ߒߞߏ ߝߘߏ߬ߓߊ߬ ߘߎ߲ߓߎ ߣߌ߫ ߞߊ߲ߞߊ߲߫ ߒߞߏ ߘߏ߲߬ߞߏ ߘߏ߫ ߟߎ߫ ߟߋ߬ ߣߐ߬ ߟߊ߬ߘߍ߬ ߓߟߋߓߟߋ߫ ߡߊߞߟߌ߫ ߟߊ߫ ߞߊ߲ߞߊ߲߫ ߘߋ߲ߡߌߛߍ߲߫ ߓߏ߲ߓߊ ߟߊ߫ ߞߊ߯ߙߌߟߏ߲߸ ߂߀߂߅ ߕߎߟߊߝߌ߲ ߕߟߋ߬ ߀߇ ߡߊ߬.
ߟߊ߬ߘߍ ߣߌ߲߬ ߞߎ߲߭ ߕߎ߲߬ ߦߋ߫ ߖߌ߬ߣߍ߫ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߢߊߝߐ ߟߋ߬ ߘߌ߫߸ ߊ߬ߟߎ߬ ߓߘߴߏ߬ ߡߍ߲ ߘߟߊߡߌ߬ߣߊ߬ ߒߞߏ ߘߐ߫ ߞߵߊ߬ ߘߐߕߟߊ߫ ߛߓߍߟߌ ߣߌ߲߬ ߞߊ߬ߣߌ߲߬ߓߊ߮ ߟߎ߬ ߕߍ߫.
ߊ߬ߟߋ߬ ߟߊ߬ߘߍ ߣߌ߲߬ ߞߎ߲߭ ߘߏ߫ ߟߋ߬ ߝߣߊ߫ ߕߘߍ߬ ߦߋ߫ ߞߊ߲ߘߟߌ ߓߙߊߡߊߖߊ߲ߓߊ߲ ߘߌ߫߸ ߞߊ߬ ߒߞߏ ߞߊ߬ߣߌ߲߬ߓߊ߮ ߟߎ߬ ߣߌ߫ ߝߊ߬ߛߏ߬ ߞߊ߲߬ ߞߏ ߛߍ߬ߘߏ߲߬ߠߊ ߟߎ߬ ߘߐߛߎ߫ ߐ߲߬ߤߐ߲ ߕߊ߬ߟߌ ߟߊ߫ ߞߊ߲ߘߟߌ߫ ߟߏ߲.
ߗߋߦߊߟߌ ߢߌ߲߬ ߠߎ߬ ߢߍߡߊ߬ߘߌ߬ߣߍ߲߫ ߕߍ߬ߘߍ߫ ߞߏ߲߬ߓߏ ߡߎߛߊ߫ ߓߊߟߊ߲ߘߎ߯ ߖߊߟߏ߫ ߟߋ߬ ߓߟߏ߫߸ ߒߞߏ ߝߘߏ߬ߓߊ߬ ߘߎ߲ߓߎ ߝߘߏ߬ߓߊ߬ ߞߟߊ߬ߕߌ߮ ߣߌ߫ ߝߘߏ߬ߓߊ߬ ߞߙߏߝߏ ߞߊ߲ߕߌ߮. ߊ߬ߟߎ߬ ߣߌ߫ ߛߣߍ߬ߞߍ߬ ߞߏߟߊߘߍ߫ ߋߞߊߔ ߟߊ߫ ߞߏߟߊߘߍߢߐ߲߯ߦߊ ߞߣߐ߫߸ ߛߌ߰ߞߊ߲ ߣߌ߲߬ ߘߋ߲߫ ߥߊ߯ ߦߙߌߞߊ߫ ߛߋ߫ ߘߊ߫ ߜߌ߬ߙߌ߲߬ߘߌ߬ ߟߴߊ߬ߟߎ߬ ߓߟߏ߫ ߞߊ߲ߘߟߌ ߓߙߊߡߊߖߊ߲ߓߊ߲ ߘߌ߫ ߖߡߊ߬ߣߊ ߞߣߐ߫.
ߟߊ߬ߘߍ ߣߌ߲߬ ߡߍ߲ ߢߣߊߓߊ߯ߦߊ߫ ߘߊ߫ ߒߞߏ ߡߊ߬ߞߟߐ߬ ߛߌߦߊߡߊ߲߫ ߣߌ߫ ߡߐ߬ߓߊ߬ ߛߌߦߊߡߊ߲߫ ߓߟߏ߫߸ ߞߵߊ߬ ߕߊ߬ ߁߀ߙߋ߲ ߡߊ߬ ߞߵߊ߬ ߛߌ߰ ߁߂ߙߋ߲ ߠߊ߫.
