ߞߏߟߌ߲ߞߏߟߌ߲߫ ߕߋ߬ߟߋ߫ ߛߊ߬ߓߊ ߟߋ߬ ߦߋ߫ ߖߌ߬ߣߍ߫ ߝߐ߰ߓߍ߬ߦߊ߬ߟߊ ߤߊ߬ߓߌߓ ߡߊߙߎߥߊߣ ߞߊ߬ߡߙߊ߬ ߕߎߣߎ߲ ߘߌ߫ ߊ߬ ߟߊ߫ ߡߐ߱ ߟߎ߫ ߡߊ߬߸ ߙߋߝ߭ߌߟߊߕߍߙ ߘ߭ߋߛߊ߲ߝ߭ߍ߲ߞߊߕ ߢߍߡߐ߮ ߣߌ߲߬ ߡߌ߬ߣߊ߬ ߘߴߊ߬ ߟߊ߫ ߞߐ߲߬ߛߏ ߟߋ߬ ߞߣߐ߫ ߡߙߊ߬ߡߊ߬ߝߋ߲߬ߕߌ߮ ߘߏ߫ ߟߎ߫ ߓߟߏ߫.

ߞߊ߬ ߓߐ߫ ߏ߬ ߟߏ߲ ߡߊ߬ ߤߊ߲߯ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߬ ߟߌ߬ߤߟߊ߬ ߟߐ߲ߣߍ߲߫ ߕߍ߫ ߝߟߐ߫߸ ߊ߬ ߟߊ߫ ߡߐ߱ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߞߎ߲߬ߠߊ߬ߛߌ߮ ߟߎ߬ ߘߏ߲߬ ߡߊ߫ ߜߟߋ߬ߞߋ ߓߌ߬ߟߊ߫ ߊ߬ߟߎ߬ ߢߌ߲ ߝߍ߬ ߞߊ߬ ߓߍ߲߬ ߞߏߢߊ ߣߌ߲߬ ߡߊ߬߸ ߛߏ߫ ߡߐ߮ ߟߎ߬ ߞߏ߬ߣߌ߲ ߦߋ߫ ߖߐ߬ߘߐ ߟߋ߬ ߕߍߡߊ߬ ߕߋ߲߬ ߗߍ߭ ߦߋ߫ ߞߏ ߘߐ߫.

ߊ߬ߟߎ߫ ߞߊ߬ߛߌ߬ ߞߊ߲ ߦߋ߫ ߡߍ߲ ߘߌ߫߸ ߞߏ߫ ߓߍ߯ ߦߋ߫ ߝߙߊ߬ ߊ߬ߟߎ߫ ߞߊ߲߬߸ ߖߐ߲߰ߛߊ߫ ߊ߬ߟߎ߬ ߟߊ߫ ߡߐ߱ ߘߴߊ߬ ߞߐߛߊ߬ߦߌ߲߫ ߘߋ߲ߓߦߊ ߕߐ߬ߙߐ߫ ߝߍ߬ ߟߎ߫ ߡߊ߬߸ ߊ߬ ߘߐ߯ߡߛߏ߫ ߡߊߙߌߦߊߡ ߕߌߝ߭ߊߟߏ߫ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ ߛߊ߲߬ ߞߋߟߋ߲߫ ߠߋ߬ ߕߋ߲߬ ߊ߬ߟߎ߬ ߡߊ߫ ߗߍ߭ ߟߊߞߏߟߐ߲߫.

ߊ߬ ߡߊ߫ ߟߐ߲߫ ߊ߬ߟߎ߬ ߓߟߏ߫ ߊ߬ ߦߋ߫ ߝߊ߲߬ ߛߌ߫<<ߊ߬ ߓߘߊ߫ ߛߊ߲߬ ߞߋߟߋ߲ ߓߐ߫ ߊ߲ ߡߊ߫ ߤߊ߬ߓߌߓ ߥߊ߫ ߦߙߐ߫ ߟߐ߲߫߸ ߊ߲ ߓߘߊ߫ ߛߋߞߏߦߊ ߛߎ߮ ߓߍ߯ ߘߐ߫ ߞߍ߫߸ ߓߊ߬ߙߌ߫߸ ߤߊ߲߯ ߕߋ߲߬ ߊ߲ ߡߊ߫ ߢߌ߫ ߛߌ߫ ߛߐ߬ߘߐ߲߫ ߊ߬ ߟߊ߫ ߞߏߢߊ ߡߊ߬߸ ߊ߬ ߞߏ߬ߣߌ߲ ߡߌ߬ߣߊ߬ ߛߊ߲.

ߊ߬ ߟߊ߫ ߞߎߡߊ߫ ߓߘߎߓߘߎ ߕߘߍ߬ ߦߋ߫ ߞߍ߫ ߟߊ߫ ߡߐ߱ ߟߎ߬ ߓߟߏ߫߸ ߓߊ߬ߙߌ߫߸ ߊ߲ ߕߍ߫ ߏ߬ ߞߎߡߊ߫ ߛߌ߫ ߡߍ߲߫ ߠߊ߫ ߓߎ߬ߕߎ߲߫، ߏ߬ ߓߟߏߡߊ߬߸ ߊ߲ ߧߋ߫ ߘߍ߬ߡߍ߲ ߠߋ߬ ߢߌߣߌ߲߫ ߠߊ߫ ߓߍ߯ ߟߊߘߍ߬ߣߍ߲ ߝߍ߬߸ ߖߐ߲߰ߛߊ߫ ߊ߬ ߘߌ߫ ߛߋ߬ߦߌ߲߬ ߊ߲ ߡߊ߬.