߂߀߂߅ ߣߍߣߍߓߊ ߕߟߋ߬ ߁߂ ߸ ߖߌ߬ߣߍ߫ ߟߞߊ߬ߙߊ߲߬ߠߌ߲ ߣߌ߫ ߟߊ߬ߛߓߍ߬ߛߎ߲߬ߧߊ߬ߟߌ ߞߏߕߌ߯ߘߊ ߞߊ߬ ߟߊ߬ߘߍ ߘߏ߫ ߛߌ߲߬ߝߏ߲߬ߧߊ߫ ߞߴߊ߬ ߓߍ߲߬ ߖߡߊ߬ߣߊ ߟߊ߫ ߛߊ߲߬ ߁߀ ߢߍߥߟߊ ߘߏ߫ ߡߊ߬߸ ߛߊ߫ ߖߌ߬ߣߍ߬ߞߊ߫ ߝߎߣߎ߲ߞߋ ߣߴߊ߬ ߜߌߛߌ߲߫ ߞߋ߲߬ߥߟߎ߫ ߝߌ߬ߟߊ߬ ߘߌ߫ ߛߋ߫ ߟߊߛߓߍߛߎ߲ߧߊ߫ ߟߊ߫ ߦߊ߬ߣߌ߫ ߂߀߂߉ ߕߍ߫. ߒ߬߬ߓߊ߬߸ ߖߊ߯ߓߘߊ߫ ߘߎ߯ߟߊ ߟߎ߫ ߟߞߊ߬ߙߊ߲߬ߠߌ߲ ߣߌ߫ ߛߓߍߛߎ߲ߧߊߟߌ ߞߏߕߌ߯ߘߊ ߣߐ߬ ߊ߲ ߞߊ߲ߠߊߘߌ߫ ߟߊ߫ ߝߊ߬ߛߏ߬ ߞߊ߲ ߓߊ߯ߙߟߊ ߟߎ߫ ߡߊ߬ ߏ߬ ߟߋ ߞߏߢߊ ߘߐߢߌߡߌ߲߫ ߞߊ߲ߡߊ߬߸ ߞߊ߬ ߢߍߥߟߊ ߟߴߊ߬ߟߎ߬ ߘߐ߫.

ߞߟߌߟߌ߫ ߞߋߟߊ ߏ߬ ߟߋ ߛߋߣߍ߲߫ ߒߞߏ ߝߘߏ߬ߓߊ߬ ߞߙߏߝߏ ߡߊ߬߸ ߏ߬ ߟߎ߫ ߞߵߊ߬ߟߎ߬ ߓߟߏߝߘߊ߫ ߡߎߛߊ߫ ߓߊߟߊ߲ߘߎ߯ ߖߊߟߏ߫ ߟߊ߫߸ ߏ߬ ߟߋ ߕߊ߯ ߘߊ߫ ߒߞߏ ߞߐߦߌ߬ߘߊ߬ ߞߣߍ ߞߊ߲߬ ߦߋ߲߬، ߒ߬ߓߊ߬߸ ߟߊ߬ߘߍ ߓߊ߲ ߞߐ ߘߐ߫߸ ߊ߬ ߞߊ߬ ߘߊ߲߬ߕߍ߰ߟߌ ߡߍ߲ ߞߍ߫ ߛߊ߫߸ ߊ߲ ߧߴߊ߬ ߝߍ߬ ߞߵߏ߬ ߟߋ߬ ߞߌ߬ߦߴߊߟߎ߫ ߡߊ߬ ߣߌ߲߬:

ߟߊ߬ߘߍ ߏ߬ ߞߍ߫ ߘߊ߫ ߏߣߏߡߏ ߝߊ߲ߘߊߓߏ߲ ߠߋ߬ ߟߊ߫ ߸ ߟߊ߬ߛߓߍ߬ߛߎ߲߬ߧߊ߬ߟߌ ߞߟߊ߬ߡߊ߬ߓߊ߮ ߟߎ߬ ߣߌ߫ ߞߏߕߌ߯ߘߊ߫ ߘߍ߬ߒ߬ߡߊ߬ߢߐ߲߮ ߠߎ߬

ߜߊ߬ߙߊ ߘߊߦߟߍ߬ ߘߊ߫ ߉ߙߋ߲ ߃߀ ߟߊ߫ ߸ ߞߴߊ߬ ߘߊߕߎ߲߯ ߁߆ߙߋ߲ ߖߋߞߎ ߟߊ߫.

ߢߍߥߟߊ ߡߍ߲ ߘߊ߲߬ߕߍ߰ߟߌ ߞߍ߫ ߘߊ߫ ߢߣߊߓߊ߮ ߟߎ߬ ߦߋ߫ ߸ ߏ߬ ߟߋ ߦߋ߫ ߖߌ߬ߣߍ߬ ߝߎߣߎ߲ߞߋ ߣߴߊ߬ ߜߌߛߌ߲߫ ߞߋ߲߬ߥߟߎ߫ ߂ ߟߊߛߓߍߛߎ߲ߧߊ ߘߌ߫ ߞߴߊ߬ ߛߎߡߊ߲߫ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߮ ߡߊ߬ ߕߋߙߎ߫.

ߟߊ߬ߛߓߍ߬ߛߎ߲߬ߧߊ߬ߟߌ ߞߏߕߌ߮ ߞߴߊ߬ ߦߌ߬ߘߴߊ߬ ߟߊ߫ ߓߋߟߋ߲ߠߊ ߘߐ߫ ߞߏ߫ ߟߊ߬ߛߓߍ߬ߛߎ߲߬ߧߊ߬ߟߌ ߡߊ߲߫ ߞߊ߲߫ ߞߊ߬ ߖߊ߬ߕߋ߬ ߓߟߏߝߍߞߏ߫ ߡߊߓߌ߬ߟߊ߬ߕߊ߫ ߘߌ߫. ߞߏ߫ ߦߴߊ߬ߟߋ ߓߟߏ߫ ߝߟߐߦߊ ߟߋ߬ ߘߌ߫ ߸ ߊ߬ ߘߏ߲߬ ߦߴߊ߬ ߢߌߣߌ߲߫ ߠߊ߫ ߞߏߢߐ߲߮ ߓߍ߯ ߝߍ߬ ߒ߬ ߓߍ߯ ߦߋ߫ ߡߐ߬ߟߐ߲ ߘߌ߫ ߓߊ߯ߙߊ ߣߌ߲߬ ߡߊ߬.

ߞߏ߫ ߡߐ߰ ߞߋ߲߬ߥߟߎ߫ ߝߌ߬ߟߊ ߟߊߛߓߍߛߎ߲ߧߊ ߕߍߣߊ߬ ߢߊ߬ ߟߊ߫ ߛߋߒߞߏߟߊߘߐߦߊ߫ ߞߎߘߊ ߡߎ߬ߙߊ߲ ߠߎ߬ ߣߴߊ߬ ߞߍߞߌߦߊ ߟߎ߬ ߞߐ߫ ߸ ߦߏ߫ ߥߟߊ߬ߝߘߍ߬ߟߋ߲߬ ߞߊߙߊ߲ߕߊ ߟߎ߬ ߸ ߣߴߊ߬ ߢߐ߲߰ߘߐ ߟߎ߬.

ߗߋߕߌ߮ ߣߴߊ߬ ߟߊ߫ ߛߙߍߞߍ ߞߊ߬ ߖߊ߬ߡߊ ߟߤߊߕߍߦߊ߫ ߞߏ߫ ߝߊ߬ߛߏ߬ߞߊ߲ ߠߎ߬ ߟߊߞߎ߬ߙߎ߲߬ߘߎ߬ߦߊ ߞߐ߫ ߛߌ߰ߞߊ߲ ߘߐ߫ ߸ ߞߎ߲߬ߠߊ߬ߛߌ߮ ߓߍߣߊ߬ ߞߊ߲ ߠߎ߬ ߟߌߟߌ߲ ߓߊ߲ߓߊ߲߫ ߞߏ ߓߍ߯ ߞߐߡߊߓߌ߲ߓߌ߲߫ ߤߊߟߌ߬ ߣߴߏ߬ ߘߍ߲߫ ߘߊ߫ ߝߊ߬ߛߏ ߛߓߍߛߎ߲ ߟߐ߲ߓߊ߮ ߕߊ߭ ߟߊ߫ ߝߘߏ߬ߓߊ߬ ߗߋߘߊ ߟߊ߫ ߸ ߞߏ߫ ߦߏ߫ ߞߎ߲߬ߦߌ߬ߘߊ߬ߟߌ ߞߍ߫ ߘߊ߫ ߝߘߏ߬ߓߊ߬ ߗߋߘߊ ߛߋߒߞߏߟߊ ߘߏ߫ ߟߎ߫ ߖߍ߬ߘߍ ߓߟߏ߫ ߢߊ ߡߍ߲.

ߢߍߥߟߊ ߞߣߐ߫ :

 ߁. ߝߊ߬ߛߏ ߛߓߍߛߎ߲ ߠߎ߬ ߓߘߊ߫ ߟߊߕߘߍ߬ ߞߎ߲߬ߠߊ߬ߛߌ߮ ߟߊ߫ ߟߊ߬ߛߓߍ߬ߛߎ߲߬ߧߊ߬ߟߌ ߢߍߥߟߊ߫ ߣߊ߲߬ߝߟߏ߬ߦߊ߬ߕߊ ߟߎ߬ ߘߐ߫ ߸ ߊ߬ ߜߋ߲ߜߋ߲߫ ߒߞߏ ߛߓߍߟߌ ߸ ߏ߬ ߡߍ߲ ߣߌ߫ ߊߙߊߓߎ ߓߟߏߥߟߏߒߞߐ ߕߐ߮ ߘߐߕߍ߰ߣߍ߲߫ ߞߊ߬ߝߊ ߞߣߐ߫

߂. ߕߐ߲ ߠߎ߬ ߞߍߕߐ߫ ߊ߬ߟߎ߬ ߟߊ߫ ߖߊ߬ߕߋ߬ߘߐ߬ߛߌ߮ ߛߓߍ߫ ߟߊ߫ ߢߊ ߡߍ߲ ߸ ߏ߬ ߞߍߢߊ ߟߊߕߍ߰ߣߍ߲߫ ߊ߬ ߞߣߐ߫

߃. ߡߐ߰ ߟߊߛߓߍߛߎ߲ߧߕߊ ߛߎ߮ ߣߴߊ߬ ߛߊ߮ ߟߊߕߍ߲߰ߣߴߊ߬ ߞߣߐ߫

߄.ߡߎ߲߬ ߕߐ߯ ߟߊ߬ߛߓߍ߬ߛߎ߲߬ߧߊ߬ߟߌ߬ ߛߎߘߊ߲ߣߍ߲ ߸ ߏ߬ ߝߛߊ߬ߙߌ߬ߣߴߊ߬ ߞߣߐ߫

߅. ߘߎ߲߰ߘߋ߲߫ ߞߋ߲߬ߥߟߎ߫ ߝߌ߬ߟߊ ߡߍ߲ ߠߊߛߓߍߛߎ߲ߧߊߕߐ߫ ߸ ߞߎ߲߬ߠߊ߬ߛߌ߮ ߕߊ ߦߋ߫ %߃߀ ߸ ߣߊ߲߬ߒ߬ߕߊ߲߬ ߘߍ ߟߎ߬ %߇߀.

߆. ߟߊ߬ߛߓߍ߬ߛߎ߲߬ߧߊ߬ߟߌ߬ߟߊ ߘߏ߫ ߟߎ߫ ߕߊ߬ߞߏ ߖߊ߬ߕߋ߬ߘߐ߬ߛߌ߮ ߦߴߌߘߐ߫ ߞߵߊ߬ߟߎ߬ ߟߊߘߏ߲߬ ߝߘߏ߬ߓߊ߬ ߗߋߘߊ ߘߐ߫

ߡߎߛߊ߫ ߓߊߟߊ߲ߘߎ߯ ߖߊߟߏ߫

ߒߞߏ ߝߘߏ߬ߓߊ߬ ߞߙߏߝߏ ߞߊ߲ߕߌ߮

ߢߍߥߟߊ ߡߍ߲ ߦߋ߫ ߣߌ߲߬߸ ߊ߬ ߟߊߥߟߌ߬ߣߍ߲߫ ߞߎ߲߬ߠߊ߬ߛߌ߮ ߓߟߏ߫ ߟߞߊ߬ߙߊ߲߬ߠߌ߲ ߞߍߞߌߦߊ ߟߎ߬ ߟߊߞߊ߬ߝߏ ߟߋ߬ ߡߊ߬߸ ߞߊ߬ ߛߋ߫ ߢߍߥߟߊ ߟߎ߬ ߝߊ߲߬ߞߊߘߏ߲߬ ߠߊ߫߸ ߞߊ߬ ߝߊ߲߬ߞߊ߬ ߘߌ߫ ߝߊ߬ߛߏ߬ ߞߊ߲ ߠߎ߬ ߡߊ߬߸ ߊ߬ ߕߌ߯ߕߌ߯ ߒߞߏ ߛߓߍߟߌ߸ ߛߊ߫ ߛߓߍߛߎ߲ߧߊߟߌ ߝߘߏ߬ߓߊ߬ ߓߘߍߓߘߍߟߌ ߘߌ߫ ߛߌߟߊ߫ ߛߐ߬ߘߐ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.