ߊ߬ߟߎ߬ ߟߊ߫ ߓߋߟߋ߲ߠߊ ߟߎ߬ ߘߐ߫߸ ߛߟߊߕߌ߯ ߓߊߛߓߊ߬ߕߌ߫ ߛߘߌ߬ߓߋ߬߸ ߒߞߏ ߛߍ߲ߓߊ߫ ߞߊ߲ߕߌ߮ ߞߊ߬ ߢߣߊߕߊߟߌ ߣߌ߫ ߞߊ߲ߘߟߌ ߝߊߙߊ߬ߝߊ߯ߛߌ߫ ߖߊ߬ߡߊ ߦߋ߫ ߥߊ߬ߛߊߥߊ߬ߛߊ ߘߐ߫߸ ߡߐ߰ ߛߌߦߊߡߊ߲߫ ߦߴߏ߬ ߡߍ߲ ߝߌ߬ߟߊ ߞߍ߫ ߟߊ߫ ߢߐ߲߮ ߘߐ߫ ߛߐ߲߬، <<ߊ߲ ߧߋ߫ ߝߊ߬ߛߏ߬ ߓߊ߯ߙߊ ߟߋ߬ ߘߊߞߘߐ߫ ߕߋ߲߬ ߸ߏ߬ ߡߍ߲ ߦߋ߫ ߖߌ߬ߣߍ߬ ߟߊߛߓߊ߬ߕߌ ߓߊ߯ߙߊ ߘߌ߫߸ ߊ߲ ߘߏ߲߬ ߦߋ߫ ߥߊ ߞߊ߲߬ ߞߏ ߘߏ߫ ߟߋ߬ ߡߊ߬ ߸ߤߊ߲ߞߟߌߡߊ ߡߊ߲߫ ߞߊ߲߫ ߞߊ߬ ߥߴߊ߬ ߞߎ߲߭ߝߍ߬ ߞߏ ߡߍ߲ ߘߐ߫، ߏ߬ ߘߐ߫ ߣߴߊ߬ ߝߐ߫ ߘߊ߫ ߞߏ߫ » ߛߎߥߊ߲ߘߟߌ » ߏ߬ ߦߋ߫ ߡߐ߱ ߘߏ߫ ߛߎߥߊ߲ߘߌ ߟߋ߬ ߘߌ߫ ߟߐ߬ߘߎ߮ ߘߏ߫ ߡߊߡߙߊ߬ ߞߊ߲ߡߊ߬، ߏ߬ ߕߎ߬ߡߊ ߡߊ߫ ߛߋ߫ ߝߟߐ߫، ߓߊ߬ߙߌ߬ ߊ߲ ߧߋ߫ ߥߊ ߞߊ߲߬ ߞߊ߲ߘߟߌ ߟߋ߬ ߡߊ߬ ߕߋ߲߬ ߸ » ߐ߲߬ߤߐ߲߫ » ߥߟߊ߫ » ߍ߲߬ߍ߲߫ » ߘߌ߫߸ ߞߵߊ߬ ߓߍ߲߬ ߖߌ߬ߣߍ߫ ߛߌ߰ߞߊ߲߬ ߞߎ߬ߘߊ߬ ߞߏ ߡߊ߬>>
ߓߐ߬ߟߐ߲ߞߊ ߝߊߕߎߡߊߕߊ߬ ߘߋ߲ߓߊߢߌߡߊ߫ ߕߎ߲߬ߞߙߊ߫ ߣߌ߫ ߞߊ߭ߓߌ߬ߣߍ߫ ߕߙߊߥߟߋ ߸ ߏ߬ ߟߎ߫ ߞߊ߬ ߝߏ߮ ߞߣߐߟߊ ߟߊߛߐ߲ߞߐ߫ ߛߞߎ߬ ߘߌߡߊ߲߫ ߛߘߍߡߊ߲߫ ߠߊ߫.
ߡߊ߲߬ߘߋ߲߬ ߖߋߟߌ ߖߌ߯ߓߊ ߞߎߦߊߕߍ߫ ߞߊ߬ ߖߋ߬ߟߌ߬ߦߊ ߢߊߝߐ߫߸ ߞߊ߬ ߡߐ߱ ߟߎ߬ ߦߟߌߓߌ߬ߟߊ߬ ߛߓߍߛߎ߲߫ ߞߏ ߘߐ߬ߝߐ ߘߏ߫ ߟߎ߫ ߟߊ߫߸ ߞߵߏ߬ ߟߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߝߊ߬ߛߏ߬ ߞߊߣߌ߲ ߢߊߝߐ ߞߊ߲߬.
