ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߛߌ߬ߝߏ߲߫ ߡߊ߬ߞߟߐ ߘߏ߫ ߟߎ߫ ߣߊ߬ߣߍ߲߫ ߕߘߍ߬ ߞߌ߲ߘߌߦߊ߫ ߓߌ߬ ߞߊ߯ߙߌ ߂߀߂߅ ߣߍߣߍߓߊ ߕߟߋ߬ ߁߆ ߢߌ߲߬ ߡߊ߫߸ߊ߬ߟߎ߬ ߟߊ߫ ߕߏ߰ߝߏ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲ ߞߊ߲ߡߊ߬ ߞߊ߬ߣߌ߲߬.

ߗߋߘߋ߲ ߠߎ߬ ߟߊߛߣߍ߫ ߘߊ߫ ߁߀ ߙߋ߲ ߂߂ ߟߋ߬ ߡߊ߫ ߞߌ߲ߘߌߦߊ߫ ߒߞߏ߫ ߡߐ߮ ߟߎ߬ ߓߟߏ߫ ߛߍߥߊ ߣߌ߫ ߓߏ߲߬ߧߊ ߖߍ߬ߘߍߖߍ߬ߘߍ ߘߐ߫߸ߕߎ߬ߡߊ߬ ߞߋߟߋ߲ ߏ߬ ߟߋ߬ ߝߣߊ߫ ߞߍߣߍ߲߫ ߖߊ߬ߖߏ߲ ߖߍ߬ߘߍ ߝߣߊ߫ ߘߊߡߌ߬ߣߊ߬ߣߍ߲ ߘߌ߫ ߛߟߊߕߌ߯ ߡߊ߬ߡߊ߬ߘߌ߬ ߕߙߊߥߟߋ߫ ߓߟߏ߫߸ ߣߴߊ߬ ߦߋ߫ ߥߟߋ߫ ߟߊ߫ ߘߏ߫ ߟߎ߫ ߓߟߏ߫ ߞߏ߫ :ߞߙߊ߬ߡߐ߰ ߞߟߏ.

ߛߟߊߕߌ߯ ߞߟߏ  ߛߐ߰ ߘߊ߫ ߣߊ߬ߓߊ߮ ߟߎ߬ ߝߏ߭ ߟߋ߬ ߡߊ߬ ߡߎߣߎ߲߬߸ߞߊ߬ ߓߊ߲߫ ߞߊ߬ ߞߌ߲ߘߌߦߊ߫ ߒߞߏ߫ ߡߐ߮ ߟߎ߬ ߢߣߊߓߊ߯ߦߊ߫  ߗߋߘߋ߲ ߠߎ߬ ߟߊ߫ ߕߊ߲߬ :
<< ߝߏ߬ߟߌ ߣߌ߫ ߥߊߟߌߢߌ߲ߡߊߟߐ߲߫ ߦߋ߫ ߛߋ߫ ߟߊ߫ ߣߊ߬ߓߊ߰ߕߐ ߟߎ߬ ߓߍ߯ ߟߊߘߍ߬ߣߍ߲ ߡߊ߬߸ ߏ߬ ߞߐߝߍ߬ ߛߊ߫،ߊߟߎ߫ ߦߴߊ߬ ߟߐ߲߫ ߞߏ߫ ߊߟߎ߫ ߦߴߊ߲ ߓߍ߯ ߟߊ߫ ߓߊ߯ߙߊ ߟߋ߬ ߟߊ߫ ߣߌ߲߬߸ ߏ߬ ߓߟߏߡߊ߬ ߊߟߎ߫ ߣߊ߬ߣߍ߲߫ ߊ߲ߠߎ߬ ߡߍ߲ ߠߎ߬ ߡߊߜߍ߲߫ ߠߊ߫߸ ߊ߲ߠߎ߬ ߕߍ߫ ߛߌ߰ ߝߌ߬ߟߊ߬ ߘߐ߫ ߊ߲ ߧߋ߫ ߛߌ߰ ߞߋߟߋ߲߫ ߡߍ߲ ߘߐ߫ ߏ߬ ߟߋ߬ ߒߞߏߞߏ ߘߌ߫.
