ߓߌ߬ ߞߎߣߎ߲ߟߏ߲ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߂ ߢߌ߲߬ ߡߊ߬ ߞߌ߲ߘߌߦߊ߫ ߞߐ߲߬ߛߏ߬ ߜߘߋ ߟߊ߫ ߁߀ ߙߋ߲ ߕߎ߬ߡߊ ߝߊ߲߭ ߝߍ߬ ߞߣߊ߬ ߁߁ ߙߋ߲ ߡߊ߬ ߞߊ߬ߣߌ߲߬߸ ߕߐ߰ߕߐ߰ߟߌ߬ߟߊ ߟߎ߬ ߣߐ߬ ߛߐ߬ߓߌ߬ߟߊ߬ߞߎ߬ߣߎ߲߬ߠߌ ߘߏ߫ ߟߋ߬ ߛߌ߰ߟߊ ߛߋ߲߬ߠߊ ߞߵߊ߬ ߟߊߥߟߌ߬ ߞߐ߲߬ߛߏ߬ ߓߏ߬ߙߌ߬ߟߊ ߟߎ߬ ߦߟߌߓߌ߬ߟߊ ߡߊ߬ ߛߌߟߊ߫ ߞߊ߲߫ ߓߐߙߌ߫ ߞߏ ߓߌ߬ߟߊ߬ߒ߬ߘߐ߬ߖߎ߮ ߟߎ߬ ߡߊߕߊ߲߬ߞߊ ߡߊ߬ ߛߌߟߊ߫ ߞߊ߲߬߸ߓߊߏ߬ ߓߌ߬ߟߊ߬ߒ߬ߘߐ߬ߖߎ߮ ߓߘߊ߫ ߝߟߐ߫ ߛߌߦߊߦߊ߫ ߟߊ߫ ߞߌ߲ߘߌߦߊ߫ ߝߘߏ߬ߓߊ߬ ߛߌߟߊ ߟߎ߬ ߞߊ߲߬ ߸ߏ߬ ߛߊߓߎ߫ ߘߏ߫ ߟߎ߫ ߦߋ߫ ߞߍ߫ ߟߊ߫ ߟߊ߬ߓߏ߬ߙߌ߬ߟߊ ߟߎ߬ ߟߊ߫ ߜߍ߬ߘߍ߲߬ ߞߏ߬ߖߎ߰ߦߊ ߟߋ߬ ߘߌ߫.
ߡߎߛߊ߫ ߛߎߡߊ߬ ߦߴߏ߬ ߦߌ߬ߘߊ߬ ߟߴߊ߬ ߟߊ߫ ߞߎߡߊ ߘߐ߫ ߸ߊ߬ߟߋ ߡߍ߲ ߘߡߊ߬ߞߊ߬ߣߌ߬ߦߊ߫ ߕߐ߰ߕߐ߰ߟߌ߬ߟߊ ߟߎ߬ ߟߊ߫ ߝߘߏ߬ߓߊ߬ ߞߟߊ߬ߕߌ߮ ߘߌ߫.
