ߘߏ߫ ߓߘߊ߫ ߟߊ߫ ߛߏ߲ߞߏ߫ ߟߊ߫ ߝߊ߲߬ߞߊ ߞߊ߲߬ ߞߊ߲ߕߌ߯ ߖߏ߬ߡߊߦߌ߬ ߝߊߦߌ߬ ߓߟߏ߫߸ ߛߣߍ߬ߜ߭ߊ߬ߟߌ߫ ߞߊ߲ߕߌ߮ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߞߊ߬ ߟߊ߬ߕߍ߰ߦߊ ߘߏ߫ ߟߋ߬ ߕߊ߬ ߓߌߟߏ߲ ߕߊ߬ߡߌ߲߬ߣߍ߲ ߡߊ߬߸ ߞߊ߬ ߦߟߍ߬ߡߊ߲ ߘߏ߲߬ ߞߏߕߌ߯ ߢߍߡߐ߮ ߟߊ߫ ߓߊ߯ߙߊ ߘߐ߫.

ߓߘߍ߬ߓߘߍ߬ߟߌ ߞߟߊ߬ߡߊ߬ߓߊ߮ ߟߎ߬ ߞߵߊ߬ ߦߌ߬ߘߊ߬ ߞߏ߫ ߞߊ߲ߕߌ߯ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߕߍ߬ߘߍ߫ ߞߵߊ߬ ߟߊ߬ߛߋ߬ߟߌ ߡߍ߲ ߞߍ߫ ߞߏ߲ߞߏߘߓߌ߫ ߕߊ߬ߡߌ߲߬ߣߍ߲ ߡߊ߬߸ ߞߏ߫ ߊ߬ߟߋ ߦߋ߫ ߞߏߕߌ߯ ߢߍߡߐ߯ ߝߊ߲߬ߞߊ߬ߕߌ߮ ߟߎ߬ ߟߋ߬ ߞߐ߫߸ ߒ߬ߓߊ߬.

ߊ߬ ߝߟߍ߫ ߞߊ߬ ߏ߬ ߟߎ߫ ߟߋ߬ ߓߟߏߦߊߟߌ ߘߊߡߌ߬ߣߊ߫ ߕߊ߲߬، ߞߏߕߌ߯ ߢߍߡߐ߮ ߟߊ߫ ߓߊ߯ߙߊ ߟߎ߬ ߓߍߣߊ߬ ߓߏ߬ߙߌ߫ ߟߐ߬ߛߋ߲ ߛߊ߬ߓߊ߫ ߟߋ߬ ߞߊ߲߬߸ ߏ߬ ߡߍ߲ ߞߎ߲߭ ߦߋ߫ ߣߌ߫ ߞߎߘߊ ߘߏ߲߭ ߘߌ߫ ߖߡߊ߬ߣߊ ߞߎߓߋ ߟߊ߫ ߓߊ߯ߙߊ ߞߍߢߊ ߟߊ߫߸ ߏ߬ ߟߐ߬ߛߋ߲߬ ߝߟߐ ߓߍߣߊ߬ ߓߏ߬ߙߌ߫ ߛߍ߯ߛߍ߯ߟߌ߫ ߞߙߎ ߘߏ߫ ߟߋ߬ ߞߊ߲߬.

ߏ߬ ߦߋ߫ ߞߙߎ߫ ߟߋ߬ ߘߌ߫߸ ߡߍ߲ ߦߋ߫ ߛߍ߯ߛߍ߯ߟߌ ߞߍ߫ ߟߊ߫ ߖߡߊ߬ߣߊ ߞߎߓߋߘߊ ߟߎ߬ ߟߊ߫ ߛߐ߬ߘߐ߲ ߛߌߟߊ ߝߍ߬، ߒ߬ߓߊ߬߸ ߞߊ߬ ߏ߬ ߟߎ߫ ߜߋ߬ߟߎ߲߫ ߞߵߊ߬ ߟߐ߲߫ ߏ߬ ߞߋ߬ߟߋ߲߬ߞߋ߬ߟߋ߲߬ߠߊ ߦߋ߫ ߖߡߊ߬ߣߊ ߣߊ߲߬ߝߟߏ ߞߍ߫ ߟߊ߫ ߘߌ߫.

ߊ߬ ߣߌ߫ ߝߊ߬ߛߏ ߓߊ߯ߙߊ ߦߋ߫ ߞߍ߫ ߟߊ߫ ߘߌ߬ ߊ߬ߟߎ߬ ߓߟߏ߫؟ ߏ߬ ߟߎ߬ ߟߊ߫ ߓߊ߯ߙߊ ߦߋ߫ ߞߏ ߟߎ߬ ߞߍ ߟߋ߬ ߘߌ߫ ߜߍߦߊ ߟߊ߫߸
ߊ߬ ߝߌߟߊߣߊ߲ ߓߍߣߊ߬ ߓߏ߬ߙߌ߫ ߓߊ߯ߙߊ ߞߍߢߊ ߢߊߝߐߟߌ ߟߎ߬ ߟߋ߬ ߞߊ߲߬߸ ߊ߬ ߣߌ߫ ߦߟߍ߬ߡߊ߲ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߞߍ߫ ߞߎߓߋߘߊ ߞߣߐ߫.

ߏ߬ ߟߎ߬ ߟߊ߫ ߓߊ߯ߙߊ ߦߋ߫ ߞߙߐ߬ߛߌ߬ߟߌ ߟߎ߬ ߟߋ߬ ߘߌ߫ ߓߊ߯ߙߊ ߞߍߢߊ߫ ߓߘߍ ߞߊ߲߬߸
ߛߓߊߣߊ߲ ߦߋ߫ ߞߏߕߌ߯ ߞߙߎ ߟߊ߫ ߞߏ ߢߣߊߓߐ߫ ߞߙߎ ߟߋ߬ ߘߌ߫߸ ߏ߬ ߟߎ߬ ߟߊ߫ ߓߊ߯ߙߊ ߦߋ߫ ߡߍ߲ ߘߌ߫߸ ߓߊ߯ߙߊ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߞߍ߫ ߞߏߕߌ߮ ߕߍ߬ߟߊ ߘߐ߫.

ߏ߬ ߟߎ߬ ߦߋ߫ ߛߋ߫ ߞߊ߬ ߟߊߒߞߣߍߡߊ߫ ߛߊ߬ߙߌ߬ߦߊ ߞߣߐ߫߸ ߊ߬ ߣߴߊ߬ߟߎ߬ ߦߋ߫ ߛߋ߫ ߞߊ߬ ߓߟߏߦߊ߫ ߞߊߟߌߦߊ ߓߟߏߡߊ߬.