ߊߟߑߞߊߦߌߘߊ ߓߏߟߏ߲ߝߘߊ ߡߍ߲ ߕߐ߯ ߞߏ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߘߍ߬ߡߍ߲߬ ߕߐ߲߸ ߏ߬ ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߡߙߊ߬ߒ߬ߡߊ߬ߟߌ ߡߍ߲ ߞߍ߫ ߘߊ߫ ߞߎ߲߬ߢߐ߲߰ߟߊ߬ߖߌ߮ ߣߌ߲߬ ߞߣߐ߫߸ ߣߌ߫ ߝߊ߯ߞߊ߲ߓߋ߲ ߘߏ߫ ߟߎ߫ ߓߕߐ߫ ߕߍ߬ߘߍ߫ ߛߣߍ߬ߜ߭ߊߟߌ߫ ߞߊ߬ ߣߊ߬ ߓߡߊ߬ߞߐ߫߸ ߞߏ߫ ߊ߬ߟߎ ߟߋ߬ ߣߐ߬ ߏ߬ ߘߌ߫، ߞߊ߬ߕߎ߲߯߸ ߞߎߣߎ߲߬ ߞߊ߯ߙߌߟߏ߲ ߂߀߂߅ ߕߎߟߊߝߌ߲ ߕߟߋ߬ ߁߄߸ ߞߊ߲ߓߋ߲߫ ߈߀ ߠߋ߬ ߛߎߡߊ߲߫ ߘߊ߫ ߓߊ߰ߓߊ߰ߟߌ߬ߟߊ߫ ߜߘߋߜߘߋߦߟߊ ߢߌ߲߬ ߠߎ߬ ߓߟߏ߫ ߞߊߢߋߙߊ߫ ߣߌ߫ ߟߞߊߡߊߣߋ߫ ߕߍߟߊ ߘߐ߫߸ ߞߊ߬ߦߋ߫ ߕߌ߲߬ߞߎߘߎ߲ ߘߐ߫، ߞߵߊ߬ ߛߐ߬ߘߐ߲߬ ߜߎ߸ ߣߊ߲߬ߕߌ߮ ߟߎ߫ ߟߋ߬ ߕߘߍ߬ ߞߊ߲ߓߋ߲ ߢߌ߲߬ ߠߎ߬ ߡߊߟߐ߬ߓߊ߮ ߟߎ߬ ߘߌ߫ ߞߊ߬ߣߌ߲߬، ߏ߬ ߘߏ߲߬ ߢߐ߲߰ ߜߘߍ߫ ߝߣߊ߫ ߕߎ߲߬ ߓߘߊ߫ ߞߍ߫ ߖߋߖߋߣߌ߫ ߣߌ߫ ߞߟߏߞߊߣߌ߫ ߕߍߟߊ ߘߐ߫ ߞߊ߯ߙߌߟߏ߲ ߘߎ߰ߛߊ߬ߝߌ߲ ߡߊ߬.
ߣߊ߲߬ߒ߬ߕߊ߲ ߘߏ߫ ߟߎ߫ ߣߌ߫ ߟߊ߬ߞߊ߲߬ߘߊ߬ߟߌ߬ߟߊ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߞߏ߫ ߞߊ߲ߓߋ߲߫ ߡߎ߬ߥߊ߲߬ ߣߌ߫ ߞߐ߫ ߟߋ߬ ߖߋ߬ߣߌ߲߬ ߘߊ߫߸ ߡߍ߲ ߠߎ߬ ߘߐߞߍߣߍ߲߫ ߕߍ߬ߘߍ߫ ߖߋ߬ߣߌ߲߬ߕߊ ߟߎ߬ ߟߊ߫، ߓߊ߰ߓߊ߰ߟߌ߬ ߞߙߎ ߢߌ߲߬ ߠߎ߫ ߞߵߊ߬ ߖߌ߬ߦߊ ߟߎ߬ ߟߊߖߍ߲ߛߍ߲߫߸ ߖߌ߬ߦߊ ߏ߬ ߟߎ߬ ߘߐ߫߸ ߌ ߘߌ߫ ߞߊ߲ߓߋ߲ ߏ߬ ߟߎ߬ ߦߋ߫߸ ߕߊ ߦߴߊ߬ߟߎ߬ ߟߊ߫، ߡߊ߬ߟߌ ߣߊ߲߬ߕߌ߮ ߟߎ߬ ߟߊ߫ ߓߐߟߌ ߣߴߊ߬ ߕߊ߫߸ ߊ߬ߟߎ߬ ߡߊ߫ ߛߋ߫ ߢߌ߲߬ ߠߎ߫ ߓߊ߬ߟߌ߬ ߟߊ߫ ߕߌߢߍߟߌ ߣߌ߲߬ ߡߊ߬߸ ߝߊߦߌߘߊ߫߸ ߞߊ߲ߓߋ߲ ߘߏ߫ ߟߎ߫ ߕߏ߫ ߘߴߊ߬ߟߎ߬ ߞߐ߫ ߟߋ߬، ߓߐߛߎ߲ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߡߐ߰ ߛߌߦߊߡߊ߲߫ ߝߊ߰ ߘߊ߫ ߣߌ߲߬ ߞߏ ߘߐ߫߸ ߞߊ߬ ߕߍ߮ ߞߍ߫ ߘߏ߫ ߟߎ߫ ߘߐ߫، ߓߊ߬ߙߌ߬߸ ߞߎ߲߬ߠߊ߬ߛߌ߮ ߡߊ߫ ߝߋ߲߫ ߝߐ߫ ߊ߬ ߞߏߢߊ ߞߊ߲߬ ߡߎߣߎ߲߬.
ߘߟߊߛߌ߯ߟߌ ߘߊߡߌ߬ߣߊ߬ ߘߊ߫ ߓߊ߰ߓߊ߰ߟߌ߬ߟߊ ߢߌ߲߬ ߠߎ߬ ߓߟߏ߫ ߞߊ߬ߦߌ߯ ߕߎߟߊߝߌ߲ ߕߋ߬ߟߋ߫ ߃ ߟߋ߬ ߡߊ߬ ߞߊ߬ߦߋ߫ ߕߌ߲߬ߞߎߘߎ߲ ߘߐ߫، ߊ߬ߟߋ߬ ߓߊ߰ߓߊ߰ߟߌ߬ ߞߙߎ ߣߌ߲߬ ߞߊ߬ ߟߊ߬ߛߋ߬ߟߌ ߘߏ߫ ߞߍ߫ ߞߊ߯ߙߌߟߏ߲߸ ߜߘߋߜߘߋߦߟߊ ߢߌ߲߬ ߠߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߞߍߕߐ߫ ߟߋ߬ ߘߊ߲߭ߛߌ߰ ߟߊ߫ ߖߋ߬ߣߌ߲߬ߕߊ߬ ߡߊ߬ߘߏ߬ߣߌ߲ ߠߊ߫ ߣߌ߲߬ ߞߊ߬ ߘߏ߲߬ ߓߡߊ߬ߞߐ߬߸ ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߣߊ߲߬ߕߌ߮ ߟߎ߬ ߓߊ߯ ߓߌ߬ߟߊ߫ ߕߐ߲߬ߕߐ߲ ߡߍ߲ ߣߐ߭ߝߍ߬ ߖߐ߫߸ ߊ߬ߟߎ߬ ߞߍߕߐ߫ ߏ߬ ߟߎ߫ ߟߋ߬ ߛߎߡߊ߲߫ ߠߊ߫ ߖߐ߲ߖߐ߲߫.
ߗߍߒߞߊ߲ߠߌ߲ ߢߌ߲߬ ߠߎ߬ ߞߏߛߐ߲߬߸ ߡߊ߬ߟߌ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߝߏ߫ ߊ߬ߟߎ߬ ߦߋ߫ <<ߞߊߘߊ߲߫ ߞߍ߫ ߟߋ߬ ߣߌ߲߬ ߞߏ ߘߐ߫ ߞߏߛߓߍ߫>> ߞߊ߬ ߦߙߍߞߍߟߌ ߘߏ߫ ߟߎ߫ ߛߌ߰ ߛߋ߲߬ߠߊ߫ ߛߊ߲ߝߍ߬ ߞߊ߬ߦߋ߬ ߣߌ߫ ߢߐ߯ߙߐ߫ ߟߎ߫ ߘߐ߫، ߊ߬ߟߎ߫ ߞߵߊ߬ ߦߌ߬ߘߊ߫ ߖߍ߬ߘߍ߸ ߞߏ߫ ߊ߬ߟߎ߬ ߓߘߊ߫ ߛߋ߫ ߓߊ߰ߓߊ߰ߟߌ߬ߟߊ߬ ߛߌߦߊߡߊ߲߫ ߝߊ߰ ߟߊ߫ ߦߙߍߞߍߟߌ ߏ߬ ߟߎ߬ ߘߐ߫، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߘߟߊߛߌ߯ߟߌ߫ ߞߏ߫ ߞߎߡߊ ߡߍ߲ ߦߴߌߘߐ߫߸ ߏ߬ ߦߋ߫ ߝߣߊ߬ߦߊ߬ ߞߊ߲ ߠߋ߬ ߘߐߙߐ߲߫ ߘߌ߫، ߓߊߏ߬߸ ߊ߬ߟߎ ߞߊ߬ ߡߍ߲ ߟߐ߲߫߸ <<ߖߎ߮ ߟߎ߬ ߟߊ߫ ߥߎ߬ߛߎ߲߬ߓߊ߬ߟߌ߬ ߟߊ߬ߓߊ߲ ߣߌ߫ ߡߊ߲߬ߞߊ߲߬ߕߋ ߟߋ߬.>>
ߣߌ߲߬ ߓߍ߯ ߞߐ߫߸ ߖߡߊ߬ߣߊ ߕߊ߲ߓߊ߲ ߘߐ߫߸ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߘߍ߬ߡߍ߲߬ ߕߐ߲ ߞߵߊ߬ ߦߌ߬ߘߊ߬ ߞߊ߯ߙߌߟߏ߲߸ ߞߏ߫ ߊ߬ߟߎ߬ ߓߘߊ߫ ߞߏߣߊ߫ ߘߊ߮ ߞߍ߫ ߊ߬ߟߎ߬ ߕߊ ߘߌ߫߸ ߡߐߔߑߕߌ߬ ߕߌ߲߬ߞߎߘߎ߲ ߘߐ߫߸ ߊ߬ ߖߍ߬ߘߍ ߞߏ߫ ߊ߬ߟߎ߬ ߓߘߊ߫ ߘߟߊߛߌ߯ߟߌ ߘߏ߫ ߞߍ߫ ߊ߬ߟߎ߬ ߟߊ߫ ߟߐ߯ߝߍ ߘߐ߫. ߞߐ߬ߓߊ߬ߟߏ߲ ߣߌ߲߬ ߡߊ߬߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߛߋ߫ ߣߊ߲߬ߕߌ߮ ߟߎ߬ ߡߊߞߍ߫ ߦߌߟߊ ߘߏ߫ ߡߊ߬ ߖߣߍ߬߸ ߊ߬ߟߋ߫ ߕߌ߲߬ߞߎߘߎ߲߬ ߞߋߟߋ߲ ߘߐ߫ ߦߋ߲߬، ߓߊ߬ߙߌ߬ ߤߊ߲߯ ߕߋ߲߬߸ ߞߎ߲߬ߠߊ߬ߛߌ߮ ߡߊ߫ ߝߋ߲߫ ߝߐ߫ ߊ߬ ߕߎ߬ߢߊ߬ߦߊ ߣߴߊ߬ ߥߎߦߊߦߊ ߞߊ߲߬ ߝߟߐ߫.
ߛߌߕߊ߲߬ ߞߊ߬ߓߊ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
