ߓߋ߬ߒ߬ߞߊ߲߬ߠߌ߲߬ ߓߊ߲ߓߊߟߌ ߡߍ߲߬ ߠߎ߫ ߟߋ߬ ߦߋ߫ ߞߎߡߊߢߐ߲߯ߦߊ ߜߟߍ߬ߦߊ߬ ߟߊ߫ ߘߎ߰ߘߋ߲ ߠߎ߬ ߣߌ߫ ߓߋ߬ߒ߬ߞߊ߲߬ߠߌ߲߬ ߞߍ߬ߟߊ ߟߎ߬ ߣߌ߫ ߢߐ߲߯ ߕߍ߫߸ ߞߎߡߊߕߍ߫ ߖߐ ߟߊߛߓߊ߬ߕߌ ߡߊ߬، ߊ߬ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߟߊ߫ ߓߊ߯ߙߊ ߟߋ߬ ߦߋ߫ ߡߐ߰ ߡߌߣߊ ߣߌ߫ ߓߌߦߊ߲߫ ߛߏ߲ߧߊ ߘߌ߫߸ ߡߐ߰ ߄߀ ߣߌ߫ ߞߐ߫ ߟߋ߬ ߕߘߍ߬ ߦߋ߫ ߖ߭ߌߘߊ߲߫ ߕߎߙߑߓߋ߫ ߕߌ߲ߓߌߘߌ߲ߘߊ ߟߊ߫ ߛߊߟߌ ߘߐ߫ ߞߐ߬ߓߊ߬ߟߏ߲ ߡߊ߬.
ߡߙߊ߬ߡߊ߬ߟߌ߬ߟߊ ߘߏ߫ ߟߎ߫ ߣߊ߬ ߘߴߊ߬ߟߎ߫ ߖߊ߬ߛߏ߲߬ ߞߵߊ߬ߟߎ߬ ߡߊߘߏ߲߬ ߜ߭ߊߤߏߙߌ߫ ߞߙߎ߬ ߞߊ߲߬߸ ߊ߬ ߘߏ߲߬ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߓߘߊ߫ ߦߙߐ߫ ߏ߬ ߟߋ߬ ߞߍ߫ ߊ߬ߟߎ߬ ߟߊ߫ ߘߊ߮ ߘߌ߫߸ ߖ߭ߊߡߑߝߙߊ߫ ߡߊ߬ߙߊ ߞߣߐ߫߸ ߛߏߞߐߕߌ߫ ߣߌ߫ ߞߋߓߌ߫ ߡߙߊ߬ߓߟߏ ߟߎ߬، ߞߊ߬ ߞߐ߲߰ ߏ߬ ߢߍ߫߸ ߞߍ߬ߟߍ ߓߋ߬ ߘߊ߫ ߟߋ߬ ߜ߭ߏߘߊߦߌ߫ ߞߊ߲߬ ߞߊ߯ߙߌ ߕߊ߬ߡߌ߲߬ߣߍ߲ ߛߎ ߘߐ߫.
ߡߙߊ߬ߡߊ߬ߟߌ߬ߟߊ ߟߎ߬ ߞߊ߬ ߡߎ߯ ߟߊߥߟߌ ߟߋ߬ ߞߍ߫ ߞߊ߬ ߡߐ߰ ߁߂ ߡߌ߬ߣߊ߫ ߞߊ߬ ߥߊ߫ ߏ߬ ߟߎ߬ ߘߌ߫߸ ߞߍ߲ߘߍߟߏ߲ ߝߣߊ߫ ߡߊ߬߸ ߡߐ߰ ߁߈ ߠߋ߬ ߡߌ߬ߣߊ߬ ߘߊ߫߸ ߡߏ߬ߛߏ ߟߎ߬ ߗߍ߭ ߟߎ߬ ߊ߬ ߣߌ߫ ߘߋ߲ߣߍ߲ ߠߎ߬߸ ߓߌߙߑߣߌ߲߫ ߖ߭ߊߙߑߡߊ߫ ߘߎ߱ ߟߊ߫߸ ߖ߭ߊߡߑߝߙߊ߫ ߡߙߊ߬ ߞߋߟߋ߲߫ ߣߌ߲߬ ߞߣߐ߫، ߘߎ߰ߘߋ߲ ߠߎ߬ ߞߏ߬ߣߌ߲ ߦߴߊ߬ ߢߌߣߌ߲߫ ߠߊ߫ ߟߋ߬ ߞߊ߬ ߞߎߡߊߢߐ߲߯ߦߊ ߞߍ߫ ߓߋ߬ߒ߬ߞߊ߲߬ߠߌ߲߬ߠߊ ߡߍ߲߬ ߠߎ߬ ߦߋ߫.
ߖ߭ߊߡߑߝߙߊ߫ ߣߴߊ߬ ߞߙߍ߬ߝߍ߬ ߡߙߊ ߞߊߕߑߛߌߣߊ߫، ߓߊ߬ߙߌ߫߸ ߏ߬ ߟߎ߬ ߝߣߊ߫ ߟߊ߫ ߓߍ߲߬ߞߊ߲߬ ߛߐߘߐ߲ ߜߟߍ߬ߡߊ߲߬ ߞߏߛߓߍ߫߸ ߓߊߏ߬߸ ߓߋ߬ߒ߬ߞߊ߲߬ߠߌ߲߬ ߞߙߎ ߞߊ߫ ߛߌߦߊ߫ ߖߋ߬ߟߌ߬ߓߊ߬ߟߊ߫ ߞߐ߬ߘߎ߮ ߣߴߊ߬ ߕߟߋ߬ߓߋ ߟߋ߬ ߝߊ߲߭ ߝߍ߬߸ ߊ߬ ߘߏ߲߬߸ ߊ߬ߟߎ߬ ߞߙߎ ߟߋ߬ ߦߴߊ߬ߟߎ߬ ߦߊ߯ߟߊ߫ ߟߊ߫ ߡߙߊ߬ߓߟߏ ߟߎ߬ ߣߌ߫ ߢߐ߲߯ ߕߍ߫߸ ߓߋ߬ߒ߬ߞߊ߲߬ߠߌ߲߬ ߓߊ߲ߓߊߟߌ ߣߌ߲߬ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߝߐߢߐ߲߯ߞߐߦߊ ߟߊߘߏ߲߬ ߖ߭ߊߡߑߝߙߊ߫ ߡߙߊ߬ߓߟߏ ߣߌ߫ ߞߎ߲߬ߠߊ߬ߛߌ߰ ߞߙߎ ߕߍ߫.
ߕߐ߲߫ ߓߟߏߡߊ ߟߎ߬ ߡߊ߫ ߛߋ߫ ߛߌߟߊ ߛߐ߬ߘߐ߲߬ ߠߊ߫ ߞߊ߬ ߥߊ߫ ߟߊ߬ߞߊ߲߬ߘߊ߬ߟߌ ߞߍ߫ ߘߎ߰ߘߋ߲ ߠߎ߬ ߦߋ߫ ߞߊߟߌߦߊ߫ ߓߟߏߡߊ߬߸ ߡߞߊ߬ߛߌ߬ߟߌ߬ ߞߊ߲ ߠߎ߬ ߦߋ߫ ߡߍ߲ ߘߌ߫߸ ߞߏ߫ ߢߍߡߐ߮ ߟߎ߬ ߡߊ߫ ߜߟߍ߬ߦߊ ߣߌ߲߬ ߢߍߕߍ߰.