ߞߏ߲߬ߓߏ ߡߎߛߊ߫ ߓߊߟߊ߲ߘߎ߯ ߟߊ߫ ߓߋߟߋ߲ߠߊ ߘߐ߫߸ ߊ߬ ߞߊ߬ ߢߊߝߐߟߌ߫ ߞߟߊ߬ߟߡߊ߬ ߞߍ߫ ߛߌ߰ߞߊ߲ ߞߊ߲߬߸ ߊ߬ ߛߐ߰ ߘߊ߫ ߖߊ߬ߡߊ ߝߏ߭ ߟߋ߬ ߡߊ߬ ߞߎߡߊ߫ ߘߊߡߌߣߊ ߘߌ߫ ߡߎߣߎ߲߬: <<ߊ߲ ߧߋ߫ ߖߊ߬ߡߊ ߞߎߟߎ߲ߖߋ߫ ߟߊ߫ ߞߏߛߓߍ߫߸ ߊ߬ߟߎ߬ ߞߍ ߘߐ߫ ߞߵߊ߲ ߠߊߛߣߍ߫ ߟߊ߬ߛߣߍ߬ߟߌ߬ ߞߏ߬ߢߌߡߊ ߟߊ߫߸ ߏ߬ ߟߊߕߊ߬ߡߌ߲߬ߣߍ߲ ߞߐ ߘߐ߫߸ ߊ߲ ߣߊ߬ ߞߎ߲߬ߧߊ ߟߋ߬ ߞߣߍ ߣߌ߲߬ ߞߊ߲߬߸ ߞߵߊ߬ ߦߌ߬ߘߊ߬ ߖߊ߬ߡߊ ߟߊ߫ ߞߏ߫ ߓߍ߯ ߟߊߘߍ߬ߣߍ߲ ߞߊ߫ ߞߊ߲߫ ߞߊ߬ ߐ߲߰ߤߐ߲߫߹ ߠߋ߬ ߕߊ߬߸ ߞߏ߬ߣߌ߲߬ ߌ ߓߊ߯ ߞߍ߫ ߐ߲߰ߤߐ߲߫ ߕߊ߬ ߟߊ߫ ߝߏ߫ ߌ ߦߴߊ߬ ߟߐ߲߫ ߌ ߞߵߊ߬ ߕߊ߬ ߞߎ߲߭ ߡߍ߲ ߠߊ߫، ߒ߬ߓߊ߬߸ ߏ߬ ߟߋ߬ ߞߍ߫ ߘߴߊ߲ ߠߊ߫ ߓߐߟߌ ߞߎ߲߭ ߘߌ߫، ߓߊߏ߬߸ ߊ߬ ߝߐ߫ ߘߊ߫ ߟߋ߬ ߞߏ߫ ߝߊ߬ߛߏ߬ ߞߊ߲ ߠߎ߬ ߓߘߊ߫ ߘߊ߲ߞߎ߲߫߸ ߓߊ߬ߙߌ߫߸ ߊ߬ߟߎ߬ ߘߊ߲ߞߎ߲ߣߍ߲߫ ߛߊ߬ߙߌ߬ߦߊ߬ߛߋ߲ ߡߍ߲ ߞߣߐ߫߸ ߓߍ߯ ߟߋ߬ ߕߍ߫ ߏ߬ ߝߊ߰ߡߎ߲߬ ߠߊ߫ ߢߊ߫ ߞߋߟߋ߲߫ ߡߊ߬، ߏ߬ ߓߟߏߡߊ߬߸ ߛߌ߰ߞߊ߲߬ ߞߎߘߊ߫ ߕߐ߲ߛߋ߲߫ ߂ ߓߘߴߊ߬ ߦߌ߬ߘߊ߬ ߞߏ߫ ߘߎ߰ߘߋ߲ ߛߌ߫ ߡߊ߲߫ ߞߊ߲߫ ߞߊ߬ ߕߏ߫ ߛߌ߰ߞߊ߲߬ ߞߏ ߘߌ߬ߓߌ ߘߐ߫ ߸ߊ߬ߟߎ߬ ߞߊ߫ ߞߊ߲߫ ߞߊ߬ ߟߊߟߐ߲ߠߌ߲߫ ߊ߬ ߓߍ߯ ߟߋ߬ ߟߊ߫، ߣߌ߫ ߘߎ߰ߘߋ߲ ߠߎ߬ ߡߊ߫ ߟߊߟߐ߲ߠߌ߲߫ ߏ߬ ߘߐ߫ ߸ ߊ߲ ߘߴߊ߬ ߝߐ߫ ߞߏ߫ ߕߐ߲ߛߋ߲߫ ߂߲ ߓߘߊ߫ ߡߊߛߐ߬ߛߐ߬.
ߏ߬ ߟߋ߬ ߞߏߛߐ߲߬ ߊ߬ߟߋ߬ ߛߌ߰ߞߊ߲߬ ߞߋߟߋ߲߫ ߏ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߸ ߝߊ߬ߛߏ߬ ߞߊ߲ ߠߎ߬ ߣߌ߫ ߝߊ߬ߙߊ߲߬ߛߌ߬ ߞߊ߲ ߠߎ߬ ߓߘߊ߫ ߞߢߊ߫ ߕߋߞߎ߫.
ߤߊߟߌ߬ ߣߴߊ߬ ߞߵߊ߬ ߕߘߍ߬ ߞߏ߫ ߛߌ߰ߞߊ߲߬ ߞߘߐ߫ ߕߊ߬ߡߌ߲߬ߣߍ߲ ߠߎ߬ ߕߎ߲߬ ߞߊ߬ ߝߊ߬ߙߊ߲߬ߛߌ߬ ߞߊ߲ ߠߋ߬ ߟߊߝߌ߬ߛߊ߬ߦߊ߫ ߝߊ߬ߛߏ߬ ߞߊ߲ ߠߎ߬ ߘߌ߫>>
ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬ ߊ߬ ߛߋ߫ ߘߊ߫ ߞߊ߬ ߞߎߡߊ߫ ߛߌ߰ߞߊ߲ ߦߙߐ߫ ߟߎ߫ ߞߊ߲߬ ߡߍ߲ ߠߎ߬ ߦߋ߫ ߝߟߐߦߊ ߘߌ߫ ߟߊ߫ ߖߌ߬ߣߍ߬ߞߊ ߟߎ߬ ߣߴߊ߬ߟߎ߬ ߓߟߏߝߋ߲ ߠߎ߬ ߡߊ߬߸ ߣߊߟߌ߬ߡߎ߲߫ ߖߌ߬ߣߍ߬ߞߊ߬ߘߋ߲ ߠߎ߬ ߖߍ߬ߘߍ ߕߍ߬ߘߍ ߘߌ߫ ߖߌ߬ߣߍ߬ ߓߊ߯ߙߊ߫ ߡߊ߫ ߦߙߐ ߟߎ߬ ߘߐ߫߸ ߞߊ߬ ߖߌ߬ߣߍ߬ ߛߎ߲ߞߎ߲߫ ߘߐ߫ ߝߋ߲ ߠߎ߬ ߖߊ߬ߕߋ߬، ߊ߬ ߞߵߏ߬ ߟߊߒߡߊ ߕߊ߬ ߛߌߡߊ߲ߘߎ߯ ߂߀߄߀ ߖߊ߬ߕߋ߬ߘߐ߬ߛߌ߮ ߟߋ߬ ߡߊ߬߸ ߞߴߏ߬ ߓߊ߯ߙߊߞߍߟߊ ߟߎ߬ ߓߕߐ߫ ߖߌ߬ߣߍ߬ߞߊ ߟߎ߬ ߟߋ߬ ߝߟߐ߫ ߘߐ߫ ߡߎߣߎ߲߬ ߞߊ߬ ߞߐ߲߰ ߕߐ߭ ߟߎ߬ ߢߍ߫.
ߖߘߍ߬ߞߟߏ߬ߓߊ߰ߦߊ ߢߍߓߊ߯ ߣߊ߲߬ߝߏ߯ ߌߛߎ߬ߡߊ߬ߌ߯ߟߊ߫ ߖߊ߰ߓߌ ߟߋ߬ ߞߊ߬ ߟߊ߬ߘߍ ߞߎ߲߭ߘߏ߲߬ ߟߊ߬ߟߌ߬ߟߌ߬ ߞߊ߲߬ ߓߘߍ ߟߎ߬ ߣߌ߫ ߕߌ߲ߞߌ ߟߎ߬ ߟߊ߫߸ ߞߵߏ߬ ߞߐ ߞߍ߫ ߛߌ߰ߞߊ߲߫ ߜߌ߬ߙߌ߲߬ߘߌ߬ߣߍ߲ ߘߐߕߟߊ ߘߌ߫ ߖߊ߬ߡߊ ߕߍ߫߸ ߝߏ߮ ߞߣߐߡߐ߮ ߟߎ߬ ߓߍ߯ ߞߊ߬ ߘߏ߫ ߛߐ߬ߘߐ߲߬ ߡߍ߲ ߘߐ߫.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫
