ߡߊ߬ߟߌ ߖߡߊ߬ߣߊ ߞߊ߲߬߸ ߞߎߣߎ߲߬ ߓߌߟߏ߲ ߂߀߂߅ ߞߏ߲ߓߌߕߌ߮ ߕߟߋ߬ ߂ ߟߋ߬ ߡߊ߬߸ ߛߛߞ ߓߊ߰ߓߊ߰ߟߌ߬ ߞߙߎ ߟߎ߬ ߓߋ߬ ߘߊ߫ ߕߐ߲߫ ߓߟߏߡߊ ߟߎ߬ ߟߊ߫ ߞߐ߲߬ߛߏ ߘߏ߫ ߟߎ߫ ߟߋ߬ ߞߊ߲߬߸ ߏ߬ ߟߎ ߡߍ߲ ߠߎ߬ ߕߘߍ߬ ߦߴߊ߬ ߞߊ߲߬ ߞߊ߬ ߞߊ߲ߓߋ߲ ߠߎ߬ ߛߋ߲߬ߠߊ߬ߓߐ߫ ߘߎ߰ߘߋ߲ ߠߎ߬ ߘߌ߫߸ ߏ߬ ߘߏ߲߬ ߞߎ߲߭ ߠߋ߬ ߏ߬ ߟߎ߬ ߟߊߞߊ߲ߘߊ߫ ߘߌ߫ ߕߐ߲߫ ߓߟߏߡߊ ߟߎ߬ ߓߟߏ߫߸ ߓߋ߬ߒ߬ߞߊ߲߬ߠߌ߲߬ ߣߌ߲߬ ߘߐ߫ ߡߐ߰ ߆ ߟߋ߬ ߓߐ߬ߣߐ߫ ߘߴߊ߬ ߣߌ ߘߐ߫.
ߛߙߋ ߘߏ߫ ߟߊ߫ ߝߐߟߌ߫ ߘߐ߫ ߊ߬ߟߎ߬ ߓߕߐߟߊ ߟߋ߬ ߕߘߍ߬ ߦߋ߫ ߡߏߔߕߌ߫ ߡߊ߬ߙߊ ߟߋ߬ ߘߐ߫ ߞߵߊ߬ߟߎ߫ ߞߎ߲߬ߟߊ߫ ߓߡߊ߬ߞߐ߫ ߞߊ߲߬߸ ߕߐ߲߫ ߓߟߏߡߊ ߟߎ߬ ߟߊ߫ ߟߊ߬ߞߙߐ߬ߛߌ߬ߟߌ ߞߣߐ߫߸ ߓߊ߰ߓߊ߰ߟߌ߬ߟߊ߫ ߟߎ߫ ߓߋ߬ ߘߴߊ߬ߟߎ߫ ߞߊ߲߬ ߛߋߜ߭ߎ߫ ߡߊ߬ߙߊ ߟߋ߬ ߞߣߐ߫، ߕߐ߲߫ ߓߟߏߡߊ ߟߎ߬ ߣߌ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߎ߮ ߕߋ ߛߊߓߎ߫ ߟߊ߫߸ ߡߐ߰ ߥߐ߯ߙߐ߫ ߟߋ߬ ߣߌ ߕߏ߫ ߘߴߊ߬ ߘߐ߫، ߛߙߋ ߘߏ߫ ߟߊ߫ ߝߐߟߌ߫ ߘߐ߫ ߓߋ߬ߒ߬ߞߊ߲߬ߠߌ߲߬ ߦߙߐ ߣߌ߲߬ ߡߊߛߎ߬ߘߎ߲߬ߧߊ ߘߐ߫.
ߞߏ߫ ߞߐ߲߬ߛߏ߫ ߡߍ߲߬ ߠߎ߫ ߕߊ߬ߡߌ߲߬ ߘߊ߫ ߟߋ߬ ߊ߬ߟߋ ߢߊ߫ ߞߘߐ߫ ߦߊ߬ߣߌ߲߫ ߊ߬ߟߎ߬ ߦߋ߫ ߥߊ߫ ߓߌ߬ߟߊ߬ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߖߐ߭ ߟߊ߫߸ ߒ߬ߓߊ߬߸ ߓߟߐߟߐ ߟߎ߬ ߛߊ߲ߝߍ߬ ߛߊ߫߸ ߞߊ߬ߛߙߊ߬ߓߊ߰ߕߐ ߘߏ߫ ߟߎ߬ ߟߊ߫ ߡߐ߱ ߟߎ߬ ߦߋ߫ ߟߊ߬ߛߙߋ߬ߦߊ߬ߟߌ ߘߏ߫ ߟߎ߫ ߞߊ߲߬߸ ߘߏ߫ ߟߎ߫ ߞߊ߲߫ ߞߏ߫ ߒ ߕߋߙߌ߸ ߘߏ߫ ߟߎ߫ ߞߊ߲߫ ߞߏ߫ ߒ ߛߌ߰ߢߐ߲߮߸ ߘߏ߫ ߟߎ߫ ߖߍ߬ߘߍ ߞߊ߲߫ ߞߏ߫ ߊ߬ߟߎ߬ ߓߊߘߋ߲ߡߊ ߣߴߊ߬ߟߎ߫ ߝߘߎߢߐ߲߮، ߓߊ߰ߓߊ߰ߟߌ߬ ߞߙߎ ߣߌ߲߬ ߠߊ߫ ߝߐߟߌ߫ ߘߐ߫ ߓߋ߬ߒߞߊ߲߬ߠߌ߲ ߣߌ߲߬ ߞߐ ߘߐ߫.
ߞߏ߫ ߊ߬ߟߎ߬ ߓߘߊ߫ ߝߊ߲߬ߝߘߊ ߘߏ߫ ߟߊߛߌ߰ ߕߐ߲߫ ߓߟߏߡߊ ߟߎ߬ ߢߍ߫߸ ߛߋߜ߭ߎ߫ ߣߌ߫ ߓߡߊ߬ߞߐ߬ ߕߍ߫، ߊ߬ߟߎ߫ ߞߏ߬ߣߌ߲ ߡߊ߫ ߞߎ߲߬ߠߊ߬ߝߎ߬ߟߋ߲߬ ߜߘߍ߫ ߘߌ߫ ߊ߬ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߞߍ߫ ߦߙߐ߫ ߖߐ߲ߖߐ߲߫ ߞߊ߲߬߸ ߞߟߍ߬ߓߟߏ ߞߏ߬ߣߌ߲ ߡߊ߫ ߘߊ߲߬ߕߍ߰ߟߌ߬ ߝߏߛߌ߬ ߟߋ߬ ߞߍ߫ ߓߋ߬ߒ߬ߞߊ߲߬ߠߌ߲ ߣߌ߲߬ ߞߊ߲߬ ߝߟߐ߫.
