ߡߊ߬ߟߌ ߣߊ߲߬ߕߌ߮ ߟߎ߬ ߦߴߊ߬ߟߎ߬ ߟߊ߫ ߦߙߍߞߍߟߌ ߞߊ߲߬ ߓߊ߰ߓߊ߰ߟߌ߬ߟߊ ߟߎ߫ ߝߊ߱ ߘߌ߫ ߖߡߊ߬ߣߊ ߦߙߐ߫ ߛߌߦߊߡߊ߲߫ ߘߐ߫ ߓߐߕߏ߲߫ ߝߊ߲ ߠߎ߬ ߝߍ߬، ߊ߬ߟߎ߫ ߞߵߊ߬ ߞߏ ߘߐߜߊ߬ ߂߀߂߅ ߞߏ߲ߓߌߕߌ߮ ߕߟߋ߬ ߁߀ ߣߌ߲߬ ߡߊ߬ ߞߏߛߓߍ߫߸ ߞߵߊ߬ ߟߊߥߌ߬ߟߌ߫ ߖߡߊ߬ߣߊ ߟߊߞߊ߲ߘߊ ߡߊ߬ ߦߏ߫ ߊ߬ ߞߊ߫ ߞߊ߲߫ ߢߊ ߡߍ߲ ߡߊ߬.
ߟߊ߬ߛߋ߬ߟߌ ߡߍ߲ ߠߊߖߍ߲ߛߍ߲߫ ߘߊ߫ ߡߊ߬ߟߌ ߣߊ߲߬ߕߌ߮ ߟߎ߬ ߟߊ߫ ߘߊ߯ߘߐ ߞߎ߲߬ߕߌ߮ ߓߟߏ߫߸ ߊ߬ ߦߌ߬ߘߊ߬ߣߍ߲߫ ߏ߬ ߞߣߐ߫ ߞߏ߫ ߊ߬ߟߎ߫ ߞߊ߬ ߛߊ߲ߡߊ߫ ߥߊߟߏ߲ߠߌ߲ ߠߋ߬ ߛߌ߰ ߛߋ߲߬ߠߊ߫ ߖߡߊ߬ߣߊ ߕߟߋ߬ߓߐ ߘߐ߫ ߊߞߑߓߊߙ߸ ߏ߬ ߡߍ߲ ߦߋ߫ ߡߊ߬ߟߌ ߣߌ߫ ߖߋ߬ߟߌ߬ߓߊ߬ߘߎ߯ ߓߐߕߏ߲ ߠߊ߫ ߞߊ߬ߣߌ߲߬، ߊ߬ߟߎ߬ ߟߊ߫ ߦߙߍߞߍߟߌ ߏ߬ ߛߊߓߎ߫ ߟߊ߫߸ ߊ߬ߟߎ߬ ߛߋ߫ ߓߊ߰ߓߊ߰ߟߌ߬ߟߊ ߟߎ߬ ߡߊߞߍ߫ ߦߌߟߊ߫ ߛߌߦߊߡߊ߲߫ ߘߐߕߌߢߍ߫ ߟߊ߫.
ߢߊ߫ ߞߋߟߋ߲߫ ߔߋ ߏ߬ ߡߊ߬߸ ߦߙߍߞߍߟߌ߫ ߜߘߍ߫ ߝߣߊ߫ ߛߌ߰ ߘߊ߫ ߛߋ߲߬ߠߊ߫ ߞߊ߬ߦߋ߫ ߕߌ߲߬ߞߎߘߎ߲ ߘߐ߫߸ ߞߎߘߍ߫ ߛߋߦߌ߲߫ ߢߐ߲߰ ߠߊ߫ ߞߐ߬ߘߎ߯ ߕߟߋ߬ߓߋ ߘߐ߫ ߟߞߊߡߊߣߋ߫߸ ߜߘߋߜߘߋߦߟߊ ߡߍ߲ ߠߎ߬ ߦߋ߫ ߜߊ߬ߟߏ ߟߊ ߞߊ߲߬ ߣߊ߲߬ߒ߬ߕߊ߲߫ ߛߐ߲߬ߒ߬ߕߊ߲ ߠߎ߫ ߞߊ߲߬ ߦߋ߲߬ ߖߐ߫߸ ߊ߬ߟߎ߬ ߝߣߊ߫ ߞߵߏ߬ ߟߎ߫ ߝߌ߬ߙߌ߲߬ߕߊߥߏ߫ ߟߋ߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬، ߡߊ߬ߟߌ ߣߊ߲߬ߕߌ߮ ߟߎ߬ ߞߊ߲߫ ߞߏ߫ ߊ߬ߟߎ߬ ߦߴߊ߬ ߞߏ ߘߐߞߕߌ ߞߊ߲߬ ߡߎߣߎ߲߬ ߤߊߟߌ߬ߛߊ߫.
ߘߊ߯ߘߐ ߞߎ߲߬ߕߌ߮ ߞߊ߲߫ ߞߏ߫ ߊ߬ ߦߋ߫ ߕߡߊ߬ߖߌ ߓߐ߫ ߡߊ߬ߟߌ߬ߞߊ ߟߎ߬ ߘߐ߫߸ ߞߏ߫ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߟߊ߫ ߣߐ߬ ߛߌ߫ ߕߍ߫ ߓߐߕߏ߲߫ ߝߊ߲ ߏ߬ ߟߎ߫ ߝߍ߬ ߏ߬ ߞߐ߫߸ ߛߌߟߊ߲߫ ߘߐ߫ ߞߏ߫ ߛߌ߫ ߕߴߦߋ߲߬ ߡߎ߬ߕߎ߲߬، ߊ߬ߟߎ߫ ߞߵߊ߬ ߦߌ߬ߘߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫ ߌߞߐ߫߸ ߞߏ߫ ߊ߬ߟߎ߬ ߘߌ߫ ߜߊ߬ߟߏ ߟߊ߫ ߓߊ߰ߓߊ߰ߟߌ߬ߟߊ ߢߌ߲߬ ߠߎ߫ ߞߊ߲߬ ߝߎߚߎ߫߸ <<ߝߏ߫ ߊ߬ߟߎ߬ ߓߍ߯ ߟߊߘߍ߬ߣߍ߲ ߦߋ߫ ߛߌߟߊߛߊ߬ ߘߌ߲߬ߞߌߙߊ ߏ߬ ߟߎ߬ ߘߐ߫ ߕߎ߬ߡߊ ߡߍ߲ ߠߊ߫ ߜߋߙߊ߫.>> ߞߵߊ߬ߟߎ߬ ߟߊ߫ ߞߏ ߓߊ߲߫ ߡߊ߬ߟߌ ߘߎ߰ߞߣߍ ߞߊ߲߬ ߝߋߎ߫.
ߊ߬ߟߎ߫ ߞߵߊ߬ ߦߌ߬ߘߊ߬ ߞߎߡߊ߫ ߟߊߓߊ߲߫ ߘߐ߫߸ ߞߏ߫: <<ߣߴߊ߲ ߝߙߊ߬ ߘߊ߫ ߢߐ߲߯ ߞߊ߲߬߸ ߊ߲ ߘߌ߫ ߛߋ߫.>> ߏ߬ ߟߋ ߦߴߊ߬ߟߎ߬ ߘߊߘߐߞߊ߲ ߘߌ߫ ߛߐ߲߬߸ ߜߘߋߜߘߋߦߟߊ߫ ߥߊ߬ߥߟߏ ߢߌ߲߬ ߠߎ߫ ߞߍ߬ߟߍ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
ߊ߬ߟߋ߬ ߛߓߍ ߝߟߍ߫👇🏾👇🏾
