ߊߋߛߌ߫ ߘߍߞߙߎ ߞߊ߲ߕߌ߮ ߟߎ߬ ߟ߫ߊ ߟߊ߬ߘߍ ߞߍߞߏ߫ ߝߌߟߊߣߊ߲ ߞߎ߲߭ߘߏ߲߬ ߘߊ߫ ߓߡߊ߬ߞߐ߫ ߟߋ߬߸ ߞߎߣߎ߲߬ ߞߐ߬ߟߏ߲ ߂߀߂߅ ߞߏߟߌ߲ߞߏߟߌ߲߫ ߕߋ߬ߟߋ߫ ߂߃ ߡߊ߬، ߏ߬ ߡߍ߲ ߛߋ߲߭ߝߍ߬߸ ߢߍߡߌߘߊ߫ ߊߛߌߡߌ߲߫ ߞߏ߬ߦߌ߬ߕߊ߫ ߣߐ߬ߘߐߓߌ߬ߟߊ߬ ߘߊ߫ ߓߙߎߞߌߣߊ߫ ߝߊ߬ߛߏ߬ ߞߊ߲ߕߌ߮ ߢߍߡߌߘߊ߫ ߌߓߙߊߤߌߡ ߕߙߊߥߟߋ߫ ߟߊ߫߸ ߡߊ߬ߟߌ ߞߊ߲ߕߌ߮ ߊߛߌߡߌ߲߫ ߞߏ߬ߦߌ߬ߕߊ ߟߋ߬ ߓߐ߫ ߘߊ߫ ߊߋߛߌ߬ ߞߊ߲ߕߌ߯ߦߊ ߟߊ߫ ߞߊ߬ ߓߙߎߞߌߣߊ߫ ߝߊ߬ߛߏ߬ ߞߊ߲ߕߌ߮ ߌߓߙߊߤߌߡ ߕߙߊߥߟߋ߫ ߓߌ߬ߟߊ߬ ߊ߬ߟߋ ߣߐ߭ ߘߐ߫.
ߛߊ߲߬ ߞߋߟߋ߲߫ ߟߐ߬ߒ߬ߞߋ߬ߟߊ߬ߟߌ ߞߍ ߞߊ߲ߡߊ߬، ߏ߬ ߕߊ߬ߡߌ߲߬ߣߍ߲ ߞߐ߸ ߞߊ߲ߕߌ߯ ߛߊ߬ߓߊ߫ ߡߍ߲߬ ߠߎ߫ ߞߊ߬ ߓߋ߬ߒ߬ߞߊ߲߬ߠߌ߲ ߠߎ߬ ߞߐ߲߫ ߠߋ߬ ߞߏߛߓߍ߫߸ ߡߍ߲ ߠߎ߬ ߦߋ߫ ߢߍߛߌ߲߫ ߠߊ߫ ߊ߬ߟߎ߬ ߟߊ߫ ߖߡߊ߬ߣߊ ߟߎ߫ ߡߊ߬ ߞߊ߬ߣߌ߲߬߸ ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߓߋ߬ߒ߬ߞߊ߲߬ߠߌ߲ ߡߍ߲ ߠߎ߬ ߦߋ߫ ߢߍߛߌ߲߫ ߠߴߊ߬ߟߎ ߡߊ߬߸ ߏ߬ ߕߍ߫ ߡߐ߰ ߝߊ߰ ߓߋߒߞߊ߲ߠߌ߲ ߘߐߙߐ߲߫ ߘߌ߫ ߘߋ߬߸ ߞߎ߲߬ߠߊ߬ߝߎ߬ߟߋ߲߬ ߞߏߙߏ߲ ߠߎ߬.
ߊ߬ ߣߌ߫ ߞߕߌ ߟߎ߬ ߦߟߍ߬ߡߊ߲ ߊ߬ ߢߊߖߎ߮ ߞߊ߲߬߸ ߖߐ߲߰ߛߊ߫ ߊ߬ߟߎ߬ ߘߌ߫ ߊߋߛߌ߬ ߥߊߘߌ ߓߏߛߌ߫ ߊ߬ ߓߟߏ߫ ߢߊ߫ ߡߍ߲ ߡߊ߬߸ ߊ߬ߟߎ߫ ߘߏ߲߬ ߓߌߣߍ߲߫ ߝߣߊ߫ ߞߵߊ߬ߟߎ߬ ߟߊ߫ ߘߎ߰ߞߘߐ߬ ߣߊ߲ߝߟߏ ߟߎ߬ ߟߊߞߊ߲ߘߊ߫߸ ߞߙߎ ߣߌ߲߬ ߓߊ߲߫ ߘߊ߫ ߞߊ߬ ߛߊ߬ߙߌ߬ߦߊ߬ߛߋ߲߬ ߣߊ߯ߣߌ߲߫ ߜߘߍ߫ ߝߙߊ߬ ߊߋߛߌ߬ ߛߊ߬ߙߌ߬ߦߊ ߟߎ߫ ߞߊ߲߬߸ ߏ߬ ߡߍ߲ ߠߎ߬ ߦߋ߫ ߟߊ߬ߞߊ߲߬ߘߊ߬ߟߌ ߣߌ߫ ߞߐߞߊ߲ߞߏ ߣߌ߫ ߥߙߎߞߌ ߣߌ߫ ߊ߬ߟߎ߬ ߟߊ߫ ߟߊ߬ߘߍ ߣߌ߲߬ ߘߌ߫.
ߏ߬ ߡߍ߲ ߞߍߞߏ߫ ߝߌߟߊߣߊ߲ ߦߋ߫ ߊ߬ߟߎ߬ ߓߟߏ߫ ߕߋ߲߬߸ ߊ߬ߟߎ߫ ߞߵߊ߬ߟߎ߬ ߟߊ߫ ߖߌ߬ߦߊ߬ߞߊ߲߬ߛߏ ߞߏߝߐ߫߸ ߊ߬ ߣߌ߫ ߊ߬ߟߎ߬ ߟߊ߫ ߜߍߓߏ߲߸ ߊ߬ߟߎ߬ ߟߊ߫ ߞߎߡߊߛߏ ߏ߬ ߡߍ߲ ߕߐ߯ߦߊߣߍ߲߫ ߊ߬ߟߎ߬ ߓߟߏ߫ ߞߏ߫<<ߞߎߡߊߛߏ ߊߋߛߌ߬>> ߒ߬ߓߊ߬߸ ߏ߬ ߓߍߣߊ߬ ߘߊߦߍ߬ߟߍ߫ ߊ߬ߟߎ߬ ߓߟߏ߫ ߟߏ߲߫ ߣߴߊ߬ ߣߊ߬ߕߐ ߟߎ߬ ߟߋ߬ ߘߐ߫.
