߏ ߟߎ߬ ߓߟߏߦߊ ߦߋ߲߬߸ ߘߊ߲߬ ߠߋ߬ ߦߴߏ߬ ߟߊ߫، ߏ߬ ߟߋ ߘߐ߫߸ ߊ߬ߟߎ߬ ߟߊ߫ ߡߙߊ߬ߞߊ߲ ߕߍ߫ ߛߐ߲߬ ߠߊ߫ ߟߐ߬ߦߌ߬ߟߊ߬ ߘߌ߫ ߟߊ߫ ߌߛߊߟߞߊ ߟߎ߬ ߟߊ߫ ߝߌ߬ߘߊ ߣߌ߲߬ ߡߊ߬، ߝߏ߫ ߌߛߊ߫ ߘߌ߲ߞߏ߫ ߞߋ߬ߟߋ߲߬ߞߋߟߋ߲ ߡߍ߲ ߠߎ߬ ߦߴߊ߬ߟߎ߬ ߕߋ߲ߜߋߘߋ߲ߧߊ߫ ߟߊ߫߸ ߞߵߊ߬ ߛߌ߲߬ߝߏ߲߬ߧߊ߫ ߘߏ߲߰ ߓߟߏ ߡߊ߬. ߕߎ߬ߢߊ ߖߍ߬ߘߍ ߦߋ߫ ߡߍ߲ ߘߌ߫߸ ߞߐ߰ߘߎ߮ ߞߏߙߋ߫ ߦߋ߫ ߖߡߊ߬ߣߊ߬ ߘߌ߯ߣߊߒߕߊ߲ ߜߍߞߟߐ ߟߋ߬ ߘߌ߫߸ ߡߍ߲ ߕߍ߫ ߛߐ߲߬ ߠߊ߫ ߘߌ߯ߣߊ߫ ߞߏ߫ ߢߊ߯ߢߊ߮ ߛߎ߯ ߺ ߎ ߺ ߛߎ߯ ߡߊ߬، ߏ߬ ߟߋ ߘߐ߫߸ ߂߀߁߆ ߟߊ߫߸ ߊ߬ߟߎ߫ ߞߊ߬ ߞߎ߬ߙߎ߲߬ߘߎ ߘߏ߫ ߕߊ߬߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ߟߎ߬ ߓߊ߯ ߡߐ߰ ߛߌ߫ ߦߋ߫߸ ߣߏߍߟ ߝߎ߯ߟߊ ߦߴߌ ߞߎ߲߬ߠߊ߫߸ ߥߟߊ߫ ߌ ߦߴߊ߬ ߘߐ߲߬ߞߟߌ ߟߊ ߞߊ߲߬߸ ߥߟߊ߫ ߞߊ߬ ߦߙߐ ߘߏ߫ ߡߊߛߘߌ߬ ߊ߬ ߢߊ߬ߢߊ߮ ߞߊ߲ߡߊ߬، ߊ߬ߟߎ߫ ߞߵߏ߬ ߟߎ߬ ߡߊߛߌߟߊ߲߫ ߖߊ߲߬ߞߌ߬ߟߌ ߟߊ߫߸ ߡߍ߲ ߛߎ߬ߘߎ߲߬ߡߊ߲߬ ߥߛߎߟߊߘߏ߲ ߠߊ߫. ߞߊ߬ߦߌ߯ ߞߌߡ ߡߊ߲߬ߛߊ߬ߓߏ߲ ߦߟߍ߬ ߘߊ߫ ߝߊ߲߬ߞߊ ߟߊ߫ ߁߉߄߈߸ ߊ߬ߟߎ߬ ߟߊ߫ ߛߌ߰ߞߊ߲ ߡߊ߫ ߛߐ߲߬ ߡߌ߬ߙߌ߲߬ߘߌ ߞߊ߲ߠߊߓߌ߬ߟߊ ߡߊ߬ ߘߌ߯ߣߊߞߏ ߘߐ߫ ߡߎ߰ߡߍ߫، ߞߏߙߋ߫ ߞߣߐ߫߸ ߊ߬ߟߎ߬ ߟߊ߫ ߖߡߊ߬ߣߊ ߟߊ߬ߛߏ߬ߓߟߌ߬ߟߊ ߟߎ߬ ߕߊ߫ ߝߐߟߌ߫ ߘߐ߫߸ ߞߏ߫ ߖߡߊ߬ߣߊ ߞߊ߬ ߡߌ߲߬ߕߊ߬ ߡߌ߲ ߖߡߊ߬ ߟߊ߬ߘߍ ߓߍ߯ ߟߊߕߐ߲߫ ߠߋ߬߸ ߊ߬ ߣߌ߫ ߘߐ߲߬ߞߟߌ߬ ߞߏ ߥߎ߬ߘߊ߲ ߣߌ߫ ߢߊ߰ߢߊ߰ ߞߏ߬ ߜߘߍ ߛߌߦߊߡߊ߲߫، ߝߣߊ߫߸ ߊ߬ߟߎ߫ ߖߊ߲߬ߕߏ߬ߣߍ߲߫ ߞߐߞߊ߲߫ ߞߌߓߊߙߏ ߟߎ߬ ߘߐ߫ ߞߏߛߓߍ߫߸ ߏ߬ ߟߎ߫ ߞߣߐ߬ߜߍ߲߬ߣߍ߲߬ ߓߊߟߋ߬ ߊ߬ߟߎ߬ ߓߟߏ߫.
߅߲ ߺ ߛߎ߰ߘߎ߬ߟߊ߫ ߝߊ߲߬ߓߊ ߦߋ߫ ߛߌ߬ߟߊ߬ߡߊ ߟߎ߫ ߟߋ߬ ߘߌ߫߸ ߓߊߏ߬ ߌߛߊߟߞߊ ߟߎ߬ ߝߣߊ߫ ߦߋ߫ ߦߋ߲߬߸ ߓߊ߬ߙߌ߬ ߊ߬ߟߎ߬ ߡߊ߲߫ ߛߌߦߊ߫، ߏ߬ ߟߋ ߘߐ߫߸ ߊ߬ߟߎ߬ ߕߍ߫ ߛߐ߲߬ ߠߊ߫ ߌߛߊ߫ ߡߏߦߌ߫ ߕߎߡߊ ߢߊ߰ߢߊ߮ ߡߊ߬ ߦߋ߲߬߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߟߊ߫ ߖߡߊ߬ߣߊ %߈߅ ߤߊ߲߯ ߉߀ ߞߍ ߡߊ߬ ߛߎ߲ߣߊ߫ ߘߏ߲ߞߏ ߘߌ߫، ߏ߬ ߟߋ ߦߴߊ߬ ߞߍ߫ ߟߊ߫߸ ߣߏߍߟ ߡߍ߲ ߦߋ߫ ߌߛߊߟߞߊ ߟߎ߬ ߕߊ ߘߌ߫߸ ߏ߬ ߢߊ߰ߢߊ߮ ߟߊߕߐ߲ߣߍ߲߫ ߠߋ߬ ߦߋ߲߬ ߜߘߋߜߘߋ߫، ߓߊߏ߬߸ ߡߐ߰ ߘߴߊ߬ ߝߐ߫ ߞߏ߫ ߝߊߦߌߘߊ߫߸ ߛߌ߬ߟߡߊ߬ߦߊ ߘߌߦߊߜߏߦߊߣߍ߲߫ ߠߋ߬ ߦߋ߲߬ ߛߌ߰ߓߊ߮ ߛߌߦߊߡߊ߲߫ ߞߊ߲߬߸ ߣߴߊ߬ ߡߊ߫ ߢߊ߬ ߞߏ߫ ߖߡߊ߬ߣߊ ߘߌ߯ߣߊ ߟߵߏ߬ ߘߌ߫، ߡߍ߲ ߓߘߴߊ߬ߟߎ߬ ߓߟߏߡߊߓߊ߬ߟߌ߬ ߘߐߙߐ߲߫߸ ߏ߬ ߟߋ ߞߍߣߍ߲߫ ߞߌߢߍ߲ߦߊߟߌ ߡߙߌߘߐ ߣߴߊ߬ ߝߏ߲߬ߝߏ߲߬ߠߊ ߘߌ߫، ߏ߬ ߟߋ ߦߴߊ߬ ߞߍ߫ ߟߊ߫߸ ߟߏ߲ߟߊ߲ ߡߍ߲ ߠߎ߬ ߦߋ߫ ߦߋ߲߬߸ ߏ߬ ߟߎ߬ ߦߋ߫ ߣߏߍߟ ߛߌ߲߬ߝߏ߲߬ߧߊ߬ ߟߊ߫، ߓߊ߬ߙߌ߬߸ ߊ߬ߟߎ߬ ߦߴߊ߬ ߞߍ߫ ߟߊ߫ ߘߏ߲߰ ߓߟߏ ߟߋ߬ ߡߊ߬߸ ߊ߬ ߕߍ߫ ߟߊ߲ߞߣߍߡߊ߫ ߟߊ߫. ߣߴߏ߬ ߕߍ߫ ߂߀߁߂ ߟߊ߫߸ ߊ߬ߟߎ߫ ߞߊ߬ ߌߛߊߟߞߊ߫ ߡߐ߰ ߄߁ ߠߋ߬ ߡߊߞߟߌ߫ ߕߐ߲ߓߟߏߡߟߊ߫߸ ߊ߬ߟߎ߬ ߞߍ ߘߐ߫ ߞߊ߬ ߣߏߍߟ ߕߏߟߏ߲ ߞߍ߫، ߓߊ߬ߙߌ߬ ߞߐ ߢߌ߲߬ ߠߊ߫߸ ߊ߬ ߟߊߕߐ߲ߣߍ߲߫ ߕߍ߫ ߢߊ߫ ߛߎ߮ ߏ߬ ߡߊ߬ ߡߎ߬ߕߎ߲߬.
߆߲ ߺ ߛߌ߬ߟߡߊ߬ ߖߡߊ߬ߣߊ߬ ߜߘߍ߫ ߟߎ߫ ߝߣߊ߫ ߓߍ߫߸ ߏ߬ ߟߎ߬ ߕߍ߫ ߛߐ߲߬ ߠߊ߫ ߌߛߊ߫ ߡߏߦߌ߫ ߕߎߡߊ ߢߊ߰ߢߊ߮ ߡߊ߬، ߓߊߏ߬߸ ߞߏ߫ ߛߌ߬ߟߊ߬ߡߊ ߟߎ߬ ߘߎ߲߬ߘߎ߬ߡߊ߬ ߢߊ߯ߢߊ߮ ߦߴߊ߬ߟߎ߬ ߓߟߏ߫߸ ߣߊߟߌ߬ߡߎ߲߫ ߛߊߟߌ߫ ߘߋ߲ߣߍ߲ ߣߌ߫ ߛߊߟߌߓߊ ߘߌ߫، ߦߏ߫:
ߊ ߺ ߌߙߊ߲߫
ߋ ߺ ߔߊߞߌߛߑߕߊ߲߫
ߌ ߺ ߡߊ߬ߙߐߞߎ߬
ߍ ߺ ߕߣߎߛߌ߫
߆߲ ߺ ߌߛߌ߬ߙߊ߬ߌߟߊ߫ ߞߣߐ߫߸ ߌߛߊ߫ ߘߏ߲ߞߏ ߘߏ߫ ߟߎ߫ ߦߋ߫ ߣߏߍߟ ߢߊ߰ߢߊ߮ ߞߍ߫ ߟߊ߫ ߦߋ߲߬ ߝߛߊߦߌ߫߸ ߓߊ߬ߙߌ߬ ߊ߬ߟߎ߬ ߟߊ߫ ߖߡߊ߬ߣߊ߬ ߡߐ߮ ߝߊ߲߬ߓߊ ߦߋ߫ ߕߎ߰ߡߏߙߌ ߟߎ߫ ߟߋ߬ ߘߌ߫߸ ߡߍ߲ ߠߎ߬ ߕߍ߫ ߢߊ߰ߢߊ߮ ߣߌ߲߬ ߞߍ߫ ߟߊ߫، ߞߊ߬ߕߎ߲߯߸ ߕߎ߰ߡߏߙߌ ߟߎ߬ ߦߋ߫ ߤߊ߬ߣߎ߯ߞߊ߬ ߟߋ߬ ߝߌ߬ߘߊ ߞߍ߫ ߟߊ߫߸ ߏ߬ ߡߍ߲ ߣߌ߫ ߣߏߍߟ ߓߍ߯ ߦߋ߫ ߞߍ߫ ߟߊ߫ ߞߊߙߏ߫ ߞߋߟߋ߲߫ ߠߊ߫ ߞߊ߬ߣߌ߲߬.
߇߲ ߺ ߌ ߓߊ߯ ߛ߭ߌ߯ߣߌ߲߬ ߡߊߝߟߍ߫߸ ߣߏߍߟ ߖߊ߲߬ߖߏ߲ ߡߊ߫ ߟߊߕߐ߲߫ ߦߋ߲߬ ߔߊߞߌߛߊ߫߸ ߒ߬ߞߊ߬ ߡߊ߲߬ߜߏ߬ߦߊ߬ߣߍ߲߫ ߠߋ߬ ߞߎ߲߬ߠߊ߬ߛߌ߮ ߓߟߏ߫، ߓߊߏ߬߸ ߊ߬ߟߎ߬ ߟߊ߫ ߞߎ߲߬ߠߊ߬ߛߌ߮ ߦߋ߫ ߣߏߍߟ ߖߌ߰ ߟߊ߫ ߥߊߟߌ߫ ߟߐ߲ߠߌ߲ߦߊ ߟߎ߬ ߟߊ߫ ߝߏ߲߬ߝߏ߲߬ߠߊ ߟߋ߬ ߘߌ߫߸ ߡߍ߲ ߠߎ߬ ߦߴߊ߬ ߝߍ߬ ߞߊ߬ ߛ߭ߌ߯ߣߌ߲߬ ߟߐ߲ߠߌ߲ߦߊ ߟߎ߬ ߘߏ߲߬ ߓߐ߰ ߟߊ߫، ߏ߬ ߣߴߊ߬ ߕߊ߫߸ ߡߐ߱ ߘߏ߫ ߟߎ߫ ߦߋ߫ ߛ߭ߌ߯ߣߌ߲߬߸ ߡߍ߲ ߦߋ߫ ߣߏߍߟ ߢߊ߰ߢߊ߮ ߞߍ߫ ߟߊ߫ ߘߏ߲߰ ߘߐ߫ ߖߐ߫.
߈߲ ߺ ߊߟߑߓߊߣߌߞߊ ߟߎ߬ ߟߊ߫ ߝߘߏ߬ߓߊ߬ߦߊ ߕߎ߬ߡߊ (߁߉߄߄-߁߉߉߁)߸ ߘߌ߯ߣߊ߫ ߢߊ߫ߢߊ߮ ߓߍ߯ ߟߊߕߐ߲߫ ߘߊ߫ ߟߋ߬ ߞߎ߲߬ߠߊ߬ߛߌ߮ ߓߟߏ߫، ߓߊ߬ߙߌ߬߸ ߝߘߏ߬ߓߊ߬ߦߊ ߡߙߌߘߐ ߡߙߊ߬ߞߊ߲߬ ߞߏ ߜߘߊߟߊ ߌߞߘߐ߫߸ ߣߏߍߟ ߢߊ߰ߢߊ߮ ߞߊ߬ ߛߘߊ ߛߐ߬ߘߐ߲߫ ߦߋ߲߬ ߠߎ߬ ߘߐ߫.
