ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫ ߛߋ߲߬ߠߊ߬ߓߐ߬ߟߌ ߡߍ߲ ߞߊ߲߬ ߘߎ߰ߣߍ߲ ߠߎ߬ ߛߌ߰ߝߊߘߌ ߢߊߢߌߣߌ߲ ߘߐ߫߸ ߊ߲ ߛߋ߫ ߘߊ߫ ߜߙߋߘߎ߯ ߕߊ߬߬ߞߎ߬ߙߊ߬، ߏ߬ ߡߍ߲ ߦߋ߫ ߜߙߋߘߎ߯ ߓߙߊߣߊ߬ߡߊ߫ ߡߙߊ߬ߘߊ߬ߙߋ߲ ߣߐ߬ߘߎ߮ ߘߏ߫ ߘߌ߫ ߞߎߘߍ߫ ߃߀ ߢߐ߲߰ ߠߊ߫߸ ߊ߬ ߣߌ߫ ߞߊ߲ߞߊ߲߫ ߡߙߊ߬ߓߊ߰ߘߊ ߕߍ߫.
ߜߋߙߋ߲ߜߋߙߋ߲ߦߊ ߦߋ߫ ߞߏ ߢߊ߲߬ߞߐ߬ߓߊߟߌ ߟߋ߬ ߘߌ߫ ߡߐ߰ߦߊ ߘߊߞߎ߲ ߘߐ߫ ߸ ߡߍ߲ ߞߊ߫ ߞߊ߲߫ ߞߊ߬ ߖߊ߬ߕߋ߬ ߢߊ߫ ߓߍ߯ ߘߏ߫ ߡߊ߬.
ߘߊ߲ߘߊߟߌߟߊ߫ ߘߊ߲ߥߎߘߊ߫ ߘߎ߲ߓߎߦߊ߬، ߊ߬ߟߋ ߟߋ߬ ߕߊ߬߬ߞߎ߬ߙߊ߬ ߘߊ߲ߘߊߛߏ ߢߍߡߐ߮ ߘߌ߫ ߸ ߏ߬ ߛߋ߫ ߘߊ߫ ߞߵߊ߬ ߡߙߌߦߊ ߘߏ߫ ߘߌ߫ ߘߊ߲ߘߊߛߏ ߟߊ߫ ߞߏߢߊ ߞߊ߲߬ ߕߊ߲߬ߘߐ :
<< ߊ߲ ߘߌ߫ ߊߟߊ߫ ߕߊ߲߬ߘߏ߫ ߕߋ߲߬ ߡߎߣߎ߲߬߸ߓߊ، ߘߊ߲ߘߊߛߏ ߦߴߊ߲ ߓߟߏ߫ ߦߊ߲߬ ߞߵߏ߬ ߟߊ߫ ߘߊ߲ߘߊߟߌߟߊ ߣߌ߫ ߡߎ߬ߙߊ߲ ߘߏ߫ ߟߎ߫ ߞߊ߲߬߸ ߓߊߏ߬ ߊ߲ ߠߊ߫ ߞߎ߲߬ߠߊ߬ߛߌ߮ ߟߎ߬ ߞߊ߬ ߊ߲ ߡߊߜߍ߲߫ ߡߎ߬ߙߊ߲ ߘߏ߫ ߟߎ߫ ߟߊ߫ ߛߊߙߏ߲߬ ߂߀߂߄ ߠߊ߫߸ ߊ߲ ߧߴߏ߬ ߘߏ߫ ߟߎ߫ ߟߊߓߊ߯ߙߊ߫ ߟߊ߫ ߦߊ߲߬ ߝߟߐ߫ >>
ߘߊ߲ߘߊߟߌߟߊ߫ ߘߊ߲ߥߎߘߊ߫ ߘߎ߲߬ߓߎߦߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߤߊ߲߰ ߸ ߓߊ߬ߙߌ߬ ߸ߊ߬ ߛߋ߫ ߘߊ߫ ߞߊ߬ ߘߐ߯ߣߍ߲ ߢߊߝߐ߫ ߘߊ߲ߘߊߛߏ ߟߊ߫ ߢߎߡߍ ߞߏߖߊ ߟߌ߬ߤߟߊ ߞߊ߲߬߸ ߏ߬ ߡߍ߲ ߤߊߡߌ߲߫ ߦߴߊ߬ߟߎ߬ ߟߊ߫ ߕߋ߲߬ ߞߏߛߓߍ߫ : << ߊ߲ ߡߊ߬ߞߏ ߦߋ߫ ߟߊ߲ߟߊ߲ ߘߏ߫ ߟߎ߫ ߣߌ߫ ߝߋ߲߫ ߜߘߍ߫ ߟߎ߫ ߟߊ߫ ߦߏ߫ ߛߌ߬ߝߋ߲ ߠߎ߬߸ߊ߬ ߜߋ߲ߜߋ߲߫ ߢߎߡߍ߫.
ߢߎߡߍ ߕߵߊ߲ ߓߟߏ߫ ߝߋߝߋ߫ ߸ߞߊ߬ߦߌ߯ ߛߊ߲ߝߍߙߍ߲ ߖߌ߰ ߟߴߊ߲ ߠߊ߫ ߝߋ߲ ߠߎ߬ ߘߐ߫ ߦߊ߲߬ ߂߀߂߃߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߢߎߡߍ߫ ߞߏߖߊ ߟߊߛߋ߫ ߊ߲ ߡߊ߬ ߸ߓߊߏ߬ ߊ߲ ߠߊ߫ ߡߟߊߡߟߊ߫ ߓߍ߯ ߖߋ߬ߣߌ߲߬ߣߍ߲ ߠߋ߬ ߏ߬ ߓߌ߬ߟߊ߬ߒߘߐ ߏ߬ ߛߋ߲߭ ߝߍ߬ ߞߎߙߍ߫ ߞߊ߬ ߓߊ߬ߛߊ߲ ߘߏ߲߬ ߢߎߡߍ߫ ߞߏ ߘߐ߫ ߸ ߊ߲ߠߎ߬ ߟߋ߬ ߖߍ߬ߘߍ ߞߊ߬ ߣߐ߬ ߕߊߘߊ߯ ߝߌ߬ߟߊ ߛߊ߲߬ ߠߊ߫ ߸ߏ߬ ߟߎ߫ ߘߏ߲߬ ߝߣߊ߫ ߓߘߊ߫ ߛߍ߰ ߞߏߖߎ߰ >>
ߊ߬ ߟߊ߫ ߞߎߡߊ߫ ߞߎ߲߬ߘߏ߲ ߘߐ߫ ߛߊ߫ ߸ ߊ߬ ߛߋ߫ ߟߊ߫ ߞߵߊ߲ ߠߊߞߍ߫ ߓߐߒߝߘߎߘߐ ߞߍߣߍ߲߫ ߘߐ߫ ߟߎ߫ ߞߊ߬ߟߊߡߊ߬ ߞߊ߬ ߝߘߊ߫ ߡߐ߱ ߘߏ߫ ߟߎ߫ ߟߊ߫ : << ߊ߲ ߞߊ߬ ߓߊ߯ߙߊ߫ ߡߎߙߊ߲ ߘߏ߫ ߟߎ߫ ߛߐ߬ߘߐ߲߬ ߞߊ߬ ߝߘߊ߫ ߡߐ߱ ߘߏ߫ ߟߎ߫ ߟߊ߫ ߸ߏ߬ ߓߍ߯ ߣߴߊ߬ ߕߊ߫ ߸ߊ߲ ߞߐ߬ߣߌ߲ ߡߊ߬ߞߏ ߖߍ߬ߘߍߖߍ߬ߘߍ ߟߋ߬ ߢߎߡߍ߫ ߞߏ ߟߊ߫ ߝߋߝߋ߫ ߸ߞߎ߲߬ߠߊ߬ߛߌ߮ ߦߴߊ߲ ߘߍ߬ߡߍ߲߬ ߝߙߋߞߋ ߏ߬ ߝߎߟߋ߲߫ ߠߊ߫ >>
ߣߴߌ ߞߊ߬ ߢߎߡߍ߫ ߞߏ ߣߌ߲߬ ߘߐߜߍ߫ ߘߊ߲ߘߊߛߏ ߟߎ߬ ߟߊ߫ ߕߋ߲߬ ߸ ߊ߬ ߦߋ߫ ߞߏ ߟߋ߬ ߘߌ߫ ߸ ߞߎ߲߬ߠߊ߬ߛߌ߮ ߞߊ߫ ߞߊ߲߫ ߞߊ߬ ߖߊ߲߬ߒ߬ߕߏ߬ ߞߍ߫ ߡߍ߲ ߘߐ߫ ߞߏߛߓߍ߫.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫
