ߡߊ߬ߟߌ ߞߣߐ߫߸ ߞߊ߲ߕߌ߯ ߊߛߌߡߌ߫ ߞߏ߬ߦߌ߬ߕߊ߫ ߞߊ߬ ߟߊ߬ߕߍ߰ߦߊ ߘߏ߫ ߟߋ߬ ߟߊߓߐ߫ ߞߎ߬ߣߎ߲߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߞߊ߬ ߣߊ߲߬ߕߌ߰ ߞߎ߲ߕߌ߮ ߘߏ߫ ߟߎ߫ ߝߊ߬ߟߋ߲߬، ߜߘߋߕߌ߮ ߋߟߌߖ߭ߋ߫ ߖ߭ߊ߲߫ ߘߊߥߏ߫ ߟߋ߬ ߞߍ߫ ߘߊ߫ ߞߟߍ߬ߓߟߏ ߞߊ߲ߕߌ߯ ߛߙߍߞߍ ߘߌ߫߸ ߜߘߋߕߌ߯ ߕߎ߬ߡߊ߬ߣߌ߲߬ ߞߐ߲ߣߋ߫ ߞߍ߫ ߘߊ߫ ߘߎ߰ߡߊ߬ ߞߟߍߓߟߏ ߢߍߡߐ߮ ߘߌ߫߸ ߣߊ߲߬ߕߌ߮ ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ ߢߍߡߐ߯ߦߊ ߘߌ߫ ߘߊ߫ ߜߘߋߕߌ߯ ߛߊ߬ߡߑߓߎ߫ ߡߌ߲ߞߙߐ߫ ߖߊ߬ߞߌ߬ߕߋ߫ ߟߋ߬ ߡߊ߬، ߡߐ߰ ߛߓߊ߫ ߡߍ߲߬ ߠߎ߬ ߓߍ߯ ߦߋ߫ ߣߊ߲߬ߕߌ߰ ߞߎ߲ߕߌ߯ ߡߊߟߐ߲ߣߍ߲ߓߊ ߟߎ߬ ߟߋ߬ ߘߌ߫.
ߦߟߍ߬ߡߊ߲߬ߠߌ߲ ߡߍ߲߬ ߠߎ߫ ߞߍ߫ ߘߊ߫ ߞߊ߬ ߜߟߍ߬ߦߊ ߘߏ߫ ߟߋ߬ ߕߏ߫ ߡߊ߬ߟߌ ߞߣߐ߫߸ ߣߴߏ߬ ߦߋ߫ ߖߋ߬ߣߌ߲߬ߕߊ߬ ߞߏ ߘߌ߫߸ ߞߵߊ߬ ߛߊߓߎ ߞߍ߫ ߛߛߞ ߓߏߟߏ߲ߝߘߊ ߟߊ߫ ߜߛߐ߫ ߟߊߛߌ߮ ߣߌ߫ ߊ߬ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߘߌ߫ ߛߌߟߊ ߟߎ߫ ߞߊ߲߬߸ ߞߵߊ߬ ߢߍߛߌ߲߫ ߝߊ߯ߞߊ߲ߓߋ߲ ߠߎ߫ ߡߊ߬، ߟߊ߬ߞߊ߲߬ߘߊ߬ߟߌ߬ߞߏ ߞߟߊ߬ߡߊ߬ߓߊ߮ ߎߡߊ߯ߙߎ߫ ߓߙߋߕߋ߫ ߟߊ߫ ߞߎߡߊ߫ ߘߐ߫ ߦߟߍ߬ߡߊ߲߬ߠߌ߲ ߡߍ߲߬ ߠߎ߫ ߞߊ߲߬ <<ߦߟߍ߬ߡߊ߲߬ߠߌ߲ ߡߍ߲ ߞߍߣߍ߲߫ ߕߋ߲߬߸ ߒߠߋ ߓߟߏ߫ ߣߌ߲߬ ߕߍ߫ ߦߟߍ߬ߡߊ߲߬ߠߌ߲߬ ߘߌ߫ ߓߊ߯ߙߊ ߕߊ߯ߓߟߏ ߞߊ߲߬ ߘߋ߬߸ ߜߟߍ߬ߦߊ ߘߏ߫ ߟߎ߫ ߟߋ߬ ߦߋ߫ ߡߊ߬ߟߌ ߣߊ߲߬ߕߌ߮ ߟߎ߬ ߣߌ߫ ߢߐ߲߯ ߕߍ߫.
ߏ߬ ߟߋ߬ ߞߏߛߐ߲߬߸ ߖߡߊ߬ߣߊ ߢߍߡߐ߮ ߟߎ߬ ߝߣߊ߫ ߦߴߊ߬ ߞߊ߲߬ ߞߵߊ߬ ߞߏ ߞߎ߲߭ ߓߍ߲߬ ߖߏߣߊ߫ ߖߐ߲߰ߛߴߊ߬ ߜߟߍ߬ߦߊ ߞߊߣߊ߬ ߛߋ߫ ߞߊ߬ ߝߊ߲߬ߞߊ߫ ߛߐ߬ߘߐ߲߬߸ ߣߴߌ ߞߵߊ߬ ߡߊߝߟߍ߫߸ ߋߕߊ߫ ߡߊߖ߭ߐߙ ߢߍߡߌߘߊ ߛߙߍߞߍ ߕߍ߫ ߢߍߡߐ߯ ߖߍ߬ߘߍߖߍߘߍ߬ ߘߌ߫߸ ߢߍߡߐ߮ ߡߊ߫ ߥߟߌ߬ ߛߙߍߞߍ ߟߋ߬ ߥߟߌ߬ ߘߊ߫، ߏ߬ ߘߐ߫߸ ߋߕߊ߫ ߡߊߖ߭ߐߙ ߢߍߡߌߘߊ߫ ߢߍߡߐ߮ ߟߎ߬ ߟߋ߬ ߦߋ߫ ߡߙߌߘߐ ߟߎ߫ ߕߊ߬ ߟߊ߫߸ ߊ߬ߟߎ߫ ߣߐ߬ߝߍ߬ ߡߐ߮ ߟߎ߫ ߕߍ߫ ߘߋ߬، ߓߊ߯ߙߊ߫ ߣߌ߲߬ ߞߎ߲߭ ߠߋ߬ ߞߏ ߘߏ߫ ߟߎ߫ ߢߍߛߌ߰ ߘߌ߫߸ ߖߐ߲߰ߛߊ߫ ߊ߬ߟߎ߬ ߣߌ߫ ߡߐ߰ ߟߎ߬ ߘߌ߫ ߓߊ߯ߙߊ߫ ߡߍ߲ ߠߎ߬ ߦߴߊ߬ߟߎ߬ ߟߊ߫ ߟߊ߲ߘߦߊ߫ ߡߐ߮ ߟߎ߬ ߘߌ߫>>.
