ߓߊߦߌߘߍ߲߫ ߓߘߊ߫ ߦߟߌߓߌߟߊߟߌ ߘߏ߫ ߞߍ߫ ߞߏ߫ ߊߡߙߌߞߌ߬ ߟߋ߬ ߣߌ߫ ߘߎߢߊ߫ ߥߣߊ߬ߦߊ ߞߊ߫ ߞߊ߲߫ ߘߊߞߎ߲ ߓߍ߯ ߘߏ߫ ߘߐ߫، ߊ߬ ߞߏ߬ߣߌ߲ ߞߵߊ߬ ߘߊ ߡߊ߰ ߙߎ߬ߛߌ߬ ߣߌ߫ ߛߌ߯ߣߌ߲߬ ߠߊ߫߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ߟߎ߫ ߛߌ߬ߣߊ ߟߵߏ߬ ߟߎ߬ ߘߌ߫ ߕߋ߲߬، ߝߊߦߌߘߊ߫߸ ߣߴߊ߬ߟߎ߬ ߡߊ߫ ߞߌ߬ߦߊ߬߸ ߡߍ߲ ߠߎ߬ ߓߍߣߊ߬ ߘߎߢߊ߫ ߡߊ߬ߙߊ ߣߴߊ߬ ߛߋߓߊ߯ߦߊ ߓߐ߫ ߊ߬ߟߎ߬ ߓߟߏ߫.
ߘߎߢߊ߫ ߥߣߊ߬ߦߊ ߟߐ߬ߘߎ߮߸ ߣߴߊߡߙߌߞߌ߬ ߞߵߊ߬ ߘߐߦߏߙߏ߲߫ ߘߐߙߐ߲߫߸ ߙߎ߬ߛߌ߬ ߥߟߊ߫ ߛߌ߯ߣߌ߲߬߸ ߏ߬ ߟߎ߬ ߘߴߊ߬ ߟߐ߬ ߦߙߐ ߏ߬ ߕߊ߬ ߘߏߦߌ߲߫، ߏ߬ ߞߎߡߊ ߝߐߣߍ߲߫ ߞߊ߬ߝߏ߫ ߘߍ߬ߣߍ߲ ߞߊ߲ߕߌ߯ ߞߘߐ ߖߏ߫ ߓߊߦߌߘߍ߲߫ ߠߋ߬ ߓߟߏ߫.
ߊ߬ ߟߊ߫ ߝߐߟߌ߫ ߘߐ߫߸ ߊ߬ ߞߎߡߊ߫ ߘߊ߫ ߝߐ߰ߓߍ߬ߘߊ ߘߏ߫ ߟߋ߬ ߟߊ߫ ߞߏ߫ ߘߌ߬ ߤߌ߯ߟ߸ ߏ߬ ߞߍ߫ ߘߊ߫ ߞߏߟߌ߲ߞߏߟߌ߲ ߕߟߋ߬ ߁߆ ߟߋ߬ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߥߊ߲ߛߌ߲ߕߐ߲߫ ߕߴߛߋ߫ ߥߣߊ߬ߦߊ ߏ߬ ߕߏ߫ ߟߊ߫ ߦߋ߲߬ ߡߎ߰ߡߍ߫߸ ߓߊߏ߬ <<ߘߎߢߊ߫ ߓߍ߯ ߖߎ߬ߟߎ ߟߋ߬ ߊߡߙߌߞߌ߬ ߟߊ߫>> ߏ߬ ߡߍ߲ ߞߘߐ ߦߋ߫ ߊߡߙߌߞߌ߬ ߕߍ߫ ߛߴߊ߬ ߣߴߊ߬ ߟߊ߫ ߝߊ߲߬ߞߊ ߣߴߊ߬ ߟߊ߫ ߛߋ ߕߏ߫ ߟߊ߫߸ ߞߊ߬ ߘߎߢߊ߫ ߕߏ߫ ߦߋ߲߬ ߕߋ߲߬߸ ߣߴߊ߬ ߡߴߊ߬ ߟߊ߫ ߥߣߊ߬ߦߊ ߟߊߓߊ߯ߙߊ߫ ߞߊ߬ ߘߎߢߊ߫ ߟߊߕߊ߯ߡߊ߫.
<<ߣߴߊ߲ ߠߎ߬ ߡߊ߫ ߘߎߢߊ߫ ߡߙߊ߬߸ ߖߐ߲߫ ߞߍߕߐ߫ ߊ߬ ߡߙߊ߬ ߟߊ߫؟ ߙߎ߬ߛߌ߫ ߓߊ߬؟ ߛߌ߯ߣߌ߲߬ ߓߊ߬؟>> ߓߊߦߌߘߍ߲߫ ߠߋ߬ ߞߊ߲߫ ߕߋ߲߬.
ߞߏ߲ߓߌߕߌ߮ ߟߊߓߊ߲ ߠߊ߫߸ ߙߎ߬ߛߌ߬ ߞߊ߲ߕߌ߮ ߝߑߟߊߘߡߌߙ ߔߎߕߌߣ ߞߵߊ߬ ߝߐ߫ ߞߏ߫ ߡߐߛߑߞߎ߫ ߛߐ߬ߘߐ߲߬ߣߍ߲߫ ߠߋ߬ ߘߎߢߊ߫ ߟߊߞߎߣߎ߲ ߘߐ߫߸ ߞߊ߬ ߥߙߎߣߍߞߎߘߦߊ ߖߎ߬ߟߎ ߕߍ߰ ߜߊߘߌ߫، ߞߊ߬ߕߎ߲߯߸ ߞߏ߫ ߊ߬ߟߎ ߦߴߊ߬ ߞߊ߲߬ ߞߊ߬ ߘߎߢߊ߫ ߟߊߝߏ߬߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߡߊ߫ ߖߐ߬ ߖߡߊ߬ߣߊ߬ ߛߌ߫ ߡߊ߬.
