ߞߵߊ߬ ߓߍ߲߬ ߓߋߣߍ߲߫ ߞߌ߬ߓߊ߬ߙߏ߬ߘߊ ߘߏ߫ ߟߊ߫ ߝߐߟߌ ߡߊ߬߸ ߞߏ߫ ߝߊߙߌ߲ ߔߊߛߑߞߊߟ ߕߌߜ߭ߙߌ߬ ߡߍ߲ ߞߊ߬ ߞߊ߬ߝߏ߬ ߖߊߛߏ߲ ߛߌ߰ ߛߋ߲߬ߠߊ߫ ߓߋߣߍ߲߫ ߖߡߊ߬ߣߊ ߞߣߐ߫ ߓߌ߬ ߞߊ߯ߙߌ ߣߌ߲߬ ߛߐ߱ߡߊ߬߸ ߏ߬ ߓߘߊ߫ ߕߌߢߍ߫ ߂߀߂߅ ߞߏߟߌ߲ߞߏߟߌ߲ ߕߟߋ߬ ߇ ߣߌ߲߬ ߡߊ߬߸ ߊ߬ ߢߌߣߌ߲ ߠߋ߬ ߦߴߌߘߐ߫ ߖߡߊ߬ߣߊ ߣߊ߲߬ߕߌ߮ ߟߎ߬ ߓߟߏ߫ ߕߋ߲߬ ߞߊߕߌ߫.
ߞߍߒߞߊ߲ߠߌ߲߫ ߞߙߎ ߡߍ߲ ߠߎ߬ ߞߵߊ߬ߟߎ߬ ߟߊߘߍ߬ ߓߌ߬ ߖߍ߲ߓߎߙߍ߲ ߝߍ߬ ߞߊ߬ߝߏ߬ ߖߊߛߏ߲ ߘߌ߫߸ ߞߏ߫ ߊ߬ߟߎ߬ ߦߋ߫ ߖߡߊ߬ߣߊ ߞߊ߲ߕߌ߮ ߣߴߊ߬ ߟߊ߫ ߡߙߊ߬ߞߊ߲ ߘߊߝߘߌ߫ ߟߊ߫߸ ߏ߬ ߟߎ߬ ߓߘߊ߫ ߡߌ߬ߣߊ߬، ߓߐߛߎ߲߫ ߛߌߦߊߡߊ߲߫ ߡߊߝߟߍ ߞߐ ߣߌ߲߬ ߘߐ߫߸ ߊ߬ ߦߌ߬ߘߊ߬ߣߍ߲߬ ߞߏ߫ ߊ߬ ߛߌߦߊߡߊ߲߫ ߦߋ߫ ߓߏ߬ߙߌ߬ ߥߊ ߟߊ߫ ߕߋ߲߬، ߓߏ߬ߙߌ߬ߓߊ߰ߕߐ ߏ߬ ߟߎ߬ ߘߐ߫߸ ߝߊߙߌ߲ ߕߌߜ߭ߙߌ߫ ߦߴߊ߬ ߘߐ߫߸ ߊ߬ߟߋ ߡߍ߲ ߕߍ߬ߘߍ߫ ߖߊ߬ߕߋ߬ ߟߊ߫ ߓߋߣߍ߲߫ <<ߗߍ߬ߓߊ߬ ߞߋߟߋ߲>> ߘߌ߫ ߓߌ߬ ߞߊ߬ߣߌ߲߬߸ ߞߊ߬ߝߏ߬ ߖߊ߬ߛߏ߲߬ ߞߏ ߟߊߛߋ ߞߐ ߘߐ߫ ߊ߬ߟߎ߬ ߓߟߏ߫.
ߕߎ߬ߡߊ߬ߙߋ߲߬ ߘߊߘߐ߫ ߞߊ߬ߝߏ߬ ߖߊ߲߬ߛߏ߲߬ ߞߏ ߝߐߣߍ߲ ߞߐ߫ ߖߡߊ߬ߣߊ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߣߊ߲߬ߕߌ߰ ߞߊ߲ߓߍ߲ߠߞߊ ߟߎ߫ ߞߊ߬ ߞߏ ߟߎ߬ ߓߌ߬ߟߊ߫ ߞߟߊ߬ ߞߋߟߋ߲߫ ߞߊ߲߬، ߖߌ߬ߦߊ߬ߞߊ߲ ߡߍ߲ ߡߌ߬ߣߊ߬ߣߍ߲߫ ߕߍ߬ߘߍ߫ ߊ߬ߟߋ߬ ߞߍߒߞߊ߲ߠߌ߲ߠߊ ߟߎ߬ ߓߟߏ߫߸ ߏ߬ ߟߎ߫ ߞߊ߬ ߦߋ߲߬ ߘߐߞߊ߬ ߘߏߦߌ߲߫.
ߟߊ߬ߞߊ߲߬ߘߊ߬ߟߌ ߣߌ߫ ߞߣߐߟߊ ߞߏߕߌ߮ ߞߊ߬ ߝߊ߲ߞߊߢߊ߲ ߘߏ߫ ߟߊߛߋ߫߸ ߞߍߦߙߐ ߢߌ߲߬ ߠߊ߫ ߝߐߟߌ߫ ߘߐ߫߸ ߞߏ߫ ߝߊ߲ߞߊߢߊ߲ ߏ߬ ߞߍ߫ ߘߊ߫ ߓߋߣߍ߲߫ ߖߌ߬ߦߊ߬ߞߊ߲߬ߛߏ߬ߓߊ ߟߋ߬ ߟߊ߫، ߏ߬ ߡߍ߲ ߞߊ߬ ߕߡߊ߬ߖߌ ߓߐ߫ ߖߊ߬ߡߊ ߘߐ߫߸ ߞߊ߬ ߓߊ߲߫ ߞߵߊ߬ ߝߐ߫ ߖߡߊ߬ߣߊ߬ߘߋ߲ ߠߎ߬ ߦߋ߫ ߞߏ߫ ߓߍ߯ ߦߋ߫ ߥߴߊ߬ ߟߊ߫ ߓߊ߯ߙߊ߫ ߡߊ߬.
ߢߊߝߐߟߌ ߟߎ߬ ߦߋ߫ ߢߝߍ߫ ߞߏ ߘߌ߫߸ ߣߴߊ߲ ߓߟߏ ߟߊ߫ ߘߊ߫ ߡߍ߲ ߘߐ߫ ߞߊ߬ߣߌ߲߬.
ߊߟߎ߫ ߞߏ߬ߣߌ߲ ߦߴߊ߬ ߟߐ߲߫ ߞߏ߫ ߊ߲ ߕߍ߫ ߝߊ߬ߙߊ߲߬ߛߌ߫ ߞߌ߬ߓߊ߬ߙߏ߬ߘߊ߬ ߛߌ߫ ߞߍ߫ ߟߴߊ߲ ߠߊ߫ ߦߟߌߡߊߛߙߋ߫ ߘߌ߫ ߓߋߣߍ߲߫ ߕߊ ߣߌ߲߬ ߘߐ߫߸ ߝߏ߫ ߣߌ߫ ߡߍ߲ ߝߘߊ߫ ߘߊ߫ ߘߌ߲߬ߞߌߙߊ ߝߐ߰ߓߍ߬ߘߊ ߟߎ߬ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
