ߡߊߟߑߜ߭ߊߛߌ ߟߎ߬ ߟߊ߫ ߞߊ߲ߕߌ߮ ߊ߲ߘߙߌ ߙߊ߬ߖ߭ߏ߬ߋ߬ߟߌߣߊ߬ ߞߵߊ߬ ߟߊ߫ ߞߏߕߌ߯ ߝߟߐ ߛߎߥߊ߲ߘߌ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߊ߬ ߞߊ߬ ߞߟߍ߬ߕߌ߯ ߖ߭ߊߝߌߛߊ߲ߓߏ ߙߎߝߌ߲ ߝߐߙߑߕߎߣߊ ߘߌ߲ߓߌߛߏߥߊ߫ ߟߋ߬ ߞߍ߫ ߊ߬ ߘߌ߫߸ ߞߎ߲߬ߠߊ߬ߛߌ߮ ߟߊߓߋ߭ ߞߐߝߍ߬ ߊ߬ ߓߟߏ߫ ߞߎ߲߬ߢߐ߲߯ ߝߌ߬ߟߊ߬ ߟߊ߫߸ ߞߵߏ߬ ߕߎ߬ߙߎ ߞߍ߫ ߡߊ߲߬ߞߊ߲ ߘߏ߫ ߟߎ߫ ߘߌ߫ ߖߡߊ߬ߣߊ ߞߣߐ߫߸ ߣߌ߫ ߡߐ߰ ߂߂ ߓߣߐ߬ ߘߴߊ߬ ߣߌ ߘߐ߫ ߞߊ߬ߦߌ߯ ߕߎߟߊߝߌ߲ ߕߋ߬ߟߋ߫ ߂߅ ߡߊ߬.
ߞߟߍ߬ߕߌ߯ ߖ߭ߊߝߌߛߊ߲ߓߏ ߙߎߝߌ߲ ߝߐߙߑߕߎߣߊ ߘߌ߲ߓߌߛߏߥߊ߫ ߓߘߊ߫ ߞߍ߫ ߡߘߊߜ߭ߊߛߑߞߊߙ ߞߏߕߌ߯ ߝߟߐ ߘߌ߫߸ ߂߀߂߅ ߞߏ߲ߓߌߕߌ߮ ߕߟߋ߬ ߆ ߡߊ߬߸ ߊ߬ߟߋ ߓߌ߬ߟߊ߬ߣߍ߲߫ ߞߙߌߛߌߦߊ߲ ߒߕߑߛߊߦߌ߫ ߟߋ߬ ߣߐ߭ ߘߐ߫߸ ߏ߬ ߡߍ߲ ߕߘߍ߬ ߞߏߕߌ߯ ߝߟߐ ߘߌ߫ ߞߊ߬ߦߌ߯ ߂߀߁߈ ߠߊ߫ ߞߊ߬ߣߌ߲߬.
ߊ߬ߟߋ ߞߙߍߞߙߍ ߞߵߊ߬ ߓߌ߬ߟߊ߫ ߟߐ߬ߘߎ߮ ߢߌ߲߬ ߠߊ߫߸ ߏ߬ ߞߍߣߍ߲߫ ߞߎ߲߬ߠߊ߬ߛߌ߮ ߘߐ ߏ߬ ߟߎ߬ ߟߊߥߎ߬ߦߊ ߞߐ ߟߋ߬ ߘߐ߫ ߞߊ߲ߕߌ߯ ߊ߲ߘߙߌ ߙߊ߬ߖ߭ߏ߬ߋ߬ߟߌߣߊ߬߬ ߓߟߏ߫ ߕߎߟߊߝߌ߲ ߠߊߓߊ߲ ߠߊ߫߸ ߞߵߏ߬ ߞߎ߲߭ ߞߍ߫ ߔߊߞߌߌߛߦߊ ߘߏ߫ ߘߌ߫߸ ߡߍ߲ ߞߘߐߘߏ߲߬ ߘߊ߫ ߕߌߢߍߟߌ ߘߏ߫ ߟߎ߫ ߟߊ߫، ߊ߬ ߞߏ߬ߣߌ߲߸ ߞߏߕߌ߯ ߝߟߐ ߟߊߓߋ߭ ߞߐ ߘߐ߫߸ ߓߊ߯ߙߊ ߡߊ߫ ߓߐ߫ ߊ߬ ߓߟߏ߫ ߞߋߟߋ߲ߘߌ߫߸ ߊ߬ ߝߐߣߍ߲߫ ߠߋ߬ ߞߏ߫ ߊ߬ ߘߴߊ߬ ߖߊ߲߬ߕߏ߬ ߞߏ ߟߎ߬ ߘߐ߫ ߤߊ߲߯ ߞߎߘߊ ߣߌ߲߬ ߦߴߊ߬ ߟߊ߫ ߓߊ߯ߙߊ ߕߊ߬ ߕߎ߬ߡߊ ߡߍ߲ ߠߊ߫.
ߖߡߊ߬ߣߊ ߞߊ߲ߕߌ߮ ߟߊ߫ ߟߊ߬ߛߋ߬ߟߌ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߞߏߕߌ߯ ߝߟߐ߫ ߞߎߘߊ ߣߌ߲߬ ߞߊ߫ ߞߊ߲߫ ߞߊ߬ ߞߏ ߘߏ߫ ߟߎ߫ ߛߌ߰ ߛߋ߲߬ߠߊ߫: <<ߒ ߖߌ߰ߡߝߊ߬ߣߍ߲ ߦߋ߫ ߤߙߊ ߓߍ߯ ߣߕߊ߬ ߟߊ߫ ߞߏߕߌ߯ ߝߟߐ߫ ߞߎߘߊ ߣߌ߲߬ ߦߋ߫߸ ߖߐ߲߰ߛߴߊ߬ ߘߌ߫ ߛߴߊ߬ ߟߊ߫ ߞߍߕߊ ߟߎ߬ ߞߍ߫ ߟߊ߫ ߞߊ߬ ߡߘߊߜ߭ߊߛߌߞߊߙߌߞߊ ߟߎ߫ ߣߊ߬ߕߊ ߡߝߊ߫߸ ߦߏ߫ ߊ߬ߟߎ߬ ߦߴߊ߬ ߝߍ߬ ߊ߬ ߦߋ߫ ߞߏ ߟߎ߬ ߞߍ߫ ߢߊ ߡߍ߲ ߡߊ߬.>> ߞߊ߲ߕߌ߯ ߙߊ߬ߖ߭ߏ߬ߋ߬ߟߌߣߊ߬ ߟߋ߬ ߞߵߏ߬ ߝߐ߫.
ߞߊ߲ߕߌ߮ ߟߊ߫ ߟߊߒߠߦߊߓߊ߫ ߟߋ߬ ߦߋ߫ ߞߟߍ߬ߕߌ߮ ߢߌ߲߬ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫: <<ߊ߬ ߘߌ߫ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ ߟߊߛߊ߬ߦߌ߲߫ ߊ߬ ߢߊ ߡߊ߬߸ ߦߏ߫ ߊ߬ ߞߊ߫ ߞߊ߲߫ ߞߊ߬ ߓߊ߯ߙߊ߫ ߢߊ ߡߍ߲ ߡߊ߬߸ ߊ߬ ߣߴߊ߬ ߘߌ߫ ߞߏ߫ ߞߎߘߊ߫ ߛߌߦߊߡߊ߲߫ ߝߣߊ߫ ߞߍ߫.>> ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߞߏߕߌ߯ ߝߟߐ߫ ߞߎߘߊ ߣߌ߲߬ ߕߍ߫ <<ߞߏߘߐߞߏߦߊߕߏ߫ ߞߍ߫ ߟߊ߫.>> ߡߐ߰ ߛߌ߫ ߘߏ߲߬ ߝߣߊ߫ ߘߌ߫ ߓߊ߬ߟߊ߲ ߟߊ߫ ߖߡߊ߬ߣߊ ߟߊ߫ ߥߙߎߞߌ ߢߍߡߊ߬߸ ߊ߬ ߕߍߣߵߊ߬ ߕߏ߫ ߟߴߏ߬ ߟߎ߬ ߝߣߊ߫ ߘߐ߫.
ߞߊ߲ߕߌ߮ ߞߊ߬ ߞߏߕߌ߯ ߝߟߐ߫ ߞߎߘߊ ߢߌ߲߬ ߠߊ߫ ߓߊ߯ߙߊ߫ ߞߍߕߊ ߟߎ߬ ߝߐ߫ ߞߵߊ߬ ߦߌ߬ߘߊ߬ ߞߏ߫ <<ߊ߬ߟߋ ߟߋ߬ ߞߍߕߐ߫ ߞߎ߲߬ߠߊ߬ߛߌ߮ ߟߊ߫ ߡߊ߬ߡߙߊ߬ߟߌ ߛߊߣߌ߲ߧߊ߫ ߟߊ߫߸ ߊ߬ ߣߌ߫ ߞߊ߬ ߘߎ߰ߡߟߊ߬ߡߌߘߊ ߞߟߍ߬߸ ߞߊ߬ ߖߡߊ߬ߣߊ ߝߌߘߊ߲߫ ߝߋߎ߫.>> ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ ߡߊ߬ߞߏ ߦߋ߫ ߡߍ߲ ߠߊ߫߸ ߏ߬ ߟߋ ߞߏ ߟߎ߬ ߞߐߝߟߌ ߦߌ߬ߘߊ ߘߌ߫ ߌߞߘߐ߫߸ ߡߍ߲ ߓߊ߯ ߞߍ߫߸ ߏ߬ ߣߐ߭ ߦߋ߫ ߦߋ߫߸ ߖߐ߲߰ߛߊ߫ ߖߡߊ߬ߣߊ ߦߋ߫ ߜߟߍ߬ߦߊ ߡߍ߲ ߘߐ߫߸ ߊ߬ ߘߌ߫ ߓߐ߫ ߏ߬ ߘߐ߫ ߢߊ ߡߍ߲ ߡߊ߬.
ߊ߬ߟߎ߬ ߟߊ߫ ߞߎߓߋߘߊ ߟߊ߫ ߊ߲ߕߣߊߣߊߙߌߝ߭ߏ߫߸ ߊ߬ ߣߌ߫ ߛߏ߫ ߜߘߍ߫ ߟߎ߫ ߝߣߊ߫߸ ߦߏ߫ ߊ߲ߕߑߛߌߙߊߓߋ߫ ߣߌ߫ ߕߏߥߊߡߊߛߌߣߊ߫߸ ߏ߬ ߟߎ߬ ߞߟߊߦߊ߫ ߘߊ߫ ߟߋ߬ ߕߟߋ߬ߝߌ߬ߟߊ߬ߣߍ߲߬ ߘߐ߫ ߞߘߏߞߘߏ߫߸ ߞߵߏ߬ ߞߎ߲߭ ߞߍ߫ ߡߐ߱ ߟߎ߬ ߡߐߣߍ ߘߌ߫ ߖߌ߫ ߞߏ ߣߌ߫ ߢߎߡߍ߫ ߞߏ ߘߐ߫، ߏ߬ ߟߋ ߘߐ߫߸ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߛߌ߲߬ߝߏ߲߬ߧߊ߬ߟߌ ߓߏߟߏ߲ߝߘߊ ߡߍ߲ ߘߐ߱ߘߏ߲߬ߣߍ߲߫ ߡߐ߰ߦߊ ߤߊߞߍ߫ ߞߏ ߟߎ߬ ߟߊ߫߸ ߏ߬ ߟߎ߬ ߟߊ߫ ߕߐ߲ߕߌ߯ߟߊ߫ ߛߊ߲ߘߐߕߊ ߟߊ߫ ߝߐߟߌ߫ ߘߐ߫߸ ߞߏ߫ ߡߐ߰ ߂߂ ߟߋ߬ ߓߣߐ߬ ߘߴߊ߬ ߣߌ ߘߐ߫߸ ߞߊ߬ ߡߐ߰ ߁߀߀ ߡߊߘߌߡߌ߲߫ ߔߊߞߌߛߦߊ ߘߊߡߌߣߊ ߣߌ߫ ߛߌߛߍ߲߬ ߕߍ߫، ߓߊ߬ߙߌ߬߸ ߞߎ߲߬ߠߊ߬ߛߌ߮ ߡߊ߫ ߓߍ߲߬ ߖߊ߬ߕߋ ߏ߬ ߡߊ߬ ߡߎߣߎ߲߬.
ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߖߡߊ߬ߣߊ ߕߐ߲ߓߟߏߡߊ ߟߎ߫ ߞߊ߬ ߞߌ߬ߛߍ ߕߋ߬ ߟߋ߬߸ ߏ߬ ߟߋ ߞߊ߬ ߘߏ߫ ߟߎ߫ ߝߊ߰، ߘߏ߫ ߟߎ߫ ߝߣߊ߫ ߝߊ߰ ߘߊ߫ ߖߊ߬ߡߊ ߟߊ߫ ߖߐ߭ ߟߋ߬ ߓߟߏ߫، ߞߵߊ߬ ߟߴߊ߬ ߞߊ߲߬߸ ߓߟߏߝߋ߲߫ ߛߌߦߊߡߊ߲߫ ߠߋ߬ ߕߌߢߍ߫ ߘߊ߫߸ ߝߏ߫ ߞߎ߲߬ߠߊ߬ߛߌ߮ ߓߘߊ߫ ߡߊߓߊ߯ߡߓߊߟߌߦߊ ߛߌ߰ ߛߋ߲߬ߠߊ߫ ߛߎ ߘߐ߫ ߕߋ߲߬.
ߝ߭ߐߟߑߞߍߙ ߕߎ߳ߙߞ ߡߍ߲ ߦߋ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߡߐ߰ߦߊ ߤߊߞߍ߫ ߞߏ ߕߐ߲ߕߌ߮ ߘߌ߫߸ ߏ߬ ߡߊ߫ ߣߌ߲߬ ߞߏ ߘߐߘߌߦߊ߫ ߝߋߎ߫߸ ߊ߬ ߣߌ߫ ߞߏ߫ ߜߊ߰ߢߊ߬ߜߊ߯ߢߊ ߡߍ߲ ߟߊߣߍ߲߫ ߡߐ߱ ߟߎ߫ ߞߊ߲߬ ߕߐ߲ߓߟߏߡߊ ߟߎ߬ ߓߟߏ߫߸ ߏ߬ ߡߊ߲߫ ߞߊ߲߫ ߕߘߍ߬ ߝߋߎ߫.
ߊ߬ߟߋ߬ ߔߊߞߌߛߦߊ ߞߎߡߊ ߛߌߦߊߦߊ߫ ߘߊ߫ ߓߊߟߋ߬ ߘߍ߬ߞߙߏߝߏ ߟߎ߫ ߞߊ߲߬߸ ߘߋ߲ߡߌߛߍ߲߫ ߛߌߦߊߡߊ߲߫ ߠߋ߬ ߓߐ߫ ߘߊ߫ ߞߵߊ߬ߟߎ߬ ߟߊ߫ ߣߌߛߐߜߏߦߊ ߦߌ߬ߘߊ߬߸ ߝߏ߫ ߞߊ߬ ߓߊ߯ߊߙߊ ߟߎ߬ ߝߛߏ߬ߝߛߊ߬߸ ߞߊ߬ ߟߐ߯ ߞߣߐߟߊ ߟߎ߬ ߢߊ߯ߡߌ߲߫.
ߥߙߏ߬ߘߎ߰ ߊߝߙߌߞߌ߬ ߟߊߥߙߎߞߍ ߘߍ߬ߓߊ ߞߵߊ߬ ߦߌ߬ߘߊ߬ ߞߏ߫ ߡߘߊߜ߭ߊߛߑߞߊߙߌ߬ ߞߏߢߊ ߣߌ߲߬ ߦߴߊ߬ߟߎ߬ ߢߍߛߌߟߊ߫ ߘߐ߫ ߓߊߟߋ߬ ߕߋ߲߬߸ ߊ߬ߟߎ߬ ߓߊ߲߫ ߘߊ߫ ߞߊ߬ ߞߎ߲߬ߠߊ߬ߛߌ߮ ߣߌ߫ ߡߌ߬ߙߌ߲߬ߘߌ ߓߍ߯ ߞߐߡߊߓߌ߲ߓߌ߲߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߍ߯ ߦߋ߫ ߡߙߌߦߊ߫ ߞߋߟߋ߲߫ ߠߋ߬ ߞߊ߲߬߸ ߊ߬ ߣߌ߫ ߊ߬ߟߎ߬ ߦߋ߫ <<ߖߐ ߣߌ߫ ߖߛߎ߬ߛߎߡߊ ߟߋ߬ ߝߍ߬.>>
