ߘߊ߲߬ߕߍ߰ߟߌ ߞߎ߲߬ߝߟߐ ߟߎ߬ ߘߐ߫߸ ߣߊ߲߬ߕߌ߰ ߝߊ߲ߞߊ ߟߎ߬ ߓߘߴߊ߬ ߟߊߥߊ߲߬ߞߊ߫ ߞߏ߫ ߊ߬ߟߎ߬ ߓߘߊ߫ ߟߊ߲߬ߞߊ߲߬ߘߊ߬ߟߌ ߓߊ߯ߙߊ ߘߏ߫ ߟߎ߫ ߛߌ߰ ߛߋ߲߬ ߠߊ߫ ߞߊ߬ߦߋ߬ ߣߌ߫ ߢߐ߯ߙߐ߫߸ ߛߊߤߍߟ ߡߊ߬ߙߊ ߞߣߐ߫، ߏ߬ ߡߍ߲ ߛߋ߲߭ߝߍ߬ ߊ߬ߟߎ߫ ߞߊ߬ ߜߊ߬ߟߏ ߟߊ߫ ߓߊ߰ߓߊ߰ߟߌ߬ߟߊ ߟߎ߬ ߞߊ߲߬߸ ߞߊ߬ ߛߌߦߊߡߊ߲߫ ߝߊ߰ ߊ߬ ߣߌ߫ ߞߵߊ߬ߟߎ߬ ߕߍ߯ ߞߍ߫ ߘߏ߫ ߟߎ߫ ߘߐ߫، ߊ߬ ߘߏ߲߬ ߤߊߟߌ߬ ߓߌ߬ ߞߏ߫ ߊ߬ߟߎ߬ ߟߊ߫ ߓߊ߯ߙߊ ߟߎ߬ ߦߋ߫ ߛߋ߲߬ ߠߊ߫ ߡߊ߬ߟߌ ߘߌ߲߬ߞߌߙߊ ߘߏ߫ ߟߎ߫ ߘߐ߫߸ ߊ߬ ߕߘߍ߬ ߓߘߊ߫ ߥߊ߯ߕߌ߫ ߖߊ߲߫ ߓߐ߫ ߡߊ߬ߟߌ߫ ߣߊ߲߬ߕߌ߮ ߟߎ߬ ߦߴߊ߬ ߞߊ߲߬ ߞߊ߬ ߓߊ߰ߓߊ߰ߟߌ߬ߟߊ ߡߍ߲߬ ߠߎ߫ ߜߋ߲߬ߟߎ߫.
ߝߏ߫ ߞߍ߲ߘߍߟߏ߲ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߊ߬ߟߎ߫ ߞߊ߬ ߕߐ߲ߓߟߏߡߊ ߟߎ߬ ߟߊߕߊ߯ ߊ߬ߟߎ߬ ߞߊ߲ߡߊ߬߸ ߒ߬ߓߊ߬߸ ߞߵߊ߬ ߕߊ߬ ߏ߬ ߟߏ߲ ߠߋ߬ ߡߊ߬ ߞߣߵߊ߬ ߓߌ߬ߟߊ߬ ߓߌ߬ ߟߊ߫߸ ߞߏ߫ ߊ߬ߟߎ߫ ߞߊ߬ ߜߊ߬ߟߏ ߟߋ߬ ߟߊ߫ ߓߊ߰ߓߊ߰ߟߌ߬ߟߊ ߟߎ߬ ߞߊ߲߬߸ ߊ߬ ߣߌ߫ ߞߊ߬ ߕߊ ߛߎ߫ ߊ߬ߟߎ߬ ߟߊ߫ ߘߊ߮ ߘߏ߫ ߟߊ߫، ߊ߬ߟߎ߬ ߓߟߏߝߋ߲߫ ߛߌߦߊߡߊ߲߫ ߠߋ߬ ߘߏ߲߬ ߝߣߊ߫ ߖߋ߬ߣߌ߲߬ ߘߊ߫، ߖߊ߬ߕߋ߬ߡߌ߬ߣߊ߬ ߛߓߍ ߣߌ߲߬ ߞߣߐ߫߸ ߣߊ߲߬ߕߌ߮ ߟߎ߬ ߞߵߊ߬ ߟߴߊ߬ ߞߊ߲߬߸ ߞߏ߫ ߘߎ߰ߘߋ߲ ߠߎ߬ ߦߴߊ߬ߟߎ߫ ߞߙߐ߬ߛߌ߫߸ ߊ߬ ߣߴߊ߬ߟߎ߬ ߦߋ߫ ߞߎ߲߬ߠߊ߬ߝߎߟߋ߲ ߘߌ߫ ߕߐ߲߫ ߓߟߏߡߊ߬ ߟߎ߬ ߡߊ߬߸ ߡߍ߲ ߘߌ߫ ߞߍ߫ ߕߙߎ߬ ߘߌ߫߸ ߞߊ߬ ߞߍߢߊ߫ ߛߎ߮ ߣߌ߲߬ ߟߊߕߐ߲߫ ߖߡߊ߬ߣߊ ߞߣߐ߫.
