ߕߎ߬ߡߊ ߡߍ߲ ߠߊ߫ ߖߡߊ߬ ߟߊ߬ߘߍ ߟߎ߬ ߦߴߌߘߐ߫ ߞߎߓߋߘߊ ߟߊ߫ ߊ߲ߕߣߊߣߊߙߌߝ߭ߏ߫߸ ߟߌ߬ߤߟߊ߬ ߓߐߣߍ߲߫ ߢߐ߲߰ ߡߊ ߟߎ߬ ߦߋ߫ ߝߌߙߌ߲ߝߌߙߌ߲ ߞߊ߲߬ ߕߎ߲߫، ߓߊߏ߬߸ ߊ߬ ߝߐ ߦߴߌߘߐ߫ ߞߏ߫ ߝߊ߬ߙߊ߲߬ߛߌ߬ ߛߊ߲ߡߊߞߎߟߎ߲ ߘߏ߫ ߓߘߊ߫ ߣߵߊ߬ ߕߊ߬ ߞߊ߬ ߥߴߊ߬ ߘߌ߫߸ ߣߊ߲߬ߕߌ߮ ߘߏ߫ ߟߎ߫ ߕߴߊ߬ ߟߊ߫ ߞߏ߫ ߘߐ߫ ߖߡߊ߬ߣߊ ߞߣߐ߫ ߕߋ߲߬߸ ߊ߬ߟߎ߫ ߕߟߋ߬ ߘߊ߲ߘߐ ߟߋ߬ ߕߋ߲߬ ߞߊ߲ߕߌ߮ ߕߴߦߋ߲߬߸ ߞߏߕߌ߯ ߝߟߐ ߦߋߣߍ߲߫ ߕߍ߫.
ߓߌ߬ ߞߐ߬ߓߊ߬ߟߏ߲ ߢߌ߲߬ ߠߋ߬ ߡߊ߬߸ ߞߊ߲ߕߌ߯ ߊ߲ߘߙߌ ߙߊ߬ߖ߭ߏ߬ߋ߬ߟߌߣߊ߬ ߓߍߣߊ߬ ߞߎߡߊ߫ ߡߘߊߜ߭ߊߛߑߞߊߙߌ߬ ߖߡߊ߬ߣߊ߬ߘߋ߲ ߠߎ߬ ߝߍ߬߸ ߞߏ߲ߓߌߕߌ߮ ߕߟߋ߬ ߁߃ ߣߌ߲߬ ߡߊ߬، ߊ߬ ߟߊ߫ ߓߋߟߋ߲ߠߊ ߏ߬ ߡߍ߲ ߞߟߌߣߴߊ߬ߟߎ߬ ߓߟߏ߫ ߞߏ߫ <<ߓߋߟߋ߲ߠߊ ߞߊߕߘߍ߬ ߡߊߟߌߜ߭ߊߛߌ ߟߎ߫ ߡߊ߬.>> ߏ߬ ߞߎߡߊ ߝߐ߫ ߘߊ߫ ߞߊ߲߲ߕߌ߯ߘߊ ߟߋ߬ ߓߟߏ߫߸ ߏ߬ ߟߎ߬ ߡߍ߲ ߠߎ߬ ߞߊ߲߫ ߞߏ߫ ߊ߬ ߦߋ߫ ߖߡߊ߬ߣߊ ߞߣߐ߫ ߤߊ߲߯ ߕߋ߲߬ ߞߊ߬ߣߌ߲߬، ߞߣߐ߬ߘߐ߬ߝߟߌ ߡߍ߲ ߞߏ߬ߣߌ߲ ߦߋ߫ ߖߊ߬ߡߊ ߟߊ߫ ߛߊ߫߸ ߊ߬ ߟߊ߫ ߞߎߡߊ߫ ߞߏ ߣߌ߲߬ ߓߘߊ߫ ߝߐ߫߸ ߓߊ߬ߙߵߊ߬ ߦߋ߫ ߦߙߐ߫ ߛߌ߫߸ ߏ߬ ߟߐ߲ߣߍ߲߫ ߕߍ߫، ߘߍ߬ߞߙߏߝߏ ߞߊ߲߬ߠߊ ߟߎ߬ ߘߐ߫߸ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߟߎ߫ ߟߋ߬ ߝߌߙߌ߲ߝߌߙߌ߲߫ ߠߊ߫ ߛߐ߲߬߸ ߞߵߊ߬ ߦߌ߬ߘߊ߬ ߞߏ߫ ߊ߬ ߓߘߊ߫ ߥߊ߫ ߝߊ߬ߙߊ߲߬ߛߌ߬߸ ߞߵߊ߬ ߛߐ߬ߘߐ߲߬ ߖߡߊ߬ߣߊ߬ߘߋ߲ ߠߎ߬ ߝߣߊ߫ ߦߴߊ߬ ߞߐ߫ ߞߏ߫ ߊ߬ ߦߋ߫ ߓߙߐߕߐ߫߸ ߏ߬ ߟߎ߬ ߡߍ߲ ߠߎ߬ ߖߊ߬ߡߊ ߦߋ߫ ߕߊ߬ߡߌ߲߬ ߠߊ߫ ߛߌߦߊߦߊ߫ ߟߊ߫ ߛߌߟߓߊ ߟߎ߬ ߞߊ߲߬.
ߝߊ߬ߙߊ߲߬ߛߌ߫ ߝߐ߰ߓߍ߬ߘߊ ߟߎ߬ ߟߊ߫ ߝߐߟߌ߫ ߘߐ߫߸ ߏ߬ ߡߍ߲ ߞߎߡߊ ߘߊߡߌ߬ߣߊ߬ ߘߊ߫ ߕߏߡߊߛ ߖߋߕߙߌߛ߭ ߓߟߏ߫ ߞߊ߬ߦߌ߯ ߞߎߣߎ߲߬ ߛߎ ߝߍ߬߸ ߞߏ߫ ߡߘߊߜ߭ߊߛߑߞߊߙߌ߬ ߞߊ߲ߕߌ߮ ߟߊߘߏ߲߬ߣߍ߲߫ ߝߊ߬ߙߊ߲߬ߛߌ߫ ߣߊ߲߬ߕߌ߮ ߟߎ߬ ߟߊ߫ ߛߊ߲ߡߊߞߎߟߎ߲ ߘߏ߫ ߟߋ߬ ߞߣߐ߫ ߞߊ߬ ߥߴߊ߬ ߘߌ߫، ߓߊ߬ߙߵߊ߬ ߟߊ߫ ߞߊ߲ߕߌ߯ߘߊ ߞߣߐ߫߫ ߡߐ߮ ߟߎ߬ ߞߊ߲߫ ߞߏ߫ ߕߎ߬ߢߊ߫ ߞߌ߬ߛߍ߬ ߞߋߟߋ߲ ߕߴߏ߬ ߘߐ߫߸ ߞߏ߫ ߞߊ߲ߕߌ߮ ߦߋ߫ ߖߡߊ߬ߣߊ ߞߣߐ߫، ߒ߬ߓߊ߬߸ ߊ߬ ߦߋ߫ ߡߌ߲߫ ߏ߬ ߘߐ߫؟ ߢߌ߬ߢߌ߲߬ߞߊ߬ߟߌ ߏ߬ ߟߋ ߛߋߣߍ߲߫ ߕߍ߫ ߖߋ߬ߓߌ߬ ߟߊ߫.