ߊߝߙߌߞߌ߬ ߞߋ߬ߟߋ߲߬ߧߊ ߘߍ߭ ߞߊ߲ߕߌ߮ ߡߊ߬ߤߑߡߎ߬ߘ ߊ߬ߟߌ߬ ߦߎߛߛߎߝ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߦߋ߫ <<ߘߊߘߐߖߊߥߏ ߣߌ߫ ߢߐ߲߯ ߝߊ߯ߡߎ߲>> ߠߋ߬ ߝߍ߬ ߣߌ߲߬ ߞߏ ߘߐ߫، ߊ߬ ߣߌ߫ ߞߏ߫ ߊ߬ߟߎ߬ ߓߌߣߍ߲߫߸ ߊ߬ߟߎ߬ ߣߌ߫ ߡߘߊߜ߭ߊߛߑߞߊߙߌ߬ ߞߎ߲߬ߠߊ߬ߛߌ߮ ߣߌ߫ ߥߙߏ߬ߘߎ߰ ߊߝߙߌߞߌ߬ ߟߊߥߙߎߞߌ ߘߍ߭ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߞߊ߬ ߛߋ߫ ߕߊ ߣߌ߲߬ ߠߊߛߊ߬ ߟߊ߫߸ ߊ߬ ߣߌ߫ ߞߊ߬ ߛߋ߫ ߓߐ߲ߒߘߊ߫ ߘߎߡߕߊ ߘߏ߫ ߢߌߣߌ߲߫ ߠߴߊ߬ ߟߊ߫.
ߞߏߕߌ߯ ߝߟߐ߫ ߞߎߘߊ ߛߎߥߊ߲ߘߌ ߣߌ߲߬ ߓߍ߯ ߣߴߊ߬ ߕߊ߫߸ ߡߊ߲߬ߞߊ߲ ߦߋ߫ ߘߎ߱ ߘߏ߫ ߟߎ߫ ߞߣߐ߫ ߤߊ߲߯ ߕߋ߲߬، ߊߟߎ߫ ߘߏ߲߬ ߦߴߊ߬ ߟߐ߲߫ ߞߏ߫ ߡߘߊߜ߭ߊߛߑߞߊߙ ߦߋ߫ ߖߡߊ߬ߣߊ߫ ߟߋ߬ ߘߌ߫߸ ߡߍ߲ ߦߋ߫ ߘߎߢߊ߫ ߓߟߏߞߏߟߏ߲߫ ߖߡߊߣߊߓߊ ߟߎ߬ ߘߏ߫ ߘߌ߫߸ ߢߎߡߍ߫ ߞߏߖߊ ߘߊ߲߬ߠߊߕߊ߬ߡߌ߲߬ߣߍ߲߫߸ ߖߌ߫ ߞߏ ߣߌ߫ ߞߏ߫ ߛߌߦߊߡߊ߲߫ ߜߘߍ߫ ߟߎ߫߸ ߞߵߏ߬ ߟߊ߫ ߞߎ߲߬ߠߊ߬ߛߌ߮ ߟߊ߫ ߘߛߍ ߞߊ߲߬ ߞߏ߫ ߛߌߦߊߡߊ߲߫ ߠߊ߫.
ߊ߬ߟߎ߬ ߟߊ߫ ߞߊ߲ߕߌ߮ ߙߊ߬ߖ߭ߏ߬ߋ߬ߟߌߣߊ߬ ߞߏ߬ߣߌ߲ ߞߊ߲߫ ߞߏ߫: <<ߡߘߊߜ߭ߊߛߑߞߊߙ ߖߡߊ߬ߣߊ ߦߴߊ߲ ߓߍ߯ ߕߊ ߟߋ߬ ߘߌ߫، ߊߟߎ ߓߊ߬߸ ߒߠߋ ߓߊ߬߸ ߊ߲ ߓߍ߯ ߕߊ ߟߋ߬، ߟߊ߬ߢߌ߬ߣߌ߲߬ ߞߋߟߋ߲߫ ߠߋ߬ ߘߏ߲߬ ߦߴߊ߲ ߓߍ߯ ߟߊ߫߸ ߏ߬ ߟߋ ߥߙߎߞߌ ߘߌ߫߸ ߊ߬ ߣߌ߫ ߢߐ߲߯ ߞߊߣߌ߲.>> ߞߊ߲ߕߌ߮ ߟߋ߬ ߞߵߏ߬ ߝߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