߉߲ ߺ ߎ߳ߞߑߙߍߣߌ߲߬ ߣߌ߫ ߙߎ߬ߛߌ߬ ߝߣߊ߫ ߞߊ߬ ߣߏߍߟ ߡߊߝߊ߬ߟߋ߲߫ ߛߊ߲߬ ߞߎ߬ߘߊ߬ ߢߊ߯ߢߊ߮ ߟߋ߬ ߟߊ߫.
߁߀߲ ߺ ߐߛߑߕߙߊߟߌ߫ ߣߌ߫ ߣߎߝ߭ߍߟ ߖ߭ߋߟߊ߲ߘ߸ ߏ߬ ߟߎ߬ ߝߣߊ߫ ߞߊ߬ ߣߏߍߟ ߢߊ߯ߢߊ߮ ߞߍߢߊ ߓߐ߫ ߟߋ߬ ߕߟߋ߬ߖߌ߬ߞߊ ߕߐ߭ ߟߎ߬ ߕߊ ߡߊ߬، ߓߊߏ߬߸ ߊ߬ߟߎ ߟߊ߫ ߌߛߊ߫ ߡߏߦߌ߫ ߕߎߡߊ ߢߊ߰ߢߊ߮ ߦߋ߫ ߞߍ߫ ߟߴߊ߬ߟߎ߬ ߓߟߏ߫ ߘߐ߲߬ߓߏ߲ ߠߎ߬ ߣߌ߫ ߞߐ߰ߖߌ߬ߘߊ߬ߟߊ ߟߎ߫ ߟߋ߬ ߟߊ߫، ߊ߬ ߞߍߟߊ߫ ߓߘߍ ߟߎ߫ ߘߏ߲߬ ߦߴߊ߬ ߞߍ߫ ߟߊ߫ ߓߏ߲ ߠߋ߬ ߞߣߐ߫߸ ߣߏߍߟ ߟߡߌߘߌ ߘߊߝߍ߬߸ ߊ߬ ߣߌ߫ ߕߊ߫ ߟߊߡߍߣߍ߲.
ߊߟߎ߫ ߞߊ߫ ߖߛߎ߬ߘߐߝߊ߰ ߤߊ߲߫߸ ߊߟߎ߫ ߦߴߊ߬ ߕߐ߭ ߞߊ߬ߙߊ߲߬ ߖߐ߫߸ ߊ߬ ߘߴߊߟߎ߫ ߣߝߊ߬߹
ߓߙߎߣߋ߫ ߦߋ߫ ߞߊ߬ߝߏ߬ ߡߊ߲ߞߊ߲ ߘߏ߫ ߟߋ߬ ߘߌ߫ ߊߛߌ߫ ߥߙߏ߬ߘߎ߰ ߕߟߋߓߐ ߘߐ߫߸ ߡߍ߲ ߠߎ߬ ߓߣߊ߬ߦߊ߬ߣߍ߲߫ ߞߓߊߕߟߎ (ߔߋߕߑߙߐߟ) ߘߐ߫ ߞߏߛߓߍ߫، ߣߏߍߟ ߟߌߡߘߌ ߘߏ߲߭ ߠߊߕߐ߲ߣߍ߲߫ ߠߋ߬ ߦߋ߲߬߸ ߞߎߡߊߕߴߊ߬ ߝߊߘߌߦߊߓߐ ߟߎ߬ ߡߊ߬.
߂߀߁߄ ߠߊ߫߸ ߊ߬ߟߎ߬ ߟߊ߫ ߛߋߓߊ߮ ߤߊߛߣߊߟ ߓߐߟߑߞߌߦߊ߫ ߞߵߊ߬ ߟߊߛߋ߫߸ ߞߏ߫ ߡߍ߲ ߠߎ߬ ߦߋ߫ ߣߏߍߟ ߕߏߟߏ߲ ߞߍ߫ ߟߊ߫߸ ߞߏ߫ ߊ߬ߟߎ߬ ߦߴߊ߬ ߞߍ߫ ߟߊ߫ ߘߊ߲߬ߠߕߊ߬ߡߌ߲߬ ߓߟߏ ߟߋ߬ ߡߊ߬߸ ߡߍ߲ ߦߋ߫ ߖߡߊ߬ߣߊ ߛߌ߬ߟߊ߬ߡߊ ߟߎ߬ ߕߙߐ߫ ߟߊ߫ ߞߏߛߓߍ߫.
ߏ߬ ߟߋ ߘߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬߸ ߞߏ߫ ߘߌ߯ߣߊ߫ ߜߘߍ ߡߍ߲ ߺ ߍ ߺ ߡߍ߲߫ ߓߊ߯ ߞߍ߫ ߊ߬ ߟߊ߫ ߘߌ߯ߣߊ߫ ߕߏߟߏ߲ ߘߏ߫ ߞߍ߫ ߟߊ߫߸ ߏ߬ ߦߴߊ߬ ߘߐߖߊ߬ ߞߙߊߕߊߕߊ߫߸ ߞߵߊ߬ ߞߍ߫ ߘߏ߲߰ ߓߟߏ ߟߋ߬ ߡߊ߬߸ ߡߍ߲ ߕߍ߫ ߓߌ߬ߟߊ߫ ߛߌ߬ߟߊ߬ߡߊ ߟߎ߫ ߕߣߊ߬ ߘߐ߫.
ߊ߬ߟߎ߫ ߖߍ߬ߘߍ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߞߐߙߍ ߡߍ߲ ߓߊ߯ ߞߍ߫ ߊ߬ ߝߍ߬ ߘߌ߯ߣߊ߫ ߜߘߍ ߟߎ߬ ߘߐ߫ ߞߵߊ߬ߟߎ߬ ߟߊ߫ ߢߊ߰ߢߊ߮ ߞߍ߫߸ ߝߏ߫ ߊ߬ߟߎ߬ ߦߋ߫ ߞߎ߲߬ߠߊ߬ߛߌ߮ ߟߋ߬ ߘߌ߬ߢߍ߬ ߢߌߣߌ߲߫ ߡߎߣߎ߲߬߸ ߏ߬ ߟߎ߬ ߦߋ߫ ߛߐ߲߬ ߊ߬ ߞߍ ߡߊ߬߸ ߞߵߊ߬ߟߎ߬ ߟߊ߫ ߛߊ߬ߙߌ߬ߦߊ ߝߐ߫߸ ߣߌ߫ ߡߍ߲ ߞߵߏ߬ ߛߐ߬ߛߐ߬߸ ߞߏ߫ ߘߌ߫ ߟߊߕߐ߲߫ ߏ߬ ߟߊ߫.
ߣߌ߫ ߡߍ߲ ߠߎ߬ ߘߏ߲߬ ߞߵߊ߬ߟߎ߬ ߟߊߘߍ߬߸ ߞߏߟߌ߲ߞߏߟߌ߲ ߂߄ ߥߟߊ߫ ߂߅ ߢߊ߬ߢߊ߮ ߞߍ߫ ߞߊ߲ߡߊ߬߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߡߊ߫ ߘߌ߬ߢߍ߬ ߢߌߣߌ߲߫ ߞߎ߲߬ߠߊ߬ߛߌ߮߸ ߏ߬ ߟߎ߬ ߘߌ߫ ߖߊ߲ߞߌ߲߫ ߋߙߏ߫ ߥߊߘߌ ߁߆ ߀߀߀ ߟߊ߫߸ ߥߟߊ߫ ߞߵߊ߬ߟߎ߫ ߖߊ߲߬ߞߌ߲߫ ߛߊ߲߬ ߟߏ߯ߟߎ߫ ߥߛߎ ߟߊ߫߸ ߤߊߡߊ߲ߕߍ߫ ߊ߬ ߝߌ߬ߟߊ ߘߌ߫ ߛߋ߫ ߟߊ߫ ߟߴߊ߬ߟߎ߫ ߞߊ߲߬.
