ߓߌ߬ ߞߏߟߌ߲ߞߏߟߌ߲ ߕߋ߬ߟߋ߫ ߂߁ ߂߀߂߅. ߝߊ߬ߛߏ߬ ߞߊ߲ ߠߎ߬ ߞߐߡߊߓߌ߲ߓߌ߲ߓߊ߮ ߟߎ߬ ߣߴߊ߬ ߛߍ߬ߘߏ߲߬ߠߊ ߟߎ߬ ߛߌߦߊߡߊ߲߫ ߠߋ߬ ߕߘߍ߬ ߛߌ߯ߙߌ߲߫ ߡߙߊ߬ߓߊ߰ߘߊ ߟߊ߬ߞߟߏ߬ߞߟߏ߬ߟߌ ߗߋߕߌ߯ߘߊ ߟߊ߫߸ߞߴߏ߬ ߞߎ߲߭ ߞߍ߫ ߞߊ߬ߝߊ ߘߏ߫ ߘߐߕߟߊ߫ ߞߏ ߘߌ߫ ߊ߬ ߣߌ߫ ߖߐ߬ߟߋ߲،ߞߊ߬ߝߊ ߏ߬ ߡߍ߲ ߞߎ߲߬ߕߐ߮ ߦߋ߫ ߞߏ߫ « ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߛߎߥߊ߲ߘߌ ߘߊ߬ߟߎ߬ ߞߍ߲ߘߍ ߟߎ߬ » ߞߊ߬ ߝߘߊ߫ ߛߌ߯ߙߌ߲߫ ߘߋ߲ߡߌߛߍ߲߫ ߘߍߞߙߎ ߘߏ߫ ߟߊ߫ ߞߏ߫ (ߛߌ߯ߙߌ߲߫ ߕߎ߲ߞߊߙߊ߲ߒߞߋ ߟߎ߬ ߘߎ߬ߘߋ߲߬ߧߊ.
ߏ߬ ߟߎ߬ ߟߋ߫ ߞߊ߬ ߞߝߊ߬ ߥߊ߯ ߁߀߀߀ ߜߌ߬ߙߌ߲߬ߘߌ߫ ߟߊ߫ ߊ߬ ߣߌ߫ ߖߐ߬ߟߋ߲߫ ߗߡߍ߬ ߞߊ߬ ߣߵߊ߬ ߘߐߕߟߊ߫ ߛߌ߯ߙߌ߲߫ ߒߞߏ߫ ߡߐ߮ ߟߎ߬ ߕߍ߫߸ߞߏߛߊ߫ ߒߞߏ ߘߌ߲߬ߞߏ ߟߎ߬ ߝߣߊ߫ ߦߋ߫ ߟߊߞߍ߫ ߞߊ߲ߕߌ߮ ߟߊ߫ ߓߊ߯ߙߊ߫ ߥߎ߬ߣߊ߲߬ߞߏߙߏ߲ ߟߎ߫ ߞߊ߬ߟߊߡߊ߬ ߸ߊ߬ ߓߘߊ߫ ߡߍ߲ ߞߍ߫ ،ߊ߬ ߦߋ߫ ߡߍ߲ ߞߍ߫ ߞߊ߲߬ ߊ߬ ߣߴߊ߬ ߣߊ߬ߕߐ߫ ߡߍ߲ ߞߍ߫ ߟߊ߫ ߟߏ߲߫ ߣߊ߬ߕߐ ߟߎ߬ ߘߐ߫ ߝߣߊ߫.
ߒ߬ߓߊ߬ ߸ߓߊ߯ߙߊ ߢߌ߲߬ ߞߍߓߊ߮ ߘߏ߫ ߓߍ߫ ߞߏ߫ ߊ߬ߓߊߛ ߖߓߊ߬ߕߍ߫ ߸ߏ߬ ߞߊ߲߫ ߊ߬ ߟߊ߫ ߝߐߟߌ߫ ߘߐ߫ ߕߊ߲߬ “ߒߠߋ ߕߐ߯ ߟߋ߬ ߊ߬ߓߊߛ ߖߓߊ߬ߕߍ߫ ߸ߛߌ߯ߙߌ߲ߞߊ ߟߋ߬ ߒ ߘߌ߫ ،ߒ ߡߊߖߌ߰ߣߍ߲߫ ߞߏߣߊߞߙߌ߫ ߟߋ߬. ߛߌ߯ߙߌ߲ߘߋ߲ ߝߋ߲ߝߋ߲߫ ߞߐߣߊߞߙߌ߫ ߏ߬ ߟߎ߬ ߟߋ߬ ߣߐ߬ ߊ߬ߟߎ߫ ߝߊ߲߬ߞߊ ߟߊ ߟߊ߫ ߢߐ߲߮ ߞߊ߲߬ ߸ߞߊ߬ ߞߊ߲ߕߌ߮ ߟߊ߫ ߓߊ߯ߙߊ߫ ߞߍߣߍ߲ ߠߎ߬ ߣߴߊ߬ ߓߌ߲߬ߕߊ ߣߴߊ߬ ߣߊ߬ߕߐ ߟߎ߬ ߘߟߊߡߌ߬ߘߊ߬ ߒߞߏ ߘߐ߫.