ߕߎ߬ߡߊ߬ߣߍ߲߬ ߞߋߟߋ߲ ߏ߬ ߝߣߊ߫ ߟߊ߫߸ ߖߡߊ߬߬ߣߊ ߡߐ߰ߘߐ߬ߜߍ ߘߏ߫ ߟߎ߫ ߓߘߊ߫ ߡߘߊߜ߭ߊߛߑߞߊߙߌ߬ ߓߌ߬ߟߊ߬߸ ߞߊ߬ ߥߊ߫ ߛߌ߰ߢߐ߲߰ ߖߡߊ߬ߣߊ߬ ߜߘߍ߫ ߞߣߐ߫، ߞߏߕߌ߯ ߝߟߐ߫ ߞߘߐ ߞߙߌߛߌߦߊ߲ ߒߕߑߛߊߦߌ߫ ߓߘߊ߫ ߥߊ߫ ߡߏߙߌߛ ߕߌ߲ ߞߊ߲߬ ߞߍ߲ߘߍߟߏ߲ ߛߎ ߞߵߊ߬ ߘߎ߰ߛߊ ߜߍ߫ ߞߊ߯ߙߌ ߟߊ߫߸ ߊ߬ ߓߌ߬ߟߊ߬ߛߌ߬ߟߊ߬ ߘߊ߫ ߡߊߡߣߌߦߍߣߊ ߙߝ߭ߊߕߏߡߊ߲ߜ߭ߊ߫ ߟߋ߬ ߓߟߏ߫߸ ߏ߬ ߦߋ߫ ߥߊߟߌߝߊ ߟߋ߬ ߘߌ߫߸ ߊ߬ ߣߌ߫ ߞߊ߲ߕߌ߮ ߘߍ߬ߢߐ߲߰ ߓߘߍ ߘߏ߫߸ ߏ߬ ߡߍ߲ ߞߎߡߊ ߝߐߣߍ߲߫ ߞߌ߬ߓߊ߬ߙߏ߬ߘߊ߬ ߛߌߦߊߡߊ߲߫ ߓߟߏ߫ ߞߊ߬ߣߌ߲߬.
ߖߡߊ߬ߣߊ ߦߋ߫ ߟߊ߲߬ߓߏ߲ ߘߐ߫ ߞߊ߬ߦߌ߯ ߕߎߟߊߝߌ߲ ߕߋ߬ߟߋ߫ ߂߅ ߟߋ߬ ߡߊ߬߸ ߔߊߞߌߛߦߊ ߘߊߡߌ߬ߣߊ߬ ߘߊ߫ ߢߎߡߍ߫ ߕߍ߮ ߣߌ߫ ߖߌ߫ ߞߏߖߊ ߞߏߛߐ߲߬߸ ߏ߬ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߖߊ߬ߡߊ߫ ߘߍ߬ߜߍ ߟߊߓߐ߫ ߝߏ߲߬ߘߏ ߟߎ߫ ߞߊ߲߬، ߏ߬ ߟߋ ߞߏ ߣߊ߬ ߘߊ߫ ߥߟߏ߫ ߣߊ߲߬ߕߌ߮ ߟߎ߬ ߟߊ ߡߊ߬ ߔߊߞߌߛߦߊߟߊ ߏ߬ ߟߎ߫ ߞߊ߲߬߸ ߞߏ߫ ߊ߬ߟߎ߬ ߕߍ߫ ߡߎ߯ߕߋ߬ ߟߊ߫ ߖߡߊ߬ߣߊ߬ߘߋ߲߫ ߠߊ߫ ߡߎ߬ߕߎ߲߬، ߏ߬ ߖߋ߬ߓߌ ߘߐ߫߸ ߊ߲ߘߙߌ ߙߊ߬ߖ߭ߏ߬ߋ߬ߟߌߣߊ߬ ߞߵߊ߬ ߝߐ߫ ߞߎߣߎ߲߬ ߞߊ߯ߙߌ ߡߊ߬ ߞߏ߫ ߘߏ߫ ߟߎ߫ ߦߴߊ߬ ߝߍ߬ ߞߊ߬ ߞߊ߲ߕߌ߯ߦߊ ߓߏ߬ߛߴߊ߬ ߟߊ߫ ߛߊ߬ߙߌ߬ߦߊ߬ ߛߐߛߐ ߞߊ߲߬ ߝߊ߲߬ߞߊ ߟߊ߫.
ߣߊ߲߬ߕߌ߮ ߡߍ߲ ߠߎ߬ ߡߙߌ߫ ߘߊ߫ ߞߵߊ߬ߟߎ߬ ߟߊ߫ ߔߊߞߌߛߦߊߟߊ ߟߎ߫ ߞߊ߲߬߸ ߏ߬ ߟߎ߬ ߓߘߊ߫ ߘߊ߯ߘߐ ߞߎ߲߬ߕߌ߰ ߞߎߘߊ߫ ߟߊߛߌ߰ ߖߡߊ߬ߣߊ ߣߊ߲߬ߕߌ߮ ߟߎ߫ ߞߎ߲߬ߠߊ߫، ߡߍ߲ ߦߋ߫ ߣߊ߲߬ߕߌ ߟߎ߬ ߟߊ߫ ߞߏߕߌ߯ߦߊ ߟߊ߫ ߞߊ߲ߕߌ߮ ߟߊ߫ ߞߎ߲߬ߠߊ߬ߛߌ߰ ߞߎߘߊ߫ ߛߏ߯ߙߏߣߍ߲ ߘߐ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߛߐ߲߬ߣߍ߲߫ ߘߊ߯ߘߐ ߞߎ߲߬ߕߌ߰ ߞߎߘߊ ߏ߬ ߟߊ߫ ߞߏ ߡߊ߬ ߝߛߊߦߌ߫، ߞߌ߬ߓߊ߬ߙߏ߬ߘߊ߬ ߛߌߦߊߡߊ߲߫ ߓߘߴߊ߬ ߦߌ߬ߘߊ߬ ߞߏ߫ ߞߟߍ߬ߡߐ߮ ߟߎ߫ ߓߊ߬߸ ߕߐ߲ߓߟߏߡߊ ߟߎ߫ ߓߊ߬߸ ߊ߬ ߣߌ߫ ߣߊ߲߬ߕߌ߰ ߓߏߟߏ߲ߝߘߊ߫ ߜߘߍ߫ ߟߎ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߕߍ߫ ߞߊ߲ߕߌ߮ ߞߎߡߊ߫ ߞߊ߲ ߠߊߓߊ߬ߕߏ߬ ߟߊ߫ ߡߎ߬ߕߎ߲߬.
ߡߊ߲߬ߞߊ߲ ߡߍ߲ ߣߐ߬ ߖߡߊ߬ߣߊ ߓߌ߬ߟߊ߬ ߟߊ߫ ߟߊ߲߬ߓߏ߲ ߘߐ߫ ߣߌ߲߬߸ ߏ߬ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߡߐ߰ ߂߂ ߟߋ߬ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߡߐ߰ ߁߀߀ ߖߐߞߌ߫߸ ߖߊ߬ߕߋ ߏ߬ ߝߘߊߣߍ߲߫ ߡߊ߲߬ߕߏ߲߬ ߠߊߘߍ߬ߣߍ߲ ߠߋ߬ ߟߊ߫. ߞߎ߲߬ߠߊ߬ߛߌ߮ ߞߊ߲߫ ߞߏ߫ ߊ߬ߟߎ߬ ߡߊ߫ ߓߍ߲߬ ߖߊ߬ߕߋ ߏ߬ ߡߊ߬߸ ߞߏ߫ ߊ߬ߟߎ ߞߊ߬ ߡߐ߰ ߁߂ ߟߋ߬ ߝߊ߰ ߞߏ ߟߐ߲߫.
ߡߘߊߜ߭ߊߛߑߞߊߙ ߦߋ߫ ߢߊ ߡߍ߲ ߡߊ߬ ߕߋ߲߬߸ ߊ߬ ߖߡߊ߬ߣߊ߬ߘߋ߲ ߠߎ߬ ߕߙߐߣߍ߲߫ ߢߎߡߍ߫ ߞߏ ߘߐ߫߸ ߖߌ߫ ߞߏ ߘߐ߫߸ ߓߟߏߞߏߟߏ߲ߧߊ߸ ߏ߬ ߦߴߊ߬ߟߎ߫ ߞߊ߲߬߸ ߞߊ߲ߕߌ߮ ߣߐ߬ ߛߊ߲߬ ߞߋߟߋ߲߫ ߠߋ߬ ߘߌ߫ ߟߊ߫߸ ߞߏ߫ ߊ߬ ߘߌ߫ ߛߋ߫ ߝߙߋߞߋ ߏ߬ ߟߎ߬ ߓߍ߯ ߝߎߟߋ߲߫ ߠߴߏ߬ ߞߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
