ߖߋ߬ߟߌ߬ߓߊ߬ߘߎ߯ ߣߊ߲߬ߕߌ߮ ߟߎ߫ ߣߐ߬ ߓߊ߰ߓߊ߰ߟߌ߬ߟߊ߫ ߡߐ߰ ߛߋߦߌ߲߫ ߢߐ߲߰ ߠߋ߬ ߝߊ߰ ߟߊ߫߸ ߡߍ߲ ߠߎ߬ ߞߊ߬ ߕߊ ߟߊߥߌ߬ߟߌ߫ ߖߡߊ߬ߣߊ߬ߘߋ߲ ߠߎ߬ ߞߊ߲ߡߊ߬ ߞߍ߲ߘߍߟߏ߲߫ ߕߊ߬ߡߌ߲߬ߣߍ߲ ߡߊ߬ ߓߜ߭ߊߙߎߥߊ߫ ߘߎ߱ ߞߣߐ߫߸ ߕߊߤߎߥߊ߫ ߕߌ߲߬ߞߎߘߎ߲ ߘߐ߫ (ߖߡߊ߬ߣߊ ߕߟߋ߬ߓߋ ߘߐ߫)، ߏ߬ ߞߎߡߊ ߝߐ߫ ߘߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߟߋ߬ ߟߊ߫ ߞߎߣߎ߲߬ ߞߊ߯ߙߌ ߡߊ߬.
ߓߊ߰ߓߊ߰ߟߌ߬ߟߊ ߟߎ߫ ߣߊ߬ ߘߊ߫ ߔߏߔߏ߫ ߗߡߍ߬ ߣߌ߫ ߞߐ߫ ߟߋ߬ ߞߊ߲߬ ߡߎߣߎ߲߬߸ ߊ߬ߟߎ߫ ߕߍ߬ߘߴߊ߬ ߝߍ߬ ߞߵߊ߬ߟߎ߬ ߞߍ߫ ߛߏ ߣߌߡߦߊ߫ ߦߙߐ ߟߎ߫ ߟߋ߬ ߞߊ߲߬ ߝߊ߰ߡߊ߬ ߞߎ߲ߘߊ߫߸ ߊ߬ߟߎ߬ ߥߊ߫ ߘߴߏ߬ ߟߎ߬ ߖߊߡߎߙߊ߲߫ ߞߊ߲ ߠߋ߬ ߡߊ߬ ߝߋߎ߫، ߦߏ߫: <<ߝߊ߬ߛߏ ߟߊߞߊ߲ߘߊ ߓߙߌ߬ߝߐߝߐ߸ ߞߟߍ߬ߡߐ߰ߘߊ߸ ߡߙߊ߬ߓߊ߰ߘߊ߸ ߊ߬ ߣߌ߫ ߡߙߊ߬ߓߊ߮ ߡߊߞߍ߫ ߦߌߟߊ.>>
ߕߊߤߎߥߊ߫ ߕߌ߲߬ߞߎߘߎ߲ ߞߎ߲߬ߠߊ߬ߛߌ߰ߟߊ ߟߊ߫ ߝߐߟߌ߫ ߘߐ߫߸ ߝߊߙߌ߲߫ ߛߎ߬ߟߋ߬ߡߊߣ ߊߡߊߘߎ߫ ߡߎ߯ߛߊ߬߸ ߏ߬ ߡߍ߲ ߞߵߊ߬ ߛߋ߲߬ ߝߊ߫ ߞߊ߬ ߛߋ߫ ߓߜ߭ߊߙߎߥߊ߫ ߘߎ߱ ߞߣߐ߫ ߞߎߣߎ߲߬ ߞߊ߯ߙߌ ߡߊ߬߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߖߎ߮ ߢߌ߲߬ ߠߎ߬ ߟߊ߫ ߦߙߍߞߍߟߌ ߝߊ߲߬ߝߘߊ ߕߘߍ߬ ߡߍ߲ ߘߌ߫߸ ߏ߬ ߟߋ ߕߊ ߛߎ ߘߌ߫ ߦߙߐ ߟߎ߬ ߘߐ߫߸ ߞߊ߬ ߛߏ ߡߐ߰ߘߐ߬ߜߍ ߘߏ߫ ߟߎ߫ ߖߊ߬ߛߏ߲߫ ߞߵߏ߬ ߟߎ߫ ߕߏ߬ߟߌ߬ߡߊߛߌ߰ ߞߊ߬ ߥߴߊ߬ߟߎ߬ ߘߴߊ߬ߟߎ߬ ߓߟߏ߫. ߓߊ߬ߙߌ߬ ߥߊߦߌߞߊ߫߸ ߖߡߊ߬ߣߊ ߟߊ߬ߞߊ߲߬ߘߊ߬ߟߌ߬ ߝߊ߲ߞߊ ߗߍ߬ߘߋ߲ ߠ߫ߎ ߣߊ߬ ߘߊ߫ ߕߊ ߟߊ߫ ߖߎ߮ ߢߌ߲߬ ߠߎ߫ ߞߊ߲߬߸ ߞߵߊ߬ߟߎ߫ ߜߊ߬ߙߊ߲߬ߞߕߊ߫߸ ߊ߬ߟߎ߫ ߞߵߊ߬ߟߎ߬ ߞߐߟߊ߫ ߓߏ߬ߙߌ ߘߌ߫߸ ߊ߬ ߣߌ߫ ߡߐߣߍ، ߓߊߏ߬߸ ߊ߬ ߛߌߦߊߡߊ߲߫ ߣߌ ߕߏ߫ ߘߴߊ߬ ߘߐ߫.>> ߞߎ߲߬ߠߊ߬ߛߌ߰ߟߊ ߟߋ߬ ߞߊ߲߫ ߕߋ߲߬.
ߊ߬ ߓߊ߲߫ ߘߊ߫ ߞߊ߬ ߦߋ߲߬ ߛߌ߰ߓߊ߮ ߟߎ߫ ߡߊ߬ߤߌ߬ߣߊ߬ ߟߊߡߌ߬ߣߊ߬߸ ߞߊ߬ ߓߊ߲߫ ߞߊ߬ ߝߏ߬ߟߌ߬ ߞߙߍߞߙߍߣߍ߲ ߠߊߛߋ߫ ߟߊ߬ߞߊ߲߬ߘߊ߬ߟߌ߬ ߝߊ߲ߞߊ ߗߍ߬ߘߋ߲ ߠߎ߬ ߡߊ߬߸ ߊ߬ߟߎ߬ ߟߊ߫ ߘߐ߬ߖߊ ߞߏߛߐ߲߬، ߣߴߏ߬ ߕߍ߫߸ ߖߎ߮ ߟߎ߫ ߕߎ߲߬ ߓߍ߫ ߕߌߢߍߟߌ ߞߍ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
