ߞߊ߲ߞߊ߲߫ ߓߎߛߎ߬ߙߊ߲߬ ߞߌ߲߬ߘߊ ߟߋ߬ ߣߐ߬ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߛߌ߲߬ߝߏ߲ ߠߎ߬ ߡߊߞߟߌ߫ ߟߊ߫ ߞߎߣߎ߲߬ ߞߊ߯ߙߌ ߂߀߂߅ ߕߎߟߊߝߌ߲ ߕߟߋ߬ ߁߄ ߡߊ߬ ߢߌ߲߬ ߡߊ߬ ߓߎߛߎ߬ߙߊ߲߬ ߛߏ ߞߣߐ߫.
ߡߐ߰ߓߊ߬ ߞߟߊߒߞߋ ߛߘߍߡߊ߲߫ ߠߋ߬ ߞߊ߬ ߞߟߌߟߌ߫ ߣߌ߲߬ ߖߋ߬ߓߌ߬ ߸
ߓߎߛߎ߬ߙߊ߲߬ ߞߌ߲߬ߘߊ ߛߌ߰ߓߊ߮ ߟߎ߬ ߓߍ߯ ߟߋ߬ ߓߐ߫ ߘߊ߫ ߞߊ߬ ߟߏ߲ߟߊ߲ ߠߎ߬ ߠߎ߬ ߟߊߛߣߍ߫ ߛߍߥߊ߫ ߣߌ߫ ߢߊ߰ߘߐ߬ߘߌߦߊ ߟߊ߫.
ߟߊ߲߬ߝߌ߬ߦߊ߫ ߖߊ߰ߣߍ߫ ߡߍ߲ ߦߋ߫ ߓߎߛߎ߬ߙߊ߲߬ ߛߌ߰ߓߊ߮ ߘߏ߫ ߣߌ߫ ߛߌ߲߬ߝߏ߲߬ߧߊ߬ߟߌ߬ߟߊ ߘߌ߫ ߸ߏ߬ ߛߐ߰ ߘߊ߫ ߣߊ߬ߓߊ߮ ߟߎ߬ ߢߣߊߓߊ߯ߦߊߟߌ ߟߋ߬ ߡߊ߬ ߸ ߏ߬ ߡߐ߱ ߘߏ߫ ߟߎ߫ ߝߟߍ߫ ߣߌ߲߬ :
ߛߟߊߕߌ߯ ߡߊ߬ߡߊߘߌ߫ ߛߎ߬ߥߊ߬ߙߋ ߸ߞߏ߲߬ߓߏ߫ ߞߏߕߍߓߊ߲߫ ߞߡߊ߬ߙߊ߫ ߸ߣߌ߫ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬߸ ߡߊ߲߰ߘߋ߲߫ ߖߋ߬ߟߌ߬ߓߊ ߸ߓߌ߲ߕߎߜߍ߫ ߛߋߞߎ߬ ߞߊ߲ߕߍ߫ ߞߐ߬ߟߐ߲߬ߣߍ߲߬ ߸ߓߐ߬ߟߐ߲߬ߞߊ ߘߋ߲ߓߊߢߌߡߊ߫ ߕߎ߲߬ߞߙߊ߫ ߞߵߏ߬ ߟߊ߫ ߡߊ߬ߞߟߐ߬ ߛߘߍߡߊ߲߫ ߞߊ߲߬ ߡߍ߲ ߠߎ߬ ߞߊ߬ ߞߟߌߟߌ߫ ߣߌ߲߬ ߖߋ߬ߓߌ߬.
ߟߊ߬ߘߍ ߣߌ߲߬ ߞߎ߲߭ ߓߎ߲ߓߎ߲ߣߍ߲߫ ߕߘߍ߬ ߦߋ߫ ߓߘߍ߬ߓߘߍ߬ߟߌ߬ ߕߏ߯ߝߏ ߟߊߞߏ ߟߋ߬ ߡߊ߬ ߸ߛߊ߫ ߞߊ߬ ߖߌ߬ߣߍ߬ߞߊ ߟߎ߬ ߓߍ߯ ߖߊ߬ߕߋ߬ ߊ߬ ߣߌ߫ ߞߏ߫ ߖߌ߬ߣߍ߬ߞߊ ߟߎ߬ ߓߍ߯ ߟߢߊ߫.