<< ߊ߲ ߧߋ߫ ߦߊ߲߬ ߟߊ߬ߓߏ߬ߙߌ߬ߟߊ ߣߌ߫ ߦߟߍ߬ߞߊ߲߬ߒߓߊ߮ ߟߎ߫ ߟߋ߬ ߛߐ߬ߓߌ߬ߟߊ߬ߞߎ߬ߣߎ߲߬ߠߌ߬ ߞߊ߲ߡߊ߬ ߸ߞߊ߬ߕߎ߲߰ ،ߛߌߟߊ߫ ߞߊ߲߫ ߓߌߟߊߒߘߐߖߎ߯ ߟߎ߬ ߓߘߊ߫ ߛߌߦߊߦߊ߫ ߞߏߖߎ߯ߦߊ߫ ߡߐ߱ ߟߎ߬ ߦߋ߫ ߕߏ߫ ߟߊ߫ ߡߍ߲ ߠߎ߬ ߘߐ߫ ߛߐ߲߬ ߸ߝߙߋߞߋ߫ ߛߌ߫ ߘߏ߲߬ ߕߍ߫ ߊ߲ߠߎ߬ ߟߊ߫ ߟߊ߬ߓߏ߬ߙߌ߬ߟߊ ߟߎ߬ ߝߍ߬ ߸ߓߊ߬ߙߌ߬ ߘߏ߫ ߟߎ߫ ߓߊ߯ ߓߐ߫ ߛߌߟߊ߫ ߞߊ߲߬ ߘߐߙߐ߲߫ ،ߊ߬ߟߎ߬ ߦߋ߫ ߜߍ߬ߘߍ߲߬ ߠߴߊ߬ߟߎ߬ ߥߊ߫ ߘߌߦߊ߫ ߟߎ߫ ߟߋ߬ ߟߊ߫ ߸ߏ߬ ߟߋ߬ ߣߐ߬ ߊ߬ ߞߍ߫ ߟߊ߫ ߸ ߊ߲ ߞߊ߬ ߛߐ߬ߓߌ߬ߟߊ߬ߞߎ߬ߣߎ߲߬ߠߌ ߣߌ߲߬ ߛߌ߰ ߛߋ߲߬ߠߊ߫ ߸ߛߊ߫ ߓߍ߯ ߘߴߊ߬ ߞߍ߫ ߞߏߢߌ߬ߡߊ߬߸ߓߊ ،ߣߌ߫ ߟߊ߬ߓߏ߬ߙߌ߬ߟߊ ߞߊ߬ ߡߐ߱ ( ߦߟߍ߬ߞߊ߲߬ߒߓߊ߮) ߟߎ߬ ߕߊ߬،ߞߊ߬ ߛߴߊߟߎ߫ ߛߋ߫ ߦߌߟߊ- ߊ߬ ߢߌ߬ߡߊ ߟߊ߫ ߸ߏ߬ ߟߋ߬ ߢߐ߲߰ ߕߍ߫ ߸ߌ ߡߏ߬ߛߏ߫ ߟߎ߬ ߣߴߌ ߘߋ߲ ߣߴߌ ߟߊ߫ ߞߐߙߍ ߟߎ߬ ߓߍ߯ ߦߴߌ ߞߐ߫ ߟߎ ߡߊ߬ ߸ߣߴߌߟߋ ߥߊ߫ ߘߴߌ ߖߍ߬ߘߍ ߝߊ߰ ߸ ߌ ߓߘߊ߫ ߏ߬ ߟߎ߬ ߓߍ߯ ߟߊߓߣߐ߬ ߌ ߘߐ߫߸ߞߊ߬ ߦߟߍ߬ߞߊ߲߬ߒߓߊ߮ ߟߎ߬ ߝߣߊ߫ ߟߊߓߣߐ߬ ߌ ߝߍ߬߸ߊ߲ ߣߴߊ߲ ߠߊ߫ ߝߊ߰ߡߊ ߟߎ߫ ߟߋ߬ ߦߴߊ߬ ߞߏ ߞߊ߲߬ ߞߵߊ߬ ߘߊߡߌ߬ߣߊ߬ ߒߛߙߍߜߍ߬ߙߍ ߡߊ߬ ߤߊ߲߯ ߞߌ߲ߘߌߦߊ߫ ߞߊ߬ߝߏ߬ߙߋ߲ ߖߍ߬ߘߍ ߞߣߐ߫ >>
ߡߎߛߊ߫ ߛߎߡߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬ ߸ ߊ߬ ߟߊ߫ ߞߎߡߊ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ߟߎ߫ ߘߍ߬ߙߌ߬ߣߊ߲߬ߞߏ ߟߋ߬ ߣߌ߲߬ ߘߌ߫ ߛߐ߲߬ ߞߘߊߎ߫߸ ߞߊ߬ ߕߏ߫ ߟߊ߬ߓߏ߬ߙߌ߬ߟߊ ߟߎ߬ ߦߟߌߓߌ߬ߟߊ߬ ߟߊ߫ ߛߐ߰ߡߊ߬ߘߊ ߟߎ߬ ߟߊ߫ ߛߐ߲߬.
