ߓߋ߬ߒ߬ߞߊ߲߬ߠߌ߲߬ߠߊ ߡߍ߲߬ ߠߎ߬ ߓߐ߫ ߘߊ߫ ߞߎߣߎ߲߬ ߞߍ߲ߘߍߟߏ߲ ߂߀߂߆ ߘߓߊ߬ߓߌߟߊ ߕߋ߬ߟߋ߫ ߂߉ ߟߋ߬ ߡߊ߬، ߁߉ ߕߎߡߊ ߛߊ߲߫ ߠߊ߫ ߥߊ߯ߕߌ ߏ߬ ߟߋ߬ ߞߘߐ߫߸ ߞߊ߬ ߥߊ߫ ߓߋ߬ ߛߟߏߟߏߞߏ߲ߘߏ߫ ߓߊ߯ߙߟߊ ߘߏ߫ ߞߊ߲߬߸ ߊ߬ߟߎ ߥߊ ߌߞߘߐ߫߸ ߏ߬ ߟߋ߬ ߞߍ߫ ߘߊ߫ ߡߎ߯ ߕߋ ߘߴߊ߬ߟߎ߬ ߓߟߏ߫߸ ߊ߬ߟߎ߫ ߘߏ߲߭ ߗߍ߭ ߞߊ߲߬߸ ߊ߬ߟߎ߬ ߡߊ߫ ߢߌ߬ߣߌ߲߬ߞߊ߬ߟߌ߫ ߛߌ߫ ߞߍ߫߸ ߣߌ߫ ߝߋ߲߫ ߦߋ߫ ߗߍ߭ ߓߟߏ߫߸ ߥߟߊ߫ ߝߋ߲߫ ߕߴߊ߬ ߓߟߏ߫߸ ߊ߬ߟߋ ߘߏ߲߬ ߝߣߊ߫ ߕߎ߲߬ ߡߴߊ߬ߟߎ߬ ߥߊ߫ ߞߎ߲߫ ߟߐ߲߫߸ ߒ߬ߓߊ߬߸ ߡߎ߯ ߕߋ ߏ߬ ߟߋ߬ ߘߐ߫߸ ߗߍ߭ ߞߵߊ߬ ߦߋ߫߸ ߊ߬ ߓߟߏߞߏ߬ߋ߬ߣߍ߲߬ ߞߋߟߋ߲߫ ߓߘߊ߫ ߥߊ߫. ߏ߬ ߟߋ߬ ߞߍ߫ ߘߴߊ߬ߟߋ ߟߊ߫ ߢߊ ߘߌ߫߸ ߤߊ߲߯ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߦߋ߫ ߓߊ߲߫ ߊ߬ߟߎ߬ ߟߊ߫ ߡߎ߯ ߕߋ ߟߊ߫ ߕߎ߬ߡߊ ߡߍ߲߸ ߊ߬ߟߎ߬ ߓߊ߲߫ ߞߐ ߡߎ߯ ߕߋ ߟߊ߫߸ ߊ߬ߟߎ߫ ߞߵߊ߬ߟߎ߫ ߛߌ߰ ߔߏߔߏ ߞߊ߲߬ ߞߏ߫ ߊ߬ߟߎ߬ ߦߋ߫ ߥߊ߫ ߟߊ߫، ߒ߬ߓߊ߬߸ ߊ߬ߟߎ߬ ߥߊ߫ ߥߊ߯ߕߌ ߏ߬ ߟߋ߬ ߛߌߣߍ߬߸ ߞߋߟߋ߲߫ ߓߎ߬ߘߎ߲߬ ߘߴߊ߬ߟߎ߬ ߞߐ߫ ߟߊ߫ ߞߊ߬ ߓߋ߬߸ ߓߊߏ߬߸ ߊ߬ߟߎ߫ ߡߐ߰ ߛߓߊ߫ ߟߋ߬ ߕߎ߲߬ ߦߋ߫، ߒ߬ߓߊ߬߸ ߊ߬ߟߎ߫ ߣߐ߬ ߡߐ߰ ߟߎ߬ ߦߋ߫ ߏ߬ ߟߋ߬ ߡߊߜߍ߲߫ ߞߊ߲߬ ߓߎ߬ߕߎ߲߫߸ ߊ߬ ߘߏ߲߬ ߓߘߊ߫ ߓߊ߲߫ ߟߐ߲߫ ߠߊ߫ ߞߏ߫ ߊ߬ߟߎ߬ ߥߊߣߍ߲߫ ߕߘߍ߬ ߦߋ߫ ߕߌߢߍߟߌ߫ ߞߊ߲ ߠߋ߬ ߡߊ߬߸ ߊ߬ ߟߐ߲ ߊ߬ߟߎ߬ ߓߟߏ߫ ߞߏ߫ ߣߌ߫ ߡߐ߰ ߏ߬ ߟߎ߫ ߞߵߊ߬ߟߎ߬ ߕߍ߯ ߞߍ߫ ߊ߬ ߘߐ߫. ߊ߬ ߟߊߓߊ߲ ߠߋ߬ ߊ߬ߟߎ߬ ߓߍ߯ ߞߏߝߐ ߘߌ߫߸ ߏ߬ ߟߋ߬ ߞߍ߫ ߘߴߊ߬ߟߎ߬ ߞߐߛߊ߬ߦߌ߲߬ ߢߊ ߘߌ߫ ߞߣߊ߬ ߊ߬ߟߎ߫ ߘߍ߬ߢߐ߲߯ ߓߋ߬ߓߊ߰ߕߐ ߏ߬ ߞߊ߲ߡߊ߬߸ ߊ߬ߟߎ߫ ߛߎ߬ߘߎ߲߬ߧߊ ߏ߬ ߘߐ߫ ߌߞߘߐ߫߸ ߞߐߝߍ߫ ߡߐ߮ ߏ߬ ߞߊ߬ ߡߎ߯ ߝߏߙߏ߲ߕߴߏ߬ ߞߊ߲߬߸ ߞߵߏ߬ ߞߍ߫ ߏ߬ ߛߊ߬ߣߍ߲ ߘߌ߫߸ ߓߋ߬ ߞߍ߫ ߘߊ߫ ߡߐ߰ ߡߍ߲ ߞߊ߲߬ ߊ߬ߟߎ߬ ߓߟߏ߫߸ ߏ߬ ߓߟߏ߫ ߡߊߙߊ߲ ߞߎ߲ߞߙߎ߬ߓߊ ߟߋ߬ ߕߍ߰ ߘߊ߫ ߡߏ߬ߙߌ߬ߝߊ߬ ߞߌߛߍ ߟߊ߫ ߊ߬ߟߎ߬ ߓߟߏ߫߸ ߣߴߊ߬ ߕߐ߯ ߦߋ߫ ߊߡߊߘߎ߫ ߎ߯ߙߌ߬ ߖߊߟߏ߫ ߘߌ߫߸ ߊ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߂߆ ߢߐ߲߰ ߠߋ߬ ߘߐ߫߸ ߊ߬ ߦߋ߫ ߖߎ߬ߟߊ ߟߋ߬ ߘߌ߫ ߓߎ߬ߙߋ߫ ߓߎߞߊߙߌߦߊ߫، ߊ߬ ߞߏ߬ߣߌ߲ ߦߋ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫ ߕߋ߲߬. ߓߟߏ ߘߊ߲ߘߊ߫ ߞߏ ߢߊߢߌߣߌ߲ ߠߊ߫، ߞߊ߬ߕߎ߲߯߸ ߓߟߏ ߕߍ߱ ߕߴߊ߬ ߟߊ߫ ߘߋ߬߸ ߓߊ߬ߙߌ߫߸ ߊ߬ ߕߍ߰ ߢߊ ߘߏ߫ ߓߍ߫߸ ߣߴߏ߬ ߞߍ߫ ߘߊ߫߸ ߊ߬ ߘߌߣߊ߬ ߡߊ߲߬ߕߙߐ ߟߊߛߴߊ߬ ߡߊ߬ ߕߎ߬ߡߊ ߣߊ߬ߕߐ ߟߎ߬ ߘߐ߫߸ ߡߍ߲ ߓߍ߲߬ߕߐ߫ ߡߊߝߌ߲߬ߓߊ߰ߕߐ ߟߊ߫ ߞߏߢߊ ߡߊ߬߸ ߓߊߏ߬߸ ߊ߬ ߕߴߛߋ߫ ߟߊߕߍ߰ ߟߊ߫ ߝߟߐ߫ ߞߏ߫ ߓߋ߬ߒ߬ߞߊ߲߬ߠߌ߲߬ߠߊ ߟߴߊ߬ ߘߌ߫߸ ߊ߬ߟߋ ߛߎ߭ ߓߘߊ߫ ߟߊߕߊ߬ߡߌ߲߫ ߞߕߌߞߊ߲ߘߊ ߡߊ߬߸ ߊ߬ ߦߋ߫ ߝߊ߰ߡߊ ߟߎ߬ ߕߊ߫ ߓߟߏߡߊ߬ ߕߋ߲߬ ߝߟߐ߫߸ ߊ߬ ߟߊ߫ ߞߏ ߢߊߘߐߜߍ ߟߐ߲߫ ߞߊ߲ߡߊ߬، ߓߍ߯ ߞߏ߬ߣߌ߲ ߦߴߊ߬ ߖߊ߲߬ߕߏ߫ ߊ߬ ߖߘߍ߬ ߘߐ߫߸ ߞߊ߬ߕߎ߲߯߸ ߕߟߏ ߓߐ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߟߊ߫ ߞߎߡߊ ߞߘߐ߫ ߛߌ߯ߙߌ߲߫߸ ߏ߬ ߕߎ߲߬ ߓߘߊ߫ ߡߍ߲߫. ߛߌ߯ߙߌ߲߫ ߞߏ ߟߎ߬ ߘߏ߲߬ ߦߋ߫ ߘߊߡߌ߬ߣߊ߬ ߟߊ߫ ߘߏߣߍ߲ߘߏߣߍ߲߫ ߠߋ߬߸ ߓߊߏ߬߸ ߊ߬ߟߎ߬ ߓߊ߯ ߡߊ߬ߝߟߍ߬ߟߌ߫ ߞߋߟߋ߲߫ ߞߍ߫߸ ߣߴߏ߬ ߘߌߦߊ߫ ߘߴߊ߬ߟߎ߬ ߟߊ߫߸ ߊ߬ ߘߌ߫ ߘߝߊ߫ ߝߌ߬ߟߊ߬ ߣߌ߫ ߛߊ߬ߓߊ ߟߊ߫.