ߖߊ߲߬ߖߏ߲ ߣߌ߲߬ ߘߊߡߌ߬ߣߊ߬ ߘߊ߫ ߁߆ ߙߋ߲ ߄߀ ߢߐ߲߰ ߠߋ߬ ߡߊ߬߸ߞߵߊ߬ ߞߎ߲߭ ߘߏ߲߬ ߁߉ ߃߅ ߢߐ߲߰.
ߟߊ߬ߘߍ ߘߟߊߞߊ߬ ߘߊ߫ ߘߎ߬ߥߊ߬ߥߎ߬ ߞߟߊߒߞߋ߫ ߛߘߍߡߊ߲߫ ߠߋ߬ ߟߊ߫ ߛߟߊߕߌ߯ ߓߌ߲ߕߎߜߍ߫ ߛߋߞߎ߬ ߞߊ߲ߕߍ߫ ߞߐ߬ߟߐ߲߬ߣߍ߲߬ߞߊ ߓߟߏ߫.
ߏ߬ ߟߋ ߞߐߝߍ߬ ߛߊ߫ ߸ ߞߊߘߌߦߊߕߎ߬ ߞߋߕߊ߬߸ ߒߞߏ߫ ߞߊ߬ߙߊ߲߬ߕߊ ߛߌ߬ߘߊ߬ߝߊ߫ ߛߊ߰ߣߐ߫ ߞߊ߬ߙߊ߲߬ߘߋ߲ ߣߌ߫ ߛߟߊߕߌ߯ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬ ߘߋ߲ߡߛߏ ߞߊ߬ ߛߞߎ߬ ߢߌߡߊ ߘߏ߫ ߟߊ߫ ߸ߞߊ߬ ߡߐ߱ ߟߎ߬ ߦߟߌߓߌ߬ߟߊ߬ ߞߊ߬ߙߊ߲ ߣߌ߫ ߝߊ߬ߛߏ߬ ߞߊߙߊ߲߫ ߖߍ߬ߘߍ ߕߐ߬ߣߐ ߟߊ߫ ߸ ߏ߬ ߡߍ߲ ߕߎ߬ߡߊ߬ ߕߍ߫ ߕߊ߬ߡߌ߲߬ ߠߊ߫.
ߛߟߊߕߌ߯ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߞߊ߲ߕߌ߯ ߛߙߍߞߍ߫ ߂߲߲ ߞߊ߲ߞߊ߲߫ :
<< ߊ߲ ߣߊ߬ߣߍ߲߫ ߓߎߛߎ߬ߙߊ߲߫ ߛߐ߬ߓߌ߬ߟߊ߬ߞߎ߬ߣߎ߲߬ߠߌ ߠߋ߬ ߟߊ߫ ߸ߝߊ߬ߞߊ߲߬ ߞߏ ߡߊ߬ߘߎ߮ ߘߐ߫ ߸ ߛߌ߯ߦߊ ߓߍ߯ ߟߊߘߍ߬ߣߍ߲ ߝߍ߬ ߸ߊ߬ ߜߋ߲ߜߋ߲߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߟߊ߫ ߛߌߟߊ ߸ߏ߬ ߞߘߐ߫ ߟߋ߬ ߞߏ߫ ߡߐ߱ ߡߍ߲ ߠߎ߬ ߕߍ߫ ߕߎ߬ߓߊ߬ߓߎ߬ ߞߊ߲ ߝߐ߫ ߟߊ߫ ߸ߊ߬ߟߎ߫ ߘߏ߲߬ ߕߴߛߋ߫ ߟߊ߫ ߓߊ߯ߙߊ߫ ߛߌ߫ ߞߍ߫ ߟߴߊ߬ ߘߐ߫ ߝߋߎ߫ ߸ߞߊ߬ ߛߋ߫ ߏ߬ ߟߎ߫ ߣߌ߭ ߡߞߊߘߊ߲߫ ߠߊ߫ ߝߊ߬ ߖߡߊߣߊ ߞߣߐ߫߸ߌ ߘߌ߫ ߘߏ߲߬ ߕߴߛߋ߫ ߏ߬ ߟߎ߫ ߣߌ߭ ߡߞߊߘߊ߲߫ ߠߊ߫ ߝߛߍߞߘߎ߫ ߸ߣߴߊ߬ߟߎ߬ ߕߴߊ߬ ߞߊ߬ߟߊߡߊ߬ ߞߏ߫ ߌ ߦߴߊ߬ߟߎ߬ ߟߊ߫ ߛߍ߬ߘߏ߲߬ ߠߊ߫ ߸ߊ߲ ߠߊ߫ ߣߊ߬ߟߌ ߞߎ߲߭ ߦߴߏ߬ ߟߋ߬ ߘߌ߫ ߓߎߛߎ߬ߙߊ߲߬ ߞߌ߲߬ߘߊ ߟߊ߫ ߸ߞߊ߬ ߛߌߟߊ߲ ߣߌ߫ ߞߛߌ߬ߞߛߊ߫ ߓߐ߫ ߊ߬ߟߎ߬ ߟߊ߫ ߝߋߎ߫ ߸ߓߊߏ߬ ،ߊ߬ ߦߋ߫ ߝߐ߫ ߟߊ߫ ߟߋ߬ ߟߐ߲߬ ߞߏ߫ ߣߴߌ ߡߊ߫ ߕߎ߬ߓߊ߬ߓߎ߬ ߞߊ߲߫ ߟߐ߲߫ ߞߵߌ ߡߊߓߐ߫ ߸ߒ߬ߓߊ߬ ߸ ߊ߲ ߣߊ߬ߣߍ߲߫ ߏ߬ ߟߋ ߘߐ߫ ߞߊ߬ ߏ߬ ߞߏ ߟߊ߲ߞߣߍߡߊ߫ ߊߟߎ߫ ߦߋ߫ ߸ ߞߊ߬ߕߎ߲߰ ߸ߕߎ߬ߓߊ߬ߓߎ߬ ߞߊ߲߬ ߟߐ߲߬ߓߊߟߌ ߟߎ߫ ߟߋ߬ ߞߊ߫ ߛߌߦߊ߫ ߊ߬ ߟߐ߲ߓߊ߮ ߟߎ߬ ߘߌ߫ ߸ߣߴߏ߬ ߟߎ߬ ߛߋ߫ ߘߊ߫ ߞߟߊߓߎ ߕߊ߬ ߟߊ߫ ߞߏ ߘߐ߫ ߸ߊ߬ ߟߊ߫ ߟߊ߬ߢߌߣߌ߲ ߘߌ߫ ߓߐ߫ ߢߟߊ߫. ߓߊ ߸ ߡߐ߱ ߝߊ߲߬ߓߊ ߓߊ߯ ߝߐ߫ ߸ ߏ߬ ߟߋ߬ ߦߋ߫ ߞߍߕߊ ߘߌ߫ ߛߎߏ߯ ߸ ߊ߲ߠߎ߬ ߘߏ߲߬ ߠߊ߫ ߛߍ߬ߘߏ߲ ߓߍ߯ ߟߊ߬ߢߌߣߌ߲ ߦߋ߫ ߓߍ߯ ߟߞߊߢߊ߫ ߟߋ߬ ߘߌ߫ ߝߊ߬ߛߏ ߞߣߐ߫. ߤߊߟߌ߬ ߏ߬ ߟߋ ߞߏߛߐ߲߬ ߡߏ߱ ߟߎ߫ ߦߋ߫ ߝߊ߰ߡߊ߬ ߞߏ ߘߐ߫ ߸ ߊ߬ߟߎ߬ ߘߌߣߊ߬ ߕߎ߬ߓߊ߬ߓߎ߬ ߞߊ߲߬ ߟߐ߲߬ߓߊߟߌ ߟߎ߬ ߕߘߍ߬ ߞߏ߫ ߊ߬ߟߎ߬ ߦߋ߫ ߓߙߊߡߊߖߊ߲ߓߊ߲߫ ߞߍ߫ ߊ߬ߟߎ߬ ߦߋ߫ ߛߴߊ߬ߟߎ߬ ߘߌ߫ ߛߎߘߊ߲߫ ߸ߞߵߊ߬ ߛߐ߬ߘߐ߲߬ ߊ߲ ߦߋ߫ ߡߍ߲ ߠߎ߬ ߛߎߥߊ߲ߘߌ߫ ߟߊ߫ ߏ߬ ߘߌ߫ ߸ߏ߬ ߟߎ߬ ߕߍ߫ ߊ߲ ߞߎ߲߬ߠߊߛߌ߰ ߟߊ߫ ߝߊ߬ߛߏ߬ ߞߊ߲ ߘߐ߫ ߝߏ߫ ߥߊߟߌ߫ ߞߊ߲߫ ߘߐߙߐ߲߫ ߸ߏ߬ ߟߋ߬ ߞߏߛߐ߲߬ ߊ߲ ߣߐ߬ ߊ߲ ߛߋ߲߬ ߠߊ߫ ߓߐ߫ ߟߊ߫ ߞߊ߬ ߣߊ߬ ߛߋ߫ ߓߎߛߎ߬ߙߊ߲߬ ߦߊ߲߬ ߓߌ߬ >>
ߊ߬ ߞߴߊ߬ ߟߊ߫ ߞߎߡߊ ߞߎ߲߭ ߘߏ߲߬ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߛߌ߲߬ߝߏ߲ ߠߎ߬ ߓߍ߯ ߟߊߘߍ߬ߣߍ߲ ߞߟߊߓߎ ߘߏ߲ ߠߋ߬ ߡߊ߬:
<< ߟߊ߬ߟߌ߬ߟߌ ߡߍ߲ ߦߋ߫ ߒ ߓߟߏ߫ ߸ ߏ߬ ߟߴߊ߬ ߦߌ߬ߘߊ߫ ߘߌ߫ ߞߏ߫ ߸ߡߐ߱ ߡߍ߲ ߠߎ߬ ߡߊ߫ ߕߎ߬ߓߊ߬ߓߎ߬ ߞߊ߲߫ ߟߐ߲߫ ߸ ߏ߬ ߟߎ߬ ߕߘߍ߬ ߦߴߊ߬ ߡߙߌ߫ ߟߊ߫ ߞߏߢߊ ߣߌ߲߬ ߡߊ߬ ߸ߓߊ߬ߙߌ߬ ߸ߊ߬ߟߎ߫ ߕߎ߲߬ ߡߴߊ߬ ߟߊߓߐ߫ ߢߊ߫ ߟߐ߲߫ ߠߋ߬. ߞߵߊ߬ ߡߊߛߐ߬ߘߐ߲߬ ߏ߬ ߟߎ߫ ߕߎ߲߬ ߦߴߊ߬ߟߎ߬ ߖߘߍ߬ ߘߐߢߌ߬ߣߌ߲߬ߞߊ߬ ߟߴߊ߬ ߞߏ߫ ߡߊ߬ ߸ߣߴߏ߬ ߟߎ߫ ߕߎ߲߬ ߞߵߊ߬ ߞߎ߲߭ ߟߐ߲߫ ߸ ߏ߬ ߟߎ߫ ߕߘߍ߬ ߘߌ߫ ߛߋ߫ ߞߏ ߘߏ߫ ߞߍ߫ ߟߴߊ߬ߟߎ߫ ߖߘߍ߬ ߦߋ߫ ߸ߏ߬ ߓߟߏߡߊ߬ ߊ߲ ߧߴߊ߬ ߦߌ߬ߘߊ߬ ߟߊ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߛߌ߲߬ߝߏ߲ ߓߍ߯ ߟߊߘߍ߬ߣߍ߲ ߠߊ߫ ߸ߞߏ߫ ߡߐ߱ ߟߎ߬ ߓߌߣߍ߲߫ ߊ߲ ߡߊߞߐ߬ߣߐ߲ ߠߋ߬ ߟߊ߫ ߸ ߊ߲ ߦߋ߫ ߛߋ߲߬ߠߊ߬ߓߐ߬ߟߌ ߞߍ߫ ߞߊ߬ ߛߋ߫ ߡߐ߱ ߟߎ߬ ߦߟߌߓߌ߬ߟߊ߬ ߟߊ߫ ߛߐ߲߬ ߛߴߊ߲ ߠߊ߫ ߟߊ߬ߢߌߣߌ߲߫ ߘߌ߫ ߓߐ߫ ߢߟߊ߫ >>
ߛߟߊߕߌ߯ ߡߊ߬ߡߎߘߎ߬ ߞߏߕߍߓߊ߲߫ ߞߡߊ߬ߙߊ߫ ߝߣߊ߫ ߞߵߊ߬ ߦߌ߬ߘߴߊ߬ ߟߊ߫ ߛߙߊ߬ߣߎ߲ ߘߏ߫ ߞߏ߫ :
ߕߎ߬ߡߊ߬ ߛߘߍߡߊ߲߫ ߞߎߡߊ ߦߋ߫ ߓߏ߬ߙߌ߬ ߟߊ߫ ߝߊ߬ߙߊ߲߬ߛߌ߬ ߞߊ߲߬ ߝߐ߬ߟߊ ߟߎ߫ ߟߋ߬ ߞߊ߲߬ ߞߏ߫߸ ߏ߬ ߟߎ߫ ߟߋ߬ ߣߐ߬ ߛߏ ߖߊ߲߬ߝߊ߬ ߟߊ߫ ߸ߞߵߊ߬ ߕߘߍ߬ ߊ߬ߙߊ߬ߓߎ߬ ߞߊ߲߬ ߞߊ߬ߙߊ߲߬ߠߊ ߟߎ߬ ߟߊ߫ ߕߌߢߍߟߌ ߣߐ ߞߊ߫ ߓߏ߲߬ ߝߊ߬ߙߊ߲߬ߛߌ߬ ߞߊ߲߬ ߞߊ߬ߙߊ߲߬ߠߊ ߟߎ߬ ߕߊ߫ ߘߌ߫ ߸ߓߊߏ߬ ߸ ߊ߲ ߓߘߊ߫ ߞߏ߫ ߣߊ߯ߣߌ߲߫ (߄) ߠߋ߬ ߓߊ߬ߛߊ߲߬ ߡߍ߲ ߠߎ߬ ߕߍ߫ ߞߋߟߋ߲߫ ߘߌ߫ ߝߋߎ߫ : ߞߊ߬ߙߊ߲ ߸ߞߏߟߐ߲߸ ߝߋ߲߫ ߟߐ߲߫ ߊ߬ ߣߌ߫ ߟߐ߲ߞߏߕߌ߮߸ ߏ߬ ߟߎ߫ ߘߏ߲߬ ߛߌ߫ ߕߍ߫ ߞߋߟߋ߲߫ ߘߌ߫.
ߣߴߏ߬ ߕߍ߫ ߊ߲ ߧߋ߫ ߞߊߡߊ߲ ߘߐ߫ ߕߋ߲߬ ߣߴߊ߬ ߦߋ߫ ߓߘߍ߬ߓߘߍ߬ߟߌ ߘߌ߫ ߸ ߓߍ߯ ߦߴߊ߬ ߞߍ߫ ߟߊ߫ ߸ߓߊ ،ߡߐ߰ ߛߌ߫ ߕߍ߫ ߛߴߊ߬ ߡߏ߬ߛߏ ߣߴߊ߬ ߘߋ߲ ߠߎ߬ ߡߙߊ߬ ߟߊ߫ ߣߴߌ ߡߴߊ߬ ߓߘߍ߬ߓߘߍ߬.
ߝߟߐ߫ ߓߘߍ߬ߓߘߍ߬ߟߌ ߣߴߊ߲ ߕߊ߫ ߕߋ߬ߟߋ߫ ߣߌ߲߬ ߕߍ߫ ߞߋߟߋ߲߫ ߘߌ߫ ߸ߏ߬ ߘߐ߫ ߣߴߌ ߒߞߏ߫ ߡߐ߮ ߟߎ߬ ߝߣߊ߫ ߓߘߊ߫ ߥߟߌ߬ ߞߊ߬ ߓߘߍ߬ߓߘߍ߬ߟߌ߬ ߕߏ߯ߝߏ ߘߏ߫ ߛߌ߰ ߛߋ߲߬ߞߊ߲߬ ߸ ߊ߲ ߟߊߣߴߊ߬ ߟߊ߫ ߞߏ߫ ߏ߬ ߟߎ߬ ߥߊߕߐ߫ ߊ߬ ߞߍ߫ ߟߴߊ߲ ߓߋ߲ߓߊ߫ ߕߊ߬ߡߌ߲߬ߣߍ߲ ߠߎ߬ ߕߊ߫ ߞߍߢߊ ߟߋ߬ ߡߊ߬ ߕߘߋ߫ ߸ߣߴߏ߬ ߕߍ߫ ߣߴߊ߲ ߊ߬ߟߎ߬ ߦߴߊ߬ ߞߍ߫ ߟߊ߫ ߘߏ ߏ߬ ߟߎ߬ ߕߊ߫ ߞߍߢߊ߫ ߡߊ߬ ߟߏ߲߫ ߛߌ߫ ߘߐ߫ ߸ ߊ߲ ߘߴߊߝߐ߫ ߞߏ߫ ߊ߬ߟߎ߬ ߝߣߊ߫ ߓߘߊ߫ ߝߊ߬ߛߏ ߖߊ߲߬ߝߊ߬>>
ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ :<< ߞߊ߬ߙߊ߲ ߸ߞߏߟߐ߲߸ ߝߋ߲߫ ߟߐ߲߫ ߊ߬ ߣߌ߫ ߟߐ߲ߞߏߕߌ߮ ߏ߬ ߓߍ߯ ߘߐ߫ ߸ ߞߊ߬ߙߊ߲߬ߠߊ ߟߋ߬ ߡߐ߬ߟߐ߲ ߘߐ߰ߡߊ߲߫ ߊ߬ ߓߍ߯ ߘߌ߫ ߸ߞߊ߰ߕߎ߲߰ ߏ߬ ߟߎ߬ ߦߋ߫ ߛߓߍ߫ ߘߐ߫ ߞߊߙߊ߲ ߠߋ߬ ߘߐߙߐ߲߫ ߠߊ߫ ߸ߊ߬ߟߎ߬ ߡߊ߫ ߟߐ߲ߠߌ߲ ߞߍ߫ ߸ߊ߲ߠߎ߬ ߘߏ߲߬ ߣߐ߬ ߡߐ߱ ߞߊ߬ߙߊ߲߬ߣߍ߲ ߠߎ߬ ߟߋ߬ ߓߌ߬ߟߊ߬ ߟߊ߫ ߢߍߝߍ߬ ߞߊ߬ ߟߐ߲ߠߌ߲ߠߊ ߕߏ߫ ߞߐߝߍ߬߸ߏ߬ ߟߋ߬ ߓߍ߯ ߛߍ߱ ߦߴߊ߲ ߞߊ߲߬ ߸ߊ߬ ߣߌ߫ ߝߣߊ߫ ߞߵߊ߬ ߕߊ߬ ߒߞߏ ߣߊ߬ ߘߊ߫ ߤߊ߲߯ ߕߋ߲߬ ߊ߬ ߕߎ߲߬ ߦߋ߫ ߛߌߟߊ߫ ߞߋߟߋ߲߫ ߔߋ߫ ߟߋ߬ ߞߊ߲߬ ߣߊߟߌ߬ߡߎ߲߫ ߣߊ߯ߡߎ߲߫ ߸ߞߵߊ߬ ߛߐ߬ߘߐ߲߬ ߣߊ߯ߡߎ߲߫ ߡߊ߫ ߖߡߊ߬ߣߊ߬ ߛߌ߫ ߟߐ߬ ߝߟߐ߫ ߸ ߏ߬ ߘߐ߫ ߡߍ߲ ߘߌ߫ ߛߋ߫ ߖߡߊ߬ߣߊ ߟߐ߬ ߟߊ߫ ߸ ߏ߬ ߟߋ߬ ߓߊ߯ߙߊ ߘߌ߫ ߸ ߊ߬ ߣߌ߫ ߖߡߊ߬ߣߊ߬ߘߋ߲ ߠߎ߬ ߦߋ߫ ߝߋ߲ ߘߏ߫ ߦߟߍ߬ߡߊ߲߬ ߠߊ߫ ߝߋ߲߫ ߜߘߍ߫ ߘߌ߫ >>
ߞߙߊ߰ߡߐ߯ ߡߊ߬ߡߊ߬ߘߌ߬ ߛߎ߬ߥߊ߬ߙߋ ߝߣߊ߫ ߞߵߊ߬ ߡߙߌߦߊ߫ ߛߊߣߌ߲ ߦߌ߬ߘߊ߫ ߓߛߎߙߊ߲ߞߊ ߟߎ߬ ߟߊ߫ ߞߣߍ ߞߊ߲߬ ߕߊ߲߬ ߘߐ߫ :
<< ߊ߲ ߧߋ߫ ߓߛߎߙߊ߲ߞߊ ߟߎ߬ ߝߏ߬ ߟߊ߫ ߞߵߊ߬ߟߎ߬ ߞߏߢߌߡߊߟߐ߲ ߝߣߊ߫ ߸ߊ߲ ߛߙߋߦߊߣߍ߲ ߞߵߊ߬ ߛߊߓߎ߫ ߞߍ߫ ߓߊ߯ߙߊ ߞߍߢߊ߫ ߘߌ߫ ߸ߟߊ߬ߘߍ߬ ߛߌ߫ ߕߍ߫ ߟߊ߫ ߝߘߊ߬ߝߌ߲߬ߠߊ߫ ߣߌ߫ ߖߌ߬ߣߍ߬ ߞߣߐ߫ ߕߋ߲߬ ߸ߡߍ߲ ߤߙߍ ߞߊ߫ ߓߏ߲߬ ߒߞߏ߫ ߞߏ ߘߌ߫ ߸ߞߊ߬ߕߎ߲߰ ߸ߘߎߢߊ߫ ߓߍ߯ ߓߍ߲߬ߣߴߊ߬ ߡߊ߬ ߞߏ߫ ߡߐ߱ ߡߍ߲ ߞߊ߬ ߟߐ߲ߠߌ߲ ߞߍ߫ ߞߴߏ߬ ߟߋ߬ ߞߊ߫ ߝߌ߬ߛߊ߬ ߓߍ߯ ߘߌ߫ ߸ߟߐ߲ߠߌ߲ ߏ߬ ߟߎ߫ ߓߍ߯ ߘߏ߲߬ ߠߊ߫ ߝߌ߬ߛߊ߬ߡߊ߲߬ߒߕߋ ߏ߬ ߟߋ߬ ߝߊ߬ߞߊ߲ ߘߌ߫. ߞߊ߲ߕߍ߫ ߛߟߏ߬ߡߣߊ߬ ߦߋ߫ ߒߞߏ߫ ߛߓߍߛߎ߲ ߠߊߓߐ߫ ߟߊ߫ ߕߎ߬ߡߊ ߡߍ߲ ߠߊ߫ ߸ߏ߬ ߞߵߊ߬ ߕߘߍ߬ ߡߐ߰ ߛߘߍߡߊ߲߫ ߓߘߊ߫ ߘߏ߫ ߞߍ߫ ߝߊ߬ߙߊ߲߬ߛߌ߬ ߞߊ߲ ߣߌ߫ ߊ߬ߙߊ߬ߓߎ߬ ߞߊ߲ ߘߐ߫ ߸ߓߊ߬ߙߌ߬ ߟߐ߲ߠߌ߲ ߦߋ߫ ߟߊߥߟߌ߬ ߟߊ߫ ߡߍ߲ ߡߊ߬ ߸ ߏ߬ ߕߘߍ߬ ߕߴߦߊ߲߬߸ߛߟߏ߬ߡߣߊ߬ ߞߊ߲ߕߍ߫ ߘߏ߲߬ ߝߣߊ߫ ߞߵߊ߲ ߕߘߍ߬ ߘߓߌ߬ ߞߋߟߋ߲߫ ߔߋ߫ ߏ߬ ߟߋ ߘߐ߫ ߸ ߤߊߟߌ߬ ߓߌ߬ ߕߘߍ߬ ߞߏ߫ ߘߏ߫ ߟߎ߫ ߦߋ߫ ߞߎߡߊ߫ ߏ߬ ߝߛߊ߬ߙߌ߬ ߟߊ߫ ߢߊ߫ ߜ ߡߊ߬ ߸ߏ߬ ߟߋ ߞߏ ߊ߬ ߞߵߊ߬ ߛߓߍ߫ ߊ߬ ߟߊ߫ ߞߊ߬ߝߊ ߘߏ߫ ߞߊ߲߬ ߞߏ߫ »’ߦߋߟߋ߲߫ ߓߘߴߊ߬ ߞߎ߲߬ߓߐ߫ ߣߊߟߌ߬ߡߎ߲߫ ߝߊ߬ߞߊ߲ ߛߓߍߛߎ߲ ߘߌ߫ » »’ߏ߬ ߟߴߊ߬ ߦߌ߬ߘߊ߬ ߟߊ߫ ߞߏ߫ ߊ߲ ߕߎ߲߬ ߦߋ߫ ߘߌ߬ߓߌ ߟߋ߬ ߘߐ߫ ߸ ߓߊ߸ߌ ߓߊ߯ ߞߊ߬ߙߊ߲߬ ߢߊ߫ ߛߌ߫ ߡߊ߬ ߸ ߣߴߌ ߡߴߌ ߖߘߍ߬ ߟߐ߲߫ ߸ ߌ ߦߋ߫ ߘߌ߬ߓߌ ߟߋ߬ ߘߐ߫ ߸ߤߊߟߌ߬ ߏ߬ ߟߋ ߞߏߛߐ߲߬ ߘߏ߫ ߟߎ߫ ߖߍ߬ߘߍ ߡߴߊ߬ߟߎ߫ ߖߍ߬ߘߍ ߕߐ߯ ߞߘߐ߫ ߟߐ߲߫>>
ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬ ߸ߊ߬ ߞߵߊ߬ ߞߎߡߊ ߞߎ߲߭ ߘߏ߲߬ ߕߌ߲ߞߌ ߣߌ߫ ߞߎߟߎ߲ߖߋߟߌ ߟߋ߬ ߟߊ߫ :
<
ߟߊ߲߬ߝߌ߬ߦߊ߫ ߖߊ߰ߣߍ߫ ߓߎߛߎ߬ߙߊ߲߬ ߛߌ߰ߓߊ߮ ߣߌ߫ ߛߌ߲߬ߝߏ߲߬ߧߊ߬ߟߌ߬ߟߊ ߞߵߊ߬ ߡߙߌߦߊ߫ ߘߏ߫ ߘߌ߫ ߖߊ߬ߡߊ ߡߊߞߟߌ߫ ߞߎ߲߭ ߡߊ߬ ߕߊ߲߬ ߘߐ߫ :
<< ߊ߲ ߠߊ߫ ߟߊ߬ߘߍ ߣߌ߲߬ ߞߎ߲߭ ߦߋ߫ ߡߍ߲ ߘߌ߫ ߸ߏ߬ ߟߋ߬ ߖߌ߬ߣߍ߬ߞߊ ߟߎ߬ ߓߍ߯ ߦߴߊ߬ߟߎ߬ ߓߟߏ߫ ߘߌ߫ ߢߐ߲߮ ߡߊ߬ ߸ ߊ߬ ߣߌ߫ ߒߞߏ߫ ߞߊߙߊ߲ߠߊ ߓߊ߯ ߞߍ߫ ߘߌ߲߬ߞߌ߬ߙߊ߬ ߛߌ߫ ߘߐ߫ ߌ ߘߌ߲߬ߞߌߙߊ ߦߋ߫ ߛߋ߫ ߟߐ߲߫ ߠߊ߫ ߸ߞߵߊ߲ ߠߊ߫ ߟߐ߲ߠߌ߲߫ ߝߙߊ߬ ߢߐ߲߮ ߞߊ߲߬ ߸ ߛߣߍ߬ߞߍ߬ߟߊ ߣߌ߫ ߟߌߓߐߟߊ ߣߌ߫ ߛߓߍߟߐ߲ߠߊ ߓߍ߯ ߦߴߊ߬ ߕߊ߫ ߟߐ߲ߠߌ߲ߠߊ ߟߋ߬ ߘߌ߫ ߸ߏ߬ ߘߐ߫ ߣߴߊ߲ ߞߵߊ߲ ߓߟߏ߫ ߘߌ߫ ߢߐ߲߮ ߡߊ߬ ߏ߬ ߟߋ߬ ߞߊ߫ ߢߌ߲߬ ߸ ߤߊߟߌ߬ ߟߵߌ ߓߊ߯ ߓߟߐߟߐ߫ ߛߓߊ߬ߕߌ߬ߣߍ߲ ߦߋ߫ ߕߋ߲߬ ߓߍ߲߭ ߠߋ߬ ߞߵߊ߬ ߞߍ߫߸ ߞߊ߬ߕߎ߲߰ ߖߡߊ߬ߣߊ ߕߍߣߊ߬ ߛߓߊ߬ߕߌ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߖߍ߬ߘߍ ߞߐ߫ ߝߛߍߞߘߎ߫߸ߓߊߏ߬ ߝߊ߬ߞߊ߲߬ ߞߊ߬ߙߊ߲߬ߓߊߟߌ ߟߎ߬ ߟߊ߫ ߞߊ߬ߙߊ߲ ߦߋ߫ ߓߏߓߏ ߟߊ߫ ߛߌ߬ߓߏ ߟߋ߬ ߘߌ߫ ߡߍ߲ ߕߴߛߋ߫ ߢߊߝߐ߫ ߟߊ߫ >>
ߊ߬ ߞߊ߬ ߣߊ߬ߓߊ߰ߕߐ ߟߎ߬ ߞߎߟߎ߲ߖߋ߫ ߣߊ߬ߟߌ ߟߊ߫ ߞߣߍ߫ ߞߊ߲߬ ߸ߞߊ߬ ߛߌ߬ߢߐ߲߰ߡߊ ߝߣߊ߫ ߝߏ߬ ߊ߬ߟߎ߬ ߟߊ߫ ߥߊ߬ߣߌ߲߬ߞߋ߬ ߢߌ߬ߡߊ߬ߦߊ ߣߌ߫ ߘߐ߬ߖߊ ߟߎ߬ ߟߊ߫ ߸ߞߊ߬ ߘߋ߲ߡߌߛߍ߲ ߠߎ߬ ߝߣߊ߫ ߝߏ߬ ߞߏߛߓߍ߫.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫
