ߞߵߊ߬ ߓߍ߲߬ ߢߣߊߕߊߟߌ ߡߊ߲߬ߞߊ߲߬ߡߊ ߣߌ߲߬ ߡߊ߬ ߜߋ߲ߞߐ߰ߖߌ߬ߘߊ ߞߣߐ߫߸ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ ߡߍ߲ ߦߋ߫ ߕߌ߲߬ߞߎߘߎ߲ ߘߍ߬ ߞߎ߲ߓߊ ߘߌ߫߸ ߏ߬ ߓߘߴߊ߬ ߓߟߏ ߓߐ߫ ߛߍߝߊ ߞߋ߲߬ߥߟߎ߫ ߂߁߇ ߞߊ߲߬ ߞߵߊ߬ ߘߌ߫ ߜߋ߲ߞߐ߰ߖߌ߬ߘߊ ߢߣߊߕߊߟߌ ߛߌ߲߬ߝߏ߲߬ߧߊ ߓߊ߯ߙߊߞߍߘߊ ߟߎ߫ ߡߊ߬.
ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ (ߝߕߞߡߘ = ߛߘߋߦߊߥߏ) ߣߐ߬ ߛߍߝߊ߫ ߥߊߘߌ ߞߋ߲߬ߥߟߎ߫ ߂߁߇ ߟߋ߬ ߘߌ߫ ߟߊ߫ ߜߋ߲ߞߐ߰ߖߌ߬ߘߊ ߡߊ߬߸ ߞߵߊ߬ߟߎ߬ ߡߊߜߍ߲߫ ߣߊ߲߬ߝߟߏ߬ ߡߎ߮ ߏ߬ ߟߴߊ߬ߟߎ߬ ߟߊ߫ ߞߊ߲ߕߌ߯ ߢߣߊߕߊߟߌ ߣߌ߲߬ ߘߐ߫، ߥߊߘߌ ߣߌ߲߬ ߘߌߣߍ߲߫ ߠߋ߬߸ ߛߊ߫ ߛߌ߲߬ߝߏ߲߬ߧߊ߬ߟߌ ߘߌ߫ ߓߊ߲ߓߊ߲߫߸ ߞߊ߬ ߖߊ߲߬ߕߏ߬ߒ߬ߘߐ ߟߊߥߙߊ߬ ߢߣߊߕߊߟߌ ߘߐ߫߸ ߊ߬ ߘߌߣߍ߲߫ ߛߌ߲߬ߝߏ߲߬ߘߊ߫ ߝߌ߬ߟߊ߫ ߟߋ߬ ߡߊ߬߸ ߡߍ߲ ߠߎ߬ ߦߋ߫ ߢߣߊߕߊߟߌ ߣߌ߲߬ ߞߐߞߟߏ ߘߌ߫ ߞߊ߬ߣߌ߲߬: ߏ߬ ߝߟߐߡߊ ߟߋ߬ ߢߣߊߕߊߟߌ ߥߛߊ߬ߓߊ߰ߦߊ߬ ߘߍߒߖߘߍߟߊ ߘߌ߫ (ߢߥߘ) ߊ߬ ߣߌ߫ ߡߐ߰ߦߊ ߤߊߞߍ߫ ߞߏ ߟߎ߬ ߞߏߟߊߕߍ߯ߘߊ߫ ߝߊ߬ߛߏ߬ߟߊ߬ߞߊ (ߡߤߞߝ).
ߛߓߍߝߙߏߞߏ ߡߍ߲ ߘߌߣߴߊ߬ߟߎ߫ ߡߊ߬߸ ߛߍߝߊ ߞߋ߲߬ߥߟߎ߫ ߂߁߇ ߟߋ߬ ߦߴߏ߬ ߞߣߐ߫߸ ߛߍߝߊ ߞߋ߲߬ߥߟߎ߫ ߁߇߀ ߕߊ߬ߕߐ߫ ߏ߬ ߟߋ ߘߐ߫߸ ߞߵߊ߬ ߘߌ߫ ߢߣߊߕߊߟߌ ߥߛߊ߬ߓߊ߰ߦߊ߬ ߘߍߒߖߘߍߟߊ ߡߊ߬߸ ߏ߬ ߦߋ߫ ߢߣߊߕߊߟߌ ߥߛߊ߬ߘߊ߬ߕߌ߮ ߟߎ߬ ߣߌ߫ ߢߣߊߕߊߟߌ߫ ߛߓߍߘߊ ߛߌ߲߬ߝߏ߲ ߠߎ߬ ߟߊߐ߯ ߏ߬ ߟߊ߫، ߡߐ߰ߦߊ ߤߊߞߍ߫ ߞߏ ߟߎ߫ ߞߏߟߊߕߍ߯ߘߊ߫ ߝߊ߬ߛߏ߬ߟߊ߬ߞߊ ߟߊ߫ ߞߎ߲߬ߠߊ߫߸ ߛߍߝߊ ߞߋ߲߬ߥߟߎ߬ ߄߇ ߟߋ߬ ߘߌߕߐ߫ ߏ߬ ߟߎ߫ ߡߊ߬߸ ߛߊ߫ ߟߊ߬ߞߙߐ߬ߛߟߌ߬ߟߊ߫ ߂ ߄߀߀ ߘߌ߫ ߛߋ߫ ߟߛߊߙߌ߫ ߟߊ߫ ߢߣߊߕߊߟߌ߫ ߛߓߍߘߊ߫ ߁߂ ߀߀߀ ߞߣߐ߫ ߢߊ ߡߍ߲ ߡߊ߬߸ ߞߵߊ߬ߟߎ߬ ߘߐߕߟߊ߫ ߖߡߊ߬ߣߊ ߘߎ߰ߞߣߍ ߡߎ߰ߡߍ ߕߍ߫.
ߣߊߡߌߖ߭ߕߊ߫ ߛߊ߲ߜ߭ߊߙߋ߫ ߡߍ߲ ߦߋ߫ ߡߐ߰ߦߊ ߤߊߞߍ߫ ߞߏ ߟߎ߬ ߞߏߟߊߕߍ߯ߘߊ ߞߊ߲ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߊ߲ ߦߋߕߐ߫ ߟߋ߬ ߞߣߍ ߞߊ߲߬߸ ߖߐ߲߰ߛߊ߫ ߖߡߊ߬ߣߊ߬ߘߋ߲ ߓߍ߯ ߟߊߘߍ߬ߣߍ߲ ߘߌ߫ ߛߴߊ߬ ߟߊ߫ ߢߣߊߕߊߟߌ ߞߍ߫ ߟߊ߫ ߣߌ߫ ߘߐ߬ߜߍ߲߬ߘߍ߲߬ ߕߍ߫߸ ߣߌ߫ ߛߌߟߊ߲߫ ߕߍ߫߸ ߞߎߡߊߕߍ߫ ߡߊ߬ߓߊ߰ߓߊ߰ߟߌ߫ ߡߊ߬.>> ߓߊߏ߬߸ ߞߏ߫ ߊ߬ߟߎ߬ ߦߴߊ߬ ߝߍ߬ ߊ߬ ߞߏ ߦߋ߫ ߕߊ߬ߡߌ߲߫ ߖߛߎ߬ߛߎߡߊ ߟߋ߬ ߞߣߐ߫.
ߛߘߋߦߊߥߏ ߓߘߊ߫ ߜߋ߲ߞߐ߰ߖߌ߬ߘߊ ߡߊߘߍ߬ߡߍ߲߫ ߣߌ߲߬ ߢߊ ߝߋߎ߫، ߓߊ߬ߙߌ߬߸ ߛߊ߬ߣߴߏ߬ ߦߋ߫ ߞߍ߫߸ ߏ߬ ߞߵߊ߬ ߛߐ߬ߘߐ߲߫ ߠߋ߬ ߝߊ߲߬ߞߊߛߌ߬ߣߊ ߟߎ߬ ߓߘߴߊ߬ߟߎ߬ ߞߊ߲ߠߊߘߌ߫ ߊ߬ߟߋ߬ ߛߘߋߦߊߥߏ߫ ߞߋߟߋ߲ ߣߌ߲߬ ߡߊ߬߸ ߞߏ߫ ߊ߬ߟߎ߬ ߦߋ߫ ߡߊ߬ߞߎ߲ ߓߟߏߞߊ߬، ߞߏ߫ ߓߘߍ߬ߓߘߍ߬ߟߌ ߡߐ߰ ߞߎ߲ߓߊ ߟߎ߬ ߓߘߊ߫ ߛߋ߲߬ߓߐ߫ ߢߣߊߕߊߟߌ ߘߐ߫߸ ߛߘߋߦߊߥߏ ߡߊ߫ ߜߟߋ߬ߞߋ߫ ߓߌ߬ߟߴߊ߬ ߢߌ߲ ߝߍ߬ ߏ߬ ߞߏ ߘߐ߫، ߛߌ߰ߞߊ߲ ߞߏߟߊߕߍ߮ ߟߎ߬ ߞߊ߬ ߡߊ߬ߡߌ߬ߘߊ߬ߟߌ߬ߟߊ߬ ߟߏ߫ߟߎ߫ ߟߋ߬ ߟߊ߫ ߡߊ߬ߡߌ߬ߘߊ߬ߟߌ ߟߊߘߌ߬ߢߍ߬߸ ߞߊ߬ ߟߏߙߊ߲߫ ߜߊ߬ߜߏ߫ ߛߋ߲߬ߓߐ߫߸ ߞߊ߬ ߕߌ߬ߖߊߣ ߗߊߡ ߛߋ߲߬ߓߐ߫߸ ߏ߬ ߟߎ߫ ߛߋ߲߬ ߕߍ߫ ߢߣߊߕߊߟߌ ߣߌ߲߬ ߡߊ߬ߡߌ߬ߘߊ߬ߟߌ߬ ߞߏ ߘߐ߫ ߝߋߎ߫..
ߛߘߋߦߊߥߏ ߞߐߦߌߘߊߓߊ߮ ߡߍ߲ ߦߋ߫ ߜߋ߲ߞߐ߰ߖߌ߬ߘߊ ߟߊ߫ ߦߋ߲߬߸ ߓߐ߬ߟߐ߲߬ߞߊ ߏ߬ ߞߵߊ߬ ߦߌ߬ߘߊ߫ ߟߋ߬ ߘߐߙߐ߲߫߸ ߞߏ߫ <<ߛߘߋߦߊߥߏ ߟߊ߫ ߓߊ߯ߙߊ ߣߴߊ߬ ߣߌߞߊ߲ߞߏ ߦߋ߫ ߡߍ߲ ߘߌ߫߸ ߏ߬ ߟߋ ߓߍ߯ߦߊ ߛߌߟߊ ߟߎ߬ ߛߊߣߌ߲ߧߊ ߘߌ߫ ߕߋߟߋ߲ ߣߌ߫ ߜߍߦߊ ߞߣߐ߫ ߕߟߋ߬ߓߋ߬ ߊߝߙߌߞߌ߬ ߦߊ߲߬.>> ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ ߦߋ߫ ߡߍ߲ ߢߌߣߌ߲߫ ߠߊ߫ ߓߘߍ߬ߓߘߍ߬ߟߌ߬ߟߊ ߟߎ߫ ߝߍ߬߸ ߏ߬ ߟߋ ߊ߬ߟߎ߬ ߟߊ߫ ߓߋߟߋ߲ߠߊ ߟߎ߬ ߞߍ ߘߌ߫ <<ߖߐ ߣߌ߫ ߜߍߦߊ>> ߞߊ߲߬.
ߊ߬ߟߎ߬ ߟߊ߫ ߥߊߘߌ ߣߌ߲߬ ߕߍߣߊ߬ ߡߊ߲߬ߞߊ߲ ߡߊߛߎߡߊ߫ ߟߊ߫ ߢߣߊߕߊߟߌ߫ ߞߏ ߣߌ߲߬ ߘߐ߫ ߘߋ߬߸ ߊ߬ ߞߏ߬ߣߌ߲ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߛߘߋߦߊߥߏ ߣߌ߫ ߞߊ߲߫ ߞߏ ߦߋ߫ ߢߣߊߕߊߟߌ ߣߌ߲߬ ߞߍ ߟߋ߬ ߘߌ߫ ߊ߬ ߢߊ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߫ߣߊ߫ ߝߐ߰ߓߍ߬ߘߊ ߦߋ߫.
