ߡߊ߬ߛߎ߬ߓߊ߬ߞߏ߬ߓߊ߫ ߟߋ߬ ߞߍߣߍ߲߫ ߥߊ߯ ߘߎ߱ ߟߊ߫ ߜ߭ߊ߯ߣߊ߬ ߖߡߊ߬ߣߊ ߞߣߐ߫߸ ߣߴߏ߬ ߦߋ߫ ߕߍ߮ ߞߍ ߘߌ߫ ߡߐ߰ ߘߐ߫߸ ߡߍ߲ ߛߊ߲߬ ߦߙߌߞߊ ߦߋ߫ ߕߌߢߍߟߌ߫ ߞߏߓߊ ߘߏ߫ ߞߊ߲߬߸ ߡߐ߰ ߝߊ߰ߟߊ߬ߓߊ߫ ߡߐ߰ ߘߊ߬ߥߎ߲߬ߠߊ߬ߓߊ ߘߏ߫߸ ߡߍ߲ ߢߐ߲߱ ߦߋ߫ ߜߏߡߊ߲߫ ߞߏߛߓߍ߫، ߓߊߏ߬߸ ߥߊ߬ߥߟߏ ߘߝߊߣߍ߲ ߠߋ߬، ߞߊ߲ߡߋߙߋ߲ ߣߌ߲߬ ߕߐ߯ ߟߋ߬ ߞߏ߫ ߊߓߘߎߟߊߦߌ߬ ߛ߭ߋ߬ߙߌߝ߸ ߊ߬ ߛߌ߭ ߦߋ߫ ߛߊ߲߬ ߃߀ ߢߐ߲߰ ߘߐ߫߸ ߏ߬ ߟߋ ߡߌ߬ߣߊ߬ߣߍ߲߫ ߞߏ߫ ߊ߬ ߓߘߊ߫ ߡߐ߰ ߕߊ߲ ߣߌ߫ ߟߏ߯ߟߎ߫ ߟߋ߬ ߝߊ߰߸ ߞߊ߬ ߓߊ߲߫ ߞߵߊ߬ߟߎ߫ ߛߏ߬ߓߏ ߘߊߥߎ߲߫ ߞߵߊ߬ ߕߊ߬ ߂߀߂߁ ߡߊ߬ ߞߵߊ߬ ߛߌ߰ ߂߀߂߅ ߢߌ߲߬ ߠߊ߫.
ߕߍ߮ ߞߍ߫ ߘߊ߫ ߞߊ߲ߡߋߙߋ߲ ߣߌ߲߬ ߘߐ߫ ߘߌ߬؟ ߕߎߟߊߝߌ߲ ߕߊ߬ߡߌ߲߬ߣߍ߲ ߢߌ߲߬ ߟߊߓߊ߲߫ ߝߊ߲ ߠߋ߬ ߝߍ߬߸ ߕߐ߲ߓߟߏߡߊ ߟߎ߫ ߞߵߊ߬ߟߎ߬ ߕߍ߯ ߞߍ߫ ߘߋ߲ߡߌߛߍ߲߫ ߛߊ߲߭ ߂߅ ߘߏ߫ ߘߐ߫߸ ߞߏ߫ ߡߎ߬ߤߊ߬ߡߎ߬ߘߊ߬ ߟߊ߬ߡߌߣ، ߏ߬ ߡߌ߬ߘߊ ߕߐ߲ߓߟߏߡߊ ߟߎ߬ ߓߟߏ߫߸ ߗߍ߭ ߘߏ߫ ߟߊ߫ ߜߋߟߋ߲ߜߋߟߋ߲ ߦߋ߫ ߘߴߏ߬ ߓߟߏ߫߸ ߣߊߟߌ߬ߡߎ߲߫ ߌߛߊ߫ ߦߊߤߦߊ߬ ߘߌ߫߸ ߗߍ߬ ߛߊ߲߬ ߅߅ ߏ߬ ߡߍ߲ ߝߊ߰ ߘߊ߫ ߝߊ߰ ߞߏ߬ߖߎ߰ߦߊ ߛߎ߮ ߓߍ߯ ߘߐ߫ ߕߎߟߊߝߌ߲ ߕߋ߬ߟߋ߫ ߂߁ ߡߊ߬ ߞߊ߬ߣߌ߲߬، ߒ߬ߓߊ߬߸ ߟߊ߬ߡߌߣ ߠߊ߫ ߢߊߝߐߟߌ ߟߋ߬ ߛߊߓߎ߫ ߟߊ߫߸ ߕߍ߮ ߛߋ߫ ߘߊ߫ ߞߍ߫ ߟߊ߫ ߛ߭ߊ߬ߙߋߝ ߊߓߘߎߟߊߦߌ߬ ߘߐ߫߸ ߓߍ߯ ߦߴߊ߬ߟߋ ߡߍ߲ ߞߟߌ߫ ߟߊ߫ ߞߏ߫ ߛߊߣߌ߫ ߡߏ߬ߤߊ߬ߡߍߘ، ߕߐ߲ߓߟߏߡߊ ߟߎ߫ ߞߵߊ߬ ߝߐ߫ ߊ߬ ߡߊ߲߬ߞߕߎ ߘߐ߫ ߟߋ߬ ߞߏ߫ <<ߣߊ߲߬ߤߎ߲ߞߐ߱>> ߟߋ߬ ߦߴߊ߬ ߘߌ߫ ߝߛߊߦߌ߫.
