ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߯ߘߊ ߣߐ߬ ߝߊ߲ߞߊ߲ ߘߏ߫ ߟߋ߬ ߞߟߊ߬ߣߐ߬ߦߊ߬ ߟߊ߫ ߓߌ߬߸ ߞߊ߬ ߡߙߌߘߐ ߘߏ߫ ߟߎ߫ ߕߊ߬ ߞߵߊ߬ ߓߍ߲߬ ߞߏ߲ߓߌߕߌ߮ ߕߟߋ߬ ߁߂ ߢߣߊߕߊߟߌ ߓߟߏߘߐߓߍ߲ ߠߎ߬ ߡߊ߬.
ߛߌߣߌ߲߫ ߠߋ߬ ߞߊߡߋߙߎߣ ߞߊ߲ߕߌ߯ ߢߣߊߕߊߟߌ ߘߌ߫߸ ߂߀߂߅ ߞߏ߲ߓߌߕߌ߮ ߕߟߋ߬ ߁߂߸ ߊ߬ߟߎ߬ ߟߊ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߯ߘߊ ߣߐ߬ ߝߊ߲ߞߊ߲ ߘߏ߫ ߟߋ߬ ߟߊߓߐ߫ ߟߊ߫߸ ߞߵߊ߬ ߓߍ߲߬ ߞߊ߲ߠߊߓߌߟߊ ߣߌ߫ ߓߊ߯ߙߊ ߘߏ߫ ߟߎ߫ ߡߊ߬، ߛߓߍ ߣߌ߲߬ ߞߟߊ߬ߣߐ߬ߦߊ߬ ߘߊ߫ ߞߎߣߎ߲߬ ߞߏ߲ߓߌߕߌ߮ ߕߟߋ߬ ߁߀ ߠߋ߬ ߡߖߊ߬߸ ߔߏߟ ߊߕߊ߲ߜ߭ߊ ߒߖߌ߫ ߓߟߏ߫، ߊ߬ ߞߎߡߊߣߍ߲߫ ߓߏ߬ߙߌ ߟߌ߬ߤߟߊ ߟߎ߫ ߟߋ߬ ߞߊ߲߬߸ ߊ߬ ߣߌ߫ ߖߡߊ߬ ߟߊ߬ߘߍ ߛߙߊߕߌ ߟߎ߬ ߖߡߊ߬ߣߊ ߡߎ߰ߡߍ ߞߣߐ߫.
ߘߐ߬ߛߙߋ ߢߌ߲߬ ߠߊ߫ ߝߐߟߌ߫ ߘߐ߫߸ ߞߏ߫ ߝߊ߬ߛߏ ߓߐߕߏ߲ ߠߎ߬ ߘߊߕߎ߲߯ߕߐ߫ ߟߋ߬ ߕߎ߬ߡߊ߬ߙߋ߲߬ ߓߌߣߊ߯ߣߌ߲߫ ߣߌ߫ ߛߋߦߌ߲߫ ߞߘߐ߫ ߞߊ߬ ߞߐ߲߰ ߢߣߊߕߊߟߌ ߢߍ߫߸ ߊ߬ ߘߏ߲߬ ߕߍ߫ ߟߊߓߌ߬ߟߊ߬ ߟߊ߫ ߝߏ߫ ߢߣߊߕߊߟߌ ߞߎ߲߬ߝߊ߮ ߘߎ߰ߛߊ߬ߜߍ، ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߘߎ߰ߡߊ߬ ߛߌߟߊ ߟߎ߬߸ ߣߍ߰ ߛߌߟߊ ߟߎ߬߸ ߛߊ߲ߡߊ߫ ߛߌߟߊ ߟߎ߬߸ ߏ߬ ߟߎ߬ ߓߍ߯ ߕߍ߰ߣߍ߲߫ ߠߋ߬ ߢߣߊߕߊߟߌ߫ ߟߏ߲߸ ߞߵߊ߬ ߕߊ߬ ߦߋߙߋ߲ߦߋߙߋ߲ ߡߊ߬ ߞߵߊ߬ ߛߌ߰ ߁߈ߙߋ߲ ߠߊ߫߸ ߝߏ߫ ߢߌ߬ߣߊ߬ߓߐ߬ߕߊ ߟߎ߬ ߘߋ߬: ߟߊ߬ߞߊ߲߬ߘߊ߬ߟߌ߬ߟߊ ߟߎ߬߸ ߛߋ߲߬ߘߐ߬ߞߎߟߎ߲ ߠߎ߬߸ ߢߣߊߕߊߟߌ ߟߊ߬ߞߙߐ߬ߛߟߌ߬ߟߊ߬ ߟߊߘߌ߬ߢߍ߬ߣߍ߲ ߠߎ߬߸ ߞߵߏ߬ ߟߊ߫ ߛߊ߲ߡߊߞߎߟߎ߲߫ ߠߎ߫ ߞߊ߲߬ ߡߍ߲ ߠߎ߬ ߘߐ߱ߘߏ߲߬ߣߍ߲߬ ߡߐ߰ߦߊ ߡߞߊߘߊ߲߫ ߓߊ߯ߙߊ ߟߎ߬ ߟߊ߫߸ ߥߟߊ߫ ߢߣߊߕߊߟߌ ߞߏߢߊ ߟߎ߬ ߟߊ߫.
