ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫ ߛߋ߲߬ߠߊ߬ߓߐ߬ߟߌ ߡߍ߲ ߞߊ߲߬ ߘߎ߰ߣߍ߲ ߠߎ߬ ߛߌ߰ߝߊߘߌ ߢߊߢߌߣߌ߲ ߘߐ߫߸ ߊ߲ ߛߋ߫ ߘߊ߫ ߜߙߋߘߎ߯ ߕߊ߬߬ߞߎ߬ߙߊ߬، ߏ߬ ߡߍ߲ ߦߋ߫ ߜߙߋߘߎ߯ ߓߙߊߣߊ߬ߡߊ߫ ߡߙߊ߬ߘߊ߬ߙߋ߲ ߣߐ߬ߘߎ߮ ߘߏ߫ ߘߌ߫ ߞߎߘߍ߫ ߃߀ ߢߐ߲߰ ߠߊ߫߸ ߊ߬ ߣߌ߫ ߞߊ߲ߞߊ߲߫ ߡߙߊ߬ߓߊ߰ߘߊ ߕߍ߫.
ߖߌ߬ߣߍ߫ ߘߎ߰ߣߍ߲߬ ߛߘߍߡߊ߲߫ ߠߋ߬ ߓߍ߫߸ ߡߊ߲߬ߕߙߐ߬ ߓߐߣߍ߲߫ ߢߐ߲߰ ߡߊ ߟߎ߬ ߦߋ߫ ߡߍ߲ ߠߎ߬ ߞߊ߲߬ ߘߊߞߎ߲߫ ߛߌߦߊߡߊ߲߫ ߘߐ߫، ߒ߬ߓߊ߬߸ ߕߊ߬ߞߎ߬ߙߊ߬ ߞߣߐ߫ ߓߌ߬߸ ߞߊ߬ߙߊ߲߬ߓߏ߲ ߦߴߊ߬ߟߎ߬ ߓߟߏ߫߸ ߡߍ߲ ߦߋ߫ ߞߣߐ߫ ߥߐ߯ߙߐ߫ ߘߌ߫، ߓߊ߬ߙߌ߬ ߞߊ߬ߙߊ߲߬ߡߐ߰ ߞߏ߬ߖߊ ߦߴߊ߬ߟߎ߫ ߞߊ߲߬.
ߊߓߎߓߊߞߊߙ ߛߘߌߞߌ߬ ߛߘߌ߬ߓߋ߫، ߜߙߋߘߎ߯ ߕߊ߬ߞߎ߬ߙߊ߫ ߞߊ߬ߙߊ߲߬ߕߊ ߗߋߕߌ߮ ߸ ߏ߬ ߛߋ߫ ߘߊ߫ ߞߊ߬ ߞߎߡߴߊ߬ߟߎ߬ ߟߊ߫ ߞߊ߬ߙߊ߲߬ߛߏ ߟߌ߬ߤߟߊ ߞߊ߲߬ ߓߌ߬ ߢߐ߲߰ ߟߏ߲߫ ߸ ߞߊ߬ߙߊ߲߬ߕߊ ߏ߬ ߡߍ߲ ߛߌ߲ߘߌ߫ ߓߘߊ߫ ߛߊ߲߬ ߃߀ ߣߌ߫ ߢߐ߲߰ ߓߐ߫ ߕߋ߲߬ ߞߊ߬ߣߌ߲߬ :
<<ߊ߲ ߠߊ߫ ߞߊ߬ߙߊ߲߬ߕߊ ߣߌ߲߬ ߟߐ߬ ߟߊ߫ ߞߊ߬ߦߌ߯ ߛߊ߲߬ ߁߉߈߉ ߟߊ߫ ߸ ߊ߬ ߛߊ߯ߘߊ߫ ߘߊ߲߭ ߦߋ߫ ߆ ߟߋ߬ ߘߌ߫ ߸ ߘߋ߲ߣߍ߲߫ ߠߎ߬ ߝߣߊ߫ ߦߋ߫ ߣߊ߬ ߟߊ߫ ߞߊ߬ߙߊ߲߬ߕߊ ߟߊ߫ ߝߛߊߦߌ߫ ߸ߓߊߏ߬ ߒ ߧߋ߫ ߣߊ߬ ߟߊ߫ ߦߊ߲߬ ߕߎ߬ߡߊ ߡߍ߲ ߠߊ߬ ߸ߞߊ߬ߙߊ߲߬ߘߋ߲߬ ߆߅ ߟߋ߬ ߕߎ߲߬ ߦߋ߫ ߦߊ߲߬߸ ߒ ߣߊ߭ ߛߊ߲߬ ߁߀ ߣߌ߫ ߞߐ߫ ߟߋ߬ ߣߌ߲߬ ߸ ߞߊ߬ߙߊ߲߬ߘߋ߲ ߠߎ߬ ߦߙߌߞߊ߫ ߓߘߊ߫ ߛߋ߫ ߡߐ߰ ߃߀߀ ߣߌ߫ ߞߐ߫ ߘߐ߫>>.
