ߣߌ߲߬ ߞߍߣߍ߲߫ ߕߌ߬ߞߏ߫ ߟߋ߬߸ ߟߍ߲ߓߋ߫ ߣߌ߫ ߘߎߥߟߊ߫ ߕߍߟߊ ߘߐ߫߸ ߥߙߊߞߘߊ ߝߙߍߕߍ߫ ߃߲ ߞߊ߲߬، ߝߊ߯ߞߊ߲ߓߋ߲ ߘߏ߫ ߟߋ߬ ߝߏߘߏ߲ߣߍ߲߫ ߦߋ߲߬߸ ߞߵߊ߬ ߛߐ߬ߘߐ߲߬ ߖߌߥߎ ߕߏ߲ߜߊ߫ ߃߆ ߀߀߀ ߦߴߊ߬ ߞߎ߲߬، ߡߊ߬ߡߙߊ߬ߟߌ ߟߋ߬ ߕߟߊߣߍ߲߫ ߟߊ߬ߓߏ߬ߙߟߌ߬ߟߊ ߟߊ߫߸ ߞߊ߬ ߥߟߏ߫ ߡߎߕߋ߲ߖ߭ߋߣ ߞߙߎ߬ߣߊߡߘߊ ߞߊ߲߬߸ ߟߌߞߎ߲ߓߊ߫ ߛߍ߲ ߡߊߜߍ߲ ߘߐ߫، ߡߐ߰ ߈ ߠߋ߬ ߝߊ߰ ߘߊ߫߸ ߊ߬ ߓߍ߯ ߖߋ߬ߣߌ߲߬ ߘߊ߫ ߟߋ߬ ߞߎߙߍ߫߸ ߞߊ߬ ߛߏ ߓߌ߬ߟߊ߫ ߞߣߐ߬ߜߊ ߘߐ߫.
ߝߊ߯ߞߊ߲ߓߋ߲ ߣߌ߲߬ ߥߟߏߥߟߏ߫ ߘߊ߫ ߞߙߎ߬ߣߊߡߘߊ ߡߍ߲ ߞߊ߲߬߸ ߟߎ߫ ߛߌߦߊߡߊ߲߫ ߠߋ߬ ߕߍ߬ߘߍ߫ ߦߋ߲߬߸ ߊ߬ ߕߊ߬ߡߌ߲߬ ߘߊ߫ ߡߍ߲ ߠߎ߬ ߘߐߥߦߊ߬ ߟߴߊ߬ ߝߍ߬߸ ߊ߬ ߣߌ߫ ߞߐ߲߬ߛߏ߬ߛ ߛߌߦߊߡߊ߲߫، ߝߊ߰ߓߊ߰ߕߐ ߟߎ߬ ߘߐ߫߸ ߘߋ߲ߣߍ߲ ߠߎ߬ ߣߌ߫ ߡߏ߬ߛߏ ߘߏ߫ ߟߎ߫ ߦߴߊ߬ ߘߐ߫߸ ߘߏ߫ ߟߎ߫ ߖߍ߬ߘߍ ߡߊ߫ ߛߋ߫ ߡߊߟߐ߲߫ ߠߊ߫ ߕߊ ߟߊ߫ ߖߋ߬ߣߌ߲߬ߠߌ߲ ߓߟߏ߫، ߡߐ߰ ߛߊ߬ߓߊ߫ ߟߋ߬ ߛߋ߫ ߘߊ߫ ߓߐ߫ ߟߴߊ߬ ߘߐ߫߸ ߕߊ ߞߵߊ߬ߟߎ߫ ߖߋ߬ߣߌ߲߬ ߛߊ߫߸ ߓߊ߬ߙߵߊ߬ߟߎ߬ ߡߊ߫ ߓߐ߬ߣߐ߫ ߊ߬ߟߎ߬ ߣߌ ߘߐ߫، ߏ߬ ߟߎ߫ ߕߊ߬ ߘߊ߫ ߞߊ߬ ߥߴߊ߬ߟߎ߬ ߘߌ߫ ߓߌ߲ߜ߭ߏ߫ ߘߊ߲ߘߊߛߏ ߟߋ߬ ߟߊ߫߸ ߣߊ߲߬ߕߌ߮ ߘߏ߫ ߟߎ߫ ߝߣߊ߫ ߡߊߘߌߡߌ߲߫ ߘߊ߫߸ ߏ߬ ߟߎ߬ ߕߊ ߡߊ߫ ߖߎ߯ߦߊ߫ ߓߊߞߍ߫.