ߊ߲ ߘߌ߫ ߞߎߡߊ ߡߍ߲߬ ߠߎ߬ ߟߊߞߎ߬ߘߎ߫ ߞߌ߬ߛߍ߬ ߜߘߏ߬ߓߊ߬ ߘߊ߲ߘߐ߫ ߘߐ߫ ߕߊ߲߬ߘߐ: ߌߛߊ߫ ߡߏߦߌ߫ ߕߎߡߊ ߣߌ߲߬ ߢߊ߰ߢߊ߮ ߞߍߓߊߟߌߦߊ ߖߡߊ߬ߣߊ ߘߏ߫ ߟߎ߫ ߞߣߐ߫߸ ߏ߬ ߞߎ߲߭ ߠߎ߬ ߕߍ߫ ߞߋߟߋ߲߫ ߘߌ߫߸ ߞߊ߬ ߓߍ߲߬ ߖߡߊ߬ߣߊ ߟߎ߬ ߓߐ ߡߊ߬ ߢߐ߲߮ ߡߊ߬، ߓߊߏ߬߸ ߘߏ߫ ߟߎ߫ ߕߊ ߞߎ߲߭ ߦߋ߫ ߘߌ߯ߣߊ߫ ߞߏ ߘߌ߫߸ ߘߏ߫ ߟߎ߫ ߝߣߊ߫ ߕߊ ߞߎ߲߭ ߦߋ߫ ߓߘߍ߬ߓߘߍ߬ߟߌ ߕߊ߯ߛߋ߲ ߘߌ߫߸ ߘߏ߫ ߟߎ߫ ߖߍ߬ߘߍ ߕߊ ߞߎ߲߭ ߦߋ߫ ߟߐ߲ߠߌ߲ߦߊ߫ ߟߊߝߛߊ ߘߌ߫، ߏ߬ ߟߋ ߘߐ߫߸ ߊ߲ ߧߴߊ߬ ߟߐ߲߫ ߞߏ߫ ߖߡߊ߬ߣߊ߬ ߜߘߍ ߥߟߊ߫ ߟߐ߲ߠߌ߲ߦߊ߫ ߘߌ߲ߞߏ߫ ߜߘߍ ߡߍ߲ ߠߎ߬ ߦߋ߫ ߖߡߊ߬ߣߊ ߢߌ߲߬ ߠߎ߬ ߞߣߐ߫߸ ߏ߬ ߟߎ߬ ߘߌ߫ ߛߴߊ߬ߟߎ߬ ߟߊ߫ ߢߊ߰ߢߊ߮ ߞߍ߫ ߟߴߊ߬ߟߎ߫ ߘߌ߲߬ߞߌߙߊ ߘߐ߫ ߘߏ߲߰ ߓߟߏ ߡߊ߬߸ ߞߵߊ߬ߟߎ߬ ߟߊ߫ ߟߐ߲ߠߌ߲ߦߊ ߕߏ߫ ߓߊߟߏ߫ ߘߐ߫.
ߞߵߊߟߎ߫ ߦߟߌߓߌ߬ߟߊ߫ ߘߐ߬ߝߐ ߞߣߐ߫߸ ߞߏ߫ ߥߊ߯ߕߌ ߘߏ߫ ߕߊ߬ߡߌ߲߬ ߘߊ߫߸ ߣߏߍߟ ߢߊ߰ߢߊ߮ ߟߊߕߐ߲ߣߍ߲߫ ߠߋ߬ ߕߘߍ߬ ߡߛߊߛߏߛߍߕ߸ ߊ߬ ߖߍ߬ߘߍ ߕߍ߬ߘߍ߫ ߞߎ߲߬ߞߏ߬ߓߊ ߟߋ߬ ߘߌ߫ ߘߋ߬ (ߞߑߙߌߡ)، ߁߆߈߁ ߠߊ߫߸ ߊ߬ ߓߐ߫ ߘߊ߫ ߞߎ߲߬ߞߏ߬ߓߊ ߟߎ߫ ߞߊ߬ߛߊ߲ ߞߣߐ߫߸ ߓߊ߬ߙߌ߬ ߊ߬ ߞߍ߫ ߘߊ߫ ߕߣߊ߬ߡߊ ߘߌ߫، ߡߍ߲ ߕߎ߲߬ ߓߊ߯ ߦߋ߫ ߣߏߍߟ ߢߊ߬ߢߊ߮ ߟߊ߫ ߥߟߊ߫ ߞߵߌ ߦߋ߫ ߊ߬ ߘߐ߲߬ߞߟߌ߬ ߟߊ ߟߊ߫߸ ߏ߬ ߕߎ߲߬ ߦߋ߫ ߖߊ߬ߕߋ߬ ߟߊ߫ ߖߐ ߘߐߖߐ߲߰ߛߐ߲ ߠߋ߬ ߘߌ߫߸ ߌ ߘߌ߫ ߡߌ߬ߘߊ߬ ߞߵߌ ߖߊ߲ߞߌ߲߫، ߦߏ߫ ߊ߬ ߝߐ߫ ߘߊ߫ ߖߘߍ߬ߞߟߏ߬ߓߊ߰ߦߊ ߘߏ߲߬ߞߏ ߟߎ߫ ߡߊ߬ ߢߊ ߡߍ߲ ߡߊ߬ ߖߌ߬ߣߍ߫ ߖߡߊ߬ߣߊ ߞߣߐ߫߸ ߞߏ߫ ߊ߬ߟߎ߬ ߓߘߊ߫ ߖߐ ߘߐߖߐ߲߰ߛߐ߲߫߸ ߞߵߏ߬ ߞߍ߫ ߊ߬ߟߎ߫ ߡߌ߬ߘߊ߬ ߞߎ߲ ߘߌ߫، ߞߵߊ߬ ߛߐ߬ߘߐ߲߬ ߏ߬ ߕߍ߫، ߓߊߏ߬߸ ߛߊ߬ߙߌ߬ߦߊ߬ ߕߍ߫ ߝߘߏ߬ ߟߊ߫ ߡߐ߰ ߛߌ߫ ߡߊ߬߸ ߊ߬ ߘߌ߫ ߛߋ߫ ߖߏ ߘߌ߫ ߟߊ߫ ߓߍ߯ ߡߊ߬߸ ߊ߬ ߘߌ߫ ߛߋ߫ ߖߏ ߓߐ߫ ߟߊ߫ ߓߍ߯ ߓߟߏ߫߸ ߡߌ߬ߘߊ߬ ߘߊߞߎ߲ ߞߊ߫ ߛߌߦߴߊ߬ߟߎ߬ ߓߟߏ߫ ߞߏߛߓߍ߫. ߒ߬ߓߊ߬߸ ߁߈߇߀ ߟߊ߫߸ ߡߛߊߛߏߛߍߕ ߞߙߎߝߊ ߞߎ߲߬ߠߊ߬ߛߌ߮ ߞߵߊ߬ ߞߍ߫ ߝߊ߬ߛߏ ߢߊ߰ߢߊ߮ ߘߌ߫߸ ߞߵߊ߬ ߓߐ߫ ߟߊ߬ߕߐ߲߬ߣߍ߲ ߠߎ߬ ߛߙߍߘߍ ߘߐ߫ ߛߍߣߍ߲߬ ߝߋߎ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