ߞߊ߬ߡߊߛߐ߬ߘߐ߲߬߸ߊ߬ ߝߊ߲߬ߓߊ ߕߴߊ߬ ߥߊߟߌ߫ ߞߊ߲ߡߊ ߏ߬ ߝߊ߰ߡߎ߲߬ ߠߴߊ߬ ߢߊ߫ ߓߘߍ ߡߊ߬ ،ߞߏߛߊ߫ ߒ ߘߌ߫ ߛߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߛߎߥߊ߲ߘߌ߫ ߞߎ߲ ߟߐ߫ ߠߊ߫ ߞߵߊ߬ ߛߎߥߊ߲ߘߌ߫ ߛߎߥߊ߲ߘߟߌ߫ ߣߊ߬ߕߐ ߣߌ߲߬ ߘߐ߫ ߸ߊ߬ߣߌ߫ ߛߎߥߊ߲ߘߟߌ߫ ߞߍߢߊ߫ ߢߌߡߊ ߟߎ߬.
ߊ߬ ߞߊ߲߫ ߌߞߐߕߎ߯ߣߌ߲ ߸ߞߏ߫ ߞߊ߲ߕߌ߮ ߓߘߊ߫ ߓߊ߯ߙߊ߫ ߛߌߦߊߡߊ߲߫ ߞߍ߫ ߖߡߊ߬ߣߊ ߞߣߐ߫ ߊ߬ ߣߌ߫ ߜߘߍ߫ ߟߎ߫ ߦߋ߫ ߛߋ߲߬ߠߊ߫ ߞߊ߬ ߓߐ߫ ߢߟߊ ،ߞߏ߫ ߝߊߦߌߘߊ߫ ߡߐ߰ ߘߴߊ߬ ߝߐ߫ ߞߏ߫ ߊ߬ ߣߊ߬ߕߐ߫ ߡߍ߲ ߞߍ߫ ߟߊ߫ ߸ߏ߬ ߘߌ߫ ߛߌߦߊߦߊ߫ ߞߊ߬ ߕߊ߬ߡߌ߲߫ ߡߍ߲ ߠߎ߬ ߓߘߊ߫ ߞߍ߫߸ߞߴߏ߬ ߘߐ߫ ߊ߲ ߝߣߊ߫ ߦߋ߫ ߞߊ߲ߕߌ߮ ߡߊ߬ߡߊ߬ߘߌ߬ ߘߎ߲ߓߎߦߊ߫ ߛߎߥߊ߲ߘߌ߫ ߞߵߊ߬ ߞߎ߲߬ߠߊ߬ߦߋߙߋ߲߫.
ߊ߬ ߞߏ ߘߊߞߎ߲ ߘߐ߫ ߸ߛߟߊߕߌ߮ ߢߊߣߌߡߊ߲ߖߎ߯ ߛߌ߬ߛߋ߫ ߝߣߊ߫ ߞߊ߲߫ ߞߏ߫ ߒߞߏ߫ ߞߊߙߊ߲ߕߊ ߡߍ߲ ߦߋ߫ ߛߌ߯ߙߌ߲߫ ߣߴߊ߬ ߟߊߡߌߣߌ߲ ߘߐ߫ ߸ߊ߬ ߘߌ߫ ߁߀ ߢߐ߲߰ ߓߐ߫ ،ߞߏ߫ ߓߊ߬ߙߌ߬ ߞߎ߲߬ߠߊ߬ߛߌ߮ ߡߴߊ߬ߟߎ߬ ߟߊߞߏߟߐ߲߫߸ߞߏ߫ ߊ߬ߟߎ߬ ߦߴߊ߬ ߝߍ߬ ߟߋ߬ ߞߎ߲߬ߠߊ߬ߛߌ߮ ߦߋ߫ ߞߊ߬ߙߊ߲߬ߕߊ ߏ߬ ߟߎ߬ ߟߊߞߏߟߐ߲߫ ߞߵߊ߬ߟߎ߬ ߘߊ߲ߞߎ߲߫ ߞߵߊ߬ߟߎ߫ ߖߊ߲߭ߓߌ߬ߟߊ߬ ߞߐߡߊߓߌ߲ߓߌ߲ߓߊ߮ ߟߎ߬ ߝߣߊ߫ ߞߐ߫.ߊ߬ ߘߊ ߛߋ߫ ߘߊ߫ ߝߊ߬ߙߊ߲߬ߛߌ߬ߞߊ߲ ߝߣߊ߫ ߡߊ߬߸ߞߏ߫ ߊ߲ ߕߴߛߋ߫ ߊ߬ ߝߐ߫ ߟߊ߫ ߞߏ߫ ߝߊ߬ߙߊ߲߬ߛߌ߬ߞߊ߲ ߕߊ߯ ߛߐ߱ ߣߌ߲߬ ߡߊ߬.