ߊ߬ߟߋ߬ ߛߓߍ ߣߌ߲߬ ߦߋ߫ ߥߊߘߌ߫ ߢߌߣߌ߲߫ ߓߊ߯ߙߊ ߕߐ߭ ߓߍ߯ ߟߊߕߐ߲߫ ߠߊ߫ ߟߋ߬ ߢߣߊߕߊߟߌ߫ ߟߏ߲ ߡߊ߬ ߞߐߘߍ߫، ߡߌ߲߬ߓߏ߲ ߠߎ߬߸ ߝߎ߲ߞߎ߲ ߠߎ߬߸ ߟߐ߯ߝߍ ߟߎ߬߸ ߡߣߐ߬ߓߏ߲ ߠߎ߬ ߣߌ߫ ߕߏߟߏ߲߫ ߦߙߐ ߟߎ߬߸ ߏ߬ ߟߎ߬ ߓߍ߯ ߘߊߕߎ߲߯ߕߐ߫ ߟߋ߬ ߢߣߊߕߊߟߌ߫ ߟߏ߲߸ ߊ߬ ߣߌ߫ ߞߏ߫ ߛߌ߫ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߢߣߊߕߊߟߌ ߘߐߞߛߐ߫. ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߛߊ߬ߙߌ߬ߦߊ ߢߌ߲߬ ߠߎ߬ ߟߊߕߊ߯ߡߊ ߞߊ߬ߙߌ߬ߝߊ߬ߣߍ߲߫ ߘߌ߲߬ߞߌߙߊ ߟߎ߫ ߝߊ߰ߡߊ ߟߎ߫ ߟߋ߬ ߟߊ߫߸ ߞߊ߬ ߞߏ ߓߍ߯ ߟߊߕߐ߲߫߸ ߡߍ߲ ߠߎ߬ ߘߌ߫ ߢߣߊߕߊߟߌ ߡߊߣߐ߯.
ߞߏߕߌ߯ߘߊ ߟߊ߫ ߝߊ߲ߞߊ߲ ߣߌ߲߬ ߦߋ߫ ߞߎ߲߬ߠߊ߬ߛߌ߰ߟߊ ߟߎ߬ ߣߌ߫ ߡߙߊ߬ߓߊ߮ ߟߎ߬ ߣߌ߫ ߡߙߊ߬ߓߊ߰ߘߎ߯ߟߊ ߟߎ߬ ߦߟߌߓߌ߬ߟߊ߬ ߟߊ߫ ߝߣߊ߫߸ ߞߏ߫ ߊ߬ߟߎ߬ ߦߋ߫ ߞߊߘߊ߲߫ ߓߍ߯ ߞߍ߫ ߞߊ߬ ߣߌ߲߬ ߞߏ ߓߐ߫ ߊ߬ ߛߌߟߊ ߝߍ߬، ߊ߬ ߣߌ߫ ߞߏ߫ ߘߐ߬ߛߙߋ ߏ߬ ߓߍߣߊ߬ ߟߊߖߍ߲ߛߍ߲߫ ߝߘߏ߬ߓߊ߬ ߝߐ߯ߓߍ ߘߐ߫ ߝߊ߬ߙߊ߲߬ߛߌ߬ ߞߊ߲ ߣߌ߫ ߊ߲߬ߜ߭ߌ߬ߟߋ߬ ߞߊ߲ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
