ߛߌߣߌ߲߫ ߂߀߂߅ ߞߎ߲ߓߌߕߌ߮ ߕߟߋ߬ ߁߂ ߡߊ߬߸ ߞߊ߬ߡߋߙߎ߲ߣߌ߲߬ ߖߡߊ߬ߣߊ߬ߘߋ߲ ߠߎ߬ ߡߊߞߟߌߣߍ߲߫ ߞߟߊ߬ߕߊ߬ ߓߏ߲ ߞߣߐ߫߸ ߓߌ߬ ߟߋ߬߸ ߞߊ߲ߕߌ߯ߦߊ߫ ߢߌߣߌ߲ ߓߊ߯ߙߊ ߟߎ߬ ߓߍߣߊ߬ ߞߎ߲߭ ߘߏ߲߬߸ ߓߊ߬ߙߌ߫߸ ߡߊ߬ߡߌ߬ߘߊ߬ߟߌ߬ߟߊ߫ ߁߂ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߕߊ߬ߟߌ ߞߍ߫ ߞߊ߲ߕߌ߯ߦߊ߫ ߢߣߊߕߊߟߌ ߣߌ߲߬ ߘߐ߫߸ ߏ߬ ߘߏ߫ ߟߎ߫ ߓߘߴߊ߬ߟߎ߬ ߟߊ߫ ߓߊ߯ߙߊ ߟߎ߬ ߟߊߘߎ߲߫ ߝߟߐ߫߸ ߊ߬ߟߎ߫ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߕߍߣߊ߬ ߕߎ߬ߡߊ߬ߣߍ߲߫ ߞߋߟߋ߲߫ ߠߋ߬ ߢߌߣߌ߲߫ ߠߊ߫ ߢߐ߲߮ ߝߍ߬ ߢߊ߰ߢߊ߮ ߕߎ߬ߡߊ߬ ߟߊ߬ߓߊ߲ ߘߐ߫߸ ߞߟߊ߬ߕߊ ߛߌ߲߬ߝߏ߲߬ߧߊ߬ ߞߙߎ ߋߟߋߜ߭ߊ߲ߡ ߘߊ߮ ߟߊ߫.
ߞߟߊ߬ߕߊ߬ ߖߐߙߊ߲ ߠߎ߬ ߦߴߊ߬ ߞߊ߲߬ ߞߊ߬ ߘߊߘߐߓߍ߲߬ ߦߊ߬ߣߌ߲߫ ߕߎ߬ߡߊ߬ߣߍ߲߬ ߞߘߐ߫߸ ߞߟߊ߬ߕߊ߬ߟߊ ߟߎ߬ ߦߴߊ߬ ߞߊ߲߬ ߞߊ߬ ߢߐ߲߮ ߕߎ߲߬ߕߎ߲߫ ߊ߬ߟߎ߬ ߟߊ߫ ߞߟߊ߬ߕߊ߬ ߛߓߍ ߞߐ߫߸ ߓߊߏ߬߸ ߓߍ߯ ߦߴߊ߬ ߝߍ߬ ߟߋ߬ ߞߵߊ߬ߟߎ߬ ߟߊ߫ ߛߓߍ ߟߊߛߐ߬ߘߐ߲߬߸ ߞߎߣߎ߲߬ ߛߎ ߕߊ߬ߡߌ߲߬ߣߍ߲ ߢߌ߲߬ ߡߊ߬߸ ߓߘߍ߬ߓߘߍ߬ߟߌ߬ ߞߙߎ ߘߏ߫ ߟߎ߫ ߞߵߊ߬ߟߎ߬ ߟߊ߫ ߞߊ߲ߕߌ߯ߦߊ߫ ߢߌߣߌ߲߫ ߓߊ߯ߙߊ ߟߎ߬ ߞߎ߲߭ ߘߏ߲߬߸ ߏ߬ ߘߏ߫ ߟߋ߬ ߦߋ߫ ߌߛߊ߫ ߓߞߊߙ ߗߌ߬ߙߏ߬ߡߊߞߊ߬ ߟߊ߫ ߓߘߍ߬ߓߘߍ߬ߟߌ߬ ߞߙߎ ߘߌ߫߸ ߊ߬ߟߋ ߞߊ߬ ߖߊ߬ߡߊ߫ ߝߌ߬ߙߌ߲߬ߞߐ߲߬ߞߐ߲ ߠߋ߬ ߟߊߓߐ߫ ߊ߬ ߟߊ߫ ߞߎߣߎ߲߬ ߓߙߊߡߊߖߊ߲ߓߊ߲ ߝߍ߬ ߜ߭ߊߥߎߙߊ߫ ߡߊ߬ߙߊ ߞߣߐ߫.
ߏ߬ ߡߍ߲ ߛߋ߲߭ߝߍ߬ ߊ߬ ߞߊ߬ ߝߊ߲߬ߞߊߛߌ߬ߣߊ ߘߏ߫ ߟߊ߫ ߘߍ߬ߡߍ߲ ߛߐ߬ߘߐ߲߬߸ ߣߴߊ߬ ߦߋ߫ ߡߊ߬ߡߊ߬ߘߎ ߡߏߕߊ߫ ߍߡߑߙߋߛߋ ߓߘߍ߬ߓߘߍ߬ߟߌ߬ ߕߐ߲ ߘߐ߬ߕߊߡߌ߲ ߞߊ߲ߕߌ߮ ߘߌ߫߸ ߦߊߥߎ߲ߘߋ߫ ߘߎ߱ ߟߊ߫߸ ߡߊ߬ߡߌ߬ߘߊ߬ߟߌ߬ߟߊ߫ ߞߊߓߙߍߟ ߟߓߌ߫ ߝߣߊ߫ ߞߵߊ߬ ߕߊ߫ ߞߎ߲߭ߘߏ߲߬ ߠߋ߬ ߞߎߣߎ߲߬ ߊ߲ߖߌߛߊ߲߫ ߕߏ߬ߟߏ߲߬ߕߊ߲߬ ߞߣߍ ߞߊ߲߬߸ ߊ߬ ߣߌ߫ ߘߏ߫ ߜߘߍ߫ ߟߎ߫.
