ߓߌ߬ ߂߀߂߅ ߞߏ߲ߓߌߕߌ߯ ߞߊߙߏ ߕߟߋ߬ ߇ ߢߌ߲߬ ߠߋ߬ ߦߋ߫ ߓߍ߲߬ ߠߊ߫ ߤߡߊߛߌ߬ ߣߌ߫ ߌߛߌ߬ߙߊ߬ߌߟߊ߫ ߟߊ߫ ߞߍ߬ߟߍ ߛߊ߲߬ ߂ ߜߋ߲ߜߋ߲ ߡߊ߬߸ ߏ߬ ߡߍ߲ ߘߊߡߌ߬ߣߊ߬ ߘߊ߫ ߤߡߊߛߌ߬ ߟߊ߫ ߘߊߞߘߐߟߌ ߘߏ߫ ߡߊ߬ ߌߛߌ߬ߙߊ߬ߌߟߊ߫ ߥߙߏ߬ߘߎ߮ ߘߐ߫߸ ߂߀߂߃ ߞߏ߲ߓߌߕߌ߮ ߕߟߋ߬ ߇ ߡߊ߬߸ ߞߊ߬ ߡߐ߰ ߁߂߀߀ ߓߐ߬ߣߐ߫ ߊ߬ ߣߌ ߘߐ߫߸ ߊ߬ ߣߌ߫ ߞߊ߬ ߡߐ߰ ߁߅߁ ߘߌߦߊߜߏߦߊ߫ ߡߌߣߊ ߞߍ߬߸ ߏ߬ ߟߋ߬ ߞߍ߫ ߘߊ߫ ߞߍ߬ߟߍ ߥߟߌ߬ ߢߊ ߘߌ߫ ߌߛߌ߬ߙߊ߬ߌߟߊ߫ ߣߌ߫ ߤߡߊߛߌ߬ ߕߍ߫.
ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ ߓߍ߲ߖ߭ߊߡߍ߲ ߣߋߕߦߊߤߎ߫ ߞߏ߬ߣߌ߲ ߓߘߊ߫ ߟߊ߬ߤߘߌ ߟߋ߬ ߕߊ߬߸ ߞߏ߫ ߊ߬ ߘߌ߫ ߞߊߘߊ߲ ߓߍ߯ ߞߍ߫߸ ߞߊ߬ ߤߡߊߛߌ߬ ߞߟߍ߬ ߞߙߎ ߕߋ߬ ߞߵߊ߬ ߖߍ߲ߛߍ߲߫، ߝߊ߲߭ ߝߌ߬ߟߊ ߡߍ߲߬ ߠߎ߫ ߞߏ߬ߣߌ߲ ߓߘߊ߫ ߛߐ߲߬ ߞߟߍ߬ ߓߊ߲߬ ߞߏ߫ ߞߎߡߊ ߡߊ߬߸ ߏ߬ ߡߍ߲ ߦߋ߫ ߘߏߣߊߟ ߕߑߙߐ߲ߔ ߟߊ߫ ߟߊ߬ߢߌߣߌ߲ ߘߌ߫ ߞߊ߬ߦߌ߯ ߥߊ߯ߕߌ߫ ߖߊ߲߫߸ ߓߊߏ߬߸ ߘߏߣߊߟ ߕߑߙߐ߲ߔ ߟߊ߫ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߞߎߡߊ ߘߐ߫߸ ߊ߬ ߞߊ߬ ߡߍ߲ ߠߊߢߌߣߌ߲߫ ߏ߬ ߟߋ߬ ߞߏ߫ ߞߍ߬ߟߍ ߡߍ߲߬ ߦߋ߫ ߟߊߟߐ߬ ߞߊߟߌߦߊ ߓߟߏߡߊ߬.
ߊ߬ ߟߊ߫ ߞߎߣߎ߲߬ ߞߎߡߊ ߘߐ߫ ߖߘߍ߬<<ߒߠߋ ߦߴߊ߬ ߝߍ߬ ߟߋ߬ ߞߍ߬ߟߍ ߣߌ߲߬ ߦߋ߫ ߓߊ߲߫ ߖߏߣߊߡߦߊ ߛߌߟߊ ߟߋ߬ ߝߍ߬>>ߏ߬ ߓߟߏߡߊ߬ ߛߊ߫߸ ߌߛߌ߬ߙߊ߬ߌߟߊ߫ ߣߌ߫ ߤߡߊߛߌ߬ ߦߋ߫ ߏ߬ ߞߟߍ߬ ߓߊ߲߬ ߞߏ߬ ߢߊߢߌߣߌ߲ ߠߋ߬ ߟߊ߫ ߋߗ߭ߎߕߑߔ ߥߊ߯ߣߌ߫ ߢߌ߲߬ ߠߊ߫߸ ߕߍ߯ߝߐߟߊ ߘߏ߫ ߟߊ߫ ߞߎߡߊ߫ ߘߐ߫߸ ߤߡߊߛߌ߬ ߦߴߊ߬ ߝߍ߬ ߌߛߌ߬ߙߊ߬ߌߟߊ߫ ߦߋ߫ ߞߎߡߊߞߊ߲ ߘߏ߫ ߟߎ߫ ߟߋ߬ ߘߴߊ߬ ߡߊ߬߸ ߡߍ߲ ߠߎ߬ ߘߴߊ߬ ߦߌ߬ߘߊߞߵߊ߬ ߟߊ߫ ߞߏ߫ ߊ߬ ߓߘߊ߫ ߛߐ߲߬ ߞߟߍ߬ ߓߊ߲ ߡߊ߬.
ߦߏ߫ ߞߊ߬ ߟߊ߬ߤߘߌ ߕߴߊ߬ ߦߋ߫ ߞߏ߫ ߊ߬ ߕߍ߫ ߞߍ߬ߟߍ ߓߋ߬ ߊ߬ ߞߊ߲߫ ߓߎ߬ߕߎ߲߬߸ ߊ߬ ߣߌ߫ ߞߵߊ߬ߟߎ߬ ߟߊ߫ ߡߐ߱ ߡߌ߬ߣߊ߬ߣߍ߲ ߠߎ߬ ߟߊߓߌ߬ߟߊ߬߸ ߌߛߌ߬ߙߊ߬ߌߟߊ߫ ߞߏߕߌ߯ ߞߙߎ ߛߌ߲߬ߝߏ߲ ߘߏ߫ ߝߣߊ߫ ߞߵߊ߬ ߦߌ߬ߘߊ߬߸ ߞߏ߫ ߞߎߡߊ ߟߎ߬ ߦߋ߫ ߓߏ߬ߙߌ߬ ߟߊ߫ ߡߐ߱ ߡߌ߬ߣߊ߬ߣߍ߲ ߠߎ߬ ߟߊߓߌ߬ߟߊ߬ ߞߏ ߟߋ߬ ߘߐߙߐ߲߫ ߞߊ߲߬߸ ߞߏ߫ ߊ߬ߟߎ߫ ߞߏ߬ߣߌ߲ ߓߍߣߊ߬ ߥߊ߯ߕߌ߫ ߘߊ߲ߘߐ߫ ߟߋ߬ ߘߌ߫ ߤߡߊߛߌ߬ ߡߊ߬ ߏ߬ ߞߏߢߊ ߓߟߏߦߊߟߌ ߟߊ߫߸ ߊߡߙߌߞߌ߬ ߞߊ߲ߕߌ߮ ߕߘߍ߬ ߞߵߊ߬ ߟߊߢߌߣߌ߲߫ ߌߛߌ߬ߙߊ߬ߌߟߊ߫ ߝߍ߬ ߞߘߐ߬ߡߊ߲߫.
ߞߏ߫ ߊ߬ ߦߴߊ߬ ߟߊ߫ ߥߊ߬ߟߏ߲߬ߠߌ߲ ߠߎ߫ ߞߎ߲߭ߕߊ߬ ߞߵߊ߬ ߓߐ߫ ߜ߭ߊ߯ߖ߭ߊ߬ ߞߊ߲߬߸ ߊ߬ ߞߏ߬ߣߌ߲ ߓߘߊ߫ ߞߍ߫ ߦߴߏ߬ ߞߏߢߊ ߦߋ߫ ߓߐ߫ ߞߊ߲߬ ߢߟߊ߫߸ ߓߊߏ߬߸ ߛߙߋ߫ ߛߌߦߊߡߊ߲߫ ߓߘߴߊ߬ ߦߌ߬ߘߊ߬ ߞߏ߫ ߞߍ߬ߟߍ ߝߊ߲߬ߞߊ ߓߘߊ߫ ߡߊߘߐ߯ߦߊ߫ ߌߛߌ߬ߙߊ߬ߌߟߊ߫ ߓߟߏ߫߸ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߊ߬ ߡߴߊ߬ ߟߊߟߐ߬ ߡߎߣߎ߲߬ ߔߋߎ߫.
