ߒߞߏ ߟߊ߫ ߞߎ߲߬ߠߊ߬ߦߋ߬ߙߋ߲߬ ߜߙߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߘߊߡߌ߬ߣߊ߬ߕߐ ߟߋ߬ ߣߌ߲߬ ߊߓߌߖߊ߲߬߸ ߊߓߐߓߐ߬ ߞߌ߲߬ߘߊ ߟߊ߫، ߖߡߊ߬ߣߊ߬ ߛߌߦߊߡߊ߲߫ ߠߋ߬ ߓߘߊ߫ ߛߣߍ߫߸ ߡߍ߲ ߠߎ߬ ߣߊ߬ߣߍ߫ ߜߊ߬ߙߊ ߣߌ߲߬ ߢߣߊߓߊ߯ߦߊ߫ ߞߊ߲ߡߊ߬، ߊ߬ߟߋ߬ ߜߙߊ߬ ߓߟߋߓߟߋ ߟߐ߬ߣߍ߲߫ ߒߞߏ ߟߊ߫ ߢߎߡߍߙߋ߲ߦߊߟߌ ߢߍߥߟߊ ߟߎ߬ ߟߋ߬ ߡߊ߬߸ ߡߍ߲ ߓߋߟߋ߲ߠߊ߫ ߞߍߟߊ ߝߣߊ߫ ߝߘߊߣߍ߲߫ ߕߐ߲߫ ߛߌߦߊߡߊ߲߫ ߠߊ߫߸ ߞߊ߬ ߒߞߏ ߟߊ߫ ߛߋ߲߬ߕߊ߬ ߞߍߣߍ߲ ߠߎ߬ ߢߊߝߐ߫ ߢߎߡߍߙߋ߲ߦߊߟߌ ߡߊ߬ߘߎ߮ ߘߐ߫.
ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߣߌ߫ ߝߘߏ߬ߓߊ߬ ߞߙߏߝߏ ߞߐߦߌ߬ߘߊ߬ߣߍ߲߫ ߛߟߊߕߌ߯ ߓߊߛߓߊ߬ߕߌ߫ ߛߘߌ߬ߓߋ߬ ߡߍ߲ ߓߟߏ߫߸ ߏ߬ ߓߘߊ߫ ߛߣߍ߫ ߦߋ߲߬߸ ߞߵߏ߬ ߟߊ߫ ߗߋߘߋ߲߫ ߜߘߍ߫ ߟߎ߫ ߞߊ߲߬߸ ߦߏ߫ ߞߏ߲߬ߓߏ ߡߊ߬ߡߎߘߎ߬ ߞߏߕߍߓߊ߫ ߞߡߊ߬ߙߊ߬ ߣߌ߫ ߡߊ߬ߡߊ߬ߘߌ߬ ߞߋߕߊ߬ ߣߌ߫ ߖߊ߲߬ߕߎ߬ ߡߘߎ ߞߐ߲ߘߍ߫ ߣߌ߫ ߞߊ߬ߙߊ߲߬ߡߐ߯ ߡߊ߬ߡߊߘߌ߫ ߛߎ߬ߥߊ߬ߙߋ߬߸ ߏ߬ ߟߎ߫ ߟߋ߬ ߝߘߊߣߍ߲߫ ߞߊ߲ߞߊ߲߫ ߠߊ߫ ߞߵߊ߬ߟߎ߫ ߞߎ߲߬ߛߌ߲߫ ߜߋ߲ߞߐ߰ߖߌ߬ߘߊ ߟߊ߫ ߕߐ߲߫ ߓߟߋߓߟߋ߫ ߛߓߊ߬ ߞߐߦߌ߬ߘߊ߬ ߞߊ߲ߡߊ߬: ߒߞߏ ߛߍ߲ߓߊ߫߸ ߝߘߏ߬ߓߊ߬ ߞߙߏߝߏ߸ ߊ߬ ߣߌ߫ ߒߞߏ ߞߊ߲߬ߜߍ߬ߘߊ.