ߒ߬ߓߊ߬߸ ߞߙߌߛߌߦߊ߲ ߕߋߕߋ ߦߏߤߎߣߏ߫ ߡߍ߲ ߦߋ߫ ߕߐ߲ߓߟߏߡߟߊ߫ ߝߘߏ߬ߓߊ߬ ߜߋ߬ߟߎ߲߬ߠߌ߲߬ߠߊ ߘߏ߫ ߘߌ߫߸ ߣߴߊ߬ߟߎ߬ ߟߊ߫ ߞߙߎߡߘߊ ߓߟߏߡߊߞߊ߬ߣߍ߲߫ ߕߊ߲߬ߒ߬ߕߍ߰ߘߐ ߞߟߍ߬ ߞߊ߲ߡߊ߬ ߕߐ߲ߓߟߏߡߊ ߟߎ߬ ߟߊ߫ ߟߊ߬ߛߏ߬ߓߌ߬ߟߌ ߗߋߕߌ߯ߘߊ ߟߊ߫߸ ߏ߬ ߞߵߊ߬ ߛߋ߲߬ߝߊ߫ ߞߊ߬ ߛߋ߫ ߞߣߍ ߞߊ߲߬ ߦߋ߲߬، ߛߏ߫ ߞߣߐ ߡߐ߮ ߟߎ߬ ߟߊ߫ ߘߐ߬ߖߊ ߛߊߓߎ߫ ߟߊ߫߸ ߏ߬ ߟߎ߬ ߡߍ߲ ߠߎ߬ ߞߊ߬ ߕߐ߲ߓߟߏߡߊ ߟߎ߬ ߡߊߘߍ߬ߡߍ߲߬ ߞߊ߲ߡߋߙߋ߲ ߓߍߟߍ߲߫ ߠߊ߫ ߞߊ߬ߣߌ߲߬߸ ߕߍ߮ ߞߍ߫ ߘߊ߫ ߡߐ߰ߘߊ߬ߥߎ߲߬ߠߊ߬ߓߊ ߢߌ߲߬ ߘߐ߫ ߞߏ߲ߓߌߕߌ߮ ߕߟߋ߬ ߆ ߕߊ߬ߡߌ߲߬ߣߍ߲ ߢߌ߲߬ ߡߊ߬߸ ߂߀߂߅.
ߢߊߢߌߣߌ߲ߠߌ߲ߠߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ ߕߘߍ߬ ߊ߬ ߟߊ߫ ߡߐ߰ ߝߊ߮ ߢߊߓߐ߫ ߟߊ߫ ߟߋ߬ ߘߋ߬߸ ߞߵߊ߬ ߘߐߕߐ߬ߡߐ߲߬ ߝߋߎ߫، ߓߊߏ߬߸ ߡߊ߬ߞߏ ߕߘߍ߬ ߞߍ߫ ߟߊ߫ ߟߐ߬ߦߙߌ߬ߕߐ ߟߎ߫ ߟߋ߬ ߟߊ߫ ߓߊߞߍ߭߸ ߛߌ߬ߢߣߊ߬ߟߊߓߊ ߟߎ߬߸ ߡߐ߰ ߛߐ߲߭ߖߊ߬ߣߍ߲ ߠߎ߬، ߊ߬ ߓߊ߯ ߓߊ߲߫ ߌ ߝߊ߰ ߟߊ߫߸ ߊ߬ ߘߴߌ ߛߏ߬ߟߌ߬ߡߊ߬ ߦߙߐ ߟߎ߫ ߕߍ߰ ߊ߬ ߟߊ߫߸ ߦߏ߫ ߛߐ߲߭߸ ߣߍ߲߭߸ ߖߐ߬ߝߐ߸ ߊ߬ ߣߌ߫… ߊ߬ߘߌ߫ ߓߊ߲߫ ߞߵߏ߬ ߟߎ߬ ߟߊ߫ ߕߊ ߟߊ߫ ߞߵߊ߬ߟߎ߫ ߖߋ߬ߣߌ߲߬߸ ߞߵߊ߬ߟߎ߬ ߘߊߥߎ߲߫ ߊ߬ ߛߌ߰ ߣߐ ߘߐ߫ ߦߋ߲߬ ߌߞߘߐ߫، ߊ߬ ߕߘߍ߬ ߡߐ߰ ߝߊ߰ ߞߏ ߏ߬ ߟߎ߫ ߟߋ߬ ߞߍ߫ ߟߴߊ߬ ߟߊ߫ ߛߊߟߌ߫ ߟߏ߲ ߠߎ߬ ߘߌ߫ ߝߊߦߌߘߊ߫.
ߢߌ߬ߣߌ߲߬ߞߊ߬ߟߌ ߘߐߜߊ߭ ߡߍ߲ ߞߍߣߍ߲߫ ߡߐ߰ ߘߊ߬ߥߎ߲߬ߠߊ߫ ߊߓߘߎߟߊߦߌ߬ ߞߐ߫߸ ߊ߬ߟߋ߫ ߖߍ߬ߘߍ ߞߊ߬ ߞߎߡߊ ߕߊ߬ ߞߵߊ߬ ߟߊ߫ ߞߏ߫ ߕߊ߬ߡߌ߲߬ߣߍ߲ ߠߎ߬ ߢߊߝߐ ߘߊߡߌ߬ߣߊ߬، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߞߊ߬ ߡߐ߰ ߣߊ߯ߣߌ߲߫ ߝߊ߰ ߂߀߂߁ ߠߊ߫߸ ߏ߬ ߟߎ߬ ߞߍ߫ ߘߴߊ߬ ߓߟߏ߫ ߜ߳ߊߜ߭ߎߙߌ߫ ߟߋ߬߸ ߊ߬ ߣߌ߫ ߟߤߏ߫ ߣߌ߫ ߞߊ߲ߓߊߟߋ߫ ߣߌ߫ ߡߊ߲ߜ߭ߎ߫، ߏ߬ ߞߐߝߍ߬߸ ߊ߬ ߞߊ߬ ߡߐ߰ ߕߊ߲ߣߌߞߋߟߋ߲߫ ߝߣߊ߫ ߝߊ߰ ߞߏ ߛߌ߰ ߛߋ߲߬ߠߊ߫ ߘߎ߰ ߛߌߦߊߡߊ߲߫ ߜߘߍ߫ ߟߎ߫ ߞߣߐ߫، ߦߏ߫: ߞߎߟߑߔߐ߲ ߺ ߦߋߙߌ߫߸ ߜ߭ߏߙߌߔ߸ ߊߤߡߊߘߌߦߊ ߟߎ߬ ߟߊ߫ ߞߊ߬ߙߊ߲߬ߕߊ߸ ߜ߳ߊߜ߭ߎߙߌ߫ (ߛ߭ߐߙߑߞߐߙ ߝߍߙߍ߲ߛߊ߫ ߦߌߟߊ ߘߊߝߍ߬)߸ ߊ߬ ߣߌ߫ ߣߊߔߏߜߊߞߏߟߋ߫.
ߊ߬ ߞߏ߬ߣߌ߲ ߡߊ߫ ߟߐ߲߫ ߡߎߣߎ߲߬߸ ߊ߬ ߦߋ߫ ߞߏ߫ ߛߎ߮ ߢߌ߲߬ ߠߎ߬ ߞߍ߫ ߟߊ߫ ߞߎ߲߭ ߡߍ߲ ߠߊ߫، ߕߐ߲ߓߟߏߡߊ ߟߎ߫ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߘߌ߫ ߞߊߘߊ߲ ߓߍ߯ ߞߍ߫߸ ߊ߬ ߣߐ߬ ߡߐ߰ ߕߊ߲ߣߌߟߏ߯ߟߎ ߡߍ߲ ߠߎ߬ ߝߊ߰ ߟߊ߫߸ ߞߵߏ߬ ߟߎ߬ ߟߐ߲߫߸ ߞߊ߬ ߓߊ߲߫ ߞߵߊ߬ ߟߐ߲߫ ߊߓߘߎߟߊߦߌ߬ ߦߋ߫ ߞߏ߫ ߛߎ߮ ߢߌ߲߬ ߠߎ߬ ߞߍ߫ ߟߊ߫ ߞߎ߲߬ ߞߋߟߋ߲ ߡߍ߲ ߠߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