ߛߟߊߕߌ߯ ߛߘߌ߬ߓߋ߬ ߛߋ߫ ߘߊ߫ ߡߊ߲߬ߕߙߐ ߘߏ߫ ߟߎ߫ ߝߣߊ߫ ߦߌ߬ߘߊ߬ ߟߊ߫߸ ߡߍ߲ ߠߎ߬ ߦߴߊ߬ߟߎ߫ ߞߊ߲߬ ߊ߬ߟߎ߬ ߟߊ߫ ߞߊ߬ߙߊ߲߬ ߞߏ ߡߊ߬ߘߎ߮ ߘߐ߫.
<<ߞߙߊ߬ߡߐ߰ ߞߏ߬ߖߊ ߦߴߊ߲ ߞߊ߲߬ ߞߏߛߓߍ߫ ߸ߓߊߏ߬ ߛߊ߯ߘߊ߫ ߆ ߟߴߊ߲ ߓߟߏ߫ ߦߊ߲߬ ،ߓߊ߬ߙߌ߬ ߞߙߊ߬ߡߐ߯ ߃ ߟߋ߬ ߘߐߙߐ߲߫ ߦߊ߲߬ ߸ߞߵߏ߬ ߟߊ߫ ߞߊ߬ߙߊ߲߬ߓߏ߲߬ ߞߏ߫ ߣߌ߫ ߖߌ ߞߏ ߝߣߊ߫ ߞߊ߲߬߸ ߞߊ߬ ߞߊ߬ߙߊ߲߬ߕߊ ߖߍ߬ߘߍ ߓߌ߬ߟߊ߬ ߞߏߞߏ ߞߣߐ߫ ߸ ߏ߬ ߟߎ߬ ߛߐߢߐ߲߫ ߦߴߊ߲ ߞߊ߲߬ ߞߏߛߓߍ߫ ߸ ߝߏ߫ ߛߏ߫ ߘߋ߲ߡߌߛߍ߲ ߠߎ߫ ߣߐ߬ ߓߏ߲߫ ߞߋߟߋ߲߫ ߡߍ߲ ߟߐ߭ ߘߊߡߌ߬ߣߊ߬ ߟߊ߫ ߣߌ߲߬ ߛߊߙߏ߲߬ ߸ ߏ߬ ߞߐ߬ߣߌ߲ ߡߊ߫ ߓߊ߲߫ ߝߟߐ߫ ߸ ߏ߬ ߓߟߏߡߊ߬ ، ߝߏ߫ ߝߊ߰ߡߊ ߟߎ߬ ߦߴߊ߲ ߘߍ߬ߡߍ߲߬>>
ߣߴߌ ߞߊ߬ ߘߎ߰ߣߍ߲߫ ߛߏ߫ ߘߋ߲ߡߌߛߍ߲ ߠߎ߬ ߕߊ߬ ߸ߊ߬ߟߎ߬ ߦߋ߫ ߛߍ߰ߘߏ߲߬ ߛߘߍߡߊ߲߫ ߠߋ߬ ߞߍ߫ ߟߴߊ߬ߟߎ߫ ߝߊ߬ߛߏ ߦߋ߫ ߘߊߞߎ߲߫ ߛߌߦߊߡߊ߲߫ ߘߐ߫.