ߓߊ߬ߙߌ߫߸ ߤߊߟߌ߬ ߝߟߐ߫߸ ߞߊ߬ߦߋ߬ ߣߌ߫ ߢߐ߯ߙߐ߫ ߛߌߟߊ ߕߊ߯ߡߊ ߣߐ߰ߡߊ߲߬ ߕߍ߫ ߡߎ߬ߣߎ߲߬߸ ߓߊߏ߬߸ ߕߊߖߌ߫ ߡߊߘߏ߲ߠߌ߲߫ ߞߐ߲ߛߏ ߟߎ߬ ߟߊ߫ ߓߏ߬ߙߌ ߟߊߛߎߡߊ߲ߡߊ߲߫߸ ߛߙߋ ߘߏ߫ ߞߵߊ߬ ߦߌ߬ߘߊߞߊ߬߸ ߞߏ߫ ߓߊ߰ߓߊ߰ߟߌ߬ߟߊ ߟߎ߬ ߞߵߊ߬ߟߎ߬ ߟߊ߫ ߕߊߖߌ߫ ߡߊߘߏ߲ߠߌ߲߫ ߞߐ߲ߛߏ ߘߏ߫ ߟߊߟߐ߬ ߟߋ߬ ߛߌߟߊ ߣߌ߲߬ ߞߊ߲߬߸ ߞߊ߬ ߛߍ߯ߛߍ߯ߟߌ ߘߏ߫ ߟߎ߫ ߞߍ߫߸ ߓߊ߬ߙߌ߫߸ ߊ߬ߟߎ߫ ߞߏ߬ߣߌ߲ ߡߊ߫ ߛߋ߫ ߡߐ߰ ߡߊ߬߸ ߞߊ߬ߦߌ߯ ߞߎߣߎ߲ߟߏ߲ ߕߊ߬ߡߌ߲߬ߣߍ߲ ߡߊ߬ ߛߛߞ ߓߏߟߏ߲ߝߘߊ ߟߊ߫ ߜߛߐ ߟߊߛߌ߰ߣߍ߲ ߞߐ߸ ߡߊ߬ߟߌ ߘߌ߲߬ߞߌߙߊ ߘߏ߫ ߟߎ߫ ߘߐ߫߸ ߞߊ߬ߦߋ߬ ߣߌ߫ ߢߐ߯ߙߐ߫، ߊ߬ߟߎ߫ ߞߊ߬ ߞߐ߲߬ߛߏ߬ ߛߌߦߊߡߊ߲߫ ߠߋ߬ ߖߋ߬ߣߌ߲߬ ߛߌߟߊ ߣߌ߲߬ ߞߊ߲߬߸ ߊ߬ ߣߌ߫ ߞߊ߬ ߡߐ߱ ߟߎ߬ ߘߌߦߊߜߏߦߊ߫ ߡߌߣߊ߫.
