ߡߊ߬ߟߌ ߖߡߊ߬ߣߊ ߞߊ߲߬߸ ߞߊ߬ߦߌ߯ ߞߏߕߌ߯ ߞߘߐ ߡߎߛߊ߫ ߡߊ߰ߙߊ ߛߋ߫ ߘߊ߫ ߓߟߐߟߐ߫ ߞߎ߲ߞߏߦߊߕߐ ߟߎ߬ ߢߊߞߘߐ߫ ߓߌ߬ ߞߐ߬ߟߏ߲ ߢߌ߲߬ ߡߊ߬ ߓߡߊ߬ߞߐ߫߸ ߊ߬ ߞߊߙߏ߫ ߞߋߟߋ߲߫ ߠߋ߬ ߦߋ߫ ߕߋ߲߬ ߊ߬ ߦߋ߫ ߥߛߎ ߟߊ߫߸ ߓߊߏ߬߸ ߊ߬ ߓߌ߬ߟߊ߬ ߘߊ߫ ߥߛߎ߫ ߡߊߞߐߣߐ߲ ߠߊ߫ ߛߌ߬ߣߌ߲߬ߟߏ߲ ߠߋ߬ ߡߊ߬߸ ߂߀߂߅ ߞߊ߬ߙߌ߬ߝߐ ߕߟߋ߬ ߁ ߡߊ߬߸ ߞߵߏ߬ ߞߎ߲߭ ߞߍ߫ ߊ߬ ߟߊ߫ ߟߊ߬ߛߍ߲߬ߠߌ߲߬ ߣߐ ߘߏ߫ ߟߎ߫ ߘߌ߫߸ ߟߊ߬ߞߊ߲߬ߘߊ߬ߟߌ ߞߏ߬ߣߌ߲ ߓߘߊ߫ ߝߊ߲߬ߞߊ߫ ߘߏ߲߬߸ ߞߕߌߓߋߟߋ߲ ߣߌ߲߬ ߞߙߍ߬ߝߍ߬ߟߊ ߟߎ߬ ߘߐ߫ ߥߊ߯ߕߌ߫ ߣߌ߲߬ ߠߊ߫.
ߊ߬ ߛߋ߫ ߘߊ߫ ߞߕߌߓߋߟߋ߲ ߢߊߞߘߐ߫ ߈ ߕߎߡߊ ߟߋ߬ ߟߊ߬߸ ߞߊ߬ ߞߕߌ ߘߊߡߌ߬ߣߊ߬ ߁߀ ߕߎߡߊ ߟߊ߫߸ ߓߊ߬ߙߌ߫߸ ߊ߬ ߟߊ߫ ߞߕߌ߫ ߡߍ߲߬ ߞߍ ߦߴߌߘߐ߫ ߜߎ߲߬ߘߎ ߟߋ߬ ߓߟߏߡߊ߬߸ ߊ߬ ߟߊ߫ ߟߊ߬ߡߍ߬ߙߍ߲߬ߠߌ߲߬ߠߊ ߞߏ߲߬ߓߏ ߡߎߕߞߊߕߊߟ ߊ߬ ߣߌ߫ ߓߟߐߟߐ߫ ߞߎ߲ߞߏߦߊߕߐ ߟߎ߬߸ ߊ߬ ߦߋ߫ ߊ߬ߟߎ߫ ߣߌ߫ ߏ߬ ߘߐߙߐ߲߫ ߠߋ߬ ߕߍ߫߸ ߡߊ߬ߟߌ߫ ߞߎ߲߬ߠߊ߬ߛߌ߰ ߞߘߐ ߣߌ߲߬ ߠߊ߫ ߞߙߎ ߕߋ߬ߣߍ߲ ߞߐ߸ ߕߐ߲ߓߟߏߡߊ ߘߏ߫ ߟߎ߫ ߣߌ߫ ߞߟߍ߬ߡߐ߰ ߅߀ ߢߐ߲߰ ߠߋ߬ ߕߊ߯ ߘߊ߫ ߞߊ߬ ߓߌ߬ߟߊ߬ ߓߟߐߟߐ߫ ߞߎ߲ߞߏߕߐߦߊ ߣߌ߲߬ ߞߙߍ߬ߝߍ߬ ߦߙߐ ߘߏ߫ ߟߎ߫ ߘߐ߫.