ߖߘߍ߬ߟߐ߲ ߓߊ߯ߙߊ ߞߘߐ ߟߋ߬ ߞߵߌ ߖߘߍ߬ ߣߌ߫ ߡߐ߰ ߜߘߍ߫ ߟߎ߫ ߣߝߊ߬߸ ߏ߬ ߡߍ߲ ߛߌߟߊ߫ ߛߎߘߎ߲ ߦߋ߫ ߒߞߏ ߘߌ߫.
ߏ߬ ߘߐ߫߸ߊߟߎ߫ ߣߌ߫ ߛߣߍ߫ ߣߊ߬ߟߌ ߟߊ߫ ߞߌ߲ߘߌߦߊ߫.
ߊ߲ߠߎ߬ ߟߊ߫ ߛߌ߭ ߘߐ߫ ߦߊ߲߬ :
ߘߊ߲ߘߊߟߌߟߊ ߝߏߝߣߊ߫ ߟߋ߬ ߦߴߊ߲ ߞߊ߲ߕߌ߮ ߘߌ߫ ߒߞߏߞߏ ߡߊ߬ߝߊ߲ ߝߍ߬.
ߞߊ߬ ߞߊ߲ߕߌ߮ ߛߙߍߞߍ ߕߎ߲߬ ߏ߬ ߟߊ߫ ߣߊߟߌ߬ߡߎ߲߫ ߞߙߊ߬ߡߐ߰ ߛߋߞߎߓߊ ߞߡߊ߬ߙߊ ߘߌ߫ ߖߟߊߞߘߐߞߊ.
ߡߐ߰ߓߊ߬ ߞߎ߲ߘߊ ߛߊ߫ ߸ߏ߬ ߦߋ߫ ߞߌ߲ߘߌߦߊ߫ ߕߌ߲߬ߞߎߘߎ߲ ߟߊߒߞߎ߲ ߜߋ߬ߟߎ߲߬ߠߌ߬ߠߊ߬ ߞߎ߲߬ߕߌ߰ ߞߘߐ߫ ߟߋ߬ ߘߌ߫ : ߊߡߍߘ ߌߘߙߌߛ ߘߎ߲߬ߓߎߦߊ߬߸  ߞߵߏ߬ ߟߊ߫ ߞߙߊ߬ߡߐ߰ ߌߓߙߊߤߌߡߊ߬ ߞߡߊ߬ߙߊ ߞߊ߲߬ ߸ ߏ߬ ߡߍ߲ ߦߋ߫ ߝߘߏ߬ߓߊ߬ ߟߊ߬ߟߌ߬ߟߌ߬ߟߊ  ߘߌ߫ ߸ ߞߵߏ߬ ߟߴߊ߲ ߠߊ߫  ߛߓߍߘߊ߫ ߛߌ߲ߝߏ߲߫ ߘߋ߲ߡߌߛߍ߲߫ ߛߘߍߡߊ߲߫ ߞߊ߲߬ ߞߌ߲ߘߌߦߊ߫ ߛߏ ߖߍ߬ߘߍ ߞߣߐ߫>>.
ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬ ߸ ߊ߬ ߞߵߊ߬ ߦߌ߬ߘߊ߬ ߘߊ߫ ߞߏ߫ ߞߏߢߊ ߣߌ߲߬ ߞߍߣߍ߲߫ ߓߙߊ߬ߒߘߐ߬ ߓߟߏ߫ ߟߋ߬ ߡߊ߬ ߸ߣߴߏ߬ ߕߍ߫ ߊ߬ ߖߡߊ߬ ߞߏ ߕߎ߲߬ ߕߴߛߋ߫ ߖߊ߬ߕߋ߬ ߟߊ߫߸ߓߊ߬ߙߌ߬ ߕߎ߬ߡߊ ߟߋ߬ ߞߵߊ߬ߟߎ߫ ߡߌ߬ߣߊߓߴߊ߬ߟߎ߬ ߓߟߏ߫ ߡߊ߬.

