ߞߎߣߎ߲߬ ߞߎߣߎ߲ߟߏ߲ ߛߐ߱ߡߊ ߂߀߂߅ ߕߎߟߊߝߌ߲ ߕߟߋ߬ ߁߇ ߟߋ߬ ߟߊ߫߸ ߕߏߜ߭ߏ߫ ߖߡߊ߬ߣߊ ߞߊ߲߬߸ ߞߟߍ߬ߓߟߏ ߞߏߕߌ߯ ߡߛߏ߫ ߞߘߐ ߡߊߙߑߜ߭ߍߙߌߕ ߜ߭ߣߊߞߊߘߋ߫ ߟߋ߬ ߡߌ߬ߣߊ߬ ߘߊ߫ ߕߐ߲߫ ߓߟߏߡߊ ߟߎ߬ ߓߟߏ߫ ߊ߬ ߟߊ߫ ߟߎ ߡߊ߬، ߡߏ߬ߛߏ߫ ߣߌ߲߬ ߞߊ߬ ߞߏߕߌ߯ߦߊ ߞߍ߫ ߂߀߂߀ ߣߌ߫ ߂߀߂߂ ߟߋ߬ ߕߍߟߊ ߘߐ߫߸ ߊ߬ ߡߊߟߐ߲ߣߍ߲߫ ߓߟߐߟߐ ߟߋ߬ ߞߊ߲߬ ߊ߬ ߟߊ߫ ߟߊ߬ߖߍ߲߬ߛߍ߲߬ߠߌ߲ ߘߏ߫ ߟߎ߫ ߟߋ߬ ߘߐ߫.
ߊ߬ ߦߴߊ߬ ߟߊߢߌߣߌ߲߫ ߠߊ߫ ߏ߬ ߡߍ߲ ߠߎ߬ ߘߐ߫߸ ߞߏ߫ ߞߊ߲ߕߌ߯ߦߊ ߦߋ߫ ߓߐ߫ ߝߏߙ ߜ߭ߣߊߛߌ߲ߜ߭ߋ߫ ߓߟߏ߫߸ ߞߵߊ߬ ߘߌ߫ ߡߐ߰ ߜߘߍ߫ ߡߊ߬، ߊ߬ߟߋ ߞߏ߬ߣߌ߲ ߓߘߊ߫ ߛߋ߫ ߕߐ߲߫ ߓߟߏߡߊ ߟߎ߬ ߕߊ߫ ߓߟߏ߫ ߟߋ߬ ߡߊ߬ ߕߋ߲߬߸ ߞߵߊ߬ ߘߐߢߌ߬ߣߌ߲߬ߞߊ߫߸ ߊ߬ ߘߌߣߊ߬ ߘߐߢߌ߬ߣߌ߲߬ߞߊ߫ ߡߍ߲߬ ߠߎ߬ ߟߊ߫߸ ߞߎ߲߬ߠߊ߬ߛߌ߮ ߟߎ߬ ߞߏ߬ߣߌ߲ ߡߊ߫ ߝߋ߲߫ ߝߐ߫ ߏ߬ ߞߊ߲߬ ߝߟߐ߫، ߓߊ߬ߙߌ߫߸ ߞߎߡߊ߫ ߞߊ߲ ߡߍ߲ ߠߎ߬ ߓߐ߫ ߘߊ߫ ߕߐ߲߫ ߓߟߏߡߊߘߊ ߟߴߊ߬ ߟߊ߫ ߡߌ߬ߣߊ߬ߟߌ ߞߊ߲߬.
ߞߏ߫ ߊ߬ ߕߘߍ߬ ߦߋ߫ ߡߐ߰ ߟߊߡߎߙߎ߲ߕߌ ߟߋ߬ ߟߊ߫ ߖߡߊ߬ߣߊ ߞߣߐ߫߸ ߊ߬ ߟߊ߫ ߟߊ߬ߖߍ߲߬ߛߍ߲߬ߠߌ߲߬ ߟߊߓߊ߲ ߘߐ߫߸ ߞߏ߫ ߣߌ߫ ߝߏߙ ߜ߭ߣߊߛߌ߲ߜ߭ߋ߫ ߕߏ߫ ߘߊ߫ ߞߊ߲ߕߌ߯ߦߊ ߟߊ߫߸ ߏ߬ ߦߋ߫ ߝߌ߬ߟߌ ߟߋ߬ ߘߌ߫، ߊ߬ߟߋ ߟߋ߬ ߘߏ߲߬ ߞߍ߫ ߘߊ߫ ߡߛߏ߬ ߘߌ߫߸ ߡߍ߲ ߝߟߐ߫ ߞߍ߫ ߘߊ߫ ߕߏߜ߭ߏ߫ ߞߟߍ߬ߓߟߏ ߞߏߕߌ߮ ߘߌ߫ ߂߀߂߀ ߝߊ߲߬ߝߍ߬ߟߊ ߘߐ߫.
ߦߊ߬ߣߌ߲߫ ߊ߬ ߓߟߏ ߦߋ߫ ߓߐ߫ ߊ߬ ߟߊ߫ ߓߊ߯ߙߊ ߟߎ߬ ߟߊ߫߸ ߊ߬ ߓߊ߲߫ ߘߊ߫ ߟߋ߬ ߝߣߊ߫ ߞߊ߬ ߝߙߊ߬ ߕߏ߰ߝߏ ߛ߭ߌߛ߭ߌ߬ߦߍ߲ ߞߙߎ ߞߊ߲߬߸ ߊ߬ ߘߏ߲߬ ߕߏ߰ߝߵߏ߬ ߝߣߊ߫ ߟߊ߫ ߟߊ߬ߢߌߣߌ߲ ߦߋ߫ ߞߊ߲ߕߌ߯ߦߊ ߓߐ߫ ߟߋ߬ ߘߌ߫ ߝߏߙ ߜ߭ߣߊߛߌ߲ߜ߭ߋ߫ ߓߟߏ߫߸ ߘߓߊ߬ߓߌߟߊ ߕߊ߬ߡߌ߲߬ߣߍ߲ ߕߟߋ߬ ߃߀ ߟߋ߬ ߟߊ߫߸ ߊ߬ ߕߍ߬ߘߍ߫ ߞߊ߬ ߞߎߡߊ߫ ߞߊ߲߫ ߏ߬ ߟߋ߬ ߟߊߞߎߘߦߊ߫ ߝߣߊ߫ ߞߵߊ߬ ߟߊߖߍ߲ߛߍ߲߫ ߓߟߐߟߐ ߞߊ߲߬.