ߏ߬ ߟߎ߬ ߦߋ߫ ߢߊ߬ߢߌ߬ߣߌ߲߬ߠߌ߲ ߠߎ߫ ߣߌ߫ ߟߊ߬ߞߙߐ߬ߛߌ߬ߟߌ ߟߎ߫ ߟߋ߬ ߞߊ߲߬߸ ߖߐ߲߰ߛߊ߫ ߞߊ߬ ߟߊ߬ߞߊ߲߬ߘߊ߬ߟߌ ߝߊ߲߬ߞߊ߫ ߘߏ߲߬߸ ߡߎߛߊ߫ ߡߊ߰ߙߊ ߖߙߊ߬ߞߌ߬ ߞߎ߲ ߠߋ߬ ߞߏ߫: ߞߎ߲߬ߠߊ߬ߛߌ߮ ߦߴߊ߬ ߞߊ߲߬ ߞߊ߬ «ߖߟߎ߬ ߞߏ ߘߏ߫ ߟߋ߬ ߢߡߊߘߏ߲߰»߸ ߊ߬ ߞߍߣߍ߲߫ ߞߐ߫ ߞߊ߬ ߟߊ߬ߖߍ߲߬ߛߍ߲߬ߠߌ߲ ߘߏ߫ ߞߍ߫ ߊ߬ ߟߊ߫ ߓߟߐߟߐ߫ ߌߞߛ ߖߊ߬ߕߋ߬ߘߊ ߘߍ߬ߞߙߏߝߏ ߞߊ߲߬߸ ߞߏ߫: ߊ߬ ߕߊ߯ ߘߊ߫ ߓߐ߫ ߥߛߎߟߊߘߋ߲ ߘߏ߫ ߟߎ߫ ߡߊ߬߸ ߙߊߖ߭ ߓߊߕ߸ ߙߏߖ߭߸ ߞߑߟߋߡߊ߲߫ ߘߊ߲߬ߓߟߍ߫߸ ߌߛߊ߫ ߞߊ߬ߥߎ߸ ߒߖߌߡ߸ ߌ߬ߡߊߡ ߓߊߖߜ߭ߎ߬.
ߊ߬ ߟߊ߫ ߓߐߒߡߊߟߌ߫ ߏ߬ ߡߍ߲ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ߣߌ߲߬ ߞߊ߬ ߛߌߞߊ ߟߊߘߏ߲߬ ߡߐ߱ ߟߎ߫ ߘߐ߫߸ ߊ߬ ߝߐ߫ ߘߴߊ߬ ߡߊ߬ ߏ߬ ߟߋ߬ ߛߋ߲߭ߝߍ߬ ߞߊ߬ߙߌ߬ߝߐ ߕߋ߬ߟߋ߫ ߂߁ ߡߊ߬ ߞߏ߫ ߊ߬ ߞߊߣߊ߬ ߓߐ߫ ߖߡߊ߬ߣߊ ߞߣߐ߫߸ ߟߊ߬ߖߍ߲߬ߛߍ߲߬ߠߌ߲ ߏ߬ ߞߍ߫ ߘߴߊ߬ ߓߟߏ߫ ߂߀߂߅ ߞߊ߬ߙߌ߬ߝߐ ߕߋ߬ߟߋ߫ ߂߉ ߟߋ߬ ߟߊ߫߸ ߏ߬ ߓߟߏߡߊ߬߸ ߊ߬ ߟߊ߫ ߟߊ߬ߡߍ߬ߙߍ߲߬ߠߌ߲߬ߠߊ ߟߎ߫ ߞߏ߬ߣߌ߲ ߡߴߊ߬ ߡߌ߬ߣߊ߬ ߞߎ߲߫ ߛߌ߫ ߟߋ߬ ߟߐ߲߫߸ ߊ߬ ߘߏ߲߬ ߠߊ߫ ߡߐ߱ ߟߎ߬ ߝߣߊ߫ ߡߊ߫ ߝߏߛߌ߬ ߟߋ߬ ߝߐ߫ ߊ߬ ߞߏߢߊ ߞߊ߲߬߸ ߟߊ߬ߡߍ߬ߙߍ߲߬ߠߌ߲߬ߠߊ ߟߎ߫ ߞߏ߬ߣߌ߲ ߦߟߌߛߌ߰ߣߍ߲߫ ߠߋ߬ ߞߏ߫ ߞߕߌ ߓߍ߫ ߣߊ߬ ߕߍ߰ ߕߋߟߋ߲ ߠߋ߬ ߞߊ߲߬߸ ߊ߬ ߖߍ߬ߘߍ ߞߏ߫ ߊ߬ߟߎ߬ ߟߊߣߍ߲߫ ߊ߬ ߟߊ߫ ߝߣߊ߫߸ ߡߎߛߊ߫ ߡߊ߰ߙߊ ߓߍ߫ ߣߊ߬ ߟߊߓߌ߬ߟߊ߫ ߓߌ߬ ߡߎ߰ߡߍ.