ߜߙߋߘߎ߯ ߕߊ߬ߞߎ߬ߙߊ߬ ߘߋ߲ߡߌߛߍ߲ ߞߎ߲ߕߌ߮߸ ߞߊ߲ߘߊ ߞߐ߲ߘߍ߫ ߞߊ߬ߣߌ߲߬ ߸ߏ߬ ߝߣߊ߫ ߛߋ߫ ߘߊ߫ ߞߵߊ߬ ߤߊ߲ߞߟߌߣߊ߲ ߘߌ߫ ߞߊ߬ߙߊ߲߬ߕߊ ߟߌ߬ߤߟߊ ߟߋ߬ ߞߊ߲߬ ߛߏ߫ ߘߋ߲ߡߌߛߍ߲ ߠߎ߬ ߕߐ߯ ߘߐ߫:
<<ߞߊ߬ߙߊ߲߬ߡߐ߰ ߞߏ ߘߐߙߐ߲߫ ߕߍ߫ ߘߋ߬ ߸ߓߊ߬ߙߌ߬ ߖߌ ߣߌ߫ ߞߊ߬ߙߊ߲߬ߓߏ߲ ߠߋ߬ ߝߣߊ߫ ߕߍ߫ ߞߊ߬ߙߊ߲߬ߛߏ ߖߍ߬ߘߍ ߟߊ߫ ߸ ߏ߬ ߟߋ߬ ߝߣߊ߫ ߣߐ߬ ߊ߲ߠߎ߬ ߘߋ߲ߡߌߛߍ߲ ߠߎ߬ ߟߊߛߎ߫ ߟߊ߫ ߓߏ߲߫ ߞߋߟߋ߲߫ ߣߌ߲߬ ߟߐ߬ ߟߊ߫ ߤߊߟߌ߬ ߣߴߊ߬ ߞߵߊ߬ ߕߘߍ߬ ߞߏ߫ ߞߎ߲߬ߠߊ߬ߛߌ߮ ߡߴߊ߬ ߢߊ ߟߐ߬ ߊ߲ ߘߐ߫ ߝߟߐ߫>>.
ߞߊ߲ߘߊ ߞߐ߲ߘߍ߫߸ ߕߊ߬ߞߎ߬ߙߊ߬ ߘߋ߲ߡߌߛߍ߲߫ ߞߎ߲ߕߌ߮ ߟߋ߬ ߞߊ߲߫ ߕߋ߲߬.
ߒ߬ߓߊ߬ ߓߊߘߋ߲߫ ߓߘߍ߫ ߸ߣߌ߫ ߝߊ߰ߡߊ ߟߎ߬ ߞߐ߬ߣߌ߲ ߛߋ߫ ߘߊ߫ ߞߵߌ ߢߊ ߡߊߖߌ߰ ߘߎ߰ߣߍ߲ ߠߎ߬ ߞߊ߬ߙߊ߲߬ ߞߏ ߝߍ߬ ߸ ߏ߬ ߘߌ߫ ߓߍ߲߬ ߝߋߎ߫߸ ߏ߬ ߡߍ߲ ߦߋ߫ ߘߋ߲ߣߍ߲߫ ߠߎ߬ ߣߌ߫ ߖߡߊ߬ߣߊ ߡߊ߬ߞߟߐ߬ ߛߘߍߡߊ߲߫ ߓߐߛߎ߲ ߘߌ߫.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫
