ߊߋߛߌ߫ ߖߡߊߣߊ ߛߐ߬ߘߐ߲߬ߞߏ ߞߏߕߌ߮ ߞߊ߬ ߟߊ߬ߘߍ ߘߏ߫ ߟߋ߬ ߟߊߛߌ߰߸ ߏ߬ ߟߊ߬ߘߍ ߛߋ߲߭ߝߍ߬ ߖߡߊ߬ߣߊ߫ ߣߌ߲߬ ߗߋߘߋ߲ ߠߎ߬ ߞߊ߬ ߞߟߊ߬ߣߐ߰ߦߊ߬ߟߌ ߞߍ߫ ߓߍ߲߬ߞߊ߲߬ ߛߓߍ ߘߏ߫ ߞߣߐ߫، ߛߓߍ߫ ߏ߬ ߡߍ߲ ߦߋ߫ ߖߋ߬ߟߌ߬ߓߊ߬ߘߎ߯߸ ߜߍߓߏ߲ ߣߌ߲߬ ߕߐ߯ߦߊߣߍ߲߫ ߊ߬ߟߎ߬ ߓߟߏ߫ ߟߋ߬ ߞߏ߫.
<<ߓߋ߫ ߺ ߛߋ ߺ ߘߋ ߊߋߛߌ߫>> ߞߟߊ߬ߣߐ߰ߦߊ߬ߟߌ ߣߌ߲߬ ߦߋ߫ ߢߍߕߊ߮ ߟߋ߬ ߘߌ߫ ߓߊ߯ߙߊ ߕߐ߭ ߟߎ߬ ߞߍߟߌ ߟߊ߫߸ ߣߊ߲߬ߝߟߏ߫ ߓߙߍ߬ߦߊ ߡߍ߲ ߞߊ߫ ߞߊ߲߫ ߞߊ߬ ߡߊ߬ߙߊ߫߸ ߏ߬ ߦߋ߫ ߓߍ߲߬ ߠߊ߫ ߛߍߝߊ߫ ߥߊߘߌ߫ ߡߟߌߦߊ߯ߙߌ߫ ߅߀߀ ߟߋ߬ ߡߊ߬.
ߓߊ߯ߙߊ߫ ߜߘߍ߫ ߡߍ߲ ߝߣߊ߫ ߣߊ߬ߕߐ߫ ߞߍ߫ ߟߴߊ߬ߟߎ߫ ߓߟߏ߫߸ ߏ߬ ߦߋ߫ ߢߍߡߐ߮ ߟߎ߬ ߛߎߥߊ߲ߘߌ߫ ߟߋ߬ ߘߌ߫߸ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߓߌ߬ߟߊ߬ ߜߍߓߏ߲ ߢߌ߲߬ ߞߎ߲߬ߠߊ߫ ߞߣߐ߬ߜߍ߲߬ߠߌ߲ ߓߟߏߡߊ߬߸ ߊ߬ ߣߌ߫ ߞߊ߬ ߓߐ߫ ߝߙߍ߬ ߜߘߍ߫ ߟߎ߫ ߘߌ߫߸ ߥߊߘߌ ߞߊߡߊ߲߫ ߞߊ߬ ߛߐ߬ߘߐ߲߬ ߢߊ߫ ߡߍ߲ ߡߊ߬، ߓߊ߬ߙߌ߫߸ ߥߊߘߌ ߞߊߡߊ߲߫ ߞߊ߬ ߘߏ߲߬ ߘߊ ߡߍ߲ ߠߊ߫ ߛߌߣߍ߲߬ ߛߊ߫.
ߏ߬ ߞߊ߬ߣߌ߲ ߡߊ߫ ߔߘߋߔߘߋߟߊߕߍ߰ ߊ߬ߟߎ߬ ߓߟߏ߫ ߝߟߐ߫߸ ߓߙߎߞߌߣߊ߫ ߛߐ߬ߘߐ߲߬ߞߏ ߞߏߕߌ߮ ߞߏ߲߬ߓߏ ߊߓߎߓߊߞߊ߯ߙߌ߬ ߣߊߞߣߊߓߎ߫ ߞߙߊ ߛߋ߫ ߘߊ߫ ߣߊ߲߬ߝߟߏ ߘߏ߲߬ߘߊ ߦߙߌߥߊ ߛߌߟߊ ߟߎ߬ ߟߋ߬ ߡߊ߬߸ ߡߊ߬ߟߌ ߛߐ߬ߘߐ߲߬ߞߏ ߞߏߕߌ߮ ߟߊ߫ ߞߎߡߊ ߟߎ߬ ߟߐ߬ ߘߊ߫ ߛߍ߬ߣߍ ߣߌ߫ ߝߊ߲ߓߏ߲ߞߏ ߟߎ߬ ߟߋ߬ ߡߊ߬߸ ߡߍ߲ ߕߏߣߍ߲߫ ߓߎ߬ߕߎ߲߫߸ ߏ߬ ߦߋ߫ ߊߋߛߌ߫ ߖߡߊߣߊ ߟߊ߫ ߛߌߣߌ߲ߢߍߛߌ߮ ߟߋ߬ ߘߌ߫.
