ߡߐ߰ ߛߊ߬ߓߊ߫ ߢߐ߲߰ ߠߋ߬ ߓߣߐ߬ߣߴߊ߬ ߣߌ ߘߐ߫ ߞߎߣߎ߲߬ ߛߎ ߘߐ߫ ߞߵߊ߬ ߘߎ߰ߛߊ ߜߍ߫ ߞߊ߯ߙߌ ߢߌ߲߬ ߠߊ߫ ߞߌߦߍߝ߭ ߞߣߐ߫߸ ߞߵߏ߬ ߞߎ߲߭ ߞߍ߫ ߙߎ߬ߛߌ߬ ߟߊ߫ ߞߎߟߎ߲ߞߎߟߎ߲ ߘߏ߫ ߟߊ߫ ߡߙߊ߬ߒ߬ߡߊ߬ߟߌ ߘߌ߫، ߡߐ߰ ߓߌߛߓߛߊ߬ ߣߌ߫ ߞߐ߫ ߟߋ߬ ߖߐߞߌ߫ ߘߊ߫߸ ߘߋ߲ߣߍ߲߫ ߥߐ߯ߙߐ߫ ߦߴߏ߬ ߟߎ߬ ߘߐ߫.
ߓߘߎߓߘߎ ߡߍ߲ ߠߎ߬ ߝߣߊ߫ ߕߍ߬ߘߍ߫ ߖߌ߰ ߟߊ߫߸ ߏ߬ ߡߊ߲߬ߕߙߐ ߛߋ߫ ߘߊ߫ ߓߏ߲߫ ߛߌߦߊߡߊ߲߫ ߠߋ߬ ߝߣߊ߫ ߡߊ߬ ߞߌߦߍߝ߭ ߞߌ߲߬ߘߊ ߟߎ߬ ߞߣߐ߫߸ ߏ߬ ߡߍ߲ ߝߐ߫ ߘߴߊ߬ߟߎ߬ ߟߊ߫ ߣߊ߲߬ߕߌ߰ ߡߊ߬ߡߙߊ߬ߟߌ ߓߟߏ߫ ߕߟߋߜ߭ߙߊߡ ߞߊ߲߬، ߣߴߌ ߞߊ߬ ߏߓߏߟߐ߲ߛߑߞߌ߫ ߞߌ߲߬ߘߊ ߕߊ߬߸ ߞߎߟߎ߲ߞߎߟߎ߲߫ ߛߓߊ߬ ߓߘߎߓߘߎ ߖߌ߰ ߘߊ߫ ߓߏ߲߫ ߓߟߌߕߍ߫ ߁߆ ߘߏ߫ ߘߐ߫ ߦߋ߲߬߸ ߞߵߊ߬ ߝߊ߲߬ ߛߌߦߊߡߊ߲߫ ߕߌߢߍ߫، ߏ߬ ߞߎߡߊ ߝߐ߫ ߘߊ߫ ߎ߳ߞߑߙߍߣߌ߲߬ ߞߎߓߋߘߊ ߞߊ߬ߝߏ߬ߙߋ߲߬ߕߌ߮ ߟߋ߬ ߓߟߏ߫߸ ߝ߭ߌߕߊߟߌ ߞߟߌߗߑߛߋ߲ߞߏ߫.
ߦߊ߬ߣߌ߫ ߙߎ߬ߛߌ߬ ߟߊ߫ ߡߙߊ߬ߒ߬ߡߊ߬ߟߌ ߣߌ߲߬ ߦߋ߫ ߞߍ߫ ߛߎ߫ ߕߊ߬ߡߌ߲߬ߣߍ߲ ߣߌ߲߬ ߡߊ߬߸ ߊ߬ ߕߎ߲߬ ߓߘߊ߫ ߡߙߊ߬ߒ߬ߡߊ߬ߟߌ߬ ߜߘߍ߫ ߞߍ߫ ߛߌ߬ߣߌ߲߬ߟߏ߲߫ ߕߊ߬ߡߌ߲߬ߣߍ߲ ߛߎ ߞߵߊ߬ ߘߎ߰ߛߊ ߜߍ߫ ߞߍ߲ߘߍߟߏ߲ ߠߊ߫߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߝߣߊ߫ ߞߊ߬ ߡߐ߰ ߣߊ߯ߣߌ߲߫ ߠߋ߬ ߓߐ߬ߣߐ߫ ߊ߬ ߣߌ ߘߐ߫ ߎ߳ߞߑߙߍߣߌ߲߬߸ ߞߊ߬ ߡߐ߰ ߡߎ߬ߥߊ߲߬ ߣߌ߫ ߞߐ߫ ߖߐߞߌ߫.
ߣߴߌ ߞߊ߬ ߕߍߓߊ߯ߦߊ ߝߊ߲߬ߝߍ߬ߟߊ ߕߊ߬߸ ߊߡߙߌߞߌ߬ ߞߊ߲ߕߌ߯ ߘߏߣߊߟ ߕߑߙߐ߲ߔ ߞߵߊ߬ ߦߌ߬ߘߊ߬ ߞߎߣߎ߲߬ ߞߍ߲ߘߍߟߏ߲ ߡߊ߬߸ ߞߏ߫ ߊ߬ ߕߴߊ߬ ߝߍ߬ « ߞߵߊ߬ ߟߊ߫ ߕߎ߬ߡߊ ߘߐߖߊߛߌ߫ » ߊ߬ ߣߴߊ߬ ߓߐߢߐ߲߯ߞߏ߫ ߝ߭ߑߟߊߘߡߌߙ ߔߎߕߌߣ ߠߊ߫ ߢߐ߲߯ߦߋ߫ ߞߏ߫ ߜߘߍ߫ ߟߊ߫ ߡߎ߬ߕߎ߲߬߸ ߣߴߊ߬ ߡߊ߫ ߕߍ߰ߒ߬ߞߊ߲߫ ߛߐ߬ߘߐ߲߬ ߞߏ߫ ߞߍ߬ߟߍ ߘߌ߫ ߟߊߟߐ߬. <<ߒ ߕߍ߫ ߒ ߠߊ߫ ߕߎ߬ߡߊ ߡߊߕߌߢߍ߫ ߟߊ߫، ߝߏߦߌ߬ ߘߏ߲߬ ߝߣߊ߫ ߕߍ߫ ߒ ߣߌ߫ ߔߎߕߌߣ ߕߍ߫ ߖߎ߯ߡߊ߲߫ ߘߐ߫߸ ߓߊ߬ߙߵߊ߬ ߟߊ߫ ߞߏ ߟߋ߬ ߜߍ߬ߟߍ߲߬ߡߊ߲߬߸ ߊ߬ ߦߋ߫ ߡߐ߰ ߖߌ߰ߕߍ߰ ߟߊ߫.>> ߕߑߙߐ߲ߔ ߟߋ߬ ߞߊ߲߫ ߕߋ߲߬߸ ߞߵߊ߬ ߦߌ߬ߘߊ߬ ߞߏ߫ ߊ߬ ߦߴߊ߬ ߛߋߞߏ ߞߍ ߞߊ߲߬ ߛߊ߫ ߙߎ߬ߛߌ߬ ߣߌ߫ ߎ߳ߞߑߙߍߣߌ߲߬ ߕߍ߫ ߞߟߍ ߢߌ߲߬ ߘߌ߫ ߓߊ߲߫߸ ߓߊ߬ߙߵߊ߬ ߓߍ߲߬ߣߍ߲߬ ߕߍ߫ ߡߎߣߎ߲߬.
ߞߑߙߍߡߎߟߍ߲߫ ߗߋߘߋ߲ ߡߍ߲ ߠߎ߬ ߘߐ߱ߘߏ߲߬ߣߍ߲߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߝߙߋߞߋ ߟߎ߬ ߟߊ߫߸ ߣߊߟߌ߬ߡߎ߲߫ ߞߌ߯ߙߌߟ ߘߡߌߕߙߌߝ߭ ߘߌ߫߸ ߏ߬ ߥߊ߫ ߘߊ߫ ߊߡߙߌߞߌ߬ ߞߊ߬ߦߌ߯ ߛߌ߬ߣߌ߲߬ߟߏ߲߫ ߕߊ߬ߡߌ߲߬ߣߍ߲߸ ߖߐ߲߰ߛߴߊ߬ ߣߌ߫ ߕߑߙߐ߲ߔ ߟߊ߫ ߡߐ߱ ߟߎ߬ ߘߌ߫ ߘߊߘߐߖߊߥߏ ߘߏ߫ ߞߍ߫ ߢߊ ߡߍ߲ ߡߊ߬، ߊߡߙߌߞߌ߬ ߞߌ߬ߓߊ߬ߙߏ߬ߘߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߞߌ߯ߙߌߟ ߘߡߌߕߙߌߝ߭ ߣߌ߫ ߛߑߕߌߝ߭ ߥߊߦߞߑߕߐߝ ߞߊ߬ ߢߐ߲߯ߦߋ ߘߏ߫ ߞߍ߫ ߝߑߟߏߙߌߘ ߞߍ߲ߘߍߟߏ߲߸ ߏ߬ ߡߍ߲ ߝߣߊ߫ ߦߋ߫ ߕߑߙߐ߲ߔ ߟߊ߫ ߗߋߘߋ߲ ߘߏ߫ ߘߌ߫، ߤߊߟߌ߬ ߓߌ߬ ߞߊ߯ߙߌ ߣߌ߲߬ ߡߊ߬߸ ߊ߬ ߣߌ߫ ߡߐ߰ ߜߘߍ߫ ߟߎ߫ ߝߣߊ߫ ߞߊ߫ ߞߊ߲߫ ߞߊ߬ ߢߐ߲߯ߦߋ߫߸ ߊ߲ ߞߵߏ߬ ߡߍ߲ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߡߍ߲߫ ߘߊߘߐߖߊߥߏ ߞߙߍ߬ߝߍ߬ ߡߐ߰ ߜߐߞߎ ߘߏ߫ ߟߊ߫ ߕߍ߰ߒ߬ߞߊ߲߬ ߓߟߏ ߡߊ߬ ߞߊ߬ߣߌ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
