ߊߟߌߝߊ߫ ߞߐ߲ߘߍ߫ ߟߊߥߟߏ ߛߊ߲߬ ߣߊ߯ߣߌ߲ ߠߋ߬ ߕߋ߲߬߸ ߞߊ߲ߕߌ߯ ߢߣߊߕߊߟߌ ߕߎ߬ߡߊ ߓߘߊ߫ ߟߊߕߍ߰ ߏ߬ ߡߊ߬ ߖߌ߬ߣߍ߬ ߞߣߐ߫، ߓߊ߬ߙߌ߬߸ ߛߌߟߊ ߞߏ߬ߣߌ߲ ߓߘߊ߫ ߟߊߞߊ߬ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫߸ ߊ߬ ߘߌ߫ ߛߋ߫ ߞߍ߫ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫ ߡߎ߬ߕߎ߲߬߸ ߏ߬ ߓߘߊ߫ ߣߊ߬ ߞߎߡߊ߫ ߛߌߦߊߡߊ߲ ߠߎ߬ ߘߌ߫.
ߖߌ߬ߣߍ߫ ߘߐ߬ߕߊߡߌ߲ ߓߘߊ߫ ߛߴߊ߬ ߝߊ߬ߘߌ߬ ߞߎߘߊ߫ ߟߋ߬ ߘߐ߫ ߕߋ߲߬، ߞߵߏ߬ ߞߎ߲߭ ߞߍ߫ ߟߊ߬ߕߍ߰ߦߊ ߘߏ߫ ߟߊߓߐ ߘߌ߫ ߞߎ߲߬ߠߊ߬ߛߌ߮ ߓߟߏ߫߸ ߡߍ߲ ߘߐߞߊ߬ߙߊ߲߬ ߘߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ߬ߓߊ ߟߊ߫ ߞߍ߲ߘߍߟߏ߲ ߂߀߂߅ ߕߎߟߊߝߌ߲ ߕߋ߬ߟߋ߫ ߂߇ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߞߊ߲ߕߌ߯ ߢߣߊߕߊߟߌ ߓߍߣߊ߬ ߞߍ߫ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߣߊ߬ߕߐ ߡߊ߬، ߕߎ߬ߡߊ߬ߘߊ ߏ߬ ߡߍ߲ ߞߍߕߐ߫ ߦߟߍ߬ߡߊ߲߬ ߓߟߋߓߟߋ߫ ߟߊߘߏ߲߬ ߠߊ߫ ߖߌ߬ߣߍ߫ ߓߘߍ߬ߓߘߍ߬ߟߌ ߘߐ߫߸ ߞߊ߬ ߖߡߊ߬ߣߊ ߟߊߛߊ߬ߦߌ߲߫ ߛߌ߰ߞߊ߲ ߞߎ߬ߙߎ߲߬ߘߎ ߞߣߐ߫، ߓߊߏ߬߸ ߞߊ߬ߦߌ߯ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߟߊߥߟߏ߫ ߘߊ߫ ߂߀߂߁ ߠߊ߫߸ ߖߡߊ߬ߣߊ ߦߋ߫ ߘߐ߬ߕߊߡߌ߲ ߠߋ߬ ߘߐ߫ ߡߎߣߎ߲߬.
ߞߊ߲ߕߌ߯ ߢߣߊߕߊߟߌ ߞߎߡߊ ߣߌ߲߬ ߝߐߣߍ߲߫ ߛߌ߰ߞߊ߲߬ ߞߊ߲ߘߟߌ ߞߐߝߟߌ ߟߎ߬ ߟߊߥߊ߲߬ߞߊ߲ ߞߐ ߟߋ߬ ߘߐ߫߸ <<ߤߊ߯ߟߌ>> ߛߎߘߊ߲߫ ߘߊ߫ ߏ߬ ߡߍ߲ ߘߐ߫ ߞߊ߬ߣߌ߲߬، ߛߌ߰ߞߊ߲ ߏ߬ ߟߋ ߣߊ߬ߣߍ߲߫ ߘߐ߬ߕߊߡߌ߲ ߓߊߛߌ߰ߞߊ߲ ߣߐ߬ߘߐߓߌ߬ߟߊ߬ ߟߊ߫߸ ߞߊ߬ ߖߡߊ߬ߣߊ ߓߘߍ߬ߓߘߍ߬ߟߌ ߓߊߖߎ ߟߎ߬ ߦߟߍ߬ߡߊ߲߬.