ߒ߬ߓߊ߬ ߸ ߞߙߊ߬ߡߐ߯ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬ ߝߣߊ߫ ߞߊ߬ ߞߎߡߊ ߕߊ߬߸ߞߊ߬ ߗߋߘߋ߲ ߠߎ߬ ߣߊ߬ ߞߎ߲ ߝߐ߫ ߞߌ߲ߘߌߦߊ߫ ߒߞߏ߫ ߡߐ߮ ߟߎ߬ ߦߋ߫߸ߊ߬ߟߋ ߡߍ߲ ߦߋ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߞߊ߲ߕߌ߯ ߛߙߍߞߍ߫ ߝߌߟߊߣߊ߲ ߘߌ߫ ߞߊ߬ߣߌ߲߬.
<< ߡߐ߰ ߛߌߦߊߡߊ߲߫ ߠߋ߬ ߓߘߊ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߐ߯ ߡߍ߲߫ ߸ߊ߬ ߘߏ߲߬ ߝߐߣߍ߲߫ ߠߋ߬ ߞߏ߫ ߡߏ߲߬ߧߊ߬ ߟߊߛߋ߫ ߢߐ߲߰ ߡߊ߫ ߟߋ߬ ߡߐ߱ ߕߊ ߕߘߍ߬ ߟߊ߫ ߞߏ߫ ߘߐ߫ ߸ ߌ ߓߊ߯ ߞߍ߫ ߡߐ߱ ߥߟߋ߫ ߟߊ߫  ߞߏ ߡߍ߲ ߡߊ߬ ߣߴߌ ߦߴߊ߬ ߞߎ߬ߣߊ߬ ߸ߝߏ߫ ߌ ߦߴߊ߬ ߝߐ߫ ߊ߬ ߕߌ߱ ߢߍ ߟߋ߬ ߸ߏ߬ ߓߊ߯ ߞߍ߫ ߊ߬ ߕߍߣߊ߬ ߥߊ߫ ߟߴߊ߬ ߞߎ߲߭ ߝߍ߬.
ߏ߬ ߟߋ߬ ߞߏߛߐ߲߬،ߊ߲ߠߎ߬ ߖߍ߬ߘߍ ߝߣߊ߫ ߕߍ߫ ߊ߲ ߞߎ߲߭ߝߍ߬ ߊ߲ ߠߊ߫ ߓߊ߯ߙߊ ߣߌ߲߬ ߘߐ߫߸ߏ߬ ߘߐ߫،ߊ߲ ߓߊ߯ ߞߍ߫ ߞߏ߫ ߛߎ߯-ߎ߫-ߛߎ߮ ߟߊߘߊ߲߫ ߠߊ߫ ߝߊ߬ߛߏ߬ߞߊ߲߬ ߞߏ ߝߣߊ߫ ߘߐ߫ ߸ ߝߏ߫ ߞߊ߬ ߛߋ߫ ߏ߬ ߢߊߝߐ߫ ߟߊ߫ ߡߐ߱ ߟߎ߬ ߢߍ ߟߋ߬ ߸ߖߐ߲߰ߛߴߊ߬ߟߎ߬ ߝߣߊ߫ ߦߋ߫ ߛߴߊ߬ ߝߊ߰ߡߎ߲߬ ߠߴߊ߬ߟߎ߬ ߤߊ߲ߞߟߌ ߟߊ߫߸ߏ߬ ߓߟߏߡߊ߬ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߦߋ߫ ߓߘߍ߬ߓߘߍ߬ߟߌ߬ ߕߏ߯ߝߏ ߟߋ߬ ߘߌ߫߸ ߊ߬ ߘߏ߲߬ ߘߍ߬ߞߙߎ߬ ߛߌߦߊߡߊ߲߫ ߠߋ߬ ߦߋ߫ ߦߋ߲߬ ߡߍ߲ ߠߎ߬ ߛߋ߲߬ ߕߍ߫ ߓߘߍ߬ߓߘߍ߬ߟߌ ߘߐ߫ ߸ ߞߵߊ߬ ߛߐ߬ߘߐ߲߬ ߕߎ߬ߡߊ߬ߣߍ߲߬ ߞߋߟߋ߲߫ ߏ߬ ߟߊ߫ ،ߖߡߊ߬ߣߊ ߟߊ߫ ߞߏ߫ ߞߎߓߊ ߛߌ߫ ߕߴߛߋ߫ ߛߓߊ߬ߕߌ߬ ߟߊ߫ ߓߘߍ߬ߓߘߍ߬ߟߌ ߞߐ߫، ߣߴߊ߲ ߝߣߊ߫ ߦߴߊ߬ ߝߍ߬ ߖߡߊ߬ߣߊ ߟߋ߬ ߦߴߊ߬ ߓߟߏ ߛߌ߰ ߊ߲ ߠߊߞߏ ߞߘߐ߫ ߸ ߝߏ߫ ߊ߲ ߦߋ߫ ߞߍ߫ ߖߡߊ߬ߣߊ ߟߊߞߏ ߟߊߘߊ߲߫ ߘߌ߲ߞߌߙߊ ߘߐ߫ ߟߋ߬ ߕߘߋ߫ .
ߓߊߏ߬ ߞߵߊ߬ ߕߊ߬ ߊ߲ ߠߊ߫ ߞߊ߲ߕߌ߯ ߝߟߐ ߕߋ߬ߟߋ ߡߊ߬، ߊ߲ ߧߴߊ߬ ߝߍ߬ ߝߊ߬ߛߏ߬ߞߊ߲ ߠߎ߬ ߦߋ߫ ߞߍ߫ ߢߊ߫ ߡߍ߲ ߡߵߊ߬ ߡߊ߫ ߞߍ߫ ߕߋ߲߬ ߤߊ߲߯ ߕߋ߲߬ >>

ߓߐ߬ߟߐ߲߬ߞߊ߫ ߘߋ߲ߓߊߢߌߡߊ߫ ߕߎ߲߬ߞߙߊ߫ ߟߋ߬ ߞߊ߬ ߞߎߡߊ߫ ߕߊ߬ ߛߟߊߕߌ߯ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬ ߟߊ߫ ߛߙߊ߬ߣߎ߲ ߞߐߝߍ߬.
ߏ߬ ߛߋ߫ ߘߊ߫ ߞߊ߬ ߞߎߡߊ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߛߌ߲ߘߌ߫ ߞߎ߲ ߞߊ߲߬ ߸ ߞߵߏ߬ ߘߐߞߊ߬ߙߊ߲߬ ߢߣߊߓߊ߮ ߟߎ߬ ߢߍ߫ ߘߐ߬ߞߊ߬ߙߊ߲߬ߠߌ߲߬ ߞߏ߬ ߢߌߡߊ߫ ߘߝߊߣߍ߲ ߘߐ߫߸
ߏ߬ ߘߏ߫ ߟߎ߫ ߝߟߍ߫ ߣߌ߲߬ << ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߛߌ߲ߘߌ߫ ߞߎ߲
ߞߊߕߘߍ߬ ߒߞߏ ߘߏ߲߬ߞߏ ߟߎ߫ ߡߊ߬
ߓߊߘߋ߲߫ ߠߎ߬߸ߊ߬ ߟߊߞߙߐ߬ߛߌ ߞߐ ߞߏ߫ ߒߞߏ ߛߌ߲ߘߌ ߓߘߊ߫ ߛߊ߲ߖߌ߫ ߇߅ ߛߐ߬ߘߐ߲߬.
ߊ߬ ߟߊߞߙߐ߬ߛߌ ߞߐ ߞߏ߫ ߒߞߏ ߛߌ߲ߘߌߓߊ߮ ߣߴߊ߬ ߟߊ߫ ߞߊ߬ߙߊ߲߬ߘߋ߲߬ ߝߟߐ ߡߍ߲ ߠߎ߬ ߦߋ߫ ߒߞߏ ߓߐ߲ߛߐ߲ߘߊ߫ ߝߟߐ ߘߌ߫߸ ߞߴߏ߬ ߟߎ߫ ߞߊ߬ ߒߞߏ ߛߓߍߟߌ ߣߴߊ߬ ߟߊ߫ ߥߣߊ߬ߦߊ ߓߍ߯ ߦߌ߬ߘߊ߫ ߟߋ߬ ߖߌ߬ߣߍ߬ ߞߊ߲ߕߌ߯ ߝߟߐ ߣߴߊ߬ ߝߌߟߊߣߊ߲ ߣߴߊ߬ ߛߓߊߣߊ߲ ߣߴߊ߬ ߟߊ߫ ߞߎ߲߬ߠߊ߬ߛߌ߮ ߟߊ߫߸ ߒ߬ߞߊ߬،ߊ߬ߟߎ߬ ߡߴߊ߬ߟߎ߬ ߢߌߣߌ߲ߞߏ ߛߐ߬ߘߐ߲߫ ߡߎ߰ߡߍ߫.
ߊ߬ ߟߊߞߙߐ߬ߛߌ ߞߐ ߞߏ߫ ߒߞߏ ߓߐ߲ߛߐ߲ߘߊ߫ ߛߊ߬ߓߊ ߢߌ߲߬ ߠߎ߬ ߓߍ߯ ߞߵߊ߬ߟߎ߬ ߛߊ߯ߛߊ߯ ߘߊߡߌ߬ߣߊ߫ ߖߌ߬ߣߍ߫ ߞߎ߲߬ߠߊ߬ߛߌ߰ ߓߐߣߍ߲ߢߐ߲߰ߡߊ ߟߎ߬ ߞߐ߫ ߞߊ߬ߦߌ߯ ߁߉߇߀ ߞߣߵߊ߬ ߛߌ߰ ߓߌ߬ ߟߊ߫، ߏ߬ ߘߏ߲߬ ߓߍ߯ ߞߍߣߍ߲߫ ߞߊ߲ߡߊߖߍ߲ߖߍ߲ ߣߌ߫ ߡߛߐߡߛߐߟߌ ߣߌ߫ ߖߘߍ߬ߡߊ߬ߖߌ߮ ߛߎ߮ ߓߍ߯ ߟߋ߬ ߘߐ߫، ߒ߬ߞߊ߬ ߓߐ߲ߛߐ߲ߘߊ߫ ߛߊ߬ߓߊ ߢߌ߲߬ ߠߎ߬ ߛߌ߫ ߡߴߊ߬ߟߎ߬ ߢߌߣߌ߲ߞߏ ߛߐ߬ߘߐ߲߬.
ߊ߲ ߧߴߊ߬ ߝߍ߬ ߏ߬ ߟߋ ߘߐ߫ ߣߌ߲߬ ߞߵߊ߲ ߡߙߌߢߊ ߣߴߊ߲ ߛߌ߲߬ߝߏ߲߬ߧߊ߬ߢߊ ߣߴߊ߲ ߕߊ߯ߡߢߊ ߣߴߊ߲ ߞߙߎߝߢߊ ߣߴߊ߲ ߢߐ߲߯ߡߌߘߢߊ ߣߴߊ߲ ߞߏߟߊߞߙߐߛߌߢߊ ߣߴߊ߲ ߞߏߞߍߢߊ ߣߴߊ߲ ߞߏߡߌߘߢߊ ߓߍ߯ ߡߊߝߊ߬ߟߋ߲߬߸ ߖߐ߲߰ߛߴߊ߲ ߘߴߊ߲ ߢߌߣߌ߲ߞߏ ߛߐ߬ߘߐ߲߬ ߛߍߣߍ߲߬…>>

ߛߋߞߎߓߊ ߞߡߊ߬ߙߊ߸ߞߌ߲ߘߌߦߊ߫ ߒߞߏ߫ ߡߐ߮ ߟߎ߬ ߟߊ߫ ߞߊ߲ߕߌ߯ ߛߙߍߞߍ߫ ߞߵߊ߬ ߦߌ߬ߘߴߊ߬ ߟߊ߫ ߛߙߊ߬ߣߎ߲ ߘߐ߫ ߞߏ߫: ߊ߲ ߛߋߥߊߣߍ߲߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߟߊ߫ ߞߏߛߓߍ߫߸ߓߊߏ߬ ߊ߲ ߕߎ߲߬ ߦߋ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߐ߮ ߟߋ߬ ߘߐߙߐ߲߫ ߡߍ߲ ߠߊ߫ ߘߍ߬ߞߙߏ ߟߎ߬ ߞߊ߲߬ ߕߎ߬ߡߊ߬ ߓߍ߯ ߸ ߓߊ߬ߙߌ߬߸ߏ߬ ߣߌ߫ ߡߐ߱ ߖߍ߬ߘߍ ߓߏ߲߬ߧߊ ߘߏ߲߬ߣߍ߲ ߊ߬ ߘߐ߫ ߸ ߏ߬ ߟߎ߬ ߕߍ߫ ߛߎ߯ ߞߋߟߋ߲߫ ߘߌ߫ ߡߎ߰ߡߍ߫.
ߒ߬ߓߊ߬ ߸ ߊ߲ ߧߴߊ߬ ߝߊ߰ߡߎ߲߬ ߞߏ߫ ߊ߬ ߛߋ߫ ߕߍ߫ ߞߎ߲߬ߠߊ߬ߛߌ߮ ߢߍ ߞߊ߬ ߒߞߏ ߕߊ߬ ߸ߞߊ߬ߕߎ߲߰، ߣߌ߫ ߞߎ߲߬ߠߊ߬ߛߌ߮ ߞߊ߬ ߒߞߏ ߕߊ߬߸ߣߌ߫ ߞߎ߲߬ߠߊ߬ߛߌ߮ ߏ߬ ߥߊ߫ ߘߊ߫ ߘߏ߲߬ ؟
ߏ߬ ߘߐ߫ ߝߏ߫ ߖߡߊ߬ߣߊ߬ߘߋ߲ ߠߎ߬ ߖߍ߬ߘߍ ߟߋ߬ ߒߞߏ ߕߊ߬ ߓߊ ߘߐ߫ >>
ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߌߣߍ߲߫ ߘߏ߲߭ ߘߐ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߘߐ߫ ߸ ߊ߬ߟߎ߬ ߦߋ߫ ߏ߬ ߡߍ߲ ߘߌ߬ߢߍ߬ ߟߊ߬ߢߌ߬ߣߌ߲߬ ߠߊ߫ ߞߊ߲ߕߌ߯ ߛߙߍߞߍ߫ ߝߌߟߊߣߊ߲ ߝߍ߬߸ ߖߐ߲߰ߛߴߊ߬ߟߎ߬ ߝߣߊ߫ ߕߐ߯ ߘߌ߫ ߕߏ߫ ߒߞߏߞߏ ߘߐ߬ߝߐ ߘߐ߫.

ߞߎߡߊ߫ ߞߎ߲߬ߘߏ߲ ߘߐ߫ ߛߊ߫ ߸ ߞߙߊ߬ߡߐ߰ ߖߐ߲ߖߐ߲߫ ߞߋߕߊ߬ ߞߊ߬ ߛߌ߬ߝߏ߲ ߘߏ߫ ߟߎ߫ ߟߊ߫ ߢߌ߬ߣߌ߲߬ߞߊ߬ߟߌ ߘߏ߫ ߟߎ߫ ߖߋ߬ߓߌ߬߸ߞߏ߫ ߣߌ߫ ߡߍ߲ ߠߎ߬ ߦߴߊ߬ ߝߍ߬ ߞߊ߬ ߘߏ߲߬ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߘߐ߫ ߸ ߌ ߣߌ߫ ߡߎ߲߬ ߞߊ߫ ߞߊ߲߫ ؟
ߊ߬ ߣߌ߫ ߡߎ߲߬ ߘߐ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߛߌ߬ߝߏ߲߫ ߝߋ߲߫ ߡߊ߫ ߕߘߍ߬ ߢߌ߬ߣߊ߲߬ ߂߀߂߅ ߢߣߊߕߊߟߌ ߡߊ߬ߡߌ߬ߘߊ߬ߟߌ ߘߐ߫ ߊ߬ ߣߌ߫…

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫ ߞߌ߲ߘߌߦߊ߫