ߓߙߎߞߌߣߊ߫ ߝߊ߬ߛߏ߫ ߖߡߊ߬ߣߊ ߞߊ߲߬߸ ߘߎ߲߬ߘߎ߲߬ߡߊ߬ ߞߎ߲߬ߠߊ߬ߝߎߟߋ߲ ߠߎ߬ ߞߊ߬߬ߝߏ ߞߎߓߋߘߊ ߛߌ߲߬ߝߏ߲ ߘߏ߫ ߟߎ߫ ߟߋ߬ ߞߊ߬ ߞߕߌߕߍ߯ߟߊ߫ ߞߘߐ ߖ߭ߊ߲߫-ߖߊߞ ߎߦߋߘߊߥߏߜ߭ߏ߫ ߡߌ߬ߣߊ߫ ߞߐ߬ߓߊ߬ߟߏ߲ ߥߎ߬ߙߊ ߝߍ߬ ߥߊ߬ߜ߭ߊ߬ߘߎߜ߭ߎ߫، ߗߍ߭ ߣߌ߲߬ ߕߘߍ߬ ߦߋ߫ ߥߊ߬ߜ߭ߊ߬ߘߎߜ߭ߎ߫ ߞߕߌߕߍ߯ߟߊߓߊ߫ ߞߘߐ ߘߏ߫ ߟߋ߬ ߘߌ߫߸ ߡߍ߲ ߞߊ߬ ߛߓߍ ߘߏ߫ ߞߟߊ߬ߣߐ߰ߦߊ߫߸ ߖߐ߲߰ߛߊ߫ ߡߏ߬ߛߏ ߡߍ߲ ߦߋ߫ ߘߊ߲ߘߊߟߌ ߞߍ߫ ߟߊ߫ ߞߏߡߛߌߟߑߜ߭ߊ߫߸ ߏ߬ ߡߍ߲ ߦߋ߫ ߥߊ߬ߜ߭ߊ߬ߘߎߜ߭ߎ߫ ߘߊߝߍ߫ ߛߏ ߘߏ߫ ߘߌ߫.
ߡߏ߬ߛߏ߫ ߣߌ߲߬ ߦߋ߫ ߓߐ߫ ߥߛߎ ߟߊ߫، ߡߏ߬ߛߏ ߣߌ߲߫ ߦߋ߫ ߦߟߍ߬ߡߊ߲߬ߠߌ߲ ߢߍߡߌߘߊ ߘߍ߬ߡߍ߲߬ߓߊ߮ ߟߋ߬ ߘߌ߫߸ ߞߎ߲߬ ߖߐ߲ߖߐ߲߫ ߛߌ߫ ߡߊ߫ ߝߐ߫ ߗߍ߭ ߣߌ߲߬ ߠߊ߫ ߡߌ߬ߣߊ߬ߟߌ ߞߊ߲߬ ߝߟߐ߫߸ ߓߊ߬ߙߌ߫߸ ߊ߬ߟߋ ߟߊ߫ ߡߌ߬ߣߊ߬ߟߌ ߛߊߓߎ߫ ߟߊ߫߸ ߞߕߌߕߍ߯ߟߊ߫ ߜߘߍ߫ ߡߍ߲ ߠߎ߬ ߡߌ߬ߣߊ߬ ߘߊ߫ ߞߐ ߢߌ߲߬ ߠߊ߫߸ ߏ߬ ߘߌ߫ ߡߐ߰ ߃ ߓߙߍ߬ߦߊ߬ ߓߐ߫ ߕߟߋ߬ ߁߀ ߘߐߙߐ߲߫ ߞߎ߲߬ߕߊ߯ ߞߘߐ߫، ߝߏ߫ ߞߊ߬ ߛߋ߫ ߕߎߟߊߝߌ߲ ߕߊ߬ߡߌ߬ߣߍ߲ ߡߊ߬߸ ߊ߬ ߕߘߍ߬ ߦߋ߫ ߥߊ߬ߜ߭ߊ߬ߘߎߜ߭ߎ߫ ߞߕߌߘߊ ߞߕߌߕߍ߯ߟߊ߫ ߞߎ߲ߕߌ߮ ߟߋ߬ ߘߌ߫.