ߓߊ߬ߙߌ߬ ߣߴߊ߲ ߞߵߊ߲ ߘߐߖߊ߬ ߊ߲ ߠߊ߫ ߞߊ߲ ߞߊ߬ߙߊ߲ ߡߊ߬ ،ߊ߲ ߘߌ߫ ߝߊ߬ߙߊ߲߬ߛߌ߬ߞߊ߲ ߓߋ߬ ߞߵߊ߲ ߛߌ߰ ߊ߬ ߞߣߐ ߘߐ߫.ߒ߬ߞߊ߬߸ߞߏ߫ ߣߴߊ߲ ߞߵߊ߲ ߓߊ߲߬ ߝߊ߬ߛߏ߬ ߞߊ߲ ߠߎ߫ ߞߊ߬ߙߊ߲߬ ߞߏ ߡߊ߬߸ߞߵߊ߬ ߞߍ߫ ߞߎߡߊ߫ ߡߣߍߣߍ ߘߌ߫ ،ߝߊ߬ߙߊ߲߬ߛߌ߬ߞߊ߲ ߝߣߊ߫ ߘߴߊ߲ ߓߋ߬ ߞߵߊ߬ ߛߌ߰ ߊ߲ ߞߣߐ ߘߐ߫ ߸ߞߴߏ߬ ߓߊ߯ ߞߍ߫ ߊ߲ ߞߍߣߍ߲߫ ߓߍ߯ ߟߋ߬ ߞߐߡߐ߮ ߘߴߏ߬ ߘߌ߫ ߊ߲ ߝߊ߬ ߖߡߊߣߊ ߞߣߐ߫،ߊ߬ ߞߊ߲߫ ߊ߬ ߟߊ߫ ߞߎߡߊ߫ ߟߊߓߊ߲ ߘߐ߫ ߞߏ߫ ߊ߬ߟߎ߬ ߓߘߴߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߓߍ߯ ߞߍߕߐ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߋ߬ ߛߎߥߊ߲ߘߌ߫ ߟߊ߫ ߢߣߊߕߊߟߌ߫ ߣߊ߬ߕߐ ߘߐ߫.
ߖߊ߬ߡߊ ߛߣߍ߫ ߘߊߡߌ߬ߣߊ߬ ߘߊ߫ ߉ߙߋ߲ ߠߋ߬ ߸ߞߊ߬ ߞߎ߲߬ߜߙߊ ߘߊߡߌ߬ߣߊ߫ ߕߊ߲߫ ߕߎߡߊ ߟߊ߫ ،ߞߵߊ߬ ߞߏ ߡߎ߰ߡߍ ߞߎ߲߭ߘߏ߲߬ ߁߂ߕߎߡߊ ߟߊ߫ ߸ߊ߬ ߞߏ ߞߏ߬ߣߌ߲ ߞߍ߫ ߘߊ߫ ߥߊ߬ߛߊ ߘߌ߫ ،ߓߊ߸ ߛߣߍߓߊ߮ ߓߍ߯ ߞߊ߬ ߘߏ߫ ߛߐ߬ߘߐ߲߫ ߞߊ߬ߝߊ߫ ߜߌ߬ߙߌ߲߬ߘߌ߬ߣߍ߲ ߘߐ߫.
ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫ ߸ߛߌߟߊߓߐߛߐ߯ߣߊ߫ ߞߐߦߌߘߊ ߘߏ߫ ߛߌ߯ߙߌ߲߫.
