ߡߐ߰ ߓߌ߫ ߦߙߌߞߊ߫ ߟߋ߬ ߣߐ߬ ߓߊ߱ ߘߊߥߎ߲߫ ߠߊ߫ ߞߢߐߡߊߟߐ ߘߏ߫ ߘߐ߫ ߌߡߌߛ߭ߟߌ߫߸ ߡߍ߲ ߠߎ߬ ߓߘߊ߫ ߟߊߟߊ߫ ߘߊ߲ߘߊߛߏ ߟߊ߫ ߕߊ߲߬ߘߐ، ߊ߬ ߞߏߢߊ ߓߘߊ߫ ߣߊ߬ ߤߊߡߌ߲ ߘߌ߫ ߞߏߛߓߍ߫߸ ߓߊߏ߬ ߊ߬ ߓߊ߱ ߞߍߣߍ߲߫ ߛߎ߬ߡߊ߲ ߠߋ߬ ߟߊ߫.
ߕߎߟߊߝߌ߲ ߕߋ߬ߟߋ߫ ߂߃ ߡߊ߬߸ ߞߢߐߡߊߟߐ ߘߏ߫ ߟߋ߬ ߕߎ߲߬ ߦߴߌߘߐ߫ ߟߎ ߘߏ߫ ߞߣߐ߫ ߡߎߙߊߘߑߞߊ߲ߟߋ߳߸ ߌߡߌߛ߭ߟߌ߫ ߡߊ߬ߙߊ ߘߐ߫߸ ߡߍ߲ ߞߏ ߟߊߓߊ߲߫ ߘߊ߫ ߡߊ߬ߛߎ߬ߓߊ ߡߊ߬، ߓߊߏ߬߸ ߡߐ߰ ߅߅ ߟߋ߬ ߥߊߣߍ߲߫ ߟߊߟߊ߫ ߟߊ߫ ߘߊ߲ߘߊߛߏ ߟߊ߫ ߓߌ߬߸ ߊ߬ ߦߌ߬ߘߊ߬ߣߍ߲߬ ߞߏ߫ ߊ߬ߟߎ߫ ߣߐ߬ ߘߊߥߎ߲ߠߌ߲ ߡߍ߲ ߞߍ߫ ߟߊ߫ ߦߋ߲߬߸ ߓߊ߱ ߟߋ߬ ߕߍ߬ߘߍ߫ ߏ߬ ߟߊ߫، ߏ߬ ߟߋ ߘߐ߫߸ ߌߡߌߛ߭ߟߌ߫ ߞߕߌߓߋߟߋ߲ ߓߘߴߊ߬ ߞߏ ߕߊ߬ ߓߊ߫ ߘߐ߫ ߞߊ߬ ߞߕߌ߫ ߞߏ ߛߌ߰ ߛߋ߲߬ߠߊ߫ ߌߞߘߐ߫.
ߟߌ߬ߤߟߊ߬ ߝߟߐ ߡߍ߲ ߠߎ߬ ߛߐ߬ߘߐ߲߬ ߘߴߊ߲ ߓߟߏ߫ ߓߌ߬߸ ߊ߬ ߦߌ߬ߘߊ߬ߣߴߊ߬ߟߎ߬ ߟߊ߫ ߕߌ߲߬ߞߎߎߘߎ߲ ߜߋߙߋ߲ߜߋߙߋ߲ߧߊ ߗߋߕߌ߯ߘߊ ߓߟߏ߫߸ ߞߏ߫ ߓߊ߱ ߞߍߣߍ߲߫ ߡߍ߲ ߠ߬ߎ ߞߎ߲߬ ߣߌ߲߬߸ ߘߋ߲ߣߍ߲ ߘߏ߫ ߟߎ߫ ߦߴߊ߬ ߘߐ߫، ߊ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߞߣߐߓߏߙߌ ߓߌ߬ߟߴߊ߬ߟߎ߬ ߟߊ߫߸ ߊ߬ ߣߌ߫ ߝߊ߬ߘߌ߬ ߞߟߊߦߊ ߣߌ߫ ߦߟߌߡߊߖߌ ߓߌ߬ߟߴߊ߬ߟߎ߬ ߟߊ߫، ߡߐ߰ ߅߅ ߡߍ߲ ߠߎ߬ ߡߊߝߟߍ߫ ߘߊ߫ ߘߊ߲ߘߊߛߏ ߟߊ߫ߟ ߡߐ߰ ߂߄ ߓߘߊ߫ ߟߊߟߊ߫ ߏ߬ ߟߎ߬ ߘߐ߫߸ ߗߍ߬ ߡߐ߰ ߥߐߙߐ߲ߝߌ߬ߟߊ߬߸ ߡߛߏ߬ ߕߊ߲ ߣߌ߫ ߛߓߊ߬߸ ߊ߬ ߣߌ߫ ߘߋ߲ߣߍ߲߫ ߣߊ߯ߣߌ߲߫߸ ߏ߬ ߟߎ߬ ߟߊߟߊ߫ ߘߊ߫ ߓߌ߬ ߞߎߣߎ߲ߟߏ߲ ߢߌ߲߬ ߠߋ߬ ߡߊ߬ ߌߞߘߐ߫، ߊ߬ߟߎ߬ ߡߞߊߘߊ߲ ߦߴߌߘߐ߫ ߘߊ߲ߘߊߟߌ߫ ߦߙߐ߫ ߓߐߣߍ߲߫ ߢߐ߲߰ߡߊ ߟߎ߬ ߞߣߐ߫.
ߌߞߏߡߌ߲߬ ߡߞߊ߬ߘߊ߲߬ߠߌ߲ ߠߎ߬ ߛߋ߫ ߘߊ߫ ߘߊߡߌ߬ߣߊ߬ ߟߊ߫ ߖߏߣߊ߫߸ ߓߊ߰ ߟߊ߬ߞߊߘߌ ߟߎ߬ ߘߌ߫ ߘߴߊ߬ߟߎ߫ ߡߊ߬߸ ߊ߬ߟߎ߬ ߓߍ߯ ߘߴߊߟߊ߫ ߕߊ߲߬ߘߏ߫ ߕߋ߲߬ ߞߏߛߓߍ߫.
ߊ߬ ߞߏ ߢߊߘߐߜߍ ߟߐ߲߫ ߞߏ ߘߐ߫ ߛߊ߫߸ ߘߊߥߎ߲ߠߌ߲ ߠߎ߬ ߟߊߕߊ߲߬ߞߊ ߓߊ߯ߙߟߊ ߟߎ߬ ߣߌ߫ ߕߐ߲ߓߟߏߡߊ ߟߎ߬ ߓߘߊ߫ ߝߙߊ߬ ߢߐ߲߮ ߞߊ߲߬߸ ߞߊ߬ ߕߊ߯ ߛߋ߫ ߞߢߐߡߊߟߐ߫ ߦߙߐ ߣߌ߲߬ ߘߐ߫߸ ߞߵߊ߬ ߞߏ ߢߊߢߌߣߌ߲߫ ߊ߬ ߢߊ ߡߊ߬، ߊ߬ߟߎ߫ ߣߐ߬ ߛߎ߬ߡߊ߲ ߡߍ߲ ߘߊߥߎ߲߫ ߠߊ߫߸ ߏ߬ ߢߍߛߐ߲ ߘߏ߫ ߟߎ߫ ߓߘߊ߫ ߕߊ߬ ߞߊ߬ ߥߴߊ߬ ߘߌ߫ ߊ߬ ߘߐߜߍ߫ ߞߊ߲ߡߊ߬߸ ߞߊ߬ ߘߐ߬ߛߏ߰ߙߋ߬ߟߌ ߟߎ߬ ߞߍ߫߸ ߞߊ߬ ߓߊ߱ ߓߐ߫ ߦߌߟߊ߫ ߖߐ߲ߖߐ߲ ߟߐ߲߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
