ߞߎߣߎ߲߬ ߞߐ߬ߟߏ߲ ߡߊ߬߸ ߡߊ߬ߟߌ߫ ߣߊ߲߬ߕߌ߮ ߟߎ߬ ߞߊ߬ ߖߋ߬ߡߌ߬ߣߊ߬ ߛߓߍ ߘߏ߫ ߟߋ߬ ߟߊߓߐ߫߸ ߊ߬ ߦߌ߬ߘߊߣߍ߲߫ ߏ߬ ߡߍ߲ ߞߣߐ߫ ߞߏ߫ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ߬ ߛߌߦߊߡߊ߲߫ ߠߋ߬ ߛߌߟߊߛߊ߬ ߞߊ߬ߦߋ߬ ߣߌ߫ ߢߐ߯ߙߐ߫߸ ߡߊ߬ߟߌ ߟߊ߫߸ ߓߌ߬ ߟߋ߬ ߦߴߊ߬ ߟߐ߯ߞߎ߲߫ ߞߋߟߋ߲ ߘߝߊ ߘߌ߫߸ ߛߛߞ ߓߏߟߏ߲ߝߘߊ ߞߊ߬ ߜߛߐ ߟߊߛߌ߰ ߞߊ߬ߦߋ߬ ߣߌ߫ ߢߐ߯ߙߐ߫߸ ߛߊߤߍߟ ߡߊ߬ߙߊ ߞߣߐ߫، ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߘߊ߮ ߘߏ߫ ߟߋ߬ ߕߋ߬ ߛߊ߲ߡߊ߫ ߞߟߍ ߘߐ߫߸ ߏ߬ ߞߍ߫ ߘߊ߫ ߡߎߛߝߊ߫ ߘߎ߱ ߟߋ߬ ߟߊ߫.
ߦߙߐ ߏ߬ ߦߋ߫ ߓߊߥߟߌ߫ ߞߏ߲ߞߏ߫ ߟߋ߬ ߞߍ߬ߙߍߝߍ ߞߊ߬ߦߋ߫ ߞߣߐ߫߸ ߣߊ߲߬ߕߌ߮ ߟߎ߬ ߞߏ߬ߣߌ߲ ߞߊ߬ ߘߎ߰ߘߋ߲ ߠߎ߬ ߦߟߌߛߌ߯ ߞߊ߲ ߝߐ߫ ߟߋ߬ ߊ߬ߟߎ߬ ߦߋ߫߸ ߞߏ߫ ߊ߬ߟߎ߬ ߟߊ߫ ߛߍ߬ߘߏ߲ ߠߎ߬ ߦߋ߫ ߛߋ߲߬ ߠߊ߫ ߟߊ߬ߞߊ߲߬ߘߊ߬ߟߌ ߡߊ߬ߘߎ߮ ߘߐ߫، ߡߊ߬ߟߌ ߣߊ߲߬ߕߌ߮ ߟߎ߬ ߞߏ߬ߣߌ߲ ߞߊ߬ ߞߎ߲߬ߠߊ߬ߝߎߟߋ߲ ߘߏ߫ ߟߎ߫ ߡߊߛߐ߬ߛߐ߫ ߟߋ߬߸ ߡߍ߲ ߠߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߛߛߞ ߓߏߟߏ߲ߝߘߊ ߞߊ߬ ߜߛߐ߫ ߟߊߛߌ߮ ߞߍ߫ ߡߊ߬ߟߌ ߘߌ߲߬ߞߌߙߊ ߘߏ߫ ߟߎ߫ ߘߐ߫߸ ߞߊ߬ߦߋ߬ ߣߌ߫ ߢߐ߯ߙߐ߫.
ߓߊ߬ߙߌ߫߸ ߡߐ߱ ߡߍ߲ ߠߎ߬ ߦߋ߫ ߕߊ߬ߡߌ߲߬ ߠߊ߫ ߛߌߟߊ߫ ߢߌ߲߬ ߠߎ߫ ߞߊ߲߬߸ ߏ߬ ߟߎ߬ ߟߊ߫ ߞߎ߲߬ߠߊ߬ߝߎߟߋ߲߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߞߏ߫ ߛߛߞ ߓߊ߰ߓߊ߰ߟߌ߬ߟߊ ߟߎ߬ ߦߋ߫ ߛߌߟߊ߫ ߢߌ߲߬ ߠߎ߫ ߞߊ߲߬߸ ߞߏ߫ ߊ߬ߟߎ߬ ߦߋ߫ ߕߊ߯ߡߟߊ ߟߎ߬ ߟߊߟߐ߬ ߟߊ߫ ߟߋ߬߸ ߞߵߊ߬ߟߎ߬ ߟߊ߫ ߞߐ߲߬ߛߏ ߟߎ߬ ߣߴߊ߬ߟߎ߬ ߟߊ߫ ߛߓߍ ߟߎ߬ ߛߍ߯ߛߍ߯، ߞߊ߬ ߞߐ߲߰ ߊ߬ߟߎ߬ ߟߊߓߌ߬ߟߊ ߢߍ߫߸ ߞߏ ߣߌ߲߬ ߞߎ߲߭ ߠߋ߬ ߊ߬ߟߎ߫ ߓߟߏ߫߸ ߞߊ߬ ߞߊ߬ߦߋ߬ ߣߌ߫ ߢߐ߯ߙߐߞߊ ߟߎ߬ ߟߊ߫ ߕߊ߯ߣߌߞߊߛߋߦߌ߲ ߠߊߟߐ߬، ߓߊߏ߬߸ ߞߴߏ߬ ߟߎ߬ ߟߋ߬ ߦߴߊ߬ ߞߊ߲߬ ߞߊ߬ ߡߊ߬ߟߌ ߣߊ߲߬ߕߌ߮ ߟߎ߬ ߘߍ߬ߡߍ߲߬ ߊ߬ߟߎ ߟߋ߬ ߞߊ߲ߡߊ߬.
