ߛߛߞ ߓߏߟߏ߲ߝߘߊ ߦߴߊ߬ ߞߊ߲߬ ߞߊ߬ ߢߝߍߟߊ ߛߐ߬ߘߐ߲߬ ߊ߬ ߟߊ߫ ߜߛߐ߫ ߟߊߛߌ߮ ߘߌ߫ ߞߊ߬ߦߋ߬ ߣߌ߫ ߢߐ߯ߙߐ߫߸ ߛߊߤߍߟ ߡߊ߬ߙߊ ߘߐ߫، ߓߊ߰ߓߊ߰ߟߌ߬ߟߊ ߡߍ߲߬ ߠߎ߫ ߞߊ߬ ߕߊߖߌ߫ ߡߊߘߏ߲ߠߌ߲߫ ߞߐ߲ߛߏ߫ ߟߎ߫ ߜߘߍ߫ ߟߋ߬ ߖߋ߬ߣߌ߲߬ ߞߊ߬ߦߋ߫ ߛߌߟߊ ߞߊ߲߬߸ ߊ߬ߟߎ߫ ߞߊ߬ ߓߋ߬ߒ߬ߞߊ߲߬ߠߌ߲ ߢߌ߲߬ ߠߎ߫ ߞߍ߫߸ ߞߵߊ߬ ߛߐ߬ߘߐ߲߬ ߞߐ߲߬ߛߏ߫ ߡߍ߲߬ ߠߎ߫ ߕߘߍ߬ ߦߋ߫ ߣߊ߲߬ߕߌ߮ ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ ߟߋ߬ ߞߣߐ߫.
ߊ߬ ߞߏ߬ߣߌ߲ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߫ ߞߏ߫ ߞߎ߲߬ߠߊ߬ߛߌ߮ ߟߎ߬ ߓߘߊ߫ ߟߊߓߐ߫ ߓߋ߬ߒ߬ߞߊ߲߬ߠߌ߲ ߞߊ߬ߟߊߡߊ߬߸ ߓߊ߬ߙߌ߫߸ ߊ߬ߟߎ߬ ߡߊ߫ ߘߊ߲߬ߕߍ߰ߟߌ߬ ߞߙߍߞߙߍߣߍ߲߫ ߞߍ߫ ߊ߬ ߞߊ߲߬ ߝߟߐ߫߸ ߛߙߋ ߘߏ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ߟߋ߬ ߡߐ߱ ߟߎ߬ ߞߊ߬ ߞߐ߲߬ߛߏ ߟߎ߬ ߛߊ߯ ߘߊ߫ ߔߏߔߏ ߟߋ߬ ߟߊ߫߸ ߞߊ߬ ߞߐ߲߬ߛߏ ߘߏ߫ ߟߎ߫ ߖߋ߬ߣߌ߲߫ ߊ߬ ߣߌ߫ ߞߊ߬ ߥߏ߭ ߓߐ߫ ߘߏ߫ ߟߎ߫ ߟߊ߫، ߛߙߋ ߘߏ߫ ߟߊ߫ ߝߐߟߌ߫ ߘߐ߫.
ߓߋ߬ߒ߬ߞߊ߲߬ߠߌ߲ ߣߌ߲߬ ߞߍ߫ ߘߊ߫ ߛߊ߲ߘߊߙߋ߫ ߟߋ߬߸ ߢߐ߯ߙߐ߫ ߛߊߤߍߟ ߡߊ߬ߙߊ ߞߣߐ߫، ߊ߬ ߘߏ߲߬ ߞߐ߲߬ߛߏ߬ ߛߌߦߊߡߊ߲߫ ߠߋ߬ ߕߘߍ߬ ߦߋ߫ ߢߐ߲߮ ߞߐ߫߸ ߡߍ߲ ߠߎ߬ ߕߘߍ߬ ߦߋ߫ ߣߊ߲߬ߕߌ߮ ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ ߞߣߐ߫ ߞߊ߬ߣߌ߲߬؛ ߞߐ߲߬ߛߏ ߏ߬ ߟߎ߫ ߓߐ߫ ߘߊ߫ ߛߣߍ߬ߜ߭ߊߟߌ߫ ߟߋ߬ ߞߵߊ߬ߟߎ߫ ߞߎ߲߬ ߟߊ߫ ߞߊ߬ߦߋ߫ ߞߊ߲߬ ߛߌ߬ߣߌ߲߬ߟߏ߲ ߡߊ߬، ߏ߬ ߞߐ߫ ߞߵߊ߬ߟߎ߫ ߞߎ߲߬ ߟߊ߫ ߛߊ߲ߘߊߙߋ߫ ߞߊ߲߬.
ߒ߬ߓߊ߬߸ ߏ߬ ߟߋ߬ ߣߌ߫ ߓߡߊ߬ߞߐ߬ ߕߍ ߘߐ߫ ߛߊ߫߸ ߓߋ߬ߒ߬ߞߊ߲߬ߠߌ߲ ߣߌ߲߬ ߞߍ߫ ߘߊ߫، ߡߊ߬ߟߌ ߣߊ߲߬ߕߌ߮ ߟߎ߬ ߟߊ߫ ߘߊ߲߬ߕߍ߰ߟߌ߬ ߘߐ߫ ߞߎߣߎ߲߬ ߥߎ߬ߙߊ ߝߍ߬߸ ߞߏ߫ ߓߋ߬ߒ߬ߞߊ߲߬ߠߌ߲ ߓߘߊ߫ ߛߋ߫ ߊ߬ߟߎ߫ ߡߊ߬߸ ߛߋ߲߬ߘߐ߬ߞߎߟߎ߲ ߠߎ߬ ߟߊߞߊ߲ߘߊߟߌ ߓߊ߯ߙߊ ߛߌߟߊ ߝߍ߬߸ ߓߊ߬ߙߌ߫߸ ߢߊ߬ߢߌ߬ߣߌ߲߬ߠߌ߲ ߠߎ߬ ߦߋ߫ ߛߋ߲߬ ߠߊ߫، ߕߌߢߍߟߌߣߐ ߟߎ߬ ߡߊ߫ ߟߊ߫ ߞߣߍ ߞߊ߲߬߸ ߓߊ߬ߙߌ߫߸ ߛߙߋ ߘߏ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߡߐ߱ ߘߏ߫ ߟߎ߫ ߣߌ ߕߏ ߘߊ߫ ߟߋ߬ ߊ߬ ߘߐ߫.
ߞߊ߲ߓߋ߲߫ ߛߊ߬ߓߊ߫ ߟߋ߬ ߝߣߊ߫ ߖߋ߬ߣߌ߲߬ ߘߊ߫ ߞߎߣߎ߲߬ ߦߟߍߓߎߜ߭ߎ߫߸ ߏ߬ ߦߙߐ ߡߍ߲ ߣߌ߫ ߓߡߊ߬ߞߐ߫ ߕߍ ߦߋ߫ ߞߎߘߍ߫ ߅߀ ߘߌ߫، ߊ߬ ߘߏ߲߬߸ ߞߊ߬ߦߌ߯ ߞߊߙߏ ߢߌ߲߬ ߘߊߡߌߣߊ߫ ߟߋ߬ ߟߊ߫߸ ߛߛߞ ߓߏߟߏ߲ߝߘߊ ߞߵߊ߬ ߞߊ߲ߕߏ߫ ߟߋ߬ ߞߏ߫ ߊ߬ ߘߌ߫ ߜߛߐ߫ ߟߊߛߌ߮ ߞߍ߫ ߡߊ߬ߟߌ ߘߌ߲߬ߞߌߙߊ߫ ߘߏ߫ ߟߎ߫ ߘߐ߫߸ ߞߊ߬ߦߋ߫ ߣߌ߫ ߢߐ߯ߙߐ߫، ߊ߬ ߣߌ߫ ߞߊ߬ ߞߊ߲߬ߞߊ߬ߙߌ߬ ߜߍߟߍ߲ ߟߊ߫ ߞߐ߲߬ߛߏ߬ ߓߏ߬ߙߌ߬ߟߊ ߟߎ߬ ߦߋ߫.
ߡߊ߬ߟߌ ߣߊ߲߬ߕߌ߮ ߟߎ߬ ߝߣߊ߫ ߓߘߊ߫ ߜߋ߬ߟߎ߲߬ߠߌ߲ ߘߊߡߌ߬ߣߴߊ߬ߟߎ߫ ߣߐ߭ ߝߍ߬߸ ߊ߬ ߣߌ߫ ߞߊ߬ ߘߏ߫ ߝߊ߬ߙߴߊ߬ߟߎ߫ ߟߐ߬ߛߋ߲ ߞߊ߲߬ ߞߐ߲߬ߛߏ ߟߎ߬ ߟߊߞߊ߲ߘߊߟߌ ߛߌߟߊ ߝߍ߬߸ ߖߐ߲߰ߛߊ߫ ߞߐ߲߬ߛߏ ߟߎ߬ ߘߌ߫ ߛߋ߫ ߓߡߊ߬ߞߐ߬ ߟߊߛߐ߲߬ߘߐ߲߬ ߠߊ߫.