<< ߛߐ߰ߡߊߛߐ߰ߡߊ߬ ߊ߲ ߦߋ߫ ߛߐ߬ߓߌ߬ߟߊ߬ߞߎ߬ߣߎ߲߬ߠߌ ߞߍ߫ ߟߊ߫ ߈ ߙߋ߲ ߠߋ߬ ߡߊ߬ ߤߊ߲߯ ߉ ߙߋ߲ ߡߊߜߍ߲߫ ߝߊ߲߭ ߝߍ߬ ߞߏ߫ ߸ߊߟߎ߫ ߦߋ߫ ߞߏ ߟߎ߬ ߞߍ߫ ߘߏߣߍ߲߫-ߘߏߣߍ߲߫߸ߟߊ߬ߓߏ߬ߙߌ߬ߟߊ ߟߎ߬ ߖߍ߬ߘߍ ߦߴߏ߬ ߞߊ߬ߟߊߡߊ߬ >>
ߊ߬ ߞߵߊ߬ ߦߌ߬ߘߊ߬ ߌߞߐ߫ ߕߎ߲߯ ߞߏ߫:
<< ߝߙߋߞߋ߫ ߡߍ߲ ߠߎ߬ ߓߊ߯ ߞߍ߫ ߊ߲ߠߎ߬ ߝߍ߬ ߦߊ߲߬ ߦߋ߲߬ ߸ߏ߬ ߟߋ߬ ߦߋ߫ ߦߟߍ߬ߞߊ߲߬ߒߓߊ߮ ߟߎ߬ ߟߊ߫ ߘߏ߲߬ߣߌ߲߬ ߞߏ ߘߌ߫߸ߓߊ߬ߙߌ߬ ߞߵߊ߬ ߝߐ߫ ߛߊ߫ ߞߏ߫ ߛߐ߲߬ ߞߏߙߏ߲ ߠߎ߬ ߦߵߊ߲ ߠߊ߫ ߟߊ߬ߓߏ߬ߙߌ߬ߟߊ ߟߎ߬ ߝߍ߬ ߞߊ߬ ߥߊ߫ ߦߟߍ߬ߞߊ߲߬ߒߓߊ߮ ߟߎ߬ ߡߊ߬ ߸ ߏ߬ ߕߴߦߋ߲߬ ߝߋߎ߫߸ߤߊߟߌ߬ ߒ ߛߊ߲߬ ߁ ߞߊߙߏ߫ ߆ ߟߋ߬ ߕߋ߲߬، ߒ ߡߊ߫ ߥߟߋ߫ ߓߌ߬ߟߊ߬ߒ߬ߘߐ߬ߖߎ߰ ߞߏ ߡߊ߬ ߡߎߣߎ߲߬ ߞߏ߫ ߡߐ߱ ߓߘߊ߫ ߕߏ߫ ߊ߬ ߘߐ߫߸ ߝߏ߫ ߛߋ߲߬ߢߊ߬ ߞߋߟߋ߲߫ ߔߋ߫ ߸ߞߵߊ߬ ߕߊ߬ ߏ߬ ߟߋ߬ ߞߍ߫ ߟߊ߫ ߛߊ߫ ߸ ߊ߬ߟߎ߬ ߦߴߊ߬ ߞߏߢߊ ߕߐ߭ ߟߎ߬ ߞߍ߫ ߟߊ߫ ߓߏ߬ߢߊ ߣߌ߫ ߦߟߌߡߊߟߐ ߟߋ߬ ߞߣߐ߫>>.
ߊ߬ ߞߎߡߊ߫ ߘߴߊ߬ ߟߊ߫ ߝߙߍ߬ ߛߌ߲ߘߌߣߍ߲߫ ߘߏ߫ ߟߎ߫ ߞߊ߲߬ ߘߡߊ߬ߞߊ߬ߣߌ߬ߦߊ߫ ߞߐ߲߬ߛߏ߬ ߜߘߋ ߟߊ߫ ߞߏߢߊ ߞߊ߲߬ ߕߊ߲߬ߘߐ :
<< ߒߠߋ ߛߋ߫ ߦߊ߲߬ ߸ ߒ ߞߊ߬ ߝߍ߬ߙߍ߫ ߟߋ߬ ߞߍ߫ ߡߎߣߎ߲߬ ߞߵߊ߲ ߢߐ߲߮ ߟߐ߲߫ ߞߊ߬ ߓߊ߲߫ ߡߐ߱ ߡߍ߲ ߠߎ߬ ߦߋ߫ ߘߏ߲߬ ߠߊ߫ ߞߐ߲߬ߛߏ ߟߎ߬ ߞߣߐ߫ ߞߵߏ߬ ߟߎ߬ ߝߣߊ߫ ߟߐ߲߫ ߸ߓߊߏ߬ ߣߴߌ ߞߵߊ߬ ߡߍ߲߫ ߟߊ߬ߓߏ߬ߙߌ߬ߟߊ ߣߌ߫ ߕߐ߰ߕߐ߰ߟߌ߬ߟߊ ߟߎ߬، ߊ߬ ߟߐ߲߫ ߞߏ߫ ߦߟߍ߬ߒ߬ߞߊ߲߬ߓߊ߮ ߟߎ߫ ߟߋ߬ ߞߏ߫ ߦߋ߫߸ߏ߬ ߘߐ߫ ߝߏ߫ ߞߊ߬ ߓߏ߲߬ߧߊ ߘߌ߫ ߏ߬ ߟߎ߫ ߟߋ߬ ߝߟߐ߫ ߡߊ߬
ߒ߬ߓߊ߬ ߸ߊ߲ߠߎ߬ ߝߍ߬ ߦߊ߲߬ ߟߊ߬ߓߏ߬ߙߌ߬ߟߊ߬ ߛߌ߫ ߕߍ߫ ߣߊ߬ ߟߴߊ߲ ߠߊ߫ ߞߙߎ ߘߐ߫ ߡߍ߲ ߦߋ߫ ߘߐ߬ߟߐ ߡߌ߲߬ ߠߊ߫߸ߥߟߊ߫ ߣߊ߬ߣߌ߲߬ߠߌ߲߬ߞߍ߬ߟߊ ߘߏ߫،ߏ߬ ߓߍ߲߬ߒ߬ߡߊ߬ߞߊ߲ ߦߴߊ߲ ߓߍ߯ ߕߍ߫߸ߞߵߏ߬ ߟߊ߫ ߘߍ߭ ߞߏߢߊ ߟߎ߬ ߞߊ߲߬ >>
ߟߊ߬ߓߏ߬ߙߌ߬ߟߊ ߟߎ߬ ߟߊ߫ ߝߘߏ߬ߓߊ߬ ߞߟߊ߬ߕߌ߮ ߞߵߊ߬ ߟߊ߫ ߞߎߡߊ߫ ߞߎ߲߭ߘߏ߲߬ ߘߍ߬ߡߍ߲߬ߠߌ߲߬ ߢߌߣߌ߲߫ ߠߋ߬ ߟߊ߫ ߞߐ߲߬ߛߏ߬ ߜߘߋ߬ ߞߏ ߘߐ߫ :
<< ߊ߲ ߧߋ߫ ߡߍ߲ ߢߌߣߌ߲߫ ߠߊ߫ ߝߊ߰ߡߊ ߟߎ߬ ߝߍ߬ ߛߊ߫ ߸ߏ߬ ߟߋ߬ ߦߴߊ߲ ߘߍ߬ߡߍ߲ ߘߌ߫ ߞߐ߲߬ߛߏ߬ ߜߘߋ߬ ߞߏ ߡߊ߬ߝߊ߲ ߘߌ߫߸ ߓߊߏ߬ ߊ߲ ߠߊ߫ ߖߡߊ߬ߣߊ ߞߊ߲ߕߌ߮ ߓߘߊ߫ ߞߐ߲߬ߛߏ߬ ߜߘߋ ߘߏ߫ ߘߌ߫ ߊ߲ ߡߊ߬߸ߒ߬ߓߊ߬ ߸ ߊ߲ ߧߴߊ߬ ߝߍ߬ ߟߋ߬ ߛߍߣߍ߲߬ ߞߵߊ߲ ߘߍ߬ߡߍ߲߬ ߞߊ߬ ߛߋ߫ ߡߝߊ߬ߟߋ߲߬ߠߌ߲ ߘߏ߲߬ ߠߊ߫ ߘߋ߲ߡߌߛߍ߲߫ ߟߊ߬ߓߏ߬ߙߌ߬ߟߊ ߟߎ߬ ߟߊ߫ ߞߏߟߊߕߊ߯ߡߢߊ ߘߐ߫߸ߓߊ߬ߙߌ߬، ߏ߬ ߕߴߛߋ߫ ߞߍ߫ ߟߊ߫ ߝߏ߫ ߊ߲ ߧߋ߫ ߞߐ߲߬ߛߏ߬ ߜߘߋ ߟߋ߬ ߛߐ߬ߘߐ߲߬ ߖߊ߬ߡߊ ߞߊ߫ ߛߌߦߊ߫ ߦߙߐ߫ ߡߍ߲ ߠߎ߬ ߘߐ߫ ߤߊ߲߯ ߡߐ߰ ߓߌ߫ ߦߙߌߞߊ߫ >>.
ߡߎߛߊ߫ ߛߎߡߊ߬ ߟߋ߬ ߞߊ߲߫ ߕߋ߲߬߸ ߘߡߊ߬ߞߊ߬ߣߌ߬ߦߊ߫ ߟߊ߬ߓߐ߬ߟߌ߬ߟߊ ߟߎ߬ ߟߊ߫ ߕߐ߰ߕߐ߰ߟߌ߬ߟߊ߬ ߞߎ߲ߕߌ߮ 🙁 C. N. T. G )
ߊߓߑߘߎߟߊߦߋ߫ ߞߎ߬ߙߎߡߊ߬ ߣߴߊ߬ ߦߋ߫ ߥߟߋ߫ ߟߊ߫ ߘߏ߫ ߟߎ߫ ߓߟߏ߫ ߞߏ߫ ߸ ߞߐ߬ߙߐ ߟߊߦߋ߬߸ ߘߡߊ߬ߞߊ߬ߣߌ߬ߦߊ߫ ߞߐ߲߬ߛߏ߬ ߜߘߋ ߞߣߐߟߊ ߛߌ߲߬ߝߏ߲ ߘߏ߫ ߸ ߏ߬ ߝߣߊ߫ ߛߋ߫ ߘߊ߫ ߞߵߊ߬ ߡߙߌߦߊ߫ ߘߌ߫ ߛߐ߬ߓߌ߬ߟߊ߬ߞߎ߬ߣߎ߲߬ߠߌ ߞߏߢߊ ߞߊ߲߬ :
<< ߌ ߓߊ߯ ߊ߲ߠߎ߬ ߟߊߘߍ߬ߣߍ߲ ߦߋ߫ ߦߊ߲߬ ߛߐ߰ߡߊ߬ߘߊ ߢߌ߲߬ ߠߊ߫ ߸ ߞߋߟߊ ߟߋ߬ ߣߊ߬ߣߍ߲ ߞߊ߬ ߓߐ߫ ߞߐߣߊߞߙߌ߫ ߞߊ߬ ߝߘߊ߫ ߊ߲ ߛߊ߲ߝߍ߫ ߡߐ߮ ߘߏ߫ ߟߎ߫ ߟߊ߫ ߸ߣߊߟߌ߬ߡߎ߲߫ ߗ߭ߣߋߙߊߟ (ߞߟߍ߬ߕߌ߮) ߦߊߦߊ߬ ߖߊ߲ߟߏ߫ ߣߌ߫ ߎߛߎߡߊߣ ߤߙߐߦߊ߫ ߟߎ߬ ߘߌ߫ ߡߊ߬ߕߏߕߏ߬߸ ߏ߬ ߟߎ߫ ߟߋ߬ ߣߐ߬ ߗߋߛߓߍ ߘߏ߫ ߟߊߣߊ߬ ߟߴߊ߲ ߡߊ߬ ߞߏ߫ ߞߊ߬ ߟߊ߬ߓߏ߬ߙߌ߬ߟߊ ߟߎ߬ ߛߐ߬ߓߌ߬ߟߊ߬ߞߎߣߎ߲߫߸ ߖߐ߲߰ߛߊ߫ ߘߏ߫ ߘߌ߫ ߓߐ߫ ߓߌ߬ߟߊ߬ߒ߬ߘߐ߬ߖߎ߮ ߟߊ߫ ߢߊ ߡߍ߲ ߡߊ߬߸ ߛߐ߰ߡߊ߬ߘߊ ߢߌ߲߬ ߠߊ߫ ߏ߬ ߘߐ߫ ߸ ߊ߲ ߝߣߊ߫ ߓߘߊ߫ ߞߋߟߊ ߟߥߊ߫ ߟߊ߬ߓߏ߬ߙߌ߬ߟߊ ߟߎ߬ ߓߍ߯ ߡߊ߬߸ ߞߊ߬ ߛߙߊ߬ߒ߬ߞߊ߲߬ߠߊ ߟߊߛߋ߫ ߊ߬ߟߎ߬ ߓߍ߯ ߡߊ߬ ߸ ߞߊ߬ߕߎ߲߰ ߸ ߓߌ߬ߟߊ߬ߒ߬ߘߐ߬ߖߎ߮ ߡߍ߲ ߠߎ߬ ߦߋ߫ ߞߍ߫ ߟߊ߫ ߞߌ߲ߘߌߦߊ߫ ߣߌ߫ ߞߐߣߊߞߙߌ߫ ߣߌ߫ ߡߊߡߎ߫ ߕߍߟߊ ߟߎ߬ ߘߐ߫ ߛߐ߲߬ ߸ ߊ߬ ߛߌߦߊߡߊ߲ ߦߋ߲߬ ߞߌ߲ߘߌߦߊ߫ ߘߋ߲ߡߌߛߍ߲ ߠߎ߬ ߕߴߊ߬ ߘߐ߫ ߝߋߎ߫ ߸ߞߵߊ߬ ߛߐ߬ߘߐ߲߬، ߏ߱ ߡߐ߱ ߘߏ߫ ߟߎ߫ ߦߋ߫ ߓߐ߫ ߟߊ߫ ߜߍߞߊ߲߫ ߖߡߊߣߊ ߟߎ߬ ߣߌ߫ ߝߎߟߊ߫ ߖߡߊߣߊ ߟߎ߬ ߟߋ߬ ߞߣߐ߫ ߛߐ߲߬ ߞߘߊߎ߫߸ ߏ߬ ߘߏ߲߬ ߓߘߊ߫ ߊ߲ ߛߍ߰ ߞߏߖߎ߰>>
ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬߸ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߓߊ߯ߙߘߊ߫ ߞߘߐ ߟߋ߬ ߛߐ߬ߓߌ߬ߟߊ߬ߞߎ߬ߣߎ߲߬ߠߌ ߘߌ߫ :
<<ߛߐ߬ߓߌ߬ߟߊ߬ߞߎ߬ߣߎ߲߬ߠߌ ߣߌ߲߬ ߦߴߊ߲ ߘߍ߬ߙߌ߲߬ߠߊ߲߬ߞߏ ߟߋ߬ ߘߌ߫ ߛߐ߰ߡߊ߬ߘߊ ߟߊ߫ ߞߘߐ߬ߡߊ߲߬߸ ߞߊ߬ ߟߊ߬ߓߏ߬ߙߌ߬ߟߊ ߟߎ߬ ߟߊߘߍ߰ ߈ ߙߋ߲ ߣߌ߫ ߝߊ߲߭ߝߍ߬ ߞߵߊ߬ߟߎ߬ ߦߟߌߓߌ߬ߟߊ߬ ߞߏߢߊ ߘߏ߫ ߟߎ߫ ߞߐ߫.
ߦߏ߫ :ߟߊ߬ߓߏ߬ߙߌ߬ߟߊ ߦߴߊ߬ ߟߊ߫ ߞߐ߲߬ߛߏ ߞߙߐ߬ߛߌ߬ ߝߙߋߞߋ ߡߍ߲ ߠߎ߬ ߦߴߊ߬ ߟߊ߫ ߞߵߏ߬ ߟߎ߬ ߟߐ߲߫ ߸ߞߵߊ߬ ߘߐߜߍ߫ ߝߣߊ߫ ߣߌ߫ ߝߙߋߞߋ ߕߍ߫ ߞߐ߲߬ߛߏ߬ ߓߏ߬ߙߌ߬ߟߊ ߖߍ߬ߘߍ ߟߊ߫.
ߣߌ߫ ߟߊ߬ߓߏ߬ߙߌ߬ߟߊ߬ ߞߎߘߊ ߟߎ߫ ߝߣߊ߫ ߣߊ߬ ߟߊ߫ ߕߎ߲߯ ߸ ߊ߲ ߘߴߌ ߟߊ߫ ߘߌ߬ߢߍ߬ߛߓߍ ߜߋ߬ߟߎ߲ ߸ߞߵߌ ߓߐ߫ ߦߟߌ߫ ߣߵߌ߬ ߣߊ߬ ߞߎ߲߬ߧߊ ߢߊߢߌߣߌ߲߫ ߞߵߊ߬ ߓߍ߯ ߟߐ߲߫.
ߒ߬ߓߊ߬ ߸ߊ߲ ߧߋ߫ ߞߐ߲߬ߛߏ ߘߏ߲߬ߠߌ߲߬ ߛߓߍ( ߕߌ߬ߞߍ) ߡߍ߲ ߠߎ߬ ߝߙߋ߬ ߟߊ߫ ߦߟߍ߬ߒ߬ߞߊ߲߬ߓߊ߮ ߟߎ߬ ߡߊ߬ ߸ ߏ߬ ߟߎ߬ ߞߏ ߓߍ߯ ߢߊߓߐߣߍ߲߫ ߠߋ߬ ߦߊ߲߬ ߝߋߎ߫߸ߞߵߊ߬ ߟߊߥߟߌ߬ ߛߊ߫ ߣߌ߫ ߘߏ߲߬ߣߌ߲ ߘߏ߫ ߟߎ߫ ߓߊ߯ ߝߋ߬ߟߋ߲߬ߝߋߟߋ߲߫ ߸ߊ߲ߠߎ߬ ߘߴߏ߬ ߢߊߓߐ߫ ߞߊ߬ ߟߊ߬ߓߏ߬ߙߌ߬ߟߊ ߝߣߊ߫ ߟߊߝߙߍ߫ >>
ߞߐ߬ߘߐ ߛߊ߬ߦߌ߫ ߟߋ߬ ߞߊ߲߫ ߕߋ߲߬ ߘߡߊ߬ߞߊ߬ߣߌ߬ߦߊ߫ ߞߐ߲߬ߛߏ߬ ߜߘߋ ߞߣߐߟߊ ߛߌ߲߬ߝߏ߲ ߘߏ߫.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫.
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߞߐߦߌߘߊߓߊ߮ ߞߌ߲ߘߌߦߊ߫
