ߛߣߍ߬ߜ߭ߊ߬ߟߌ߬ߞߊ߫ ߞߎ߲߬ߝߍ߬ߕߊ߯ߡߟߊ߫ ߡߐ߰ ߁߂ ߟߋ߬ ߓߐ߬ߣߐ߫ ߘߴߊ߬ ߣߌ ߘߐ߫ ߞߎߟߎ߲ ߘߏ߫ ߝߘߌ ߛߋ߲߭ߝߍ߬ ߖߌ ߞߊ߲߬߸ ߘߊߞߊ߯ߙߌ߫ ߞߐ߰ߖߌ ߖ߭ߏߥߊߟ ߡߊߜߍ߲ ߘߐ߫߸ ߡߎߓߎ߫ ߕߌ߲߬ߞߎߘߎ߲ ߘߐ߫ ߞߊ߬ߣߌ߲߬، ߟߌ߬ߤߟߊ߫ ߞߎ߲߬ߝߟߐ ߡߍ߲߬ ߠߎ߫ ߛߐ߬ߘߐ߲߬ ߘߊ߫ ߞߎ߲߬ߠߊ߬ߛߌ߮ ߟߎ߬ ߟߋ߬ ߟߊ߫߸ ߊ߬ ߞߏ߬ߣߌ߲ ߡߊ߫ ߟߐ߲߫ ߝߟߐ߫ ߡߐ߰ ߓߙߍ߬ߦߊ ߡߍ߲߬ ߕߘߍ߬ ߦߋ߫ ߞߎߟߎ߲ ߣߌ߲߬ ߞߣߐ߫.
ߛߙߋ ߘߏ߫ ߟ߫ߎ ߟߊ߫ ߝߐߟߌ߫ ߘߐ߫߸ ߞߐ߬ߟߏ߲ ߛߐ߰ߡߊ߬ߘߊ ߄ ߕߎߡߊ ߟߋ߬ ߟ߫ߊ߸ ߞߎߟߎ߲ ߝߘߌ߫ ߘߊ߫ ߖ߭ߏߥߊߟ ߡߊߜߍ߲ ߘߐ߫، ߟߌ߬ߤߟߊ߬ߦߊ߬ ߖߐߖߐ߲߫ ߞߏ߬ߣߌ߲ ߛߐ߬ߘߐ߲߬ߣߍ߲߬ ߕߴߊ߲ ߓߟߏ߫ ߞߊ߬ߛߙߊ߬ߕߐ ߡߍ߲߬ ߠߎ߬ ߟߊ߫ ߞߏ ߞߊ߲߬߸ ߓߊ߬ߙߌ߫߸ ߞߌ߬ߓߊ߬ߙߏ߬ߘߊ ߘߏ߫ ߟ߫ߎ ߟߊ߫ ߝߐߟߌ߫ ߘߐ߫߸ ߡߐ߰ ߂߀߀ ߢߐ߲߰ ߠߋ߬ ߕߘߍ߬ ߦߋ߫ ߞߎߟߎ߲ ߣߌ߲߬ ߞߣߐ߫߸ ߛߊ߬ߓߊ߰ߕߐ߫ ߁߂ ߟߋ߬߬ ߟߊ߬ߦߟߍ߬ ߘߊ߫ ߖߌ ߞߘߐ߫߸ ߡߐ߰ ߃߀ ߟߋ߬ ߛߋ߫ ߘߊ߫ ߞߛߌ߫ ߟߊ߫ ߛߊ߬ߦߊ ߡߊ߬߸ ߡߐ߰ ߟߊߕߊ߲߬ߞߊ߬ߣߍ߲ ߠߎ߬ ߦߋ߫ ߞߟߍ߬ߡߐ߰ߘߊ ߟߊ߫.
ߢߊߢߌߣߌ߲ߠߌ߲ ߞߏ߬ߣߌ߲ ߦߋ߫ ߛߋ߲߬ߠߊ߫߸ ߞߎ߲߭ ߡߍ߲ ߞߍ߫ ߘߊ߫ ߛߊߓߎ߫ ߘߌ߫߸ ߞߎߟߎ߲ ߣߌ߲߬ ߝߘߌ߫ ߘߊ߫߸ ߊ߬ ߣߌ߫ ߞߊ߬ ߞߎߟߎ߲ ߠߊߓߏ߬ߙߌ߬ߓߊ߮ ߟߎ߬ ߟߐ߲߫ ߞߊ߬ ߕߍ߯ ߞߍ߫ ߊ߬ߟߎ߬ ߘߐ߫߸ ߢߊߢߌߣߌ߲ߠߌ߲߫ ߜߘߍ߫ ߝߣߊ߫ ߦߋ߫ ߛߋ߲߬ߠߊ߫߸ ߡߍ߲ ߟߐ߬ߣߍ߲߫ ߞߏߕߐ ߕߐ߭ ߟߎ߬ ߢߌߣߌ߲߫ ߞߊ߲ߡߊ߬، ߛߣߍ߬ߜ߭ߊ߬ߟߌ߬ ߞߊ߲ߕߌ߮ ߓߊ߬ߛߌߙߎ߬ ߖߏ߬ߡߊߦߌ߫ ߝߊߦߌ߬ ߟߊ߫ ߛߊ߲߬ ߞߎߘߊ߫ ߝߏߟߌ ߛߋ߲߭ߝߍ߬߸ ߊ߬ ߞߵߊ߬ ߟߊ߫ ߡߊ߲߬ߕߙߐ ߦߌ߬ߘߊߞߊ߬ ߞߎߟߎ߲߫ ߝߘߌ߫ ߣߌ߲߬ ߞߊ߲߬ ߠߋ߬.
ߊ߬ ߘߏ߲߬ ߛߋ߲߬ߧߊ߬ ߝߟߐ߫ ߕߍ߫ ߣߌ߲߬ ߘߌ߫ ߘߋ߬߸ ߞߎߟߎ߲ ߦߋ߫ ߝߘߌ߫ ߞߎ߲߬ߝߍ߬ߕߊ߯ߡߟߊ ߟߎ߬ ߘߌ߫߸ ߞߊߡߌߣߊߘߏ߫ ߓߐߕߏ߲ ߘߍ߬ߡߍ߲߬ߠߌ߲߬ ߞߙߎ ߟߊ߫ ߖߊ߬ߕߋ߬ߡߌ߬ߣߊ߬ ߓߟߏߡߊ߬߸ ߞߎ߲߬ߝߍ߬ߕߊ߯ߡߟߊ߫ ߥߊ߫ ߕߊ߲߫ ߊ߬ ߣߌ߫ ߗߡߍ߬ ߣߊ߯ߣߌ߲߫ ߠߋ߬ ߓߐ߬ߣߐ߫ ߘߴߊ߬ ߣߌ ߘߐ߫ ߂߀߂߄ ߠߊ߫، ߥߟߊ߫ ߞߵߊ߬ߟߎ߬ ߕߎߣߎ߲߫ ߍߛߌߔߊߢߌ߲߬ ߛߌߟߊ ߞߊ߲߬.