ߟߌ߲ߓߋ߫ ߓߊߙߊ߲ߕߏ߲߫ ߥߎߟߋ߲ ߛߌ߲߬ߝߏ߲ ߘߏ߫߸ ߞߏ߫ ߏߞߑߥߊ߲ߘߎ߲ ߛߊߡߌߦߍߟ ߒߘߋ߲ߖ߭ߋ߲߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߛߎ߭ ߡߍ߲ ߠߎ߬ ߦߋ߫ ߛߋ߫ ߟߊ߫ ߟߊߞߙߐ߬ߛߌ߬ ߟߊ߫ ߓߊߞߍ߭߸ ߊ߲ ߞߵߏ߬ ߟߎ߫ ߟߋ߬ ߡߊߟߐ߲߫، ߘߋ߲ߣߍ߲߫ ߞߋߟߋ߲߫ ߦߴߊ߬ ߘߐ߫߸ ߊ߬ ߣߌ߫ ߡߛߏ߬ ߞߋߟߋ߲߫߸ ߞߵߏ߬ ߟߊ߫ ߡߐ߰ߓߊ߬ߞߘߐ߬ ߥߐߙߐ߲ߝߌ߬ߟߊ߫ ߞߊ߲߬، ߊ߲ ߞߏ߬ߣߌ߲ ߡߴߊ߬ ߟߐ߲߫ ߣߴߊ߬ ߓߍ߯ ߟߵߏ߬ ߘߌ߫ ߡߎߣߎ߲߬، ߓߊߏ߬߸ ߕߊ ߦߋ߫ ߘߎ߰ߞߎߟߎ߲ ߘߏ߫ ߟߎ߫ ߟߊ߫ ߝߟߐ߫، ߊ߲ ߓߘߊ߫ ߢߌߣߌ߲ߠߌ߲ ߞߍ߫ ߝߊ߲߬ ߛߌߦߊߡߊ߲߫ ߘߐ߫߸ ߊ߲ ߡߊ߫ ߛߎ߬ ߜߘߍ߫ ߟߎ߫ ߦߋ߫ ߡߎߣߎ߲߬، ߤߊߟߵߊ߲ ߠߊ߫ ߡߐ߱ ߘߏ߫ ߟߎ߫ ߣߌ߫ ߣߊ߲߬ߕߌ߮ ߘߏ߫ ߟߎ߫ ߖߐߞߌ߫ ߘߊ߫ ߟߋ߬ ߢߌߣߌ߲ߠߌ߲ ߥߊ߯ߕߌ ߏ߬ ߟߊ߫.>>
ߡߊ߬ߛߎߓߊ ߣߌ߲߬ ߟߊ߲߬ߓߏ߲ ߠߊ߫ ߥߊ߬ߙߊ ߞߏߛߐ߲߬߸ ߕߊߟߛߊߟߊ ߘߏ߫ ߟߎ߫ ߓߐ߫ ߘߊ߫ ߟߋ߬ ߘߎߥߟߊ߫ ߞߊ߬ ߥߊ߫ ߡߊ߬ߜߍ߲ ߠߊ߫ ߦߋ߲߬، ߊ߬ߟߎ߫ ߞߊ߬ ߛߌߟߊ߫ ߝߘߊ߫ ߜߘߍ߫ ߓߐ߫߸ ߛߊ߫ ߡߐ߱ ߟߎ߬ ߘߌ߫ ߕߊ߬ߡߌ߲߫ ߦߋ߲߬ ߡߎߣߎ߲߬.
ߡߊ߬ߛߎ߬ߓߊ߬ ߜߘߍ߫ ߝߣߊ߫ ߦߋ߫ ߣߌ߲߬ ߞߏ ߘߐ߫߸ ߖߌߥߎ ߡߍ߲ ߓߐ߲߬ߣߍ߲߫߸ ߏ߬ ߓߘߊ߫ ߖߌ߰ ߞߐ߬ߟߐ߲ ߘߏ߫ ߟߎ߫ ߞߣߐ߫߸ ߏ߬ ߡߍ߲ ߡߊ߲߬ߕߙߐ ߘߌ߫ ߛߋ߫ ߦߋ߫ ߟߊ߫ ߞߍ߲ߘߍߦߊ ߡߊ߬، ߢߊߢߌߣߌ߲ߠߌ߲߫ ߞߏ߬ߣߌ߲ ߓߘߊ߫ ߛߌ߰ ߛߋ߲߬ߠߊ߫߸ ߞߵߊ߬ ߞߎ߲߬ ߖߐ߲ߖߐ߲ ߟߐ߲߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
