ߞߎ߲߬ߠߊ߬ߛߌ߮ ߓߍ߯
ߞߌ߬ߓߊ߬ߙߏߖߎ߬ߟߊ ߘߏ߫ ߟߋ߬ ߦߋ߫ ߜ߭ߙߊ߲߫ ߦߐߝ߸ ߏ߬ ߟߋ ߣߐ߬ ߊ߬ ߟߊ߫ ߘߏߝߙߍߕߍ ߘߌ߫ ߟߊ߫ ߛߊ߲߬ߠߌ߲߬ߠߊ ߘߏ߫ ߡߊ߬߸ ߏ߬ ߞߵߊ߬ ߟߊߓߣߐ߬ ߓߣߐ߬ߣߍ߲߫ ߛߍߝߊ ߁߅߈ ߀߀߀ ߠߊ߫، ߏ߬ ߕߍ߬ߘߴߊ߬ ߝߍ߬ ߞߵߊ߬ ߟߊ߫ ߛߊ߲߬ߠߌ߲߬ ߞߍߣߍ߲ ߠߎ߬ ߥߊߘߌ ߛߙߊ߬߸ ߡߍ߲ ߓߍ߲߬ߣߍ߲߫ ߕߘߍ߬ ߛߍߝߊ ߂߀߀ ߘߐߙߐ߲߫ ߡߊ߬.
ߕߋߟߋ߲ߓߊ߯ߦߊߗߍ߬ ߛߊ߲߬ ߄߁ ߘߏ߫ ߟߋ߬ ߡߌ߬ߣߊ߬ߣߍ߲߫ ߞߟߍ߬ߡߐ߮ ߟߎ߬ ߓߟߏ߫ ߊߦߙߋ߫ ߟߊߥߏ߫߸ ߞߵߊ߬ ߟߊߕߊ߯ ߛߍ߲ߟߎߥߌ߫ ߞߏߢߊߢߌߣߌ߲ߘߊ ߟߊ߫، ߞߊ߬ߕߎ߲߯߸ ߊ߬ߟߋ߫ ߣߐ߬ ߖߌ߬ߦߊ߬ߖߟߎ ߘߏ߫ ߟߋ߬ ߟߊߖߍ߲ߛߍ߲߫ ߠߊ߫߸ ߖߌ߬ߦߊ߬ߖߟߎ ߏ߬ ߘߐ߫߸ ߊ߬ ߦߋ߫ ߖߡߊ߬ߣߊ ߞߊ߲ߕߌ߮ ߟߋ߬ ߡߊߓߊ߰ߓߊ߰ ߟߊ߫ ߓߘߍߞߍ߭߸ ߊ߬ ߣߌ߫ ߞߕߌߞߊ߲ߘߊ ߣߌ߫ ߞߕߌߕߍ߯ߟߊ߸ ߞߏ߫ ߊ߬ ߘߌ߫ ߕߊ ߛߎ߫ ߏ߬ ߟߎ߬ ߟߊ߫ ߞߵߊ߬ߟߎ߫ ߖߋ߬ߣߌ߲߬، ߏ߬ ߟߋ ߞߏߢߊ ߣߐ߬ ߛߍ߲ߟߎߥߌ߫ ߞߕߌߘߊ ߕߙߐ߫ ߟߊ߫߸ ߝߏ߫ ߊ߬ߟߎ߫ ߖߍ߬ߘߍ ߞߵߊ߬ߟߎ߬ ߕߍ߯ ߞߍ߫ ߗߍ߭ ߣߌ߲߬ ߘߐ߫.
ߞߍߞߎߘߊߥߊ߯ ߘߎ߱ ߞߣߐ߫ ߜ߭ߊ߯ߣߊ߬߸ ߕߍ߮ ߞߍߣߍ߲߫ ߡߐ߰ߘߊ߬ߥߎ߲߬ߠߊ߬ߓߊ ߘߏ߫ ߟߋ߬ ߘߐ߫߸ ߞߏ߫ ߛ߭ߋ߬ߙߌߝ ߊߓߘߎߟߊߦߌ߬߸ ߛߊ߲߬ ߣߊ߯ߣߌ߲߫ ߞߘߐ߫߸ ߊ߬ ߞߊ߬ ߡߐ߰ ߁߅ ߟߋ߬ ߝߊ߰ ߞߵߊ߬ߟߎ߫ ߛߏ߬ߓߏ ߟߊ߫ ߜߙߊ ߟߊ߫ ߞߵߊ߬ ߘߊߥߎ߲߫، ߊߟߎ߫ ߦߋ߫ ߖߌ߬ߦߊ߬ߓߍ ߣߌ߲߬ ߛߐ߲߬ߞߌ߲߫ ߞߵߊ߬ߟߋ߬ ߟߌ߬ߤߟߊ ߞߊ߬ߙߊ߲߬ ߖߏߣߊ߫.
