ߙߏߥߊ߲ߘߊ߫ ߞߊ߲ߕߌ߮ ߔߏߟߌ߫ ߞߊߞߊߡߋ߫ ߣߌ߫ ߓߎ߳ߙߎ߲߳ߘߌ߫ ߞߊ߲ߕߌ߮ ߋߝ߭ߊߙߌߛߑߕߋ߫ ߒߘߊߦߛߌߡߌߦߋ߫ ߞߎߡߊ߫ ߘߊ߫ ߟߋ߬ ߞߎߣߎ߲߬ ߞߵߊ߬ ߓߍ߲߬ ߓߍ߯ߦߊ߫ ߞߏ߲߬ߞߏ߫ ߞߍ߬ߟߍ ߡߊ߬߸ ߞߍ߬ߟߍ ߡߍ߲ ߦߴߌߘߐ߫ ߓߍ߯ߦߊ߫ ߖߡߊ߬ߣߊ ߣߌ߫ ߍߡ-ߝ߭ߍ߲߫ ߕߙߏߥߊ ߓߟߏ߫.

ߞߊ߲ߕߌ߮ ߝߌ߬ߟߊ ߞߎߡߊ߫ ߘߊ߫ ߞߍ߬ߟߍ ߏ߬ ߟߋ߬ ߞߊ߲߬߸ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߞߟߊ߬ߣߐ߬ߦߊ߬ߟߌ ߘߏ߫ ߕߘߍ߬ ߓߘߊ߫ ߞߍ߫ ߞߘߐ߬ߡߊ߲߫ ߟߐ߯ߞߎ߲߫ ߕߊ߬ߡߌ߲߬ߣߍ߲ ߡߊ߬߸ ߍߡ-ߝ߭ߍ߲߫ ߕߙߏߥߊ ߓߊ߰ߓߊ߰ߟߌ߬ ߞߙߎ ߞߏ߬ߣߌ߲ ߞߊ߬ ߓߋ߬ߒ߬ߞߊ߲߬ߠߌ߲߬ ߜߘߍ߫ ߟߋ߬ ߞߍ߫ ߛߎߘ-ߞߌߝ߭ ߡߊ߬ߙߊ ߞߣߐ߫.

ߞߣߊ߬ ߛߋ߫ ߡߊ߬ߙߊ ߣߌ߲߬ ߦߙߐ߫ ߞߙߍߞߙߍߣߍ߲߫ ߘߏ߫ ߡߊ߬ ߎ߳ߝ߭ߌߙߊ߫ ߡߊ߬ߙߊ ߞߣߐ߫ ߞߊ߬ߣߌ߲߬، ߦߙߐ߫ ߏ߬ ߦߋ߫ ߓߎ߳ߙߎ߲߳ߘߌ߫ ߓߐߕߏ߲ ߠߋ߬ ߞߍ߬ߙߍߝߍ߬߸ ߒ߬ߓߊ߬߸ ߙߏߥߊ߲ߘߊ߫ ߣߌ߫ ߓߎ߳ߙߎ߲߳ߘߌ߫ ߞߊ߲ߕߌ߮ ߟߎ߬ ߞߊ߬ ߢߐ߲߯ ߟߐߦߙߐ߫ ߟߊߜߎߝߎ߲ ߠߋ߬ ߞߍ߫ ߞߍ߬ߟߍ ߣߌ߲߬ ߞߣߐ߫.