ߊ߲ ߞߊ߬ ߛߛߞ ߓߏߟߏ߲ߝߘߊ ߟߊ߫ ߖߌ߬ߦߊ߬ ߟߊߖߍߛߍ߲ߣߍ߲ ߘߏ߫ ߟߋ߬ ߦߋ߫߸ ߡߊ߬ߟߌ ߣߌ߫ ߓߙߎߞߌߣߊ߫ ߣߊ߲߬ߕߌ߰ ߘߌߦߊߜߏߦߊ߫ ߡߌ߬ߣߌ߬ߣߍ߲ ߠߎ߬ ߦߋ߫ ߘߍ߬ߡߍ߲߬ ߢߌߣߌ߲ ߠߊ߫ ߏ߬ ߡߍ߲ ߘߐ߫߸ ߖߌ߬ߦߊ ߟߊߖߍ߲ߛߍ߲߫ ߘߊ߫ ߛߛߞ ߓߏߟߏ߲ߝߘߊ ߓߟߏ߫ ߕߎߟߊߝߌ߲ ߕߟߋ߬ ߁߉ ߕߊ߬ߡߌ߲߬ߣߍ߲ ߠߋ߬ ߟߊ߫߸ ߡߌ߬ߣߊ߬ߓߊ߰ߕߐ ߟߎ߬ ߘߏ߲߬ ߘߌ߫ ߆߀ ߢߐ߲߰ ߓߐ߫߸ ߡߐ߰ ߡߍ߲߬ ߠߎ߬ ߘߌߦߊߜߏߦߊ߫ ߡߌߣߊ߫ ߘߊ߫ ߓߋ߬ߒ߬ߞߊ߲߬ߠߌ߲߬ ߛߌߦߊߡߊ߲߫ ߠߋ߬ ߛߋ߲߭ߝߍ߬ ߞߵߊ߬ߟߎ߬ ߕߏ߫ ߘߍ߬ߡߍ߲߬ ߢߌߣߌ߲ ߠߊ߫ ߎߜ߭ߊߘߎߜ߭ߎ߫ ߣߌ߫ ߓߡߊ߬ߞߐ߫ ߝߍ߬.
ߞߏߕߐ ߘߏ߫ ߟߎ߫ ߡߌ߬ߣߊ߬ ߘߊ߫ ߂߀߂߃ ߟߋ߬ ߟߊ߫߸ ߘߏ߫ ߟߎ߫ ߝߣߊ߫ ߡߌ߬ߣߊ߬ ߛߊ߲ ߠߋ߬ ߦߋ߫ ߊ߬ߟߎ߬ ߓߟߏ߫ ߣߌ߲߬، ߂߀߂߅ ߘߓߊ߬ߓߌߟߊ ߕߊ߬ߡߌ߬ߣߍ߲ ߣߌ߲߬ ߠߋ߬ ߟߊ߫߸ ߡߐ߰ ߁߀ ߢߐ߲߰ ߠߋ߬ ߡߌ߬ߣߊ߬ ߘߊ߫، ߏ߬ ߞߍ߫ ߘߊ߫ ߛߊ߲ߘߊߙߋ߫ ߣߌ߫ ߝߊߙߊ߲ߓߎߜ߭ߎ߫ ߘߎ߱ ߟߋ߬ ߟߊ߫، ߒ߬ߓߊ߬߸ ߊ߬ ߕߐ߭ ߓߍ߯ ߡߌ߬ߣߊ߬ ߘߊ߫ ߂߀߂߃ ߟߋ߬ ߟߊ߫߸ ߡߊ߬ߟߌ ߞߊ߲ߕߌ߯ߘߊ ߞߐ߲߬ߛߏ߬ ߟߊ߬ߓߏ߬ߙߌ߬ߟߊ ߘߏ߫ ߖߍ߬ߘߍ ߦߋ߫ ߏ߬ ߟߎ߬ ߘߐ߫.