ߛߌ߰ߞߊ߲ ߏ߬ ߓߊ߲ ߞߐ ߕߊ߬ ߟߊ߫ ߞߵߊ߬ ߟߊߥߊ߲߬ߞߊ߲߬ ߞߊ߲ߕߌ߮ ߖߍ߬ߘߍ ߓߟߏ߫߸ ߞߎߡߊ߫ ߜߘߍ߫ ߟߋ߬ ߣߐ߬ ߊ߬ ߞߎ߲߬ߠߊ߬ߓߐ߫ ߟߊ߫ ߡߎ߬ߕߎ߲߬ ߛߊ߫߸ ߏ߬ ߦߋ߫ ߡߎ߲߬ ߘߌ߫߸ ߏ߬ ߟߋ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎ߲ߦߊ߫ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߘߌ߫، ߓߊߏ߬߸ ߛߊ߬ߙߌ߬ߦߊ߬ ߞߎߘߊ ߣߌ߲߬ ߝߊ߲߬ ߛߌ߫ ߕߴߦߋ߲߬߸ ߡߍ߲ ߦߴߊ߬ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߟߊߕߐ߲߫ ߠߊ߫، ߞߵߊ߬ ߛߐ߬ߘߐ߲߬߸ ߊ߬ ߝߐ߫ ߘߊ߫ ߟߋ߬ ߘߐ߬ߕߊߡߌ߲ ߓߊߛߌ߰ߞߊ߲ ߞߣߐ߫ ߞߏ߫߸ ߊ߬ߟߎ߬ ߝߋ߲߫ ߕߍ߫ ߞߍ߫ ߟߊ߫ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫߸ ߞߏ߫ ߊ߬ߟߎ߬ ߓߍ߯ ߘߌ߫ ߥߊ߫ ߘߐ߬ߕߊߡߌ߲ ߓߊ߲ ߞߐ ߘߐ߫، ߓߊ߬ߙߌ߬߸ ߟߊ߬ߤߘߌ߬ ߝߟߐ߫ ߕߊ߬ߣߍ߲ ߠߋ߬ ߦߋ߫ ߖߡߊ߬ߣߊ߬ߘߋ߲ ߝߊ߲߬ߓߊ ߣߌ߫ ߘߐ߫ ߡߎߣߎ߲߬߸ ߣߴߏ߬ ߦߋ߫ ߣߊ߲߬ߕߌ߮ ߢߌ߲߬ ߠߎ߬ ߓߐߓߊߟߌߦߊ ߘߌ߫ ߞߊ߲ߕߌ߯ߦߊ ߞߐ߫، ߓߊߏ߬߸ ߊ߬ߟߎ߫ ߞߵߏ߬ ߟߋ ߝߐ߫ ߘߐ߬ߕߊߡߌ߲ ߘߊߡߌ߬ߣߊ߬ ߕߎߡߊ ߟߊ߫.
ߛߌߟߊ ߟߊߞߊ߬ߣߍ߲߫ ߠߋ߬ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫ ߛߌ߰ߞߊ߲߬ ߞߎߘߊ ߣߌ߲߬ ߞߣߐ߫߸ ߊ߬ ߘߌ߫ ߛߋ߫ ߞߍ߫ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫ ߞߊ߲ߕߌ߯ ߢߣߊߕߊߟߌ߫ ߣߊ߬ߕߐ ߘߐ߫߸ ߣߴߏ߬ ߞߵߊ߬ ߘߌߦߊ߫، ߊ߬ ߡߙߌߦߊ߫ ߡߊ߫ ߟߐ߲߫ ߡߎߣߎ߲߬߸ ߣߴߊ߬ ߘߌ߫ ߓߐ߫ ߥߟߊ߫ ߍ߲߬ߍ߲߫، ߒ߬ߞߊ߬߸ ߛߊ߬ߙߌ߬ߦߊ߬ ߛߌ߫ ߕߴߦߋ߲߬ ߡߎ߬ߕߎ߲߬߸ ߡߍ߲ ߘߌ߫ ߛߌߟߊ ߕߍ߰ ߊ߬ ߦߋ߫ ߖߡߊ߬ߣߊ ߞߣߐ߫، ߖߡߊ߬ߣߊ߬ߘߋ߲߫ ߞߎ߲߬ߞߋߟߋ߲ ߘߏ߫ ߟߎ߫ ߘߏ߲߬ ߓߘߴߊ߬ߟߎ߬ ߞߊ߲ߠߊߓߐ ߘߊߡߌ߬ߣߊ߫ ߘߍ߬ߞߙߏߝߏ ߟߎ߫ ߞߊ߲߬ ߌߞߘߐ߫߸ ߞߏ߫ ߊ߬ ߦߋ߫ ߞߍߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߊ߬ߟߋ ߡߍ߲ ߛߊ߲߬ ߣߊ߯ߣߌ߲ ߦߋ߫ ߖߡߊ߬ߣߊ ߞߎ߲߬ߠߊ߫ ߣߌ߲߬ ߞߊ߬ߣߌ߲߬.
ߊߟߎ߫ ߞߏ߬ߣߌ߲ ߦߴߊ߬ ߟߐ߲߫߸ ߥߊ߯ߕߌ߫ ߞߋߟߋ߲߫ ߛߌ߫ ߡߊ߫ ߝߐ߫ ߥߛߊ߬ߘߋ߲߬ ߢߣߊߕߊߟߌ ߞߍ߫ ߞߏ ߟߊ߫ ߡߎߣߎ߲߬، ߏ߬ ߞߏߢߊ ߝߣߊ߫ ߡߊߞߕߌߣߍ߲߫ ߘߏ߫ ߟߎ߫ ߓߟߏ߫.
ߓߘߍ߬ߓߘߍ߬ߟߌ߬ߟߊ߬ ߛߌߦߊߡߊ߲߫ ߞߏ߬ߣߌ߲ ߠߊ߫ ߝߐߟߌ߫ ߘߐ߫߸ ߞߏ߫ ߣߊ߲߬ߕߌ߮ ߢߌ߲߬ ߠߎ߬ ߞߍߕߐ߫ ߢߣߊߕߊߟߌ ߟߋ߬ ߕߣߐ߬ߓߐ߬ ߟߊ߫߸ ߞߵߊ߬ߟߎ߬ ߟߊ߫ ߘߐ߬ߕߊߡߌ߲ ߝߊ߲߬ߞߊ ߦߟߍ߬ߡߊ߲߫ ߞߵߊ߬ ߞߍ߫ ߣߊ߲߬ߕߌ߰ ߝߊ߲ߞߊ ߢߣߊߕߊߟߌ ߘߌ߫߸ ߞߊ߬ ߛߌߟߊ ߕߍ߰ ߣߊ߲߬ߒ߬ߕߊ߲ ߠߎ߬ ߦߋ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