ߊ߲ ߦߟߌ߫ ߦߴߊ߬ ߟߊ߫ ߞߏ߫ ߞߕߌߕߍ߯ߟߊ ߣߌ߲߬ ߠߋ߬ ߕߍ߬ߘߍ߫ ߞߊ߬ ߘߊ߲ߘߊߟߌߟߊ ߡߌ߬ߣߊ߬ ߟߊ߫ ߞߵߊ߬ ߟߊߘߏ߲߬ ߣߊ߲߬ߕߌ߮ ߟߎ߬ ߟߊ߫ ߥߛߎ ߟߊ߫߸ ߂߀߂߃ ߘߓߊ߬ߓߌߟߊ ߟߊ߫، ߖߐ߲߰ߛߊ߫ ߡߏ߬ߛߏ߫ ߣߌ߲߬ ߞߊߣߊ߬ ߛߋ߫ ߥߊ߬ߜ߭ߊ߬ߘߎߜ߭ߎ߫ ߥߛߎߓߏ߲ߓߊ ߟߊ߫، ߡߏ߬ߛߏ߫ ߣߌ߲߬ ߖߙߊ߬ߞߌ߬ ߘߊ߫ ߓߋ߬ߒ߬ߞߊ߲߬ߠߌ߲߬ ߞߏ ߘߏ߫ ߟߋ߬ ߣߌ߫ ߜߊ߬ߛߟߌ߬ ߞߏ ߘߏ߫ ߘߐ߫߸ ߏ߬ ߟߋ߬ ߞߐߝߍ߬߸ ߖߞߌߣߊ߫ ߞߕߌߘߊ ߞߵߊ߬ ߡߌ߬ߣߊ߫ ߞߊ߬ ߛߍ߬ߓߍ ߘߏ߫ ߟߊߘߊ߲߫߸ ߡߍ߲ ߘߴߊ߬ ߕߏ߫ ߊ߬ ߞߊߣߊ߬ ߟߊߕߊ߯ (ߡߊߞߏ) ߞߣߐ߫߸ ߣߴߏ߬ ߦߋ߫ ߥߊ߬ߜ߭ߊ߬ߘߎߜ߭ߎ߫ ߥߛߎߓߏ߲ߓߊ ߘߌ߫.
ߦߊ߬ߣߌ߫߸ ߊ߬ ߟߊ߫ ߞߕߌ ߦߋ߫ ߕߍ߰ ߞߊ߬ߣߌ߲߬، ߖߡߊ߬ߣߊ߬ ߢߍߡߐ߮ ߟߎ߬ ߟߊ߫ ߥߛߊ߬ߓߊ߬ߟߌߦߊ ߞߏߛߐ߲߬߸ ߖߞߌߣߊ߫ ߞߕߌߕߍ߯ߟߊ ߖ߭ߊ߲߫-ߖߊߞ ߎߦߋߘߊߥߏߜ߭ߏ߫ ߟߋ߬ ߞߵߊ߬ ߓߟߏߣߐ ߓߌ߬ߟߊ߬ ߛߓߍ߫ ߜߘߍ߫ ߞߣߐ߫߸ ߞߏ߫ ߞߊ߬ ߡߏ߬ߛߏ ߟߊߕߊ߯ (ߡߊߞߊ) ߞߣߐ߫߸ ߏ߬ ߡߍ߲ ߦߋ߫ ߣߊ߲߬ߕߌ߰ ߥߛߎߓߏ߲ ߘߌ߫ ߞߊ߬ߣߌ߲߬، ߊ߬߬ ߡߌ߬ߣߊ߬ ߞߎ߲߬ ߖߐ߲ߖߐ߲߫ ߞߏ߬ߣߌ߲ ߟߐߣߍ߲߫ ߕߍ߫ ߝߟߐ߫߸ ߊ߬ߟߋ ߞߏ߬ߣߌ߲ ߡߌ߬ߣߊ ߞߐߝߍ߬، ߕߟߋ߬ ߁߀ ߞߣߐ߫߸ ߞߕߌߕߍ߯ߟߊ߫ ߃ ߡߍ߲ ߡߌ߬ߣߊ߬ ߘߊ߫، ߎߙߑߓߊ߲߫ ߡߋߘߊ߫߸ ߛߋ߭ߘߎ߬ ߛߊ߰ߣߐ߫߸ ߊ߬ ߣߌ߫ ߓߋߣߎ߳ߦߊߕ ߖ߭ߎ߲ߜ߭ߑߙߊߣߊ߫.
ߏ߬ ߟߎ߫ ߓߍ߯ ߦߋ߫ ߥߊ߬ߜ߭ߊ߬ߘߎߜ߭ߎ߫ ߞߕߌߘߊ ߞߕߌߟߊߛߌ߯ߟߊ ߟߎ߫ ߟߋ߬ ߘߌ߫߸ ߕߍ߯ ߞߍ߫ ߘߴߊ߬ߟߎ߬ ߘߐ߫ ߞߏ߲ߓߌߕߌ߯ ߕߟߋ߬ ߁߁ ߣߴߊ߬ ߁߂ ߕߍߟߊ ߟߋ߬ ߘߐ߫، ߞߎߣߎ߲߬ ߞߐ߬ߟߏ߲ ߥߎ߬ߙߊ߫ ߝߍ߬߸ ߥߎ߬ߣߎ߲߬ߥߎ߬ߣߎ߲߬ ߞߎߡߊ߫ ߘߏ߫ ߟߋ߬ ߜߘߍ߬ ߦߴߌߘߐ߫ ߥߊ߬ߜ߭ߊ߬ߘߎߜ߭ߎ߸ ߞߏ߫ ߞߕߌߕߍ߯ߟߊ ߜߘߍ߫ ߟߋ߬ ߝߣߊ߫ ߡߌ߬ߣߊ߬ ߘߊ߫ ߞߐ߬ߟߏ߲ ߡߊ߬، ߞߎ߲߬ߠߊ߬ߝߎ߬ߟߋ߲߬ ߘߌ߬ߟߊ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߡߌ߬ߣߊ߬ߓߊ߰ߕߐ ߏ߬ ߦߋ߫ ߖߞߌߣߊ߫ ߞߕߌߢߍߟߐ ߘߏ߫ ߟߋ߬ ߘߌ߫.