ߓߋ߬ ߞߍ߫ ߘߊ߫ ߏ߬ ߟߎ߬ ߝߣߊ߫ ߞߊ߲߬ ߞߵߊ߬ߟߎ߬ ߕߊ߯ߕߐߟߊ ߟߋ߬ ߕߏ߫ ߥߙߏ߬ߝߋ ߘߏ߫ ߟߋ߬ ߛߋ߲߬ ߦߙߐ ߞߊ߲ߕߌ߮ ߕߐ߯ ߘߐ߫߸ ߏ߬ ߓߋ߬ߒ߬ߞߊ߲߬ߠߌ߲ ߠߋ߬ ߛߊߓߎ߫ ߟߊ߫߸ ߞߊ߲ߕߌ߮ ߟߊ߫ ߛߙߍߞߍ ߓߐ߬ߣߐ߫ ߘߴߊ߬ ߣߌ ߘߐ߫، ߞߏߕߐ ߟߎ߫ ߞߏ߬ߣߌ߲ ߠߊ߫ ߝߐߟߌ߫ ߘߐ߫߸ ߊ߬ߟߎ߫ ߡߌ߬ߣߊ ߣߌ߫ ߛߌߛߍ߲߬ ߕߍ ߘߐ߫߸ ߖߎ߯ߡߊ߲߫ ߝߏߛߌ߬ ߟߋ߬ ߕߴߊ߬ߟߎ߬ ߟߊ߫߸ ߓߊ߬ߙߌ߫߸ ߊ߬ߟߎ߬ ߟߊ߫ ߟߊ߬ߢߌߣߌ߲ ߦߋ߫ ߡߍ߲ ߘߌ߫߸ ߏ߬ ߟߋ߬ ߦߋ߫ ߞߎߡߊߢߐ߲߯ߦߊ ߞߍ ߘߌ߫ ߓߊ߰ߓߊ߰ߟߌ߬ߟߊ ߡߍ߲߬ ߠߎ߫ ߣߌ߫ ߡߊ߬ߟߌ ߞߎ߲߬ߠߊ߬ߛߌ߮ ߟߎ߬ ߕߍ߫.
ߖߐ߲߰ߛߴߊ߬ߟߎ߬ ߘߌ߫ ߛߋ߫ ߟߊߓߌ߬ߟߊ߬ ߟߊ߫، ߊ߬ ߘߏ߲߬ ߓߊ߰ߓߊ߰ߟߌ߬ߟߊ߫ ߡߍ߲߬ ߠߎ߫ ߞߊ߬ ߞߏ߫ ߞߋߟߋ߲߫ ߏ߬ ߟߋ߬ ߞߍ߫ ߓߙߎߞߌߣߊ߫ ߝߣߊ߫ ߟߊ߫ ߕߋ߲߬߸ ߏ߬ ߟߎ߫ ߟߊ߫ ߡߐ߰ ߘߌߦߊߜߏߦߊ߫ ߡߌ߬ߣߌ߬ߣߍ߲ ߠߎ߬ ߘߌ߫ ߡߐ߰ ߄߀ ߢߐ߲߰ ߓߐ߫߸ ߟߊ߬ߢߌ߬ߣߌ߲߬ ߞߋߟߋ߲߫ ߠߋ߬ ߞߏ߬ߣߌ߲ ߦߋ߫ ߞߏߕߐ ߢߌ߲߬ ߠߎ߬ ߓߍ߯ ߟߊ߫߸ ߊ߬ߟߎ߬ ߦߴߊ߬ ߟߊߢߌߣߌ߲߫ ߠߊ߫ ߟߋ߬ ߊ߬ߟߎ߬ ߟߊ߫ ߘߐ߬ߕߊߡߌ߲ ߞߊ߲ߕߌ߮ ߝߍ߬ ߞߊ߬ ߞߎߡߊߢߐ߲߯ߦߊ ߞߍ߫ ߓߊ߰ߓߊ߰ߟߌ߬ߟߊ߫ ߢߌ߲߬ ߠߎ߫ ߝߍ߬.
ߦߊ߫ ߛߴߊ߬ߟߎ߬ ߘߌ߫ ߛߋ߫ ߟߊߓߌ߬ߟߊ߬ ߟߊ߫߸ ߟߊ߬ߢߌ߬ߣߌ߲߬ ߞߋߟߋ߲߫ ߠߋ߬ ߝߣߊ߫ ߦߋ߫ ߛߛߞ ߓߏߟߏ߲ߝߘߊ ߓߟߏ߫߸ ߏ߬ ߟߋ߬ ߦߋ߫ ߝߊ߬ߟߋ߲߬ߢߐ߲߰ߘߐ ߘߌ߫߸ ߞߏ߫ ߊ߬ߟߎ ߟߊ߫ ߡߐ߰ ߘߌߦߊߜߏߦߊ߫ ߡߌ߬ߣߊ߬ߣߍ߲ ߡߍ߲ ߠߎ߬ ߦߋ߫ ߡߊ߬ߟߌ ߣߌ߫ ߓߙߎߞߌߣߊ߫ ߓߟߏ߫߸ ߣߌ߫ ߏ߬ ߟߎ߬ ߟߊߓߌ߬ߟߊ߬ ߘߊ߫ ߕߎ߬ߡߊ߫ ߡߍ߲߸ ߊ߬ߟߎ߬ ߝߣߊ߫ ߘߌ߫ ߛߐ߲߬ ߞߊ߬ ߣߊ߲߬ߕߌ߮ ߡߍ߲߬ ߟߊߓߌ߬ߟߊ߬، ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߓߊ߰ߓߊ߰ߟߌ߬ߟߊ߫ ߞߋߟߋ߲߫، ߣߊ߲߬ߕߌ߰ ߞߋߟߋ߲߫.
