ߣߌ߲߬ ߞߍߣߍ߲߫ ߕߟߎߖ߭ ߟߋ߬߸ ߞߎߣߎ߲߬ ߞߐ߬ߓߊ߬ߟߏ߲ ߡߊ߬ ߞߏߟߌ߲ߞߏߟߌ߲ ߕߋ߬ߟߋ߫ ߂߂߸ ߡߏ߬ߛߏ ߘߏ߫ ߟߋ߬ ߕߊ߯ߣߍ߲߫ ߘߊ߲ߘߊߛߏ ߟߊ߫߸ ߊ߬ ߘߋ߲߫ ߛߐ߬ߘߐ߲߬ ߛߊ߲߬ ߞߎߘߊ ߛߎ߭ ߦߴߊ߬ ߓߟߏ߫، ߢߊߢߌߣߌ߲ߠߌ߲߫ ߓߘߊ߫ ߛߌ߰ ߛߋ߲߬ߠߊ߫ ߛߊ߬ߙߌ߬ߦߊ߬ ߞߎ߲ߘߊ߫߸ ߞߵߊ߬ ߞߏ ߕߊ߬ߡߌ߲߬ ߢߊ߬ ߖߐ߲ߖߐ߲ ߟߐ߲߫.
ߡߏ߬ߛߏ߫ ߛߊ߲߭ ߂߃ ߘߏ߫ ߟߋ߬ ߡߌ߬ߣߊ߬ߣߍ߲߫ ߞߵߊ߬ ߓߌ߬ߟߊ߬ ߢߟߊߥߛߎ ߟߊ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬ ߞߏߟߌ߲ߞߏߟߌ߲ ߕߋ߬ߟߋ߫ ߂߂، ߊ߬ߟߋ ߥߊ߫ ߘߊ߫ ߘߊ߲ߘߊߛߏ ߟߋ߬ ߟߊ߫߸ ߓߐ߬ߘߐ ߘߏ߫ ߦߴߊ߬ ߞߐ ߘߐ߫، ߖߊ߰ ߊ߬ ߘߋ߲ ߛߎ߭ ߟߋ߬ ߓߐ߬ߘߐ ߏ߬ ߞߣߐ߫߸ ߊ߬ ߘߋ߲߫ ߢߊߘߊ߲ ߡߍ߲ ߘߊ ߦߋ߫ ߛߌ߲ ߠߊ߫ ߞߊ߬ߣߌ߲߬.
ߊ߬ ߘߊߡߌߣߊ ߘߐ߫߸ ߘߋ߲ߡߛߏ ߛߐ߰ ߘߴߊ߬ ߝߐ ߟߋ߬ ߡߊ߬ ߞߏ߫ ߛߎ߭ ߞߊ߬ߙߌ߬ߝߊ߬ ߘߴߊ߬ ߟߊ߫ ߟߋ߬߸ ߊ߬ ߘߍ߬ߢߐ߲߰ߡߛߏ߬ ߘߏ߫ ߓߟߏ߫، ߊ߬ ߡߌ߬ߣߊ ߞߐ ߘߐ߫߸ ߊ߬ ߞߵߊ߬ ߝߐ߫ ߢߟߊߥߛߎ ߟߊ߫ ߦߋ߲߬߸ ߞߏ߫ ߊ߬ߟߋ ߟߋ߬ ߞߊ߬ ߘߋ߲ ߛߐ߬ߘߐ߲߬߸ ߞߏ߫ ߘߋ߲ ߣߊ߫ ߟߋ߬ ߦߴߊ߬ ߘߌ߫، ߛߓߍߟߌ ߘߏ߫ ߦߋ߫ ߘߊ߫ ߘߋ߲ ߛߎ߭ ߞߊ߲߬ ߓߐ߬ߘߐ ߞߣߐ߫߸ ߊ߬ ߦߌ߬ߘߊ߬ߣߴߏ߬ ߘߐ߫ ߞߏ߫ ߘߋ߲ ߛߐ߬ߘߐ߲߬ ߘߊ߫ ߞߊ߯ߙߌ߫ ߕߊ߬ߡߌ߲߬ߣߍ߲ ߠߋ߬߸ ߕߐ߲ߓߟߏߡߊ ߟߎ߫ ߟߋ߬ ߞߵߏ߬ ߟߊߛߙߋߦߊ߫.
ߢߊߢߌߣߌ߲ߠߌ߲߫ ߞߏ߬ߣߌ߲ ߓߘߊ߫ ߛߌ߰ ߛߋ߲߬ߠߊ߫، ߓߌ߬ߟߊ߬ ߞߍߣߴߊ߬ ߞߐ߫ ߛߊ߬ߙߌ߬ߦߊ߬ ߓߟߏ߫ ߡߍ߲ ߘߐ߫ ߏ߬ ߘߐ߫߸ ߏ߬ ߟߋ: ߘߋ߲ߣߍ߲߫ ߛߊ߲߬ ߁߅ ߘߎ߰ߟߊ ߝߊ߰ ߞߏ ߘߌ߫߸ ߏ߬ ߢߊߢߌߣߌ߲ߠߌ߲ ߓߘߊ߫ ߛߌ߰ ߛߋ߲߬ߠߊ߫ ߞߵߊ߬ ߞߏ ߞߊ߬ߙߌ߬ߝߊ߫ ߘߎ߰ߞߣߍ ߞߏߖߎ߯ߞߍ ߓߏߟߏ߲ߝߘߊ ߟߊ߫، ߕߟߎߖ߭ ߞߊ߲ߓߍ߲ ߞߕߌߞߊ߲ߘߊ ߘߊ߬ߝ߭ߌߘ ߛ߭ߊߙߡߊߕ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߘߌ߫ ߛߎ߬ߝߊ߬ߘߌ߬ߟߊ߬ߕߋ ߞߍ߫߸ ߞߊ߬ ߛߊ߬ߦߊ ߞߎ߲߬ ߖߐ߲ߖߐ߲ ߟߐ߲߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
