ߞߏߓߌߕߌ߮ ߕߋ߬ߟߋ߫ ߂߁ ߣߌ߲߬ ߞߣߐ߫ ߊߓߌߖߊ߲߬߸ ߕߟߋ߬ ߘߊ߲ߘߐ߫ ߘߐߙߐ߲߫ ߠߋ߬ ߦߋ߫ ߞߊ߲ߕߌ߯ ߢߣߊߕߊߟߌ ߟߊ߫ ߡߎ߬ߕߎ߲߬߸ ߏ߬ ߡߍ߲ ߟߐ߯ߟߊߣߍ߲߫ ߞߵߊ߬ ߕߏ߫ ߞߏ߲ߓߌߕߌ߮ ߕߋ߬ߟߋ߫ ߂߅ ߣߊ߬ߕߐ ߟߊ߫߸ ߓߊ߬ߙߌ߬ ߜߋ߲ߞߐ߰ߖߌ߬ߘߊ ߓߘߍ߬ߓߘߍ߬ߟߌ ߞߏߢߊ ߟߎ߬ ߕߊ߲ߛߊ߲ߣߍ߲߫ ߞߏߛߓߍ߫، ߓߊߏ߬߸ ߢߣߊߕߊߟߌߟߊ߫ ߡߐ߰ ߞߋ߲߬ߥߟߎ߬ ߈،߇ ߟߋ߬ ߡߊߞߟߌߣߍ߲߫ ߢߣߊߕߊߟߌ߫ ߖߛߊ ߞߣߐ߫߸ ߞߏ߫ ߊ߬ߟߎ߬ ߦߋ߫ ߥߴߊ߬ߟߎ߬ ߢߣߊߕߊ߬ ߡߊ߬ߡߌ߬ߘߊ߬ߟߌ߬ߟߊ߫ ߡߐ߰ ߣߊ߯ߣߌ߲߫ ߘߐ߫߸ ߡߏ߬ߛߏ߫ ߝߌ߬ߟߊ߬ ߦߋ߫ ߡߍ߲ ߘߐ߫߸ ߏ߬ ߟߎ߬ ߣߌ߫ ߊߟߛߊߣ ߘߙߊ߬ߡߊߣ ߥߊߕߙߊ߫ ߟߋ߬ ߢߊ ߥߛߎߣߍ߲߫ ߢߐ߲߮ ߢߊ ߘߐ߫ ߢߣߊߕߊߟߌ ߣߌ߲߬ ߝߍ߬߸ ߏ߬ ߡߍ߲ ߛߌ߭ ߦߋ߫ ߛߊ߲߬ ߈߃ ߘߐ߫ ߕߋ߲߬ ߞߊ߬ߣߌ߲߬.
ߊ߬ ߞߎ߲߬ߢߐ߲߰ ߘߊ߲ߘߐ ߟߋ߬ ߕߋ߲߬߸ ߜߋ߲ߞߐ߰ߖߌ߬ߘߊ ߛߏߓߊ ߘߏ߫ ߟߎ߫ ߓߍ߫߸ ߦߏ߫ ߊߓߌߖߊ߲߬߸ ߓߎ߬ߥߊ߬ߞߍ߫߸ ߊ߬ ߣߌ߫ ߘߊߟߎߥߊ߫߸ ߔߊߞߌߛߦߊ߫ ߛߌߦߊߡߊ߲߫ ߠߋ߬ ߓߘߊ߫ ߞߍ߫ ߦߋ߲߬ ߠߎ߬ ߘߐ߫ ߊߟߛߊߣ ߥߊߕߙߊ߫ ߟߊ߫ ߟߐ߬ߒ߬ߞߋ߬ߟߊ߬ ߣߊ߯ߣߌ߲ߣߊ߲ ߞߊ߲ߡߊ߬. ߝߊ߲߬ߞߊߛߌ߬ߣߊ ߟߎ߫ ߛߌ߬ߛߌ߬ߣߍ߲ ߦߋ߫߸ ߏ߬ ߟߎ߬ ߡߍ߲ ߠߎ߬ ߛߋ߲߬ߓߐ߬ߣߴߊ߬ ߘߐ߫ ߞߏߢߣߊߕߐߡߐ߲ ߡߊ߬ ߝߊߦߌߘߊ߫߸ ߦߏ߫ ߟߏߙߊ߲߫ ߜߊ߬ߜߏ߬ ߣߌ߫ ߕߌ߬ߖߊߣ ߗߊߡ.
ߔߊߞߌߛߦߊ ߓߘߊ߫ ߟߊߕߐ߲߫ ߞߊߙߏ߫ ߝߌ߬ߟߊ߫ ߞߎ߲߬ߕߊ߯ ߞߘߐ߫߸ ߏ߬ ߓߍ߯ ߣߴߊ߬ ߕߊ߫ ߝߊ߲߬ߞߊߛߌ߬ߣߊ ߟߎ߬ ߟߊ߫ ߞߙߎߞߊߘߋ߲ ߠߎ߬ ߕߍ߫ ߛߍ߰ ߟߊ߫ ߟߊ߬ߞߊ߲߬ߘߊ߬ߟߌ߬ ߝߊ߲ߞߊ ߟߎ߬ ߢߍߕߍ߱ ߘߐ߫ ߢߊ ߺ ߊ ߺ ߢߊ߫ ߡߊ߬߸ ߝߏ߫ ߊ߬ߟߎ߬ ߟߊ߫ ߞߍߢߐ߲߯ߘߐ ߏ߬ ߓߘߊ߫ ߟߊߓߊ߲߫ ߣߌߓߐ ߡߊ߬، ߞߟߍ߬ߡߐ߰ ߞߋߟߋ߲߫ ߓߣߐ߬ ߘߴߊ߬ ߣߌ ߘߐ߫ ߞߏ߲ߓߌߕߌ߮ ߕߋ߬ߟߋ߫ ߂߀ ߡߊ߬߸ ߔߊߞߌߛߦߊߟߊ ߘߏ߫ ߝߣߊ߫ ߡߌ߬ߣߊ߬ ߘߊ߫ ߘߊߟߏߥߊ߫ ߣߌ߫ ߌߛߌߦߊ߫ ߛߌߟߊ ߞߊ߲߬߸ ߏ߬ ߝߊ߰ ߘߊ߫ ߟߋ߬ ߦߋ߲߬.
ߔߊߞߌߛߦߊߟߊ߫ ߡߐ߰ ߇߀߀ ߢߐ߲߰ ߓߘߊ߫ ߡߌ߬ߘߊ߫ ߖߡߊ߬ߣߊ ߢߊߝߍ߬߸ ߓߌ߬ߟߊ߬߬ ߓߘߊ߫ ߞߍ߫ ߏ߬ ߘߏ߫ ߟߎ߫ ߞߐ߫ ߓߊ߰ߓߊ߰ߟߌ߬ ߥߊ߬ߟߋ߬ ߟߊ߬ߡߎ߬ߣߎ߲߬ߧߊ߬ ߞߍߟߌ ߘߐ߫، ߡߐ߰ ߓߌߛߓߊ߬ ߣߌ߫ ߞߐ߫ ߓߍ߫߸ ߏ߬ ߟߎ߬ ߓߘߊ߫ ߖߊ߲ߞߌ߲߫ ߛߊ߲߭ ߛߓߊ߬ ߥߛߎ߫ ߟߊ߫ ߖߊ߬ߡߊ ߟߊ߫ ߖߛߎ߬ߛߎߡߊ ߘߐߖߐ߲߰ߛߐ ߞߏߛߐ